សុខភាពខាងរាងកាយ និងខាងសតិអារម្មណ៍ ៖ មេរៀនទី ១៨៧
ការអភិវឌ្ឍទម្លាប់ដែលមានភាពវិជ្ជមាន
ព្រះយេស៊ូវគ្រីស្ទអាចជួយយើងផ្លាស់ប្តូរទម្លាប់របស់យើង
សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។
អស់រយៈពេល២៧ឆ្នាំ គ្រូបង្វឹក ចន វូឌិន នៃសាកលវិទ្យាល័យកាលីហ្វ័រញ៉ា ឡូសអែនជឺឡែស បានចាប់ផ្ដើមរដូវកាលបាល់បោះនីមួយៗតាមរបៀបដដែល ៖ ដោយការឲ្យកីឡាកររបស់គាត់ដោះស្រោមជើងរបស់ពួកគេចេញ ។ បន្ទាប់មក គាត់បានបង្រៀនពួកគេពីរបៀបពាក់ស្រោមជើងឲ្យត្រឹមត្រូវ ដោយបង្ហាញពួកគេពីរបៀបធ្វើកុំវាជ្រួញដើម្បីចៀសវាងកើតពងបែក ។ វូឌិន បានជឿថា ទម្លាប់តូចៗអាចទប់ស្កាត់ការបរាជ័យ ហើយនាំទៅរកជោគជ័យ ។
គាត់និយាយត្រូវ ។ ចាប់ពីឆ្នាំ១៩៦៤ ដល់ឆ្នាំ១៩៧៥ ក្រុមរបស់ វូឌិន បានឈ្នះជើងឯកចំនួន១០ដង រួមទាំងកំណត់ត្រាឈ្នះប្រាំពីរដងជាប់ៗគ្នាផងដែរ ។
ដូចកីឡាកររបស់គាត់ដែរ អ្នកអាចសាងភាពជោគជ័យដោយការអភិវឌ្ឍទម្លាប់ដែលវិជ្ជមាន ដែលផ្ដោតលើសេចក្ដីលម្អិតតូចៗ តែមានអត្ថន័យ ។
គោលបំណងមេរៀន ៖ ដើម្បីជួយយើងឲ្យស្វែងរកជំនួយរបស់ព្រះវរបិតាសួគ៌ និងព្រះយេស៊ូវគ្រីស្ទដើម្បីអភិវឌ្ឍទម្លាប់ដែលមានភាពវិជ្ជមាន ។
រៀនអំពីរបៀបធ្វើ
ការបង្កើតទម្លាប់ថ្មីៗ និងការបញ្ឈប់ទម្លាប់ចាស់
ដូចដែលក្រុមរបស់គ្រូបង្វឹក វូឌិន បានចាប់ផ្ដើមរដូវកាលបាល់បោះដោយការរៀនពាក់ស្រោមជើងឲ្យបានត្រឹមត្រូវដែរ នោះជាញឹកញាប់យើងត្រូវតែបញ្ឈប់ទម្លាប់ចាស់ៗពីមុនយើងចាប់ផ្ដើមទម្លាប់ថ្មី ។ ដំណើររឿងរបស់គេឌាននៅក្នុងព្រះគម្ពីរប៊ីប បង្ហាញពីរបៀបដែលព្រះអម្ចាស់អាចជួយយើងឲ្យធ្វើរឿងទាំងពីរនេះបាន ។
ក្រោយពីធ្វើអំពើទុច្ចរិតមួយរយៈ ពួកសាសន៍អ៊ីស្រាអែលត្រូវបានជិះជាន់ដោយពួកសាសន៍ម៉ាឌាន ។ ព្រះអម្ចាស់បានរៀបចំបុរសម្នាក់ឈ្មោះគេឌាន ដើម្បីជួយរំដោះអ៊ីស្រាអែលពីសត្រូវរបស់ពួកគេ ( សូមមើល ពួកចៅហ្វាយ ៦:១១–១៤ ) ។
នៅពេលគាត់បានទទួលការចាត់តាំងរបស់ព្រះអម្ចាស់ គេឌានបានសម្ដែងការព្រួយបារម្ភថា គាត់នឹងមិនអាចបំពេញកិច្ចការនោះបាន ( សូមមើល ពួកចៅហ្វាយ ៦:១៥ ) ។
សូមអាន ពួកចៅហ្វាយ ៦:១៦ ។ សូមរកមើលការសន្យាដ៏លួងលោមដែលព្រះអម្ចាស់បានធ្វើទៅកាន់គេឌាន ។
បន្ទាប់ពីលួងលោមគេឌានហើយ ព្រះអម្ចាស់បានសុំឲ្យគាត់ធ្វើកិច្ចការពីរ ។
សូមអាន ពួកចៅហ្វាយ ៦:២៥–២៦ ។ សូមគូសសម្គាល់អ្វីដែលព្រះអម្ចាស់សុំឲ្យគាត់ធ្វើ ។
ចំណាំ ៖ ព្រះបាលគឺជាព្រះមិនពិតដែលមនុស្សថ្វាយបង្គំជំនួសព្រះអម្ចាស់ ( សូមមើល សេចក្ដីណែនាំដល់បទគម្ពីរទាំងឡាយ « ព្រះបាល » នៅក្នុងបណ្ណាល័យដំណឹងល្អ ) ។
តើអ្នកគិតថា ហេតុអ្វីបានជាព្រះអម្ចាស់បានបង្គាប់គេឌានឲ្យរំលំអាសនាថ្វាយព្រះបាលជាមុនសិន ហើយ បន្ទាប់មកសង់អាសនាថ្មីថ្វាយព្រះអម្ចាស់ ? ហេតុអ្វីវាសំខាន់ដើម្បីពិចារណាពីទម្លាប់ដែលយើងត្រូវបញ្ឈប់ និងទម្លាប់ដែលយើងត្រូវអភិវឌ្ឍ ?
ដូចដែលព្រះអម្ចាស់បានជួយគេឌានឲ្យដឹងពីអ្វីដែលត្រូវជម្រុះចោល និងអ្វីដែលត្រូវបន្ថែមទៅក្នុងជីវិតរបស់ពួកសាសន៍អ៊ីស្រាអែលដែរ នោះទ្រង់នឹងជួយអ្នក ។
ការយកឈ្នះលើទម្លាប់អវិជ្ជមាន
យើងអាចមានអារម្មណ៍ល្បួងឲ្យចាប់ផ្តើម ឬត្រឡប់ទៅរកទម្លាប់ដែលអវិជ្ជមានវិញ នៅពេលដែលយើងមានអារម្មណ៍ដូចជាខឹង អស់កម្លាំង តានតឹង ឯកោ ឬធុញទ្រាន់ខ្លាំង ។ ដូចគ្នានេះដែរ ជាញឹកញាប់ស្ថានភាព ឬមជ្ឈដ្ឋានជាក់លាក់នានាអាចបង្កឲ្យមានការត្រឡប់ទៅរកទម្លាប់មួយវិញ ។ នៅពេលយើងស្វែងរកជំនួយពីព្រះវរបិតាសួគ៌ និងព្រះយេស៊ូវគ្រីស្ទ នោះព្រះវិញ្ញាណបរិសុទ្ធនឹងជួយយើងឲ្យ ស្គាល់ ស្ថានភាពទាំងនេះ និងអ្វីដែលយើងមានអារម្មណ៍ថាត្រូវបានល្បួងឲ្យធ្វើ ។
សូមស្រមៃដល់ អាម៉ារ៉ា យុវវ័យដែលរស់នៅប្រទេសហ្គាណា ។ នាងមានប្អូនស្រីម្នាក់ ធ្វើការក្រៅម៉ោង និងទៅសាលារៀន ។ សូមគិតពីស្ថានភាពដែល អាម៉ារ៉ា អាចទទួលអារម្មណ៍មួយក្នុងចំណោមអារម្មណ៍ខាងក្រោមនេះ ។ បន្ទាប់មក សូមជ្រើសរើសទម្លាប់អវិជ្ជមានមួយ ដែលអារម្មណ៍នោះអាចបង្កឲ្យកើតឡើងបាន ។
|
ហេតុបង្ក |
ទម្លាប់អវិជ្ជមាន |
|---|---|
ហេតុបង្ក
| ទម្លាប់អវិជ្ជមាន
|
ហេតុបង្ក
| ទម្លាប់អវិជ្ជមាន
|
ហេតុបង្ក
| ទម្លាប់អវិជ្ជមាន
|
ហេតុបង្ក
| ទម្លាប់អវិជ្ជមាន
|
តើការស្គាល់អ្វីដែលអាចបណ្ដាលឲ្យមានទម្លាប់អវិជ្ជមាន អាចជួយ អាម៉ារ៉ា ឲ្យចាប់ផ្ដើមយកឈ្នះលើទម្លាប់ទាំងនោះបានយ៉ាងដូចម្ដេច ?
នៅក្នុងសៀវភៅកត់ចំណាំរបស់អ្នក សូមកត់ត្រាហេតុបង្កយ៉ាងហោចណាស់បី ដែលបំផុសឲ្យមានទម្លាប់អវិជ្ជមាននៅក្នុងជីវិតរបស់អ្នក ។ អ្នកអាចប្រើឃ្លាដូចតទៅនេះដើម្បីជួយអ្នកគិតដល់ហេតុបង្កនានា ។
-
នៅពេលខ្ញុំមានអារម្មណ៍ ជាញឹកញាប់ ខ្ញុំមានអារម្មណ៍ថាមានបំណងចង់ ។
ព្រះយេស៊ូវគ្រីស្ទអាចជួយយើងផ្លាស់ប្តូរទម្លាប់របស់យើង
ការផ្លាស់ប្ដូរទម្លាប់របស់យើងគឺជាការលំបាក ។ ជាសំណាងល្អ ព្រះវរបិតាសួគ៌ និងព្រះយេស៊ូវគ្រីស្ទសន្យាថានឹងជួយយើងផ្លាស់ប្ដូរ ។
សូមអាន អេសេគាល ៣៦:២៦–២៧; ម៉ូសាយ ៣:១៩ និង អេធើរ ១២:២៧ ហើយរកមើលអ្វីដែលបទគម្ពីរទាំងនេះបង្រៀនអំពីរបៀបដែលព្រះយេស៊ូវគ្រីស្ទអាចជួយយើងផ្លាស់ប្តូរ ។ សូមគូសសម្គាល់ឃ្លានៅក្នុងខគម្ពីរដែលអ្នកគិតថាអាចអនុវត្ដបានដើម្បីផ្លាស់ប្ដូរទម្លាប់របស់យើង ។
ប្រធាន ជែហ្វ្រី អ័រ ហូឡិន ក្នុងកូរ៉ុមនៃពួកសាវកដប់ពីរនាក់ ក៏បានបង្រៀនអំពីការផ្លាស់ប្តូរទម្លាប់របស់យើងផងដែរ ៖
ប្រាកដណាស់យើង ទាំងអស់គ្នាមានទម្លាប់ ឬគុណវិបត្តិ ឬប្រវត្តិផ្ទាល់ខ្លួនមួយចំនួន ដែលរារាំងយើងមិនឲ្យជ្រមុជខ្លួនយើងទៅក្នុងកិច្ចការខាងវិញ្ញាណទាំងស្រុងបាន ។ … [មា]នជំនួយដ៏ទេវភាពសម្រាប់យើងគ្រប់គ្នា រាល់ពេលដែលយើងមានអារម្មណ៍ចង់ផ្លាស់ប្តូរឥរិយាបថរបស់យើង ។ ព្រះបានប្រទានដល់សូលនូវការ « បំផ្លាស់បំប្រែចិត្ដគាត់ » ។ អេសេគាលបានអំពាវនាវដល់សាសន៍អ៊ីស្រាអែលពីបុរាណឲ្យបោះបង់ចោលអតីតកាលហើយ « ឲ្យ … មានចិត្តថ្មី និងវិញ្ញាណថ្មីចុះ » ។ អាលម៉ាបានអំពាវនាវឲ្យមាន « ការផ្លាស់ប្តូរដ៏ធំនេះ » ដែលបណ្តាលឲ្យពង្រីកព្រលឹង ហើយព្រះយេស៊ូវទ្រង់ផ្ទាល់ បានបង្រៀនថា « បើមិនបានកើតជាថ្មី នោះគ្មាននរណាអាចនឹងឃើញនគរព្រះបានទេ » ។ ច្បាស់ណាស់ លទ្ធភាពនៃការផ្លាស់ប្តូរ និងការលើកកម្ពស់កម្រិតនៃការរស់នៅឲ្យកាន់តែខ្ពស់ជាងនេះ តែងជាអំណោយទានមួយរបស់ព្រះដល់អ្នកដែលស្វែងរកវាជានិច្ច ។ ( « ទ្រព្យសម្បត្តិច្រើនណាស់ » លីអាហូណា ខែវិច្ឆិកា ឆ្នាំ២០២១ ទំព័រ ៩ )
ទម្លាប់ ការផ្លាស់ប្ដូរ ការប្រែចិត្ដ
ហេតុអ្វីបានជាអ្នកគិតថា យើងត្រូវការជំនួយពីព្រះយេស៊ូវគ្រីស្ទ ដើម្បីផ្លាស់ប្តូរទម្លាប់របស់យើង ? តើមានរបៀបអ្វីខ្លះដែលយើងអាចមករកទ្រង់ ដើម្បីទ្រង់អាចជួយយើងឲ្យកែប្រែទម្លាប់របស់យើង ?
សូមអាន អាលម៉ា ១៣:២៨–២៩ ។ សូមគូសសម្គាល់របៀបដែលយើងអាចមកឯព្រះយេស៊ូវគ្រីស្ទ ដើម្បីទ្រង់អាចជួយយើងឲ្យផ្លាស់ប្ដូរទម្លាប់របស់យើងបាន ។ សូមប្រើអ្វីដែលអ្នករកឃើញ នៅពេលអ្នកបំពេញប្រយោគខាងក្រោមនៅក្នុងសៀវភៅកត់ចំណាំរបស់អ្នក ។
-
រឿងមួយដែលខ្ញុំនឹងអញ្ជើញជំនួយរបស់ព្រះអម្ចាស់ដើម្បីឈប់ធ្វើវានោះគឺ ។
-
ទម្លាប់មួយដែលខ្ញុំនឹងអញ្ជើញជំនួយរបស់ព្រះអម្ចាស់ដើម្បីអនុវត្ដនោះគឺ ។
-
ដើម្បីស្វែងរកជំនួយពីព្រះវរបិតាសួគ៌ និងព្រះយេស៊ូវគ្រីស្ទ ខ្ញុំនឹង ។
ចែកចាយគំនិតរបស់អ្នក
គោលបំណងមេរៀន ៖ ដើម្បីជួយយើងឲ្យស្វែងរកជំនួយរបស់ព្រះវរបិតាសួគ៌ និងព្រះយេស៊ូវគ្រីស្ទដើម្បីអភិវឌ្ឍទម្លាប់ដែលមានភាពវិជ្ជមាន ។
សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖
-
ហេតុបង្កដែលអ្នកកំណត់បាន និងផែនការរបស់អ្នកដើម្បីស្ថាបនាទម្លាប់វិជ្ជមាន ។
-
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
-
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?