Karekean Motikan Rawara iroun Iesu Kristo

Ti butimwaai ngkami, aine, nakon bukamaruan katean ao mwakurin te Bootaki n Aine.

E tei te korobanna ae rianako aio ae mairoun Michael Malm ibukiia aine ao mwaane, ataei ao kairake−man reeti, kurubu n aomata, ao taai−n rokon ara Tia Kamaiu, Iesu Kristo. Aio bon ana mwakuri te Bootaki n Aine: ni kakorakoraa te riki bwa ana reirei Iesu Kristo ao n katauraoi n te okirikaaki nakoia ara karo ake i karawa.

Ngkami bon tarira. Ao ngaira bon tarimi.

N moanakin te taromauri aei, a kaotaki nakoimi kaain te Kauntira n Ibuobuoki ni Kabuta man te Bootaki n Aine. A weteaki ao n katabuaki bwa a na anga te kairi ao te reirei ma ngaira ni kairakiia aine n te Bootaki n Aine. N ai aromi, bon aine ngaia aika a korakora aia onimaki−riki ngkai a kaitarai kangaanga nako n te maiu aei. N te ririki aei, kam karekea te kakorakoraaki mairouiia n te marooro n te witeo ae kaotinakoaki ma te kanakobwana aio.

E raka i aon waniua te mirion aine ni kabutaa te aonaaba aika a kaaina te Bootaki n Aine. Man katauraoan ao karekean te buoka, n te maiu n rabwata ao n tamnei, ti kaanira nakon Iesu Kristo ao n riki n ai Arona.

Ti tataro bwa e na mena iroumi te Tamnei n ami tai n ongora nakon ara rongorongo. Ti katauraoia ma ara iango iroumi. Ao imwiina ti na tauraoi n ongora mairoun Unimwaane Quentin L. Cook, man te Kooram n Abotoro n te Tengaun ma Uoman. Ti tangiri ngkami, aine i nanon ana euangkerio Iesu Kristo. Ngkami bon tarira.