Noqu iVolanidroini ni Valetabu

Bula!

Na yacaqu o Brayden, ka‘u vakaitikotiko e Utah, Amerika.

Au na tukuna vei kemuni e dua na takete au a cakava niu se qai yabaki 10.

A tekivu taucoko ena dua na ilakolako meu sikovi rau na tubuqu. E tiko na ivola ni valetabu vei rau na tubuqu ena nodrau rumu ni gade, kau dau taleitaka na sarava na iyaloyalo. Au sa nanuma niu vinakata meu cakava ga na noqu ivola ni valetabu. Au a cakava e dua na takete balavu meu droinitaka na valetabu taucoko.

Au sa nanuma meu droinitaka na matai ni noqu valetabu. Au taura e dua na penikau, raica e dua na yaloyalo ena initaneti, ka droinitaka na Valetabu e St George, Utah. Au qai droinitaka na Valetabu e Logan Utah kei na Valetabu e Manti Utah. A vakatura o tinaqu meu vakayagataka e dua na ivola ni droini levu me baleta na noqu valetabu. Ia, ni oti e dua veimama na yabaki, au sa tiko ena valetabu naba 81, na Valetabu e Reno Nevada. E se vo tiko vei au e 105 na valetabu!

Eso na gauna sa voleka meu sa soro koso ena valetabu au droinitaka tiko. Ni yaco oqo, au dau taleitaka meu masu ka kerea vua na Tamada Vakalomalagi me vukei au ena veitikina dredre.

Na ka e totoka kina na takete oqo oya na sala esa vukei iratou kina na taciqu gone e tolu me taleitaka vakalevu cake na valetabu. E droinitaka na taciqu lailai o Kade na valetabu e vinakata me sikova ena dua na siga, ka rau droinitaka na taciqu kadua na valetabu me baleti ira na qasenivuli kei na itokani.

Sa vukei au tale ga na noqu takete meu raica eso tale na ka au taleitaka. Au taleitaka na droini!. Au sa tekivu bulia na ivakatakarakara 3D ni valetabu ena vulaikatakata sa oti, kau nuitaka meu na dua na daudroini niu sa tubu cake.

Na takete oqo sa vukei au ni tiko volekata tu na Tamada Vakalomalagi kei Jisu. Niu droinitaka e dua na valetabu, au vakila na Yalotabu. Au kila ni ra sa vale ni Kalou na valetabu. Ena dua na gauna lekaleka sa oti, au a curuma kina na Valetabu e Payson Utah kei na so tale. Au vakila vakaukauwa sara na Yalotabu niu caka papitaiso ena valetabu.

Na gauna au raica kina e dua na valetabu, esa vakaukauwataki au cake ni digitaka na dodonu.

Droini mai vei Brayden B.