Rongorongo man te Maungatabu

I tangiria n ongo mairouia abotoro ao ara burabeti, Beretitenti Russell M. Nelson, n taetae n te maungatabu. I tangiria ngkai iai te burabeti ae ai 100 ana ririki!

Luciano F., ana ririki 6, Magallanes, Chile

Au beretitenti n te mwaanga e karaoa te iteraniba n titiraki-ao-kaekaaia ibukiia ataein te Moanrinan. E buokai n ongora nakon taian marooro n te maungatabu. E bon rangi ni kaunga!

Yen-Ting C., ana ririki 10, Changhua County, Taiwan

Te maungatabu ni kabuta bon te tai ae tamaroa ni kakaei ao ni karekea oin ara kaotioti.

Janice K., ana ririki 12, Goa, India

N anene n tain te maungatabu ni kabuta e anganai te namakin ae kakukurei, riki ngke I anenea taekan Iesu Kristo ao Tamara are i Karawa.

Annelise G., ana ririki 10, Utah, USA

Bubua ataei mai Utah, USA, a anene n te tetere ni bwakantaain te Kaonobong. Teniua anene ake a anenei bon man te boki n anene ae boou Anene n Taromauri—Ibukin te Mweenga ao te Taromauri.

A kateaki ngkai tembora ni kabuta te aonaaba! Iraua mwaitin tembora ae e katanoatai Beretitenti Nelson n te maungatabu aio?

• 8 i Amerika Meang

• + 1 n te Caribbean

• + 1 i Amerika Nuuka

• + 2 i Amerika Maiaki

• + 2 i Eurobe

• + 3 i Aberika

• = ___ tembora

• 190 aika a mwakuri

• 116 aika a katanoataaki

• 50 aika a kateaki

• 7 aika a onobwaiaki

Ngke e moanaki te maungatabu n 194 te ririki n nako, bon ti te kurubu n aomata ae uarereke ae a kona n ongo iroun te burabeti n te tai anne.

100 te ririki n nako, a kona n ongora nakon te maungatabu iaon te rerio.

75 te ririki n nako, a kona ni matakuakinna i aon te TV.

25 te ririki n nako, a kona ni mataku ke n ongora iai i aonrain.

N te bong aei, aomata a kona ni mataku ke n ongora nakon te maungatabu ni kabuta n taabo nako n te aonaaba!