សុខភាពខាងរាងកាយ និងខាងសតិអារម្មណ៍ ៖ មេរៀនទី ១៨៥
ការស៊ូទ្រាំនឹងភាពសោកសៅ និងជំងឺធ្លាក់ទឹកចិត្ត
ព្រះយេស៊ូវគ្រីស្ទនឹងរែកពុនទុក្ខព្រួយ និងការឈឺចាប់របស់យើង
សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។
Great Glen Way គឺជាផ្លូវដើរប្រវែង ៧៩ ម៉ាយល៍ ( ១២៧ គីឡូម៉ែត ) ដ៏មានប្រជាប្រិយភាព ដែលចាប់ផ្ដើមនៅជិតច្រាំងសមុទ្រហ្វត វីលល្លាម នៅប្រទេសស្កុតឡែន ។ ជារៀងរាល់ឆ្នាំ អ្នកដើរ និងអ្នកជិះកង់ឡើងភ្នំប្រមាណ ៣០,០០០ នាក់បានទៅទស្សនាផ្នែកនៃផ្លូវដើរនោះ ដោយមានមនុស្សប្រមាណ ៤,៥០០ នាក់ជ្រើសរើសដើរលើផ្លូវមួយខ្សែនេះទាំងមូល ។ ខណៈដែលផ្លូវនោះមិនសូវជាពិបាកដើរប៉ុន្មាននោះ ការស្ពាយកាតាបធ្ងន់អាចធ្វើឲ្យការធ្វើដំណើរមានការលំបាក ។ ដូចជា Great Glen Way ដែរ ដំណើរជីវិតមាននូវផ្នែកដែលលំបាកៗ នៅពេលដែលបន្ទុកលើអ្នកកាន់តែធ្ងន់ ។ ព្រះវរបិតាសួគ៌បានជ្រាបថា ជីវិតរមែងស្លាប់នេះនឹងនាំមកនូវគ្រានៃភាពសោកសៅ ការបាក់ទឹកចិត្ត ការខកចិត្ត និងជំងឺធ្លាក់ទឹកចិត្ត ។ ខណៈដែលបទពិសោធន៍ទាំងនេះពិបាកដើម្បីអាចទ្រាំទ្របាន ព្រះប្រទាននូវជំនួយដ៏ទេវភាព ។ ទ្រង់បានចាត់ព្រះរាជបុត្រាទ្រង់ឲ្យដកពិសោធន៍គ្រប់យ៉ាងដែលយើងនឹងរងទុក្ខ ដោយមាននូវការសន្យាថា ព្រះចេស្ដារបស់ទ្រង់អាចជួយយើងឲ្យបានសេចក្ដីសម្រាក ( សូមមើល ម៉ាថាយ ១១:២៨–៣០ ) ។
គោលបំណងមេរៀន ៖ ដើម្បីជួយអ្នកឲ្យយល់ពីរបៀបដែលព្រះវរបិតាសួគ៌ និងព្រះយេស៊ូវគ្រីស្ទនឹងជួយអ្នកឲ្យស៊ូទ្រាំនឹងអារម្មណ៍សោកសៅ និងជំងឺធ្លាក់ទឹកចិត្ត ។
រៀនអំពីរបៀបធ្វើ
បន្ទុកនៃជីវិតរបស់យើង
សូម្បីតែអារម្មណ៍ដ៏លំបាកដូចជាភាពសោកសៅ និងជំងឺធ្លាក់ទឹកចិត្តក៏ជាផ្នែកធម្មតានៃដំណើរជីវិតរមែងស្លាប់របស់យើងដែរ ។ ដូចជាកាបូបស្ពាយដ៏ធ្ងន់មួយដែរ អារម្មណ៍លំបាកអាចធ្វើឲ្យការធ្វើដំណើររបស់យើងហាក់ដូចជាគួរឲ្យខ្លាច ប៉ុន្តែអារម្មណ៍ទាំងនេះក៏អាចជួយយើងឲ្យមានភាពយកចិត្តទុកដាក់ និងមានចិត្តអាណិតអាសូរចំពោះអ្នកដទៃដែលតស៊ូលំបាកផងដែរ ។
នៅក្នុងសៀវភៅកត់ចំណាំរបស់អ្នក សូមកត់ត្រាបន្ទុកខាងសតិអារម្មណ៍មួយ ឬពីរ ដែលអ្នកកំពុងមាន ឬធ្លាប់មានកាលពីអតីត ។ សូមរួមបញ្ចូលថាតើបន្ទុកទាំងនេះកំពុងប៉ះពាល់ ឬបានប៉ះពាល់ដល់ជីវិតរបស់អ្នកតាមរបៀបណាខ្លះ ។ សូមយាងអញ្ជើញព្រះវិញ្ញាណបរិសុទ្ធ ដើម្បីជួយអ្នកឲ្យស្គាល់ពីវិធីដែលព្រះអង្គសង្គ្រោះកំពុងធ្វើការងារបម្រើដល់អ្នកដោយផ្ទាល់ នៅពេលអ្នកតទល់នឹងភាពសោកសៅ ទុក្ខព្រួយ ឬបន្ទុកផ្លូវចិត្តផ្សេងទៀត ។
នៅពេលដែលវាលើសពីទុក្ខព្រួយ ។ សូម្បីតែនៅពេលដែលមានការខ្វល់ខ្វាយដ៏ទន់ភ្លន់ និងដ៏ពេញដោយក្ដីស្រឡាញ់របស់ទ្រង់ជានិច្ចក្ដី ពេលខ្លះអារម្មណ៍លំបាកនៅតែបន្ដមាន ខណៈដែលយើងរង់ចាំទ្រង់សម្រាប់ការព្យាបាលដែលស្របតាមព្រះឆន្ទៈ និងពេលវេលារបស់ទ្រង់នោះ ។ ពេលខ្លះ ជំងឺធ្លាក់ទឹកចិត្តអាចរារាំងសមត្ថភាពរបស់យើងក្នុងការទទួលអារម្មណ៍ពីសេចក្ដីស្រឡាញ់របស់ព្រះអង្គសង្គ្រោះ ឬទទួលស្គាល់ជំនួយពីព្រះវិញ្ញាណបរិសុទ្ធ ។ មិនថាមានការថែទាំខ្លួនច្រើនប៉ុនណានោះទេ វានឹងមិនអាចដោះស្រាយជំងឺធ្លាក់ទឹកចិត្ដធ្ងន់ធ្ងរបានឡើយ ។ នៅពេលដែលអាចទៅរួច ការស្វែងរកជំនួយដែលមានវិជ្ជាជីវៈ អាចជាជំហានដ៏សំខាន់នៅក្នុងការព្យាបាលបញ្ហាសុខភាពផ្លូវចិត្ដ នៅពេលយើងបន្ដពឹងផ្អែកលើព្រះអម្ចាស់ ហើយទទួលជំនួយ និងការយល់ចិត្ដពីអ្នកដទៃ ។
-
« Dealing with Depression [ ការតទល់នឹងជំងឺធ្លាក់ទឹកចិត្ដ ] »
-
« Mourn With Those That Mourn—Hope Works [ ទួញសោកជាមួយអស់អ្នកដែលទួញសោក—ក្ដីសង្ឃឹមពិតជាបានផល ] » ( នាទីទី ២:២០ ដល់ ៥:៥៥ )
11:48 -
« Suicide Prevention and Ministering [ ការទប់ស្កាត់ការធ្វើអត្ដឃាត និងការងារបម្រើ ] » នៅលើគេហទំព័រ ChurchofJesusChrist.org
ព្រះយេស៊ូវគ្រីស្ទជ្រាបដឹងថា យើងមានអារម្មណ៍បែបណា
ពួកព្យាការីសម័យបុរាណ និងសម័យទំនើបបានបង្រៀនថា ព្រះអង្គសង្គ្រោះអាចជួយយើងឲ្យស៊ូទ្រាំនឹងអារម្មណ៍លំបាកទាំងអស់ ។
សូមអាន អេសាយ ៥៣:៣–៥; ម៉ាថាយ ១១:២៨–៣០; និង អាលម៉ា ៧:១១–១២ ។ សូមគូសសម្គាល់ពាក្យ ឬឃ្លាដែលបង្ហាញនូវបំណងប្រាថ្នា និងព្រះចេស្ដារបស់ព្រះអង្គសង្គ្រោះនៅក្នុងការជួយ នៅពេលអ្នកសោកសៅ បាក់ទឹកចិត្ដ ឬធ្លាក់ទឹកចិត្ដ ។ សូមដាក់ស្លាកអ្វីដែលអ្នករកឃើញថា « ជំនួយដ៏ទេវភាព » ។
សូមជ្រើសរើសខគម្ពីរមួយដើម្បីបង្កើតកំណត់ចំណាំជាមួយនឹងសេចក្ដីពិតដូចតទៅនេះ ៖ នៅពេលខ្ញុំមកឯទ្រង់ នោះព្រះអង្គសង្គ្រោះនឹងជួយខ្ញុំឲ្យរែកពុនបន្ទុកនៃភាពសោកសៅ និងទុក្ខព្រួយ ។
ដោយដឹងថាបុត្រាបុត្រីរបស់ព្រះវរបិតាសួគ៌នឹងរងទុក្ខក្នុងជីវិតនេះ ប្រធាន រ័សុល អិម ណិលសុន បានមានប្រសាសន៍ ៖
ខ្ញុំសូមអង្វរបងប្អូនឲ្យមករក [ ព្រះយេស៊ូវគ្រីស្ទ ] ដើម្បីឲ្យទ្រង់អាចព្យាបាល បងប្អូនបាន ! … ទ្រង់នឹងព្យាបាលបងប្អូនពីភាពសោកសៅ និងការភ័យខ្លាច ។ ទ្រង់នឹងព្យាបាលបងប្អូនពីរបួសនៃពិភពលោកនេះ ។
មិនថាបងប្អូនមានសំណួរ ឬបញ្ហាអ្វីនោះទេ ចម្លើយត្រូវបានរកឃើញនៅក្នុងព្រះជន្ម និងការបង្រៀនរបស់ព្រះយេស៊ូវគ្រីស្ទជានិច្ច ។ ចូររៀនបន្ថែមទៀតអំពីដង្វាយធួន សេចក្តីស្រឡាញ់ សេចក្តីមេត្តាករុណា គោលលទ្ធិរបស់ទ្រង់ និងដំណឹងល្អនៃការព្យាបាលដែលបានស្តារឡើងវិញ និងការរីកចម្រើន ។ ចូរងាកទៅរកទ្រង់ ! ចូរដើរតាមទ្រង់ ! ( « ចម្លើយគឺព្រះយេស៊ូវគ្រីស្ទជានិច្ច » លីអាហូណា ខែឧសភា ឆ្នាំ២០២៣ ទំព័រ ១២៧ )
គុណលក្ខណៈដូចជាព្រះគ្រីស្ទ ការព្យាបាល
នៅក្នុងសៀវភៅកត់ចំណាំរបស់អ្នក សូមកត់ត្រាគំនិតរបស់អ្នកអំពីសំណួរដូចខាងក្រោមនេះ ៖
-
សម្រាប់នរណាម្នាក់ដែលស្វែងរកជំនួយពីព្រះអង្គសង្គ្រោះចំពោះភាពសោកសៅ ការបាក់ទឹកចិត្ត ឬជំងឺធ្លាក់ទឹកចិត្តរបស់ពួកគេ តើវាអាចមានន័យដូចម្តេចដើម្បី « មករកទ្រង់ » « ងាកទៅរកទ្រង់ » និង « ដើរតាមទ្រង់ » ?
-
តើអ្នកគិតថា ការយល់ដឹងពីសេចក្តីពិតនេះអាចជួយនរណាម្នាក់ដែលកំពុងជួបបញ្ហាជាមួយនឹងអារម្មណ៍ទាំងនេះដោយរបៀបណា ?
បង្ហាញការយល់ចិត្តចំពោះអ្នកដែលកើតទុក្ខ
ដោយធ្វើតាមគំរូរបស់ព្រះអង្គសង្គ្រោះ អ្នកអាចរៀនពីរបៀបធ្វើការងារបម្រើដល់អ្នកដែលកំពុងជួបការលំបាក ។
ប្រើប្រាស់ដោយមានការអនុញ្ញាត ។ « Gethsemane [ សួនច្បារគែតសេម៉ានី ] » ដោយ អ័ដាម អាប់រ៉ាម ។ សូមថ្លែងអំណរគុណដល់ altusfineart.com © ឆ្នាំ២០២៤ ។
សូមសិក្សាវគ្គបទគម្ពីរមួយ ឬច្រើន នៅខាងក្រោមនេះ ។ សូមរកមើលអ្វីដែលអ្នករៀនមកពីគំរូរបស់ព្រះអង្គសង្គ្រោះ ។ អ្នកអាចដាក់ស្លាកវគ្គបទគម្ពីរទាំងនេះថា « ការងារបម្រើ » ឬ « ការយល់ចិត្ដ » ។
-
យ៉ូហាន ១១:៣២–៣៥
-
ម៉ាថាយ ២៦:៣៦–៣៩
អ្នកអាចធ្វើតាមគំរូរបស់ព្រះអង្គសង្គ្រោះ ដោយការបង្ហាញសេចក្ដីស្រឡាញ់ដល់អ្នកដែលកំពុងជួបការលំបាក ។ ទោះបីអ្នកធ្លាប់ដកពិសោធន៍អ្វីស្រដៀងនេះក្ដី អ្នកមិនអាចយល់អារម្មណ៍របស់នរណាម្នាក់បានពេញលេញឡើយ ។ ប៉ុន្ដែអ្នកអាចបង្ហាញការយល់ចិត្ដ ដោយការបង្ហាញការអាណិតអាសូរតាមរយៈពាក្យសម្ដីរបស់អ្នក ។
សូមសិក្សាសេចក្ដីថ្លែងការណ៍ដូចតទៅនេះដែលអ្នកអាចចែកចាយបាន នៅពេលបង្ហាញការយល់ចិត្ដដល់នរណាម្នាក់ដែលកំពុងជួបការលំបាក ។ សូមហាត់ចែកចាយសេចក្ដីថ្លែងការណ៍ខាងក្រោមមួយ ឬច្រើន ជាមួយមិត្ដភក្ដិ ឬសមាជិកគ្រួសារ ៖
-
« ខ្ញុំមិនដឹងថាត្រូវនិយាយយ៉ាងណាទេ ប៉ុន្តែខ្ញុំចង់ឲ្យអ្នកដឹងថា អ្នកមានមនុស្សជាច្រើនស្រឡាញ់រាប់អានអ្នក រួមទាំងខ្ញុំដែរ » ។
-
« អ្នកមិនចាំបាច់ត្រូវនិយាយអ្វីទេ បើអ្នកមិនចង់និយាយនោះ ប៉ុន្តែខ្ញុំនៅទីនេះដើម្បីស្ដាប់អ្នក បើអ្នកចង់និយាយ » ។
-
« វាមិនអីទេ ដែលអ្នកមានអារម្មណ៍ម្ដងចេះម្ដងចុះតាមថ្ងៃ តាមពេលនោះ » ។
-
« វាគ្មានរបៀបមួយដែលត្រឹមត្រូវដើម្បីមានអារម្មណ៍នោះទេ ។ បណ្ដោយខ្លួនឲ្យតាមអារម្មណ៍ដែលវាកើតមាននោះទៅ » ។
-
« ខ្ញុំស្រឡាញ់អ្នក ហើយខ្ញុំកំពុងអធិស្ឋានសម្រាប់អ្នក » ។
សូមមើលវីដេអូខាងក្រោម ៖ « Mental Health: Compassion for Those Who Struggle [ សុខភាពផ្លូវចិត្ដ ៖ ការអាណិតអាសូរដល់អ្នកដែលកំពុងលំបាក ] » ( ២:២៦ ) ។
ការសិក្សាស៊ីជម្រៅ ៖ សម្រាប់ជំនួយបន្ថែមលើការផ្ដល់ការងារបម្រើដល់អស់អ្នកដែលកើតទុក្ខ សូមមើល « ទុក្ខសោក និងការបាត់បង់ » នៅក្នុង ធនធានការប្រឹក្សា នៅគេហទំព័រ ChurchofJesusChrist.org ។
ឥឡូវត្រូវធ្វើដូចម្តេចទៀត ?
នៅក្នុងសៀវភៅកំណត់ចំណាំរបស់អ្នក សូមជ្រើសរើសចំណុចមួយ ឬច្រើន ខាងក្រោមដើម្បីបំពេញ ៖
-
សូមសរសេរវគ្គបទគម្ពីរមួយដែលអាចជួយអ្នក នៅពេលអ្នកមានអារម្មណ៍សោកសៅ ឬធ្លាក់ទឹកចិត្ត ( ដូចជា អេសាយ ៥៣:៣–៥; ទំនុកដំកើង ៣៤:១៨ ឬ អាលម៉ា ៧:១១–១២ ) ។ តើពាក្យ ឬឃ្លាពីវគ្គបទគម្ពីរនេះអាចជួយអ្នកឲ្យមានអារម្មណ៍ជិតស្និទ្ធនឹងព្រះវរបិតាសួគ៌ និងព្រះយេស៊ូវគ្រីស្ទយ៉ាងដូចម្ដេច ?
-
ប្រសិនបើអ្នកមានមិត្តភក្តិដែលសោកសៅ ឬធ្លាក់ទឹកចិត្ត តើអ្នកចង់ឲ្យបុគ្គលនេះយល់ដឹងអ្វីខ្លះអំពីព្រះវរបិតាសួគ៌ ព្រះយេស៊ូវគ្រីស្ទ និងអ្វីដែលអ្នកបានរៀននៅថ្ងៃនេះ ? សូមសរសេរអ្វីដែលអ្នកនឹងចែកចាយ ។
ចែកចាយគំនិតរបស់អ្នក
គោលបំណងមេរៀន ៖ ដើម្បីជួយអ្នកឲ្យយល់ពីរបៀបដែលព្រះវរបិតាសួគ៌ និងព្រះយេស៊ូវគ្រីស្ទនឹងជួយអ្នកឲ្យស៊ូទ្រាំនឹងអារម្មណ៍សោកសៅ និងជំងឺធ្លាក់ទឹកចិត្ត ។
សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖
-
អ្វីមួយដែលអ្នកបានទទួលអារម្មណ៍ថាអ្នកចង់ចងចាំអំពីព្រះយេស៊ូវគ្រីស្ទ និងការស៊ូទ្រាំនឹងភាពសោកសៅ ឬជំងឺធ្លាក់ទឹកចិត្ដ ។
-
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
-
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?