ʻIloʻi e Ngaahi Feituʻu Fakahisitōlia ʻi ʻOhaioó
Ako lahi ange fekauʻaki mo e hisitōlia ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi ʻOhaioó.
Naʻe hoko ʻa e Feituʻu Fakahisitōlia ʻo Ketilaní ko e ʻuluʻi ʻōfisi ʻo e Siasí mei he taʻu 1831 ki he 1838. Naʻe maʻu ai ʻe Siosefa Sāmita ha ngaahi fakahā lahi, ʻo iku ki ha tupu tokolahi ʻa e Siasí pea mo hono langa ʻo e Temipale Ketilaní.
Temipale Fakahisitōliá
Naʻe hoko ʻa e Temipale Ketilaní ko ha feituʻu toputapu ʻo e moihū mo e ako ki he Kāingalotu ʻi Ketilaní lolotonga e konga kimui ʻo e 1830 tupú.
Feituʻu Fakahisitōliá
ʻOku kau ʻi he Feituʻu Fakahisitōlia ʻo Ketilaní ha ngaahi ʻapi fakahisitōlia lahi ʻoku akoʻi fekauʻaki mo e aʻusia ʻa e Kāingalotú ʻi heʻenau nofo ʻi he kiʻi kolo siʻi ko ʻeni ʻi ʻOhaioó.
Ako Fekauʻaki mo e Ngaahi Feituʻu Fakahisitōlia ʻo ʻOhaioó
Naʻe lahi ha ngaahi meʻa mahuʻinga ne hoko ʻi he hisitōlia ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní lolotonga ia e nofo ʻa e Kāingalotú ʻi ʻOhaioó. ʻOku talanoa ʻa e ngaahi feituʻu ko ʻení ki he tuí, mateakí, mo e ʻamanaki lelei neongo ʻa e loto-kehekehé mo e faingataʻá. Kuo tauhi kinautolu maʻá e kau ʻaʻahí ke nau fiefia ai, ʻi he aʻu tonu ki ai pe ʻi he ʻinitanetí fakatouʻosi.
Naʻe kamata māmālie ʻa e ngāue ʻa e Kāingalotú ke langa ʻa e fale ʻo e ʻEikí ʻi Ketilaní, ka ʻi he feilaulau ʻa e Kāingalotú ke fakakakato ʻa e fekau ko ʻeni mei he ʻEikí, naʻa nau maʻu ha mālohi ʻi hono fakakoloaʻi kinautolu ʻi Heʻene tali ʻenau feilaulaú.
ʻI he hokohoko atu e tupulaki ʻo e Siasí ʻi Ketilaní, naʻe iku ai ha ngaahi fakahā lahi ki hono fokotuʻu ʻo e ngaahi tuʻunga ʻi he lakanga mo e tuʻunga ʻi he lakanga fakataulaʻeikí ʻa ia ʻoku kei fakaʻaongaʻi ʻi he Siasí he ʻahó ni. Naʻe tokoni ʻa e ngaahi liliu ko ʻení ke fokotuʻutuʻu ʻa e ngāue ki he ngāue fakafaifekaú mo teuteuʻi e Kāingalotú ki he Temipale Ketilaní.
Lolotonga e taimi ko ʻeni ʻi ʻOhaioó, naʻe maʻu ai ʻe Siosefa ha ngaahi fakahā naʻá ne fakatupulaki e ngaahi tui ʻi he Siasí, fakamālohia e ngaahi tokāteliné, pea fokotuʻu e ngaahi tuʻunga pule ʻo e Siasí ʻoku hokohoko atu ʻi he Siasí ʻi he ʻahó ni.
Ako lahi ange fekauʻaki mo e ngaahi feituʻu naʻe nofo ai ʻa Siosefa mo ʻEma Sāmita lolotonga ʻena ʻi he fakatokelau hahake ʻo ʻOhaioó.