Paano Mapapanatili ng mga Anak ang Ugnayan sa Isang Nakakulong na Magulang?

Ang bawat sitwasyon ay naiiba, at ang bawat pamilya ay dapat magpasiya para sa kanilang sarili. Sa ilang sitwasyon ng pang-aabuso o iba pang krimen, maaaring hindi nararapat na panatilihin ng magulang ang ugnayan sa kanyang mga anak. Dapat mapanalanging pag-isipan ng mga magulang ang pinakamainam na paraan para sa kanilang pamilya habang humihingi sila ng payo sa mga pinagkakatiwalaang kaibigan, mga lider ng Simbahan, at mga propesyonal na sumusuporta sa pamilya. Kung sapat na ang edad ng mga anak, dapat isaalang-alang ang kanilang damdamin. Maaaring gumawa ng mga hakbang para mabuo ang nasirang ugnayan, ngunit ang tamang panahon para gawin ito ay dapat isaalang-alang. Ang pagtitiis ay isang kabanalan na magpapala sa ugnayan. Kung angkop na mapanatili at mapabuti ang ugnayan, ang mga pinagkakatiwalaang matatanda ay maaaring makatulong sa mga anak na gumawa ng plano para magpatuloy sa buhay.