Kuneakin Tein Aron Au Utu ae Mairoun te Atua: Sandra Singer

E taku Beretitenti Dallin H. Oaks, “E rangi ni kakawaki irouia Aika Itiaki ni Boong aika Kaitira bwa a na aki kabuaa matataia n te kantaninga iaon te mare ao kakawakiia ataei. Aio bon kanoan taai aika a na roko are ti uaiakinna.”

Iai taai aika ti mwaing nako mai rarikiia ara utu, ao ti mena n te aba ae kaokoro. Ao maikanne are a nooria te utu bwa tera raoi nanon te utu. Ti reitaki i marenara, ma ti kunea bwa iai naba ara utu ae bubura n taabo ake ti maeka iai ibukina bwa iai membwa n ara uoote ke mwaanga ke titeiki ke te mwakoro ake titebo baika ti iangoi ao titebo ara onimaki. Membwa n te Ekaretia aio ni kabutaa te aonaaba.

Te mwaiti ae 900,000 aika a kaaina te Ekaretia aei inanon teniua te ririki n nako, a bae n namakina ae, “N na kanga ni karekea te aeka n utu are ti marooro iaona n Ana Ekaretia Iesu Kristo?” Ma I mena ikai bwa N na kaongoia ni kabane aine ni kabutaa te aonaaba, bon ibukin Iesu Kristo. Bon man bukina aio, Ana Ekaretia Iesu Kristo ibukiia Aika Itiaki ni Boong aika Kaitira—te berita ae tabu ake ti karaoi—bwa ngaira ni kabane iai ara kona ni karekeia ara utu. Tein te utu are ko kaantaningaia. Tein te utu are a uaia ni mwamwakuri, ibuobuoki imarenaia, n tangira imarenaia. I kakoauaa bwa e bon kona n reke aei, ae ti kona ni karekea te kimwareirei, te kimwareirei n te utu. I ataia bwa e koaua aio, ao e koaua naba ibukim.