Nakomai, Iriirai Waaki ni Kakukurei

Ibukin Moomon 1–6

Moomon e tangiriia Nibwaite (taraa Moomon 3:12). Tamara are i Karawa ao Iesu Kristo a tia n tuangiira bwa ti na tangiriia tabeman naba. Teei inanon te mronron ao kamatui matami. Wareware nakon tenua, ngkanne kaukii matamii ao taraa temanna. Ngkana ko kaai ni itaramata ma ngaiia, taekina te bwai teuana ae ko tangiria ibukiia n tatabeman ao otinako man te kamronron. Reitia nako ni karokoa tii temanna te aomata n tiku! Ngkanne ni kabane a na taekina te bwai teuana ae a tangiria ibukin taekan te aomata anne.

Ibukin Moomon 7–9

Ngkai ti irira Iesu Kristo, Tamara are i Karawa e kona ni kakabwaiara ma taian kakai. Wareka Moomon 8:24 ao korea tamnein teuana te kakai are e kabwarabwaraki inanon te kibu. Ngkai ko korotamnei, marooro iaon taekana bwa tera taian kakai are Tamara are i Karawa e a tia ni karaoia ibukiia am utu.

Ibukin Ita 1–5

Tarin Iareta e butiia te Uea bwa e na riing atiibu bwa aonga n anga te oota inanon taian bwaati.(taraa Ita 3). Rikoi atiibu mai itinaniku ke korei beeba ni kamronroni. Iaon am atiibu ke beeba, korei, korea tamneia, ke karanii bwaai ake ko konaa ni karaoia ni uota te oota ao te tangira nakoia tabeman.

Ibukin Ita 6–11

Ngke a borau inanon marawa, tarin Iareta ao aia utu a anene n nebonebo nakon te Uea ni kaitau Nakoina ibukin buokakiia. (taraa Ita 6:9). Ko kona n anene ni kakaitau nakon te Uea naba! Kakaea te anene man ae mamaten nanom man Boki n Anene Ataei ke Church website ao anene ni ikotaki. Ko na kanga ni kaotia riki nakon Tamara are i Karawa ae ko bon kakaitau?