“iVakasala ni Matai ni Nomu iLakolako ki na Valetabu,” Friend, Noveba 2024, 38–39.
iVakasala ni Matai ni Nomu iLakolako ki na Valetabu
Ena valetabu o rawa ni papitaiso ka vakataudeitaki ena vukudra na tamata sa mate ka sega vei ira na kosipeli. Ena tiko vei ira na tamata oya na madigi me ra caka veiyalayalati kei na Kalou ka ciqoma na Nona veivakalougatataki, me vaka ga o cakava ena gauna o a papitaiso ka vakadeitaki kina.
Ka mo Kauta Tiko
-
iSulu ni Lotu (daramaka kina valetabu)
-
iVolatara ni valetabu
-
Barasi ni ulu kei na ivesu ni ulumu (ke gadrevi)
-
Yaca ni matavuvale tabaki mai na icurucuru se mataveilawa ni FamilySearch (vakatau)
Ka me caka
1. Curu kina Valetabu
Vakaraitaka na nomu ivolatara ena desi e liu. Sa na qai rawa ni o lako kina vanua ni papitaiso. Ena solia vei iko e dua na daucakacaka ena valetabu na suluiloma vulavula, sitokini, kei na isulu ni papitaiso.
2. Veisautaka na Nomu Isulu
Ena rumu ni vakaisulu, veisau kina isulu a soli vei iko. Biuta na nomu iyaya ena dua na loka lala. Qai lokataka na nomu loka ka vakabira na ki ena nomu isulu ni papitaiso. Kevaka e balavu na ulumu, vesuka i muri. Me tiko vata kei iko na yaca ni matavuvale tabaki.
3. Wawa ena Vakarokoroko
Nio waraka tiko na gauna mo papitaiso kina, sa rawa mo wili volanikalou, masu, se vakasama vakabibi. O rawa talega ni vakasamataki ira na tamata ona papitaisotaki ena vukudra.
4. Vakaitavi ena Papitaiso ena Valetabu
Ni sa nomu gauna, solia na yaca ni nomu matavuvale kivua e tiko ena desi. Ke sega ni tiko vei iko na yaca eso, era na vakayagataka ga na yaca ni valetabu. Kalawa vakamatau kina tobu, ena papitaisotaki iko kina e dua na lewe ni matabete me baleta na tamata yadua. Nanuma mo lokia na durumu ka boboka na ucumu ni sa tabadromuci iko tu ki wai.
5. Veisau Lesu ki na Nomu iSulu
Ni sa oti, e dua ena solia vei iko na tawelu. Lesu kina rumu ni vakaisulu, sa rawa mo sili vakataki iko, vakaisulu mamaca, ka cakava na ulumu. Raica mo biuta na nomu isulu suasua ena vokete ka cobara na nomu ki ena loka.
6. Vakaitavi ena Veivakadeitaki
iOtioti, ena kauti iko e dua kina dua na rumu mo na vakadeitaki kina me baleti ira na sa papitaisotaki.
Eso na valetabu ena rairai duidui vakalailai na kena icakacaka. Ia se cava ga, era na tiko na tamata me ra vukei iko ena veikalawa kece sara. Nanuma, na valetabu sa vale ni Turaga, ka sa marautaka o Koya na nomu tiko e kea!
Droini mai vei Mark Robison