Totokoan Kangaanga n te Namakin: Mitzi Semo

Ngke te kairake n tina ngai, ana ririki natira te mwaane bon teuana, I karekea te tareboon ngke I mwakuri man ana tabo ni mwakuri kaainnabau. Ao a taku, “E rangi ni kakaiaki ikoakin kaainnabam. Ti kainnanoiko bwa ko na nakon te onaoraki n te tai ae waekoa.” Ao I uringnga ngke I rinnako n te kaa ao ni kataia ni kamaiua ma I namakinna bwa I rangi n ruru. E bon rang ni korakora raraomau nakon are I iangoia. Ao I tekateka ikekei, ao I tangiria n ti tataro. Imwiina ao I namakina te rau ao te tangira ae korakora, ao I ataia ae a na bane n nakoraoi bwaai ni kabane. Ngaia are, ngke I roko n te onaoraki ao e tuangai te taokita, “Ti aki ataia ngkana e na kona ni marurung kainnabam.” I uringa au namakin ngke I mena inanon te kaa, ao tiaki n ae kanga e tuangai te Uea, “Tai raraoma, e na okira marurungina kainabam n arona are mai imwaina, ” ma I teimatoa n ataia ae N na bon nakoraoi ao ti na bon nakoraoi n aki tabeia bwa tera mwiina ae riki.

Ao ngke ngke I iangoia ae rotai te nanokawaki ae korakora, I iangoa te rau are e anganiko te Tia Kamaiu ao e buokiko n namakinna. N aki ataia bwa tera nwiina ae na reke ao bwa tera te kangaanga ae riki n te tai anne, ko ataia ae E mena ikekei ao E na buokiko ni bwaai ni kabane. Ao anne aron au namakin i nanon te bwai ae riki anne. Ao e bon aki bebete. Ti rinanon kangaanga aika bati i nanon te ririki, n te maiu n rabwata ao n tamnei, ma ti tokanikai iaon anne ao ti reiakina ae mwaiti mai iai.

N na kangai bwa tiaki ni kabane ngaira, riki, aika ti na karekei aekan taneiai akanne ni maiura. Ma I ataa anne ibukiu, n te tai anne, I kainnanoia n taraa te Uea ao ni karekea te reitaki ma Ngaia. Ao man karaoan anne, I namakinna ae I kona n rinanon te bwai aei. Ao ngkanne rikirake nanomatoau e kateaki i aon aan te euangkerio ao aan Iesu Kristo. Ngaia are, n te tai teuana n taai aika a na roko ngkana iai riki te bwai ae riki, I uringa te bwai anne.

Ao N na taekinna naba ae ni katoa Tabati ngkana I anaa te toa, ngke e taekinna bwa n na ururinga te Tia Kamaiu, I uringi taneiai ake I rinanona ma Ngaia. Ao anne are e karikirakea naba nanomatoau, bukina bwa e buokai te ururing anne n ataia bwa antai ngai ngkai natin te Atua ao iai bukina ngkai I mena ikai ao bwa I mena ikai bwa n na Buokia ni katea Abanueana. Ngaia ae, e na kanga aron ataakin raoiroin ke buakakan ara tai n taai aika a na roko, I tibwa ataia bwa N na riai n rairaki nakon te Tia Kamaiu n taainako. Ao iai au onimaki n te reitaki anne, ao anne are e roko mai iai nanomatoau.