Mai AM Faalevaiaso: Aoaoga a Taitai o le Ekalesia mai Ala o Faasalalauga Faaagafesootai
Faasoaina Atu o le Malamalama o le Alofa o Keriso i Lenei Vaitau o le Kerisimasi ma Tua Atu
O a mea ua aoao mai e perofeta soifua ma isi taitai o le Ekalesia i luga o faasalalauga faaagafesootai e uiga i le faataitaiga a Iesu Keriso o le alofa ma le auauna atu?
Leoleo Mamoe Agamalu, saunia e Yongsung Kim
O le vaitau o le Kerisimasi e pisi i taimi uma i tautinoga lototoa o le aafiaga o Iesu Keriso i le lalolagi:
"Filemu, ia manuia tagata uma" (Luka 2:14).
"O le talalelei o le olioli tele" (Luka 2:10)
Na tuufaasolo mai i lea tupulaga i lea tupulaga, o nei fasifuaitau e fesootai mai ai le filemu le mafuatiaina, olioli, ma le malamalama ua tuuina mai e le Faaola.
I Lona soifuaga faaletino atoa, na faaali mai ai e Keriso ia i tatou le ala e faasoa atu ai Lona alofa i isi. Ua tatou aoao "e le faia e [Iesu] se mea vagana ai ua mo le manuia o le lalolagi; ona ua alofa o ia i le lalolagi" (2 Nifae 26:24).
A o tatou faamanatuina le soifua mai o Keriso, e mafai ona tatou saili ia malamalama i Lona alofa mo fanau taitoatasi a le Atua ma faalautele atu lena lava alofa.
Ua saunoa taitai o le Ekalesia e uiga i Ana aoaoga i luga o faasalalauga faaagafesootai. O savali nei e taialaina ai i tatou e faasoa atu ai le alofa o Keriso i isi i lenei Kerisimasi ma tala atu:
Aapa Atu i "le Tasi"
“E ui ina saogalemu le 99 o lana lafu i ona tafatafa, ae na alu atu le leoleo mamoe e saili le 1 ua leiloa. …
" … Ou te valaaulia outou e mafaufau ma le agaga tatalo: o ai e te iloa o ono lotovaivai? O ai atonu e te mana’omia ona toe faalelei pe ole atu mo se faamagaloga? Ua i ai se igoa e tasi i lou mafaufau talu ai nei, e ui e te le iloa lelei pe aisea? A o e aumaia nei fesili i le Alii, o le a Ia musuia oe ia iloa pe mafai faapefea ona e aapa atu ma siitia se tasi e manaomia le fesoasoani.
" … E ala ia i tatou taitoatasi e auauna atu i se tasi e mafai ona tatou oo i ai, e mafai ona tatou faasalalau atu le alofa o Iesu Keriso i le lalolagi atoa.”
President Russell M. Nelson, Facebook, June 1, 2024, facebok.com/russell.m.nelson.
Fa’amagalo, Fa’amalolo Manu’a Tuai, Toe Fa’afoisia So’otaga
“Na folafola atu e ’au faalelagi le talalelei i tagata uma—i uo masani ma tagata ese.
“Na aoao mai le Faaola, ‘Ia e alofa atu i le lua te tuaoi ia pei o oe lava ia te oe’ (Mataio 22:39). Na ia aʻoaʻo mai foʻi e tatau ona tatou alolofa atu i ē ua ita mai iā i tatou, ia faamanuia atu i ē ua fetuu mai iā i tatou, ia agalelei atu i ē e ʻinoʻino mai iā i tatou, ma tatalo mo ē ua tuuaʻia i tatou ma sauāina i tatou.
“A o tatou galulue agai i le sini o loo faailoa mai i na aoaoga, o le Kerisimasi e tatau ona avea ma se taimi mo le faamagaloga, o se taimi e faamalolo ai manu’a tuai ma toe faaleleia sootaga ua faaletonu.”
President Dallin H. Oaks, First Counselor in the First Presidency, Facebook, Dec. 8, 2024, facebook.com/dallin.h.oaks.
Aua le Fa’afaigata tele
“O aoaoga a le Faaola e uiga i lo tatou sootaga ma lo tatou Tama Faalelagi ma le tasi ma le isi e tuusao: Alofa i le Atua ma auauna atu ia te Ia, ona alolofa atu lea i o tatou tuaoi ma auauna atu ia i latou.
"Aua le Fa’afaigata tele. Ua tatou maua se tiutetauave e alolofa i fanau uma a le Atua ma valaaulia tagata uma e o mai e matamata—ia aoao atili e uiga i le talalelei toefuataiina a Iesu Keriso. … Ia faafaigofie. Tatou te alolofa, faasoa, ma valaaulia.
Elder Dieter F. Uchtdorf, Quorum of the Twelve Apostles, Facebook, jan. 31, 2025, facebook.com/dieterf.uchtdorf.
Ia avea le Alofa Mama o Keriso ma Vaifofo o Fefinauaiga
“Ua faamanatu mai ia te au se tu masani matagofie o le Kerisimasi lea na tuufaatasia ai se aganuu anamua a Aferika ma aoaoga faaKerisiano. O lenei tu masani na atiina ae i nisi o nuu i Sisifo ma Aferika Tutotonu. …
“Na ta’u mai e se alii mai se tasi o nei nuu ia te a’u e faapea, i totonu o si ona tamai nuu sa i ai se tu masani o le Kerisimasi e feiloai ai tagata uma e feeseeseai ma se isi nuu i le taeao o le po o le Kerisimasi ma le alii o le nuu. E faalogo le alii ma saili e foia le feeseeseaiga ina ia faamalieina ai itu e lua.
“O lenei faagasologa o le foia o feeseeseaiga o le a alu i le aso atoa ae i le faaiuga o le aso, e leai se tagata o le nuu na i ai se feeseeseaiga e lei foiaina ma se isi tagata o le nuu. O le auga o le tu ma aga ina ia mafai ai ona sauni le nuu i le aso e sosoo ai e faamanatu le soifua mai o le Alii o le Filemu. …
“Atonu o se tasi o auala e mafai ona tatou faamamaluina ai le Faaola i lenei Kerisimasi o le lafoai lea o le ita, saili le faamagaloga, ma le tuuina atu o le faamagaloga. E mafai ona tatou avea le alofa mama o Keriso ma vaifofo o fefinauaiga."
Elder Dale G. Renlund, Quorum of the Twelve Apostles, Facebook, Dec. 24, 2024, facebook.com/DaleGRenlund.
Ia Avea ma Agelu i Olaga o le Tasi
"I le 2 Nifae 32:3 ua tatou aoao ai o loo tautino mai e agelu afioga a Keriso: ‘E tautatala agelu i le mana o le Agaga Paia; o le mea lea, latou te fetalai mai afioga a Keriso. O le mea lea, na ou fai atu ai ia te outou, ia taumamafa fiafia i afioga a Keriso; aua faauta, o afioga a Keriso o le a ta’u mai ai ia te outou mea uma e tatau ona outou faia.’
“O se agelu o soo se tasi e tautala i afioga a Keriso ma auauna atu e pei ona auauna atu Keriso.
“E mafai ona avea i tatou ma agelu i olaga o le tasi ma le isi!
Sister Amy A. Wright, First Counselor in the Primary General Presidency, Facebook, Dec. 9, 2024, facebook.com/Primary1stCounselor.