Sa Tekivu na Veivakalesui Mai

Palmyra, Niu Ioka (1820): Eratou vakaitikotiko eke o Josefa Simici kei na nona matavuvale. Era a lako kece na lewe ni matavuvale nei Josefa ki na veimatalotu duidui, ka sega ni kila o Josefa na lotu me lewena. A wilika ena iVolatabu “Ia kevaka sa lailai na vuku vua e dua vei kemudou, me kerea vua na Kalou” (Jemesa 1:5

Na Veikau Tabu (vulaitubutubu ni 1820): A masu o Josefa Simici ka taroga vua na Kalou na lotu cava me lewena. Na Tamada Vakalomalagi kei Jisu Karisito e rairai vei koya. Erau tukuna vua ni sega ni dodonu me lewena e dua vei ira na lotu. Erau kacivi Josefa me veivuke ena kena vakalesui mai na kosipeli taucoko i Jisu Karisito ki vuravura.

Rumu nei Josefa (1823): A sikovi Josefa Simici na agilosi o Moronai. A tukuna vei Josefa na peleti koula ka tu kina na kosipeli taucoko i Jisu Karisito. Ni vosa o Moronai, a raica o Josefa e dua na raivotu me baleta na vanua e bulu kina na peleti.

Na Delana o Kumora (1827): A solia vei Josefa Simici na agilosi o Moronai na peleti koula ena Delana o Kumora. A ciqoma talega o Josefa na iyaya ni cakacaka digitaki ka a bulu vata kei na peleti. A vakarautaka na Kalou me vukei koya me vakadewataka na peleti. Na peleti vakadewataki sa yaco me iVola i Momani me rawa kina vei ira kece na luve ni Kalou me ra wilika na Nona vosa.