Kunean te Korakora ao te Kamaiuaki iroun Iesu Kristo: Dana Earl

N ririki aika nako, I moana korean rongorongon maiu, man are I a tia n namakina iai te Tamnei ke n tia n namakina aron te Tia Kamaiu i nanon maiu ke Ana buoka n te tai are I rangi ni kainnanoia Iai. Ao I moana korean karaki aikai ibukina bwa I tangiria n anga natiu nakoia. Ma te bwai ae riki ni karaoan aei bwa I a moana iai nooran bain te Atua i nanon maiu. I nooria rinanon korean bwaai ake I rinanona bwa e bon memena irarikiu te Atua, bwa I a tia n noora baina, n reken aika I rinanona aikai, ao bwa iai irou te kakoaua bwa E tabe ibukiu ao I ataia bwa E bon memena ikekei. Kanga I nooria n au iango bwa a riki bwa bwaai n tangira aika uarereke aikai ae I kona n katamneia bwa I karinna ni buau, bwa N na uouotia. Ma ngaia are ngkana e buakaka kanoan au bong ke au namwakaina, I kona n kaotinakoa te bwai are I rinanona ao ni kangai, "I ataia. Ibukina bwa e bon koaua te bwai ane I rinanona, ao I aki nanououa ibukina bwa I a tia n rinanona. Ao iai irou, ao bon au bwai."

Ao I taku, I ataia, I kakoaua bwa e tangiriira Tamara are i Karawa bwa ti na rinanon aikai ma Ngaia. I kakoaua bwa anne bukina ti karekei booki aika tabu−bwa ti aonga n rinanona ma Ngaia. Eng, te aomata ngai ae I kakatamnei bwaai, ao I uouota buuau ae uarereke ma bwaai ake I rinanona. Ao n tatabeua nako, I kona n kaotinakoa ngkana I kainnanoia. E buokai koreakiia bwa I aonga ni kona n ururingiia. Ao n te tai are I kainnanoia iai, a mena ikekei.

Ao bukina ngkai I tangiria n korei karaki aikai ao n kawakinii bwa bon ibukiu bwa kakoauaan are I a tia n rinanona ao ibukiia natiu ao kanoau ma bon au kakoaua naba nakon Tamara are i Karawa bwa I nooria, I nooria ao I a tia n ataia. I namakinna bwa tabeua mai iai kanga ai aron kaotan te tangira. Ae I namakinna, ao I ataia. Ao I tangiria n kaota anne. Ao I tangiria n reitaanako koreakiia bwa I aonga n kaotia bwa I nooria ke n namakinna.