Lako Mai, Mo Muri Au iTaviqaravi

Baleta na Momani 1–6

Sa lomani ira na Nifai o Momani (raica na Momani 3:12). Sa kerei keda na Tamada Vakalomalagi kei Jisu Karisito meda lomani ira talega na tani. Duri ena dua na iwirini ka bobo tu. Wili vakatolu, qai dolava na matamu ka raica e dua. Kevaka e sota na matamudrau, tukuna e dua na ka o dau taleitaka baleti koya ka kalawa tani mai na iwirini. Toso tikoga me yacova ni sa vo e dua na tamata! Mera qai tukuna taucoko e dua na ka era taleitaka me baleta na tamata o ya.

Baleta na Momani 7–9

Ni da muri Jisu Karisito, sa rawa ni vakalougatataki keda na Tamada Vakalomalagi ena cakamana.eso. Wilika na Momani 8:24 ka droinitaka e dua na cakamana e vakamacalataki ena tikina oqo. Nio droini tu, veivosakitaka na cakamana eso sa vakayacora na Tamada Vakalomalagi kina nomu matavuvale.

Baleta na Ica 1–5

A kerea na taci Jereti vua na Turaga me tara na vatu eso me rawa ni rarama kina na nona waqa (raica na Ica 3). Tomi vatu mai tautuba se kotiva vakamomoqili na tiki ni pepa eso. Ena nomu vatu se pepa, vola, droinitaka, se boroya na veika o rawa ni cakava mo vu ni rarama kei na loloma kina vei ira na tani.

Baleta na Ica 6–11

Nira takosova tu na wasawasa, a lagata na taci Jereti kei na nona matavuvale na vakacaucau kivua na Turaga me vakavinavinakataka na Nona vukei ira (raica na Ica 6:9). O rawa talega ni lagasere mo vakavinavinakataka na Turaga! Digitaka e dua na sere taleitaki mai na iVolanisere ni Gonelalai se mataveilawa ni Lotu ka lagata vata. Na sala cava tale o rawa ni vakaraitaka kina vua na Tamada Vakalomalagi na nomu vakavinavinaka?