Tataro ibukin Alejandro

Gerardo e buti iaon ana tikeite-roora nakon moan mataroan ana auti. Ana kaa Mama e tei ni nneia kaa rin. Nanona bwa e a tia n oki ma tarina are e ikawai, Alejandro, mairoun te taokita. E butii ana tikeite-roora Gerard ao e biri n rinnako.

“Gerardo?” E wewete Mama. “Ti mena ikai!”

E nakonako Gerardo inanon te ruu ni utu. Alejandro e wene iaon te kaauti. E tekateka Mama irarikina. E taraa n raraoma.

E raraoma Gerardo naba. N te wiiki ae nako, a kunea bwa e kaentia Alejandro. E bon rangi ni mamaara.

Ma Alejandro e tekateka ao ni moangare ngke e rinnako Gerard . “Mauri! E nakoraoi kanoan am bong?”

“Eng, ma a kanga taokita?” E titiraki Gerardo.

“E taku bwa N na korokoro,” e taku Alejandro.

E katoutoua atuna Mamá. “Ma taokita aika raoiroi ake a na buokia a mena n aia on aoraki ataei. Ngkai Alejandro ai 14 ana ririki, e a rangi n ikawai n tararuaaki ikekei. Ti na bon kakaenako n taabo riki tabeua.”

E a rangi n tiki biroton Gerardo. Ngkana a aki kona ni karekea te buoka ibukin Alejandro, tera ae e nang riki? E na rangi ni kakaiaki kaentian Alejandro?

E nako n ana ruu Gerardo. E riai n iango.

N te Moanrinan, Gerard e reiakinna bwa Tamara are i Karawa n taainako e ongo irouna. E ataia Gerardo bwa n taainako e konaa ni bubuti ibukin te ibuobuoki.

Ngaia are e katorobubua irarikin ana kai ni wene ao e botii baina. “Tamara are i Karawa ae ko tangiraki, taiaoka buoka Alejandro,” e tataro. “Taiaoka buokiira bwa ti na kona ni kunea te taokita are e konaa ni karaoa te korokoro.”

Ni waekoa Mama e weteia ibukin te katairiki. E a tia ni karaoa te pupusas, matennanon Gerardo. E kabubura tenaakin, te tortilla ae kanoaaki ma te tiiti ao biin ae umunaki. Ma e teimatoa n namakina te raraoma ibukin tarina.

Alejandro e kana teutana ana pupusa. E mata n uun moamoana ao ni mwaing ni karaurau.

E bon namakinna naba anne Mama. “E aera ti aki mataku n ana witeo te Ekaretia?” e titiraki. A rangi ni kan mamatakuakina tamnein Iesu Kristo ngkana a namakina te rawawata.

“E TAMAROA.” E kaitiaki bwain amwarake Gerardo ngke Mama e tabe ni katauraoa te witeo. Imwiina e tekateka n tataninga.

N te witeo, Iesu Kristo e tataro inanon te on aroka irarikin te aroka. E ataa te karaki aei Gerardo. Bon aei ngke Iesu e korakai imwain ae E mate iaon te kaibangaki.

Ngke e moti te tamnei, Gerardo e namakina te aki ngoongo ao te rau. Ma iai ana titiraki. “Bukin tera Iesu e karekea te kammarakaki ae korakora?” e titiraki.

Mama e taua ao ni kaaniia ma Alejandro. E rineia n namakina te maraki Iesu ibukian bwa E tangiriira. E namaki ni kabane maraki ake ti rinanoi.”

Gerardo e taraa Alejandro. “E ataia Iesu bwa aekakira aron te namakin n aron reken te kaentia?”

“Eng, E ataia,” e taku Mama. E ataa aron kangangana. Ao ibukina E ataa aron te namakin iai, E ataia bwa e na kanga ni buoakiira.”

E namakina te abuee inanona Gerardo, ai aron e barotaki n te burangketi aei bubura. Tamara are i Karawa ao Iesu Kristo a ataia ao a tangiriia ana utu. A ataia bwa a na kanga ni buoka Alejandro.

Ngke e okira mweengara Gerardo man te reirei n te bong are imwina, e noora Mama ni baronga kanoan ana baeki.

“Te rongorongo ae kakukurei!” e taku neienne. “I mamarooro ma te taokita ae e mena n aia onaoraki ataei. A na bon karekea buokan Alejandro. E na korokoro nakon te ingabong.”

E rabwata Mama. Tamara are i Karawa e bon buokiira! Ti kona n tataro ao ni Karabwa”

“Te iango ae tamaroa,” e taku Mama. “Ti na kaira Alejandro.”

Ngke a tataro n ikotaki, Gerardo e namakina te rau. Tamara are i Karawa e ongo ana tataro! Ngkai e nang karekea te korokoro Alejandro are e kainnanoia. Gerardo e ataia bwa Iesu Kristo e mataata n te bwai are a rinanona. Ao n taainako E na buokiia n rinanon katakiia.

Kamataata n te Tamnei iroun Ricardo Guerrero