Gilbert Whitney & Co. Tindahan

Ang propedad nga Tindahan ni Gilbert ug Whitney duol sa sentro sa lungsod ug kabahin sa orihinal nga pagbaligya sa yuta sa Independence niadtong 1827. Sila si Sidney Gilbert ug Newel K. Whitney mipalit sa propedad ug nagsugod sa pagtukod og tindahan niadtong 1832. Ang duha ka andana, pula nga bika nga bilding nagsilbi nga usa ka tindahan ug sentro nga pundokanan nga dapit alang sa mga Santos. Nagsilbi usab kini nga balay tipiganan sa bishop—usa ka gipahinungod nga propedad gigamit sa paghatag og mga probisyon alang sa mga Santos.

Sa Ohio, si Gilbert usa ka tigbantay sa tindahan ug kasosyo sa negosyo ngadto ni Whitney. Nag-alagad usab siya isip usa ka tinugyanan nga bishop (Doktrina ug mga Pakigsaad 53). Si Sidney mibiyahe uban ni Joseph Smith ug sa ubang mga lider sa Simbahan gikan sa Kirtland, Ohio, ngadto sa Independence, Missouri, niadtong ting-init sa 1831. Niana nga biyahe, ang Ginoo misugo ni Sidney nga magpabilin sa Missouri, diin iyang gihimo ang buluhaton sa pagdumala sa balay tipiganan sa bishop sa Independence.

Niadtong tingpamulak sa 1832, ang Ginoo mihatag og pagklaro mahitungod sa mga atimanonon nga mga tumong sa Simbahan sa Ohio ug sa Missouri. Ang Simbahan mohiusa ngadto sa usa ka pundok, o ang nagkahiusa nga pundok, alang sa kaayohan sa kabos sa tibuok Simbahan (Doktrina ug mga Pakigsaad 78, 82). Kini nga tawag sa pagsangkap alang sa usag usa mipahimutang sa pundasyon alang sa mga probisyon ug mga panalapi sa Simbahan. Samtang ang Simbahan wala na mogamit sa samang mga termino, ang mga inisyatibo sa tibuok kalibotan karon sa welfare ug pagbarog pinaagi sa kinaugalingong paningkamot nagpadayon sa pagtuman niining unang mga pagpadayag.

Niadtong Hulyo 1833, usa ka manggugubot nga panon milungkab sa tindahan ni Gilbert, nga miresulta sa pagkawala sa bililhong propedad sa Simbahan.

Unsa ang Mapaabot

Karon, ang bilding gigamit nga usa ka tindahan sa grocery. Ang mga bisita mahimo ra nga mosuhid sa gawas sa mga bilding ug magpalitrato o mosulod sa bilding atol sa naandan nga mga oras tingtrabaho.