Dapit nga Gilbngan ni Hiram Page

Ang Hiram Page nga lubnganan nga dapit nahimutang sa Excelsior Springs, Lalawigan sa Ray, Missouri. Anaa kini sa propedad nga gipanag-iya kanhi sa asawa ni Hiram, nga si Catherine Whitmer Page, ug sa ilang mga anak nga lalaki. Sa sinugdanan, pipila lang ka kwadrado nga gitabas nga bato ang nagpahibalo nga usa ka lubngananan anaa sa propedad. Ang mga tag-iya sa yuta human sa pamilyang Page nga nag-atiman sa lubnganan sulod sa mga henerasyon, wala makaila sa pagkatawo sa tag-iya. Human mailhi ang lubnganan, usa ka bag-ong lapida ang gibutang niadtong 2001.

Isip usa sa walo ka espesyal nga saksi sa Basahon ni Mormon, si Hiram Page mipirma sa iyang ngalan kauban sa uban kinsa nakakita ug nakagunit sa bulawan nga mga palid. Nakigminyo siya ni Catherine, igsoong babaye ni David Whitmer, niadtong 1825 ug mipuyo duol sa mga Whitmer sa Fayette, New York. Paglabay sa upat ka tuig, nakahibalo siya sa calling ni Joseph Smith sa paghubad sa Basahon ni Mormon ug nahimong mainitong tigsuporta sa buhat ni Joseph.

Sila si Hiram ug Catherine mibalhin uban sa pamilyang Whitmer ngadto sa Missouri niadtong 1832. Didto nahiagom sila kauban sa ubang mga Santos sa Ulahing mga Adlaw sa bayolente nga pagpapahawa gikan sa Distrito sa Jackson niadtong 1833. Sulod sa lima ka tuig, ang pamilyang Whitmer midistansiya sa ilang kaugalingon gikan sa Simbahan. Bisan pa niini nga panagbulag, si Hiram wala gayod molimod sa iyang pagpamatuod sa Basahon ni Mormon.

Unsa ang Mapaabot

Ang timaan sa lubnganan nga dapit nahimutang tali sa usa ka pribado nga naglinya nga koral ug sa daplin sa dalan sa Summit-Ridge Drive sa Distrito sa Ray, Missouri. Walay kaparkinganan o ubang pasilidad ang anaa sa dapit.

Ang mga GPS coordinate: 39°21’21.77″ N; 94°10’34.53″ W.