Tanang Lokasyon sa Missouri

Adunay daghang dapit sa sulod ug sa palibot sa Missouri nga mahinungdanon sa Ang Simbahan ni Jesukristo sa mga Santos sa Ulahing mga Adlaw.  Magkat-on pa og dugang mahitungod sa matag makasaysayanong lokasyon sa Missouri. 
Makasaysayanon nga Dapit
Lubnganan ni David Whitmer
Si David Whitmer, usa sa Tulo ka mga Saksi sa Basahon ni Mormon ug orihinal nga mga miyembro sa Ang Simbahan ni Jesukristo sa mga Santos sa Ulahing mga Adlaw, gilubong sa Sementeryo sa Richmond, Lalawigan sa Ray, Missouri.
Makasaysayanon nga Dapit
Pinuy-anan nga Dapit ni David Whitmer
Si David Whitmer, usa sa Tulo ka mga Saksi sa Basahon ni Mormon ug orihinal nga mga miyembro sa Ang Simbahan ni Jesukristo sa mga Santos sa Ulahing mga Adlaw, nagtukod og balay sa Richmond, Lalawigan sa Ray, Missouri, niadtong 1838. Ang plake karon nagtimaan sa pinuy-anan nga dapit sa brick nga bilding diin sa makausa ang balay natarok.
Makasaysayanon nga Dapit
Far West
Ang mga Santos sa Ulahing mga Adlaw nag-establisar og usa ka siyudad nga ginganlan og Far West sobra duha ka tuig human nga gipalayas gikan sa Lalawigan sa Jackson, Missouri. Ang Far West nahimong usa ka sentro sa pagpadayag ug pamalakad sa Simbahan hangtod sa Nobiyembre 1838.
Makasaysayanon nga Dapit
Balay ni Flournoy
Kini nga balay diin gipalit ni Bishop Edward Partridge ang 26 ka ektarya nga yuta, karon nailhan nga Lote sa Templo, gikan sa Jones H. Flournoy niadtong 1831.
Makasaysayanon nga Dapit
Gilbert Whitney & Co. Tindahan
Sila si Newel K. Whitney ug Sidney Gilbert mitukod og usa ka dry goods nga tindahan sa Lalawigan sa Jackson, Missouri, nga naglihok usab nga usa ka pundohanan nga balay sa bishop.
Makasaysayanon nga Dapit
Galingan sa mga Hawn
Kining malinawon nga talan-awon nga anaa sa Shoal Creek sa Lalawigan sa Caldwell, Missouri, mao ang kataposang pahulayan nga dapit sa 17 ka biktima nga namatay sa Masaker didto sa Galingan sa mga Hawn niadtong Oktubre 30, 1838.
Makasaysayanon nga Dapit
Lubnganan ni Hiram Paige
Si Hiram Page, usa sa Walo ka mga Saksi sa Basahon ni Mormon, namatay nga lig-on diha sa iyang pagpamatuod sa bulawang mga palid ug gilubong duol sa Excelsior Springs, Lalawigan sa Ray, Missouri.
Makasaysayanon nga Dapit
Lote sa Independence Temple
Kini nga parsela sa yuta gipahinungod alang sa pagtukod sa balay sa Ginoo, o templo, diha sa sentro sa Zion—usa ka praktis nga gisaluhan sa daghang restorationist nga mga Simbahan sa Independence.
Makasaysayanon nga Dapit
Bilanggoan sa Liberty
Ang makasaysayanon nga Bilanggoan sa Lalawigan sa Clay sa Liberty, Missouri, nailhan karon nga Bilanggoan sa Liberty, diin ang Ginoo namulong og kalinaw ug mihatag og balaanong direksiyon ngadto ni Propeta Joseph Smith niadtong Marso 1839.
Makasaysayanon nga Dapit
Opisina sa Imprintahanan
Niini nga dapit, ang mga Santos sa Ulahing mga Adlaw nagtrabaho sa pagprinta sa usa ka koleksiyon sa mga pagpadayag nga gihatag ngadto ni Joseph Smith nga nailhan isip ang Basahon sa mga Sugo.
Makasaysayanon nga Dapit
Dapit nga Bilanggoan sa Richmond
Sila si Joseph Smith ug ang ubang mga lider sa Simbahan gipriso og usa ka bulan sa Bilanggoan sa Richmond, sa wala pa masentensiyahan og pagbudhi ngadto sa Bilanggoan sa Liberty.