Bilanggoan sa Liberty

Para kang Joseph Smith ug sa laing lima ka lalaki, ang bilanggoan sa lalawigan sa Liberty, Missouri, mao ang usa ka dapit nga grabe kaayo ang pag-antos ug mahimayaong pagpadayag.

Niadtong Nobiyembre 1, 1838, ang mga sakop sa militia sa estado sa Missouri midakop ni Joseph Smith ug sa ubang mga lider sa Simbahan sa Far West, Missouri, ug midala kanila ngadto sa Richmond sa mga pasangil sa pagbudhi. Human sa usa ka bulan sa legal nga mga proseso, sila si Joseph Smith, Sidney Rigdon, Hyrum Smith, Lyman Wight, Caleb Baldwin, ug Alexander McRae gitanggong sa Bilanggoan sa Lalawigan sa Clay sa Liberty aron maghulat sa ilang trayal sa sunod nga tingpamulak. Gibuhian si Sidney Rigdon sa usa ka huwes sa sayong bahin sa Pebrero 1839 tungod sa sakit. Ang uban nagpabilin nga napriso nga walay pyansa gikan sa Disyembre 1, 1838, hangtod Abril 6, 1839.

Ang mga tawo sa Liberty, Missouri, mitukod sa Bilanggoan sa Lalawigan sa Clay tali sa 1830 ug 1833. Aduna kini duha ka kwadrado nga mga lawak, ang usa gipatong ibabaw sa usa. Ang bugtong paagi nga makasulod o makagawas sa prisohan mao ang pag-agi sa usa ka pultahan sa taas nga lawak nga gisirad-an sa duha ka pultahan—ang usa maabli sa sulod ug ang usa maabli sa gawas—nga dunay 1.22 metros ang gibag-on sa bongbong nga bato tali niini. Dunay duha ka gamayng bintana nga dunay trangka sa silong aron makasulod ang kahayag ug magtugot sa mga bisita nga motunol sa mga sulat pinaagi sa mga piniriso.

Si Joseph Smith ug iyang mga kauban milahutay sa sakit, katugnaw, ug daghang pisikal nga mga kalisod diha sa prisohan. Tingali ang labing lisod nga pagsulay mao ang pagkahibalo nga ang ilang mga sakop sa pamilya ug mga higala nag-antos sa mga pagpanglutos ug nga wala silay gahom sa paghunong niini. Sa hapit sa kataposan sa ilang pagkapriso, si Joseph nag-ampo sa Dios alang sa pagsabot ug kaluwasan. Agig tubag, ang Ginoo mihupay ni Joseph ug mipadayag og balaanong direksiyon ug mahangturong kamatuoran. Si Joseph misulat sa mga pulong sa Manluluwas sa duha ka sulat ngadto sa tibuok Simbahan. Ang mga porsiyon niadto nga mga sulat narekord na karon sa Doktrina ug mga Pakigsaad 121

Leaving Church Domain

You are about to leave our site. The new site has its own terms of use and privacy policy that differ from ChurchofJesusChrist.org

Proceed Cancel

, 122

Leaving Church Domain

You are about to leave our site. The new site has its own terms of use and privacy policy that differ from ChurchofJesusChrist.org

Proceed Cancel

, ug 123

Leaving Church Domain

You are about to leave our site. The new site has its own terms of use and privacy policy that differ from ChurchofJesusChrist.org

Proceed Cancel

.

Basaha ang dugang mahitungod sa Bilanggoan sa Liberty sa Mga Santos, volume 1, mga kapitulo 31–33.

Unsay Malaoman

Ang orihinal nga Bilanggoan sa Liberty wala na. Ang bag-ong balay hukmanan nga gitukod niadtong 1856 maoy gipuli sa Bilanggoan sa Liberty, karaan ug naguba nga bilding tungod sa sayop nga paggamit niini. Ang Simbahan ni Jesukristo sa mga Santos sa Ulahing mga Adlaw mipalit og propiyedad niadtong 1939, ug si Presidente Joseph F. Smith mipahinungod sa bag-ong sentro sa mga bisita niadtong Septiyembre 15, 1963. Ang kasamtangang kasinatian sa sentro sa mga bisita nag-feature og tukma nga modelo sa prisohan, gipakita ang mga sukod ug pagtukod niini. Bisan asang dapit sa sentro sa mga bisita, ang mga eksibit nagpakigbahin sa istorya ni Joseph Smith ug sa ubang mga piniriso, sa ilang mga pamilya, ug sa mahinuklogong mga pagpadayag nga miabot niini nga dapit.

Ang parkinganan ug mga kasilyas anaa ra.