Kunean te Korakora ao te Rau iroun Iesu Kristo: Hannah Miller

E roko tareboniakiu mairoun tariu bwa I riai n oki nakon mwengara bwa I aonga n kona n noora tamau imwain matena. A karaoa aia aki mamatam au utu n te bong anne ibukin te kakai, ao n te tai are e toki iai ara aki mamatam, ti kaboo ma tamara, ao e waekoa n motirawa. I nanon te tai anne, I kunea bwa te kakai are e reke nakoina bon te buoka man aorakina n rabwata ao ana kangaanga. Ao I iangoa aron te maraki are e roko nakon ara utu. Ma e waekoa ni karokoa te buoka nakoira te Uea. Angiina bon mairouia raoraora aika a tangiraki ake a anganira te karau nano ao raonakira inanon te tai ae kangaanga anne, ae kangaanga nakoira.

N au tai ni iangoa te bwai ae riki aei, I kamatebwai−I kamatebwaia te boki ae tabu ae Ana Boki Moomon. N ana taeka Moomon, ao n te kibu 17 ao 18, e taekina te Uea are Beniamina, are iai tibwangana ae rawawata bwa karekean te rau n te kaawa. Ao I tangira are taekinaki iai. E taku, "Te Uea ae Beniamina bon te aomata ae tabu, ao e tautaeka iaoia ana botanaomata n te raoiroi; ao a mwaiti aomata aika tabu iaon te aba." Ao e taku riki imwiina, "Man aia ibuobuoki aikai, e waaki te uea ae Beniamina, ma korakoran rabwatana ni kabane [ao] ana konabwai ni kabane tamneina, ao burabeti naba, a manga moan kaoka te rau nako aon te aba."

Ao I tabe ni iangoa te mwakoro n taeka aei "man aia ibuobuoki aikai" ao kangaanga inanon maiu n taainako are N na bon aki kona n akean aia ibuobuoki mwaane ao aine aika tabu ake a tekateka ikekei irarikiu, n tanginiwenei ma ngai, anganai te raunnano ngke ti tei bwa taan kakoaua iroun te Atua. N tabetai ao a taraa n akea uaan ara tataro. Taraan ae aki kaekaaki, ke tao n aki ongoraeaki iroun te Uea. Ma I tangiria n kaota au koaua bwa tataro akekei a bon ongoraeaki ao a kaekaaki n te aro ae te kabanea n angaraoi. Ibukina bwa e tabe te uea ibukimi, E tabeakina ami tataro, E tabe ibukin bwaai ake a katinebua ami iango ao nanomi, E tabe ibukin te bwai ae aki kamatuuko iai n te bong. Ao a na bane n roko kaeka akanne. A na bon roko.