O Le Autu o le Masina Lenei: Taulai Atu Lou Olaga ia Iesu Keriso

Manuia le Kerisimasi, uo!

I le avea ai ma se talavou nofofua matua, ua tumu lo’u olaga i faaiuga ma aafiaga ogaoga. Ou te faamoemoe ia te outou—o a tatou au faitau pele—atonu o loo i ai i ni tulaga talitutusa faapena.

O le popofou o le tulaga faatagata matua e mafai ona faaalia ai le anoanoai o mea tetele e tutupu i le olaga: siitia ese atu mai lou aiga, aoaoina o le auala e pulea ai mea tautupe, tulitulimatagauina o aoaoga, tafaoga faamasani, ulufale atu i le aufaigaluega, faatuina o se faaipoipoga maloloina, avea ma se matua, ma le tele o isi mea.

O le mea e laki ai, sa matou mauaina talu ai nei le tele o fautuaga faaperofeta e mafai ona fesoasoani ia i tatou e pulea ai o tatou faamoemoega ma lisi o mea e fai pe a oo ina lofituina le olaga. Sa faasoa mai e Elder Ronald A. Rasband o le Korama a Aposetolo e Toasefululua se savali lea na toe faaupuina moni ai le auala ou te faapaleniina ai lo’u olaga: "Po o le a lava lau lisi o mea e fai, tuu atu le taimi tutusa, ae le o taimi avanoa, i le Alii."

I lenei vaitau o le Kerisimasi, sa matou mananao e faamanatu atu ia te outou le alofa loloto ma le silafia o loo i ai i le Faaola mo oe. Sa matou fatuina lenei lomiga o le AM Faalevaiaso e fesoasoani ia te oe e faatotonugalemu lou olaga i le Faaola. Pe a e taulai atu ia te Ia, o le a e lagonaina Lona alofa ma le taitaiga a o e faatautaia le talavou matua.

O nisi nei o tusiga e mafai ona e faamoemoeina mai talavou matutua i le salafa o le lalolagi i le masina lenei:

• O le a se mea e mafai ona tatou faia e faamanatu ai Keriso i le tausaga atoa

• E mafai faapefea ona tatou taliaina le filemu i le vaitau vevesi o le Kerisimasi

• Aisea e tatau ai ona tatou faalagolago i le malamalama o Keriso i o tatou olaga i aso taitasi.

E i ai foi a tatou tala o se vaega o la tatou faasologa faifai pea:

• Tomai o le Olaga: E faasoa mai e se talavou matua ana fautuaga mo le faaitiitia o le taimi o le telefoni i lou olaga—ma faamanuiaga e mafai ona maua mai ai.

• Aemaise mo Ulugalii Fou: O loo talanoaina e se talavou matua ua faaipoipo le auala na ia laa atu ai i lana matafaioi o se toalua e ala i le atiina ae o se aganuu e taulai atu ia Keriso.

• Mai le Misiona: Le auala na aoaoina ai o ia e le auaunaga faafaifeautalai a se talavou matua e uiga i le olioli o le Kerisimasiai

Manatua, o le vaitau o le Kerisimasi e sili atu nai lo na o le vavega o le soifua mai o Keriso—e faatatau foi i le vavega o Lona soifua ma le malamalama, lea e mafai ona tatou valaaulia uma i o tatou lava olaga i aso uma o le tausaga.

Ma le alofa,

Maddy Poll, AM Faalevaiaso Faatonutonu Faataitai