Semati ena Veiyalayalati

Na veiyalayalati e semati keda kivua na Tamada Vakalomalagi kei Jisu Karisito. Ena maroroi ni noda veiyalayalati, sa rawa nida ciqoma na veivuke kei na kaukauwa vakalomalagi. A vakatavulica o Peresitedi Russell M. Nelson, “Ni daru sa cakava e dua na veiyalayalati kei na Kalou, sa vakavolekati sara na nodaru veiwekani kei Koya. … Ena vuku ni noda veiyalayalati kei [Koya], ena sega ni guce o Koya ni saga me vukei keda.”

Cakava e dua na senidodo ni sema me vakananumi iko ena nomu veiyalayalati ni papitaiso! Qai vakaliliga ena vanua o na raica tiko kina.

Kotiva e ono na tikinipepa rauta ni 1 na idi (2.5 na cm) na kena raba ka 8 na idi (20 na cm) na kena balavu.
Ena tikinipepa yadua, vola e dua na sala mo maroroya kina na nomu veiyalayalati ni papitaiso. (Na veika e ra e rawa ni veivuke.)
Taura na matai ni tikinipepa ka tepitaka vata na muana me dua na iwirini. Qai vakacuruma na tikinipepa e tarava ena iwirini ka tepitaka na muana. Vakuria tiko ga na isema me yacova ni sa rawa e dua na nomu senidodo!

Daunanumi Jisu Karisito tikoga
(raica na Vunau kei na Veiyalayalati 20:77, 79)
Qarava na Kalou ka muria na ivunau.
(raica na Mosaia 18:10 kei na Vunau kei na Veiyalayalati 20:77)
Vakadinadinataki Jisu Karisito ka dua na ivakaraitaki
(raica na Mosaia 18:9 kei na Vunau kei na Veiyalayalati 20:77, 79)
Vukei ira na tani.
(raica na Mosaia 18:8–9)