Tema sa Buwang Ito: Pag-asa sa Hinaharap

Mga minamahal na mambabasa,

Sobra ako kung mag-isip. Noong bata pa ako, hihiga ako sa kama sa gabi at iisipin ang lawak ng kawalang-hanggan. Tapos iiyak na lang ako sa kuwarto ng mga magulang ko dahil sa sobrang takot ko sa kung ano kaya ang mangyayari sa hinaharap.

Nawala ko na ang ugali na iyan (karamihan), pero kinakabahan pa rin ako kapag iniisip ko ang kinabukasan ko.

Kapag nagsisimula akong mabalisa, ipinapaalala ko sa sarili ko na si Jesucristo—ang pinagmumulan ng lahat ng pag-asa—ay buhay. At dahil Siya ay buhay, maaari tayong umasa sa Kanya na ang lahat, ngayon at sa hinaharap, ay magiging maayos.

Tungkol sa pag-asa kay Cristo, sinabi ni Pangulong M. Russell Ballard (1928–2023) na: “Kailangan ang… pag-asa upang madaig ang hirap, mapagyaman ang espirituwal na katatagan at lakas, at malaman na mahal tayo ng ating Amang Walang Hanggan.”

Narito ang ilan sa mga kuwento ng pag-asa ngayong buwan:

• Paano tayo magagabayang lumapit sa Kanya ng pagkakaroon ng kaalaman tungkol sa mga karanasan ng Tagapagligtas sa Kanyang mga huling araw ngayong Pasko ng Pagkabuhay

• Ano ang ibig sabihin ng maging isang kinatawan na makakakilos nang may pananampalataya

• Paanong ang isang young adult na aktor na gumaganap bilang si Jesucristo sa mga video ng Simbahan tungkol sa Pasko ng Pagkabuhay ay nakahanap ng pag-asa matapos siyang dumanas ng buhay noon na puno ng paghihirap.

• Ang napagtanto ng isang young adult matapos ang diborsyo ng kanyang mga magulang tungkol sa pinakamahalagang araw sa kasaysayan

• Tatlong alituntunin ng ebanghelyo na magbibigay sa iyo ng pag-asa kapag ang mundo ay parang wala nang pag-asa

May mga kuwento rin kami na bahagi ng aming patuloy na mga serye:

• Mga Kasanayan sa Pamumuhay: Ang kakulangan sa pagkain ay isang tunay na pakikibaka—alamin ang tungkol sa ilang magagamit na mga resource.

• Lalo na para sa mga Bagong Kasal: Naaapektuhan ba ng kapalaluan ang inyong pagsasama?

• Tampok na Debosyonal: Itinuro ni Elder Dieter F. Uchtdorf ng Korum ng Labindalawang Apostol kung paano malugod na tinatanggap ang Mesiyas sa ating buhay.

Sana alam ninyo na kami sa Lingguhang YA ay nagmamahal sa inyo. Ngayong panahon ng Pasko ng Pagkabuhay, umaasa kami na makakahanap kayo ng mga dahilan para magkaroon ng pag-asa kay Cristo.

Dahil Siya ay nagbangon. At ito ay nagbibigay sa akin ng maraming pag-asa para sa hinaharap.

Taglay ang pag-ibig at pag-asa kay Cristo,

Aspen Yip, Lingguhang YA Intern ng Editoryal