Fakahisitōlia ʻo Ketilaní

ʻI Tīsema 1830, naʻe fekauʻi ai ʻe he ʻEikí ʻa e Kāingalotú ʻoku totonu ke nau “fakataha hifo ki ʻOhaiō” (Tokāteline mo e Ngaahi Fuakava 37:3). ʻI ha fakahā naʻe maʻu ʻi he māhino hokó, naʻe talaʻofa ai ʻa e ʻEikí, ʻe maʻu ʻe he Kāingalotú ʻi ʻOhaioó ʻEne fonó, fakakoloa ʻaki ha mālohi mei ʻolunga, pea mateuteu ke vahevahe ʻEne ongoongoleleí mo e ngaahi fonua kotoa pē (Tokāteline mo e Ngaahi Fuakava 38:32–33). Naʻe langa ʻe he Kāingalotú ʻi ʻOhaiō ha temipale—ko ha feituʻu ʻo e ako, moihū mo e maʻu fakahā. Naʻe maʻu ʻe Siosefa Sāmita ha ngaahi fakahā lahi ke tataki ʻa hono puleʻi ʻo e Siasi kuo fakafoki mai ʻo e Fakamoʻuí pea ke tataki e moʻui fakafoʻituitui ʻa e kāingalotu ʻo e Siasí.

ʻOku lava ke fai ha takimamata mo vakai ki he ngaahi fakaʻaliʻalí ʻi he taʻú kakato ke vahevahe ʻa e ngaahi aʻusia ʻo e kāingalotu ʻi he fuofua kamata ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻa ia ne nau fakatahataha ʻi Ketilani ʻi he 1830 tupú. ʻOku fakaafeʻi ʻa e kau ʻaʻahí ke nau ʻaʻahi ki he N.K. Whitney & Co. Falekoloá, ʻApi ʻo Niueli mo ʻElisapesi ʻAna Uitenií, langa foʻou ʻo e fale Efuʻi Malala ʻa N.K. Uitenií, meʻa fahi papa fakaʻaliʻali, ʻapiako, fale talifononga Sione Sionisoní, ʻApi ne toe fakaleleiʻi ʻo Siosefa mo ʻEma Sāmitá, mo e Temipale Ketilaní.

ʻI ha ngaahi taʻu lahi, naʻe tauhi mo tokongaʻi ʻe he siasi Community of Christ ʻa e Temipale Ketilaní. ʻI he ʻaho 5 ʻo Māʻasi 2024, naʻe liliu ai ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻa hono puleʻi mo tokangaʻi ʻo e feituʻu fakaʻofoʻofá ni.