Baika a na Taraaki n te Maungatabu

Utuao ao Berita aika Tabu

Beretitenti Oaks e taetae iaon te ataeinimwaane ao tamana aika a kakibaa te utuao. E tua te ataeinimwaane ngkana a kona ni korea robun te utuao bwa e aonga ni kibarake riki. E kabwarabwara te karo bwa korean te roobu e na karika bwakan te utuao. Te roobu bon aiaron berita aika tabu ake a reitiira nakon Tamara are i Karawa ao Iesu Kristo. Kawakinan ara berita aika tabu a buokiira ni kaniira nakoia.

E reireinai aio:

Wintoo Kiraati aika Karanaki

Unimwaane Uchtdorf e bwabetitoaki 75 te ririki n nako! E moanaki ana koaua ngke te teinimwaane i Tiaman. E kona n uringa te namakin ae tabu are e reke irouna n taraan wintoo aika a karanaki n tamnein Iesu Kristo inanon aia umantabu. E kaota koauana te Tamnei nakon ana iango ao nanona bwa Iesu Kristo bon te Tia Kamaiu nakon te aonaaba.

E reireinai aio:

Kabanea Am Tai iaon Iesu

Unimwaane Egbo e taekina aroia tiim ni butibooro mai Nigeria aika mwaane n tain te Takakaro n te Olympic n 1996. E aki tau te mwane ke te tabo ni kataneiai ae tamaroa ibukiia. Ma a ti kabotoa aia iango iaon aia kouru, n aki tabe ma kangaanga tabeua, ao a moanna n reke aia koora! Ngkana ti katinanikui katabetaben te aonaaba ao ni kabotoa ara taratara iaon Iesu Kristo, e na reke naba iroura te tokanikai.

E reireinai aio:

Kanakoan taian Titiraki

Titita Browning e taku bwa ngkoa n 1992, taan rabakau a taekinna bwa Pluto bon te kabanea ni buraneti n ara karinan n aonaaba i eta. Ma e reitinako aia kukune ao a titiraki taan rabakau. Ngkai ti ataia bwa e bati bwaai aika ti na kunei n riaon riki Pluto! Ngkana iai ara titiraki, ti kona n tan nakon Tamara ae i Karawa. Titiraki aika a nako man te nano iaon te euangkerio a kona ni buokiira n reiakinaki ao n rikirake.

E reireinai aio: