iVolanikalou ni Sigavou i Maja

A dabe toka o Maja ena ikabakaba ni nona vale ka tabea tu na babana ena ligana. A cila vinaka tu na siga, ka curu basikata na veivunikau balavu na rarama katakata. Na cagi e vaka na iboi ni drau ni paini vou.

A lako mai tuba o Mami ka dabe tikivi Maja. “Na cava o vakasamataka tiko?”

“Sa dodonu meu wasea na noqu ivolanikalou taleitaki ena Lalai,” a kaya o Maja. “Ia e sega tu na noqu ka taleitaki. Kau sega ni kila o koya meu digia.”

A deguvacu o Mami. “E dredre na digitaki ni dua na ivolanikalou taleitaki.” A raica tu o koya na veivunikau, qai tucake. “E dua na noqu vakasama.”

A lesu tale ki loma o Mami. Ni lesu mai, a taura tu na nona ivolanikalou. “Daru tekivu mada ena dua na italanoa. Na cava na nomu italanoa taleitaki ena ivolanikalou?”

Sa vakasamataka o Maja. “Au taleitaka na veisiko i Jisu vei ira na Nifai.”

A cega o Mami na veidraunipepa ni Vola i Momani. “Na italanoa qori e tekivu ena ika 3 ni Nifai.” A dusia o koya na draunipepa. “Daru veivukevuke ni wilika ka digitaka na veitikina daru taleitaka.”

A deguvacu o Maja ka vakarorogo ni wiliwili o Mami. A wilika o koya baleta na nona a kacivi ira na tisaipeli o Jisu Karisito. A wilika o koya baleti ira na dautataro kei na masu.

Sa qai nona gauna o Maja. Ni sa vakacavara e dua na tikina, a cegu vakalailai. A vakila o koya ni vaka me serau tu na siga me vakatawana na lomana.

A rai cake vei Mami. “Au taleitaka ya.”

“O au talega.” “Na cava o taleitaka kina?” A taroga o Mami.

A kure o Maja ni sa matadredredre tu. “Esa baleti Jisu Ka sa vakavuna vei au na yalomarau.”

A matadredredre lesu o Mami. “Sa sala vinaka oqori mo kila kina nomu raica e dua na ivolanikalou taleitaki. O vinakata beka mo wasea oqori ena Lalai?”

A deguvacu ena marau o Maja. “O na vukei au li meu vulica?”

“Vakaidina!” A kaya o Mami.

A vakatovotovotaka o Mami kei Maja e dua na vosa vagauna. Ni rau cakacaka tiko, era tagi na manumanu vuka ena veivunikau, me vaka era vuli tale tikoga.

Ena macawa taucoko, a vakatovotovotaka tikoga o Maja na nona ivolanikalou vou taleitaki. Ena mataka ni Sigatabu, a via taqaya vakalailai o koya. A vakatovotovotaka toka o koya na cavuti ni nona ivolanikalou ena ilakolako balavu ki lotu.

Era vica wale toka ga na gone ena Lalai i Maja. Ia ni curu yani ki na rumu ni kalasi, sa vaka me ra veivukayaki voli tu e ketena na bebe.

Ni sa gauna ni nona veiwasei, a tucake o Maja ka vakatabuicegu. “Raica, koi Au na lawa, kei na rarama,” a kaya o koya. “Mo ni muri au, ka vosota me yacova na ivakataotioti, mo ni na bula kina; ia ko koya sa vosota me yacova na ivakataotioti, au na solia vua na bula tawamudu.”

Ni sa vosa oti o Maja, a dabe sobu ka matadredredre. Sa rawata o koya! Sa takali na bebe ni taqaya, ka sa vakilai tale na raragi ni matanisiga. Sa kila o koya ni na vakalomavinakataki koya na nona ivolanikalou taleitaki ena gauna ga e gadreva kina.

Droini mai vei Chloe Dominique