iVakamacala ni Koniferedi

Kaite kei na Veiyalayalati

Peresitedi Oaks a vosa me baleta e dua na gonetagane kei tamana ena vakavuka kaite. A kerea na gonetagane ke rawa ni rau musuka na wa me rawa ni vuka cake kina na kite. A vakamacalataka o tamana ni na musuki ni wa ena vakavuna me lutu na kite. Na wa esa vaka na veiyalayalati e semati keda kivua na Tamada Vakalomalagi kei Jisu Karisito. Na maroroi ni noda veiyalayalati sa vukei keda ni toro volekati rau.

Oqo sa vakatavulici au:

Na Katubaleka Iloilo Rokataki

Elder Uchtdorf a papitaiso ena 75 na yabaki sa oti! A tekivu na nona ivakadinadina ni se gonetagane e Jamani. Se nanuma rawa tikoga o koya na veika tabu a raica tu ena dua na katubaleka iloilo rokataki i Jisu Karisito ena nodratou valenilotu. A vakadinadinataka na Yalotabu ki na nona vakasama kei na lomana ni sa iVakabula kei vuravura o Jisu Karisito.

Oqo sa vakatavulici au:

Vakanamata tu vei Jisu

Elder Egbo a tukuna na timi ni veicaqe ni tagane ni Nigeria ena qito ni Olimipiki ni 1996. E sega ni levu tu na nodra ilavo se na veituberi vinaka duadua. Ia era vakanamata tu ena nodra takete, vorata na ka kece e veivagolei tani, ka rawata na koula! Ni da vorata na veivagolei tani ni vuravura ka vakanamata vei Jisu Karisito, eda na rawaka talega.

Oqo sa vakatavulici au:

Na Vakatataro

Sisita Browning a kaya ni yacova na 1992, era nanuma tu na sainitisi ni o Pluto esa bati ni noda ivakarau ni matanisiga. Ia era tomana tikoga na sainitisi na vuli ka vakatataro. Eda sa kila oqo ni levu sara na ka me dikevi ena taudaku i Pluto! Ni tiko na noda vakatataro, eda rawa ni gole vua na Tamada Vakalomalagi. Na vakatataro malua ni kosipeli sa rawa ni vukea na noda vuli ka tubu cake.

Oqo sa vakatavulici au: