“Buokam ibukin Moan Mwanangam nakon te Tembora,” Te Rao, Nobembwa 2024, 38–39.
Buokam ibukin Moan Mwanangam nakon te Tembora
Inanon te tembora, ko kona ni bwabetito ao ni kamatoa ibukiia aomata ake a tia ni mate n aki ataa taekant e euangkerio. Koraki n aomata akanne a kona ni karekea aia tai ni karaoa te berita ae tabu ma te Atua ao ni karekea Ana kakabwaia, n aron are ko karaoia ngke ko bwabetitoaki ao ni kamatoaaki.
Tera ae Ko na Uotia
-
Kunnikai n taromauri (bwainna nakon te tembora)
-
Beeba ni kariaia nakon te tembora
-
Te koom ibukin te ira ao te kabaea n ira (ngkana e kainnanoaki)
-
Araia utu ake a koreaki n te FamilySearch app ke website (am rinerine)
Tera ae ko na karaoia
1. Rin n te Tembora
Kaota am rekomente man te tetike i moa. Ngkanne ko kona ni kawara te tabo ni bwabetito. Te tia mwakuri n te tembora e na anganiko te nangoa ni kowaerake ae mainaina, titaokin, ao te kunnikai ni bwabetito.
2. Bitakin Am Kunnikai
Inanon te ruu n onoono, oneiko n kunnikai ake ko anganaki. Katukui am bwai inanon te raoka ae akea kanoana. Ngkanne rokana am raoka ao kanimwa am kiing ma oneam ni bwabetito. Ngkana e mwarairai iram, kabaea nako buuki. Kawakin araia am utu iroum ake a tia ni koreaki .
3. Tataninga n Rau
Ngkana ko tataninga ibukin am tai ni bwabetito, ko kona ni wareware koroboki aika tabu, tataro, ke iangoia raoi inanom. Ko kona naba n iangoiia aomata ake ko nang bwabetito ibukiia.
4. Irii n te Bwabetito n te Tembora
Ngkana e a roko am tai, aanga araia am utu nakon te aomata are n te tetike. Ngkana akea am ara, a na konaa n onomwi n anga aara man te tembora. Ruuo raoi inanon te tabo ni bwabetito, teuare iai irouna te nakanibonga e na bwabetitoiko ibukiia aomata n tatabemaniia nako. Uringnga ni kabaouai bubuan waem ao bonota bwairim ngkana e a karuoko inanon te ran.
5. Manga Oneiko nakon Am Kunnikai
Imwiina ngkana ko a tia, temanna e na anganiko te taara. Oki inanon te ruu n onoono, ko kona n tiaawa n ae raba, oneiko nakon am kunnikai ae mau, ao ni karaoa raoi iram. Kakoaua raoi bwa kokatukui kunnikai ake a mwaimwai inanon te bin ao katuka kiingin am raoka inanon te raoka.
6. Ira Waakin te Kamatoa
Kabaneana, temanna e na kairiko nakon te ruu ike ko na kamatoaaki ibukiia koraki ake a tia ni bwabetitoaaki.
Tabeua tembora a na kona ni karaoa te bwai ae kaokoro teutana. Ma e aki taraaki anne, ikanne bon iai aomata ake a na buokiko ni katoaa mwanekan kawaim. Uringnga, te tembora bon umwan te Atua, ao E bon kukurei iroum ngkana ko roko ikanne!
Kamataatan te korotamnei iroun Mark Robison