Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Ang Kahalagahan ng Pagsunod sa Pagdadala sa Iba kay Cristo: Pagsunod sa Gawaing Misyonero

“Ang Kahalagahan ng Pagsunod sa Pagdadala sa Iba kay Cristo: Pagsunod sa Gawaing Misyonero,” Manwal ng Titser ng Seminary para sa Lumang Tipan (2026)

“Ang Kahalagahan ng Pagsunod sa Pagdadala sa Iba kay Cristo: Pagsunod sa Gawaing Misyonero,” Manwal ng Titser ng Seminary para sa Lumang Tipan

Paghahanda ng Missionary: Lesson 200

Ang Kahalagahan ng Pagsunod sa Pagdadala sa Ibang Tao kay Cristo

Pagsunod sa Gawaing Misyonero

Sister missionaries teaching family outside in Bolivia

Ang pagpili na maging masunurin dahil mahal natin ang Ama sa Langit at si Jesucristo ay mahalagang bahagi ng ating mortal na paglalakbay (tingnan sa Juan 14:15). Ang ating personal na pagsunod ay lalong mahalaga kapag kinakatawan natin ang Tagapagligtas na si Jesucristo bilang mga miyembro ng Kanyang Simbahan at bilang mga full-time missionary. Ang lesson na ito ay makatutulong sa mga estudyante na makilala ang kahalagahan ng pagsunod sa paggawa ng gawain ng Tagapagligtas bilang mga missionary.

Paghahanda ng estudyante: Anyayahan ang mga estudyante na rebyuhin ang ilan sa mga pamantayan para sa paglilingkod bilang missionary na matatagpuan sa Bahagi 3 ng “Mga Pamantayan ng Missionary para sa mga Disipulo ni Jesucristo” sa Gospel Library. Bilang alternatibo, maaaring makipag-usap ang mga estudyante sa isang taong nagmisyon at magtanong kung anong mga pamantayan ng misyon ang natatandaan niya.

Mga Posibleng Aktibidad sa Pag-aaral

Mga pamantayan ng missionary

Maaaring simulan ang lesson sa pamamagitan ng pagpapakita ng larawan ng isang missionary at ang resource na Mga Pamantayan ng Missionary para sa mga Disipulo ni Jesucristo mula sa ChurchofJesusChrist.org. Maaari mong ipaliwanag sa mga estudyante na ang mga missionary ay inaasahang susunod sa mga partikular na pamantayan habang kinakatawan nila ang Tagapagligtas.

Ano ang ilan sa mga pamantayan na inaasahang susundin ng mga missionary?

Kung kinakailangan, maaari mong ibahagi ang ilan sa mga pamantayan ng missionary na nakalista sa ibaba, mula sa sarili mong karanasan, o sa iba pang matatagpuan sa Bahagi 3 o Bahagi 7 ng Mga Pamantayan ng Missionary para sa mga Disipulo ni Jesucristo mula sa ChurchofJesusChrist.org. Maaari mong ituro na inaasahan din ang mga missionary na sumunod sa payo ng kanilang mga mission leader habang pinangangasiwaan nila ang gawain ng Panginoon sa katwiran.

Ilang pamantayan ng missionary:

Maging mabait, positibo, at masigla.
Palaging manatili sa tabi ng iyong kompanyon.
Iwasan ang mga sitwasyon na maaaring maging mapanganib sa pisikal o espirituwal. Huwag gumamit ng mga power tool, magpatakbo ng mabibigat na makinarya, o sumakay sa mga traktor, trailer, o likod ng trak.
Iwasan ang telebisyon, sine, mga video game, at mga di-awtorisadong video.
Limitahan sa pakikipagkamay ang pisikal na paghawak sa sinumang iba ang kasarian.

Bakit maaaring maging mahirap sundin ang ilan sa mga pamantayang ito para sa isang missionary? Bakit mahalagang sundin ng mga missionary ang mga ito?

Maaari mong anyayahan ang ilang estudyante na magbahagi ng halimbawa ng isang missionary na kilala nila, mga pamantayang iniatas na panatilihin nila, at kung paano sila pinagpala ng Tagapagligtas sa kanilang mga pagsisikap.

Personal na kabutihan at pagsunod

Maaari mong ibahagi ang sumusunod na pahayag mula kay Elder Soares para tulungan ang mga estudyante na matukoy ang isang katotohanan tungkol sa ugnayan ng pagsunod at gawaing misyonero.

Sa pakikipag-usap sa mga missionary, itinuro ni Elder Ulisses Soares ng Korum ng Labindalawang Apostol:

Ang personal na kabutihan ay isa sa pinakamahalagang kwalipikasyon para kumatawan sa Tagapagligtas sa mundo. Dahil dito ay nagiging karapat-dapat din tayong makasama ang Espiritu ng Panginoon bilang ating kompanyon. …

Kung pipiliin nating hindi maging masunurin, hindi natin magagawang katawanin ang Tagapagligtas gaya ng nararapat, at hindi rin mapapasaatin ang Espiritu ng Panginoon. … Upang maging positibong impluwensya sa buhay ng mga taong tinuturuan ninyo, kailangan ninyong taglayin ang Espiritu ng Panginoon. …

Kung susunod kayo nang buong puso, ipapakita ninyo sa Panginoon ang inyong kahandaang sundin Siya, ang inyong pagmamahal sa Kanya at sa ating Ama sa Langit. Mas lalawak ang inyong espirituwal na pag-unlad. Makikilala ninyo ang Tagapagligtas, at ito ang gagawa ng lahat ng kaibhan sa inyong misyon at sa inyong buhay. (Scott Tayler, “Obedience Is Critical for Missionaries to Fulfill Their Responsibilities, Elder Soares Teaches,”newsroom.ChurchofJesusChrist.org, Mar. 29, 2021)

Ano ang matututuhan natin mula kay Elder Soares tungkol sa kahalagahan ng pagsunod?

Maaaring gamitin ng mga estudyante ang sarili nilang mga salita para matukoy ang isang katotohanan na tulad ng dahil sa personal na kabutihan at pagsunod, nagiging karapat-dapat tayo upang kumatawan sa Tagapagligtas at makasama ang Espiritu bilang kompanyon.

Maaaring makatulong na ipaliwanag na kabilang sa pagsunod ang pagtupad sa ating mga tipan sa Ama sa Langit at kay Jesucristo. Ang pagsunod ay isang mahalagang bahagi ng personal na kabutihan at pagpapakita ng pagmamahal sa Ama sa Langit at kay Jesucristo (tingnan sa Juan 14:15).
Anong mga pagpapala ang nakita ninyong ipinagkaloob ng Ama sa Langit at ni Jesucristo sa isang taong nagsisikap na sundin Sila?
Paano ninyo nakita ang mga pagpapalang ito sa inyong buhay o sa buhay ng isang taong kilala ninyo?

Maglaan ng ilang sandali upang mapanalanging pag-isipan ang inyong kasalukuyang pagsisikap na maging masunurin sa Ama sa Langit at kay Jesucristo. Anyayahan ang Espiritu Santo na tulungan kayong makilala ang mga bagay na ginagawa ninyo nang maayos o maaaring kailangan ninyong iakma para mas maipakita ang inyong pagmamahal sa Kanila at madala ang iba sa Kanila.

Matapat na pagsunod sa gawaing misyonero

Upang matulungan ang mga estudyante na makita kung paano tayo matutulungan ng pagsunod sa pagdadala ng iba kay Cristo, maaaring talakayin ang salaysay tungkol sa impluwensya ni Daniel kay Haring Dario mula sa Daniel 6. Maaaring napag-aralan na ng mga estudyante ang salaysay na ito sa Lesson 145: “Daniel 6.” Maaari kang magbigay ng maikling buod ng kuwento sa pamamagitan ng sumusunod na talata.

Bagama’t alipin sa Babilonia at Persia, si Daniel ay tapat na naglilingkod sa Panginoon. Mas pinili ni Haring Dario si Daniel “higit sa lahat ng ibang mga pangulo at prinsipe” sa kanyang kaharian “sapagkat taglay niya [Daniel] ang isang di-pangkaraniwang espiritu,” (Daniel 6:3). Sa pagsisikap na siraan si Daniel sa paningin ni Haring Dario, gumawa ng plano ang ibang mga pangulo para paglabanin ang katapatan ni Daniel kay Haring Dario sa katapatan ni Daniel sa Diyos. Pinilit nila si Dario na ipahayag na ang manalangin sa Diyos o sa sinumang tao maliban kay Dario ay may parusang kamatayan sa yungib ng mga leon (tingnan sa Daniel 6:4–9). Sa kabila ng panganib, ipinakita ni Daniel na handa siyang sumunod sa pamamagitan ng patuloy na pananalangin sa Diyos. Nang maiulat ang mga panalangin ni Daniel, napilitang pumayag si Dario na ihagis siya sa yungib.

Basahin ang Daniel 6:18–28, at alamin ang naging epekto ng pagsunod ni Daniel sa Panginoon kay Haring Dario.

Ano ang natuklasan ninyo?
Paano magkakaroon ng positibong epekto ang ating mga pagsisikap na sundin ang Panginoon sa pagtingin ng ibang tao sa Ama sa Langit at kay Jesucristo?

Ibahagi ang natutuhan ninyo

Gumawa ng outline na maaaring magamit para magbigay ng tatlo hanggang limang minutong mensahe tungkol sa kahalagahan ng pagsunod kapag ibinabahagi ang ebanghelyo ng Tagapagligtas sa iba.

Isama ang kahit tatlo sa sumusunod sa inyong outline.

Isang talata sa banal na kasulatan tungkol sa pagsunod at kung paano ito magagamit sa pagbabahagi ng ebanghelyo ni Jesucristo.
Isang halimbawa mula sa buhay o mga turo ni Jesucristo na maaaring makatulong sa isang taong nagsisikap na maging masunurin.
Isang modernong halimbawa ng kahalagahan ng pagsunod at kung paano pagpapalain ng Ama sa Langit at ni Jesucristo ang ating mga pagsisikap.
Isang maikling mensahe mula sa isang lider ng Simbahan na nagbibigay-diin sa pagsisikap na maging masunurin at ang mga pagpapala sa paggawa nito.
Ang inyong mga personal na nadarama kung bakit mahalaga ang pagsunod kapag kinakatawan natin ang Tagapagligtas bilang mga miyembro ng Kanyang Simbahan at bilang Kanyang mga missionary.

Maaari mo ring ibigay sa mga estudyante ang pangalawang handout sa lesson na ito para ayusin ang outline para sa kanilang mensahe. Maaari silang maglagay ng pamagat sa unang kahon, isang simpleng panimula sa kanilang mensahe sa pangalawa, ang tatlong bagay na napagpasiyahan nilang isama mula sa listahan sa itaas sa susunod na tatlong kahon, at ang kanilang patotoo sa huling kahon.

Pagkatapos gawin ng mga estudyante ang kanilang outline, maaari silang makipagtulungan sa isang kapartner upang magsanay o pinuhin ang kanilang mensahe. Maaari mong anyayahan ang mga handang estudyante na magbahagi ng kanilang mensahe sa klase. Maaaring hindi kumportable ang ilang estudyante na magbahagi sa harap ng iba. Maaari mo silang hikayating iuwi ang kanilang outline at turuan ang isang miyembro ng pamilya o kaibigan.

Maaaring ibahagi ang iyong patotoo tungkol sa kahalagahan ng personal na kabutihan habang kinakatawan natin ang Tagapagligtas at ang Kanyang ebanghelyo sa iba.

Karagdagang Resources

Paano ipinapakita ng pagpapanatili ng ating mga pamantayan ang ating pagmamahal sa Panginoon?

Itinuro ni Elder Gary E. Stevenson ng Korum ng Labindalawang Apostol:

Ang pag-ibig sa Panginoon ay kadalasang nasusukat sa maliliit na gawain sa araw-araw, sa mga yapak sa landas ng tipan: para sa mga kabataan, paggamit ng social media upang magtaguyod sa halip na manira; pagtalikod sa party, pelikula, o aktibidad na maaaring humamon sa ating mga pamantayan; pagbibigay-pitagan sa mga bagay na sagrado. (“Pag-uugnay sa Dalawang Dakilang Utos,” Liahona, Mayo 2024, 105)

Bakit mahalagang matutuhan ang pagsunod habang naghahanda tayong ibahagi ang ebanghelyo sa iba?

Sa pakikipag-usap sa mga bagong missionary, pinaalalahanan sila ni Elder David A. Bednar ng Korum ng Labindalawang Apostol:

Ang pagsuway ay paghihimagsik laban sa Diyos at sa Kanyang mga layunin at inilalayo tayo nito sa impluwensya ng Espiritu Santo. … Hindi tayo iniiwan ng Espiritu Santo; sa halip, sa pamamagitan ng pagsuway ay inilalayo natin ang ating sarili sa impluwensya ng Espiritu Santo. (Scott Tayler, “7 Lessons Elder Bednar Has Learned About Obedience Over Past 50 Years,”newsroom.ChurchofJesusChrist.org, Hunyo 27, 2022)

Itinuro ni Elder Larry S. Kacher ng Pitumpu:

10:21

[H]abang nagkakaroon tayo ng tunay na pananampalataya kay Jesucristo, nagsisimulang magbago ang ating pag-iisip. Kinikilala natin na ang pagsunod at pagsampalataya sa Tagapagligtas ay pinagigindapat tayong sumaatin ang Kanyang Espiritu sa tuwina. Kapag ginawang layunin ang pagsunod, hindi na ito kaiinisan. Nauunawaan natin na sa pagsunod sa mga utos ng Diyos, pinagkakatiwalaan Niya tayo. Ang Kanyang pagtitiwala ay naghahatid ng dagdag na pang-unawa. Ang liwanag na ito ay gumagabay sa ating paglalakbay at hinahayaan tayong makita nang mas malinaw ang landas na dapat nating tahakin. (“Hagdan ng Pananampalataya,” Liahona, Mayo 2022, 25) (time code na 4:05 hanggang 4:39)

Mga Karagdagang Aktibidad sa Pag-aaral

Ang mga pagpapala ng masunuring paglilingkod bilang missionary

Maaaring makatulong sa mga estudyante na gumamit ng mga sitwasyon upang tulungan silang makilala kung paano makaaapekto ang ating mabubuting pagpili sa ating kakayahang ibahagi ang ebanghelyo ng Tagapagligtas sa iba. Maaaring ibigay ang mga sumusunod na sitwasyon o katulad nito.

Bilang mga missionary, alam nina Sister Kelly at Shepherd na ang curfew ng kanilang misyon ay 9:00 p.m., ngunit gusto nilang manatili hanggang 9:30 kasama ang isang pamilya na kanilang tinuturuan.
Si Elder Pratt ay talagang nagsasawa na sa paggising sa normal na oras ng missionary na 6:30 a.m. Sa tingin niya, makatutulong sa kanyang magkaroon ng mas maraming enerhiya sa araw kapag mas marami siyang tulog.
Ang mga panuntunan ng misyon ay nagsasabi na ang mga missionary ay hindi pinapayagang pumunta sa beach. Gayunpaman, inanyayahan ng mga miyembro ng lokal na branch sina Elder Miller at Smith na makipagkita sa ilan sa kanilang mga kapitbahay na nagtanong tungkol sa Simbahan at dadalo sa beach party.

Maaari mong ayusin ang mga estudyante nang magkakapartner para talakayin ang sitwasyong pipiliin nila. Maaaring gumamit ang mga estudyante ng thread ng text message para gumawa ng pag-uusap. Maaaring isipin ng mga estudyante na ang taong nasa sitwasyon ay humingi ng kanilang payo. Maaari silang gumawa ng isang usapan, at ibahagi ang kanilang natutuhan tungkol sa pagsunod at gawaing misyonero.

Mabuti o hindi gaanong mabuti

Pagkatapos rebyuhin ang ilan sa mga pamantayan ng misyon, maaaring makinabang ang mga estudyante sa isang talakayan tungkol sa kung paano ba maging masunurin sa misyon. Para gawin ito, maaari mong ipakita ang “Kaligtasan sa Araw ng Paghahanda,” mula sa time code na 1:58 hanggang 6:15. Maaari kang mag-pause pagkatapos ng bawat paglalarawan ng gawaing misyonero at anyayahan ang mga estudyante na tumugon sa paanyaya ng moderator upang matukoy kung ang mga aktibidad ay mabuti o hindi gaanong mabuti.

16:41

Ang ibig sabihin ng pagsunod ay kinikilala natin ang mga pagkakamali, nagsisisi, at susubok muli

Kung nahihirapan ang mga estudyante na magkaroon ng tiwala na kaya nilang maging masunurin, o nag-aalala kung napatawad na sila sa mga nakaraang pagkakamali, maaari mong ibahagi ang video na “Nagbago sa Pamamagitan ng Pagmamahal ni Jesucristo” (2:26). Maaari mong ipaliwanag na kung tayo ay taimtim na nagsisikap na gawin ang ating makakaya, kahit na tayo ay nagkakamali, mapapatawad tayo sa pamamagitan ng Pagbabayad-sala ng Tagapagligtas. Maaaring anyayahan ang mga estudyante na magsulat ng maikling entry sa journal na nagpapahayag ng kanilang kahandaang magpatuloy sa pagsubok na maging masunurin, kabilang ang pagsunod sa utos na magsisi kapag nagkamali sila.

2:27