Ti Bane ni Kakabwaiaaki man Kairakiia n aia Onimaki Aine

Titita aika tangiraki, I rang ni kukurei ngkai e kona n reke au tai n iri n aia Botaki Aine ae moan te kakaongora aei. I rang ni kakaitau ni bwaai ni kabane ake a tia n taekinaki. I tangiri rongorongo ake anga Beretitenti Camille N. Johnson, Titita J. Anette Dennis, ao Titita Kristin M. Yee.

I a tia ni kakabwaiaaki n reitaki ma aine aika onoti ni maiu, ao I rang ni kakaitauia ibukin aia kairoro nakoiu ae akea tokina. Au kakaitau e riaon au kona n reitaki. A tia ni kaota ae raoiroi inanon maiuia ni kabane ma a tia ni kaota te namakin ao te kakaitau n ana tangira te Atua inanon maiuia.

Kainabau, Mary, e a tia ni kamataata aei ao ni kataia ni maeka iaon “iteran te kaawa ae rau.”

I namakina te tibwanga ae kakawaki n taetae nakoimi aine aika kam nakoraoi. I tangiri ngkami ao I kukurei ibukin oin rikiami ao ami motinnano nakon te Uea ao Ana Ekaretia n te aonnaba ae kanganga aio

Aine aika kam tangiraki, taiaoka tai kamwinibaea mwaakan ao uaan ami konabwai, tangira, ao aromi n kairoro nakoia ake kam reitaki mangaia. Kam kakabwaiaia aika mwaiti ngkai kam kekeiaki n maiuiakini maeun Kristo.

N taai, inanon nanomi n kan irira Iesu kristo ao n karaoa ae raoiroi, ko kona n namakinna bwa e kangaa matoan am mwakuri ke te bwai ae ko karaoia, e bon aki tau. N tabetai n aki tabe ma te koaua ae a tia aomata ni kabane n namakinna ae “ko bon eti,” ko namakinna ae ko aki tau ao n aki nakoraoi. Ma te mwakuri ae tikiraoi ae ko karaoia, te akoi ao te tangira ae ko kaotia, bon kakabwaia aika raka aroia nakoia ake a reke aia tai n reitaki ma ngkoe, ao e bon tau!

Ti maeka n taai aika kamangaongao. Ti maeka n te aonaaba ae kamangaongao. Angiin kakaewenakoara bon inanon te maiu n tamnei. Bon kangaanga aika tabangaki aika ti aki kona ngaira ni katoki ma a katabeaiangaira. Anakin nanoia aomata bwa a na rinea te raoiroi bon te bwai te bwai ae tataneiai te aba iai. E a tia n Iai n tainako “kaitaraan bwai ni kabane.” Te kaoro ni boong aikai bwa te “kateitei ae moan te korakora ma ni bubura” taan kakewekewe a takarua, e korakora te kakauntaeka, ao e karako kan ongongoia nakon aia tai teuana inanon maiu.

Ni koauana, aeka ni kakaewenako aikai aki toki n ririki. Teuana te ririki imwain are e barongaaki Ana Ekaretia Iesu Kristo ni Boong aika Kaitira, te burabeti Iotebwa Timiti e raira ana Boki Moomon. Te Uea e kaotia nakon Iotebwa Timiti ao Oliver Cowdery te mwakoro ngkai {sp} 6 n Reirei ao Berita aika Tabu. Iai inanona reirei ibukin taai ni kangaanga.

Te Uea e kamwengaraoia, “Tai maaku, ngkami te nanai ae e uarereke; karaoa ae raoiroi; kariaia te aonaba ma moone ni ikotaki ni kaaitaraingkami, bwa ngkana ko kateitei i aon au bwaa, a aki kona n tokanikai.”14 E anga naba te reirei nakoia, “Tanimai nakoiu n ami iango n tainako; tai nanououa, tai maaku. … Bwaina te kakaonimaki, kawakin au tua, ao ko na abaaba n abanuean karawa. Amen.”

N iangoaia Aika Itiaki n taai ake rimoa, ti rang n rootaki n aia kangaanga aika kaitara ma ngaai ao te katooto ae anga ni kinakin ana tangira te Atua ao te ibuobuoki bon imarenaia.

Te kabotau ke te moan ni bwai ibukin rinanoan maiura ao ara motinnano nakon ana euangkerio Iesu Kristo bon te bwabetito.

Ibukira aika mwaiti, riki ti ibukiia aika tibwa rairaki ao aika rang ni uarereke, a karaoaki ara bwabetito n ririki aika mwaiti n nako. E taetae te burabeti Aramwa nakoira ngke e kangai, "Ao ngkai nooria, I taku nakoimi, …gkana kam a tia n rinanon te bitaki n nano, ao ngkana kam a tia n namakina te kan anenea kunan te tangira ni kabomwi, I kan titirakiningkami, kam kona n namakinna ngkai?”

E reitia Aramwa ma te rongorongo are e bon rang ni bongana nakon ara bong. E titirakiniia Aika Itiaki, “ngkana a weteaki bwa a na mate, a tauraoi ni kaitibo ma te Atua?” Aramwa ngkanne e kamatatai aua bwaai aika kakawaki bwa kam aonga n aki reke n te bure imatan te Atua.

Te moan, kam a tia n nanorinano n ae tau? Ni bon arona, aio bon te okirikaaki nakon bwaai aika kaInnanoaki ibukin te bwabetito, kananorinanoira ao ni karekea te nano ae uruaki ao tamnei aika raraoma.

Te Kauoua, e a tia n nako te kainikatonga mai iroumi? N taetae iaon te kainikatonga, e reirei Aramwa ni kaitaraa toubekaan Te Uare Tabu iaan waemi ao n onrake nanomi n te kainikatonga, ma ni katikui nanomi iaon bwain te aonaba ae akea bonganaia iaon kaubwaimi.

Te Kateniua, are we stripped of envy? Ibukia ake iai aia kakabwaia aika korakora ma aki namakina te kakaitau bukina bwa a ti kona n iangoi aia bwai tabeman aika iai irouia, te kairiribai e kona n rang ni kakamaaku. E a tia katein te maiu ni kairiribai n rikirake bwa e a tia te kaubwai n onea mwiin te onimaki ao utu bwa te bwai ae kakawaki ibukiia angiia aomata.

Te Kaua, ti kaenanaa ke ni kaburea tarim ke mwanem? N te aonaaba n te bong aei ti noori angiin te bwai aei inanon bootaki ni kareke rongorongo.

Iai te bwai ae kona ni kakawaki riki nakon kangaanga aika riki n ara bong nakon te rongorongo aei iaon te kainikatonga, kairiribai, ao te kabureaki?

Te kauntaeka ae korakora ni kabutaa angiin te aonaaba bon ibukin kangaanga aika ti rinanoi, ao kangaanga ni kaubwain te aba n te bong teuana ma teuana. Ma iai te kakarabakau ae e uarereke n taekan okiran aron ana koaua Kristo are e boboto iaon te katauraoi ni kaitibo ma te Atua, ao aron bairean tamneira. Ti kainnanoia ni kabotoi maiura ao ni karikirakea ara kamataata iaon bwaai aika a irekereke ma te maiu n tamnei.

I a tia ni kairaki n tainako mai ieta ngkana I a tia n rinanoi bwaai ake a irekereke ma katabuan te Nauvoo Tembora. E a tia n rang n anaaki nanou man aia onimaki aine. Te anua ni maiu ae korakora ae roko bon aia onimaki aine. Aia onimaki inanon ana euangkerio Iesu Kristo are kaokaki ao te Burabeti ni Kaokakin Bwaai, Iotebwa Timiti, e bon rang kakaongora.

A kaota aia onimaki aine aika a korakora nanoia aikai iaon kakawakin te entaunmente ae akea tokina ao te kabaebae n te tembora man aia anganano aika a tauraoi ni karaoi. A anga aia tai ao tera kaubwaia ae uarereke aika iai irouia. A karaoa naba te moan n mwakuri n te otenanti ae karaoaki n te Nauvoo tembora. Ngke a ibuobuoki ni katauraoia Aika Itiaki ni kitana Nauvoo, a mwaiti aine aika a katikui rekooti iaon aia ibuobuoki ma otenanti n te tembora n te bong anne ao ni kuka ao ni uati n te tairiki anne. E ngae n anne, a kamataata ae te onimaki ao te atatai are e katokaaki iaoia inanon te tembora e anganiia te konaa ni kimwareirei ngke a mwaing nakon te tabo ae aki ataia ao n nako rinanon taian rereua.

Iai tabeia aine aika rang kakawaki ibukin te mweenga ao ataei ngaia ae a tangira te kamanoaki ao te boutoka. Aia onimaki aine n anga nanoia ni kitana Nauvoo ibukin te bwai ae aki ataaki bon mai ieta.

Ana namakin Titita Bathsheba Smith’ ake e taui mwiia, ngke e katauraoi n nako, a bon rang ni kananokawaki. E a tia n rinanon mwakuri ni kamangao ni kataraia Aika Itiaki i Missouri ao e mena ikekei ni maten te Abotoro David W. Patten. Ngke e kaitara ma kitanakin Nauvoo, e koroia:

“Au kabanea ni mwakuri n te tabo ae kakawaki anne bon barongaan taian ruu, taean aontano, ao katukan te buruum n ana tabo ae e a tia ni katauaki irarikin te mataroa. Ngkanne ma nanokawaki inanou … , ao I karaurau ni kaina te mataroa ao ni kaitara ma aki ataakin te tai ae na roko, … kaitaraa ma te onimaki iroun te Atua ao man aki ataa raoi aron katean te euangkerio i Maeao ao ni koauana, reirei aika teimatoa, nakon ae I a tia n namakinna inanon reirei aika teimatoa, nakon ae I a tia n namakinna inanon taabo aikanne i Missouri.”

Titita Smith e koroi mwiin kainnano, aoraki, ao te kaokoroaki ae a kaitara ma ngaia Aika Itiaki ngke a karaoa kawaia nako maeao. N ni Maati 1847, e motirawa tinana, ao n te namwakaina are mwiina e bungiaki ana kauoman n nati ni mwaane, John. Ana rekooti iaon te bwai anne a bebe, “Ngaia bon au kabanea n nati, ao e maiu ti inanon aua te aoa.”

Imwiina ni maiuna, e riki bwa te meituron n te Salt Lake Tembora ao te kaaman ni beretitenti n te Bootaki n Aine ni Kabuta.

Ngkana iai ae na kabwarabwara aron aia mwakuri ara bwaeoniia n aine aika moan te kakawaki, e na kona n riki bwa aia onimaki ae matoatoa iroun te Uea Iesu Kesto.

I taku bwa ainen te Ekaretia n boong aikai a rang ni matoatoa ao n onimaki. Taraakina rinanon te taratara ae itiaki, te onimaki bon kaotan te tangira ao te kakaitau ibukin te Tia Kamaiu. Ibukin Ana angakarea ni kanaiu, akea te un ae e aki kona ni buokaki ao akea te bure ae aki kona ni katokaki. Ngkai ti kabanea ara iango n ara onimaki iroun Iesu Kristo ao n teimatoa iaon kawain te berita ti kona ni kakoroi nanon ara kouru aika akea tokiia.

Kangaanga n te aonaaba ni boong aikai a kainnanoa karikirakean te rairaki irouia n tatabemaniia ao kakorakorakin te onimaki iroun Tamara are i Karawa ao Iesu Kristo ao Ana Mwakuri ni Kawmaiu. Ana reirei te Ekaretia ao booki aika tabu bon te bwai ni kairi ae roko mai ikarawa ae na buokiko ni karaoi am babaire aika eti. Ana burabeti te Uea, Beretitenti Dallin H. Oaks, e katauraoa te kairi ae onoti ibukin ara bong. E a tia te Uea ni katauraoira, teutana imwiin teutana, ibukin taai aika kamamate aika ti na kaitara ma ngaai.

N aki tabe ma kataakira, ma mwaitin ana kairi te tamnei ae iai iroura n te bong aei, e na bon aki oti ara kakaitau ngkana ti aki kukurei n ara kakabwaia.

Kam rabwa ibukin oin rikiami ao te bwai ae kam karaoia. I kakoaua bwa Iesu Kristo bon te Tia Kamaiu ao te Tia Kabooi Maiura n te Aonaaba. E maiu ao e katauraoa te tangira ao te kairi ae ti kainnanoi n oki Nakoina. I kakoaua n aran Iesu Kristo, amen.