Te Maungatabu ae Onoti

“Aminah, anne au bwai!” E takarua Indira. E kuriia te taoree mai iroun tarina ae uarereke.

“Ataeinnaine, N nang mwananga,” e taku tinaia. “Taiaoka karaoa ae raoiroi ibukin Tamami.”

E tararake Indira. Kona nakea?”

“Nakon te mwakete. N na kabooi amwarake ni kuukana te bwai teuana ae onoti ningabong.” Tinaia e kaboo.

Te amwarake ae onoti? Ma bukin tera? E nako Indira ni kakaea Tamaia. “Bukin tera te ingabong e onoti?” e titiraki.

E wingare tamana. “Nningabong ao ti na matakuakina te maungatabu ni kabuta! “E onoti ibukina e na reke ara tai n ongora iroun te burabeti n taetae ao tabeman taan kairiiri n te Ekaretia. A na tuangiira bwa tera ae e tangiria Tamara are i Karawa bwa ti na ongo.“

Ngke e roko Tinara n te auti, e katikui taian amwarake. Tamara e taea te burooa.

“Indira, ko kona ni buoka Aminah ni katauraoa ana kunikai ibukin te ingabong?” E titiraki Tinana.

E mata bubuaka Indira. “Bukin tera ngkai N na buokia?”

“Taiaoka karaoa te bwai ae I tuangko,” e taku Tinana.

E bwangurengure Indira. E baebaai waena ao e nako ni buoka Aminah.

N te ingabong are imwiina, e uti Indira ma te boi kangkang ae e arokia. E teirake mai aon ana kainiwene ao e biri nakon te tabo ni kuuka. Tinau e karaoa te iriko rendang ao satay ibukin kanakina n te tawanou! E na rangi kangkang kanakina.

E waekoa ni waaki te maungatabu ni kabuta. E tekateka ma ana utu Indira ni mataku n te TV. E ongora nakon te kuaea ngke anene. E ongo aia marooro aomata n taekan taian tembora ao koroboki aika tabu ao Iesu Kristo.

Te kabanea n tia taetae bon te burabeti ae Beretitenti Russell M. Nelson. E marooro iaona bwa e kanga te Ekaretia ni buokiia aomata ni katobibia te aonaaba.

“Ara kimwareirei ae korakora e roko ngkana ti buokiia tarira ma mwanera, e taku.

E iangoa taekan anne Indira. Te ibuobuoki e karika kukureina? E teimatoa n ongora. E taku Beretitenti Nelson bwa maiuakinan te kauoua n tua e kona ni buokiira n riki n ai aron Iesu Kristo.

Ngke e a bwara, a bane ni katawanou n ana kuuka tinaia. E tabe n iangoa ana marooro te burabeti.

“Tera te kauoua tua ae korakora?” e taku.

“Tangiriia kain rarikim n aron tangiram i bon iroum,” e taku Tamana.

E iangoi taekaia aomata are a buokaki man te Ekaretia ni katobibia te aonaaba. “N na kanga n ibuobuoki ngkana kaain rarikiu a maeka n raroa?”

“Kaain rarikim bon aomata ake a mena irarikim,” e taku Tinana. “N aroia kaain am utu.”

E taraa aontano Indira. Neiei e bon aki raoiroi nakoia ana utu n taai tabetai.

Ma tao buokakiia e na konaa ni kakukureia, n aron are e taku Beretitenti Nelson. Bon teuana te kawai ae e kona n ira Iesu. E tangiria ni kan kataia!

Ibukin bwaninin te wiiki, Indira e kataia e kataia ni karakaa tamaroana nakoia ana utu. E takakaro ma Amirah. E tibwauai ana taoree. E karaoi bwaai ake e tuangaki iroun Tamana ma Tinana n aki ngurengure. Ngke e buokiia ana utu Indira, a rang ni kukurei. Ao anne are e karika naba kukureina.

E bon koaua te burabeti. Buokaia tabeman e uota kimwareireina!

Kamataata n te Tamnei iroun Judi Abbot