Lako Mai, Mo Muri Au iTaviqaravi

Me vakalesui mai e dua na ka e kena ibalebale me biu vata tale. Wilika “Na Vakalesui Mai ni Taucoko ni Kosipeli i Jisu Karisito: E Dua na iVakaro Cecere ni Yabaki Ruanadrau ki Vuravura Raraba” ena Gospel Library mo vulici kina eso tale na ka me baleta na sala a vakalesui mai kina na Lotu. Qai qitotaka e dua na qito ni veivakalesui mai! Raica se droinitaka e dua na iyaloyalo ka kotiva kina tiki ni pepa ni vakatataro. Veivoli vata kei na dua na lewe ni matavuvale ka vakalesuya mai na nodrau iyaloyalo. Na cava e bibi kina me vakalesuya mai o Josefa Simici na kosipeli i Jisu Karisito?

E vosa vei keda na Tamada Vakalomalagi mai vei ira na Nona parofita (raica na Vunau kei na Veiyalayalati 1:38). E dodonu ga meda vakarorogo! Vakatovotovotaka na vakarorogo ena nomu qitotaka e dua na qito. E dua na tamata me vakatagitaka na ivakatagi, ka danisi kece tiko na tamata ni sa lako tiko na vakatagi. Ni mudu na ivakatagi, me tuvakadua na tamata kecega. O koya e qai iotioti ni tuvakadua me wasea e dua na vuna e lomani ira kina na parofita. Qito me yacova nira sa wasea kece e dua na ka na tamata kecega!

Erau rairai vei Josefa Simici na Kalou kei Jisu Karisito (raica na Josefa Simici—Ai Tukutuku 1:15–20 Eda vakatoka na ka oqo me iMatai ni Raivotu. Rai ki na tabana e 13 mo cakava ga na nomu iMatai ni Raivotu diorama, ka qai vakayagataka mo tukuna vua e dua tale na italanoa.

Nida vulica e levu tale na ka me baleti ira na tubuda, eda na vakila ni da voleka vei ira kei na Tamada Vakalomalagi (raica na Vunau kei na Veiyalayalati 2). Kerea e dua na lewe ni matavuvale me tukuna vei iko e dua na italanoa mai na nodra bula se mai na nona bula e dua na tubumu. Qai cakava tale na italanoa me vaka e dua na drama se droini!