Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Ang Ating Responsibilidad sa Tipan na Ibahagi ang Ebanghelyo: “Ang Lahat ng Angkan sa Lupa ay Pagpapalain sa pamamagitan … ng Iyong Binhi”

“Ang Ating Responsibilidad sa Tipan na Ibahagi ang Ebanghelyo: ‘Ang Lahat ng Angkan sa Lupa ay Pagpapalain sa pamamagitan … ng Iyong Binhi,’” Manwal ng Guro ng Seminary para sa Lumang Tipan (2026)

“Ang Ating Responsibilidad sa Tipan na Ibahagi ang Ebanghelyo: ‘Ang Lahat ng Angkan sa Lupa ay Pagpapalain sa pamamagitan … ng Iyong Binhi,’” Manwal ng Guro ng Seminary para sa Lumang Tipan

Paghahanda ng Missionary: Lesson 196

Ang Ating Responsibilidad sa Tipan na Ibahagi ang Ebanghelyo

“Ang Lahat ng Angkan sa Lupa ay Pagpapalain sa pamamagitan … ng Iyong Binhi”

Missionaries teaching about the Temple to a new member outside the Seoul Korea Temple.

Kapag pinili nating sundin ang Tagapagligtas at lumakad sa landas ng tipan, ipinapangako Niya sa atin ang gayon ding mga pagpapala na ibinigay Niya rin kay Abraham. Kabilang sa mga pagpapalang ito ang kapangyarihan ng priesthood, mga walang-hanggang pamilya, at mana sa kahariang selestiyal. Bilang bahagi ng tipang ito, mayroon tayong sagradong responsibilidad na ibahagi ang ebanghelyo ng Tagapagligtas sa buong mundo para matanggap ng lahat ang mga kagila-gilalas na pagpapalang ito. Ang lesson na ito ay makatutulong sa mga estudyante na palalimin ang kanilang pag-unawa tungkol sa kanilang responsibilidad sa tipan na ibahagi ang ebanghelyo ni Jesucristo sa iba.

Paghahanda ng estudyante: Anyayahan ang mga estudyante na maglaan ng ilang minuto ng kanilang personal na pag-aaral ng mga banal na kasulatan para hanapin ang mga pagpapala at responsibilidad ng tipang Abraham. Maaari nilang pag-aralan ang doctrinal mastery passage na Abraham 2:9–11 o hanapin ang “tipang Abraham” sa Gospel Library. Sa lesson, maaari mo silang anyayahan na magbahagi ng mga bagay na natutuhan nila o mga tanong na mayroon sila.

Mga Posibleng Aktibidad sa Pag-aaral

Mga pamilya sa mundo

Bilang isang grupo, pumili ng isa sa mga larawan ng isang tao sa inyong mga piraso ng puzzle at gumawa ng maikling paglalarawan para sa taong iyon. Maaaring kabilang dito ang:

Pangalan
Lugar na pinagmulan niya
Mga detalye tungkol sa kanyang pamilya
Magagandang bagay na nangyayari sa kanyang buhay
Mga hamong kinakaharap niya

Anyayahan ang bawat grupo na ibahagi sa klase ang mga detalyeng ginawa nila para sa taong pinili nila mula sa kanilang mga piraso ng puzzle. Pagkatapos nilang magbahagi, sabihin sa mga estudyante na alamin sa buong lesson ang ipinagagawa sa atin ng Panginoon para pagpalain ang mga tao sa buong mundo, tulad ng mga inilarawan ng bawat grupo. Ipaliwanag na sabay-sabay na kukumpletuhin ng mga estudyante ang buong puzzle kalaunan sa lesson.

Maaari mong anyayahan ang mga estudyante na pag-aralan ang sumusunod na passage sa kanilang grupo.

Basahin ang Abraham 2:9–11, at alamin ang sinabi ng Panginoon kay Abraham na gagawin Niya para pagpalain ang mga bansa at pamilya sa mundo. Paalala: Ang mga talatang ito ay naglalaman ng isang bahagi na tinatawag na tipang Abraham.

Sino ang binhi ni Abraham? (Tingnan sa talata 10–11.)
Ano ang ilang paraan na mapagpapala ng Panginoon ang mga pamilya sa mundo sa pamamagitan ng binhi ni Abraham?

Maaaring ibahagi ang sumusunod na pahayag para suportahan o dagdagan ang mga sagot ng mga estudyante.

Itinuro ni Elder David A. Bednar ng Korum ng Labindalawang Apostol ang sumusunod tungkol sa binhi ni Abraham:

Tayo ang binhi ni Abraham. …

Ang gawaing misyonero ay pagpapamalas ng ating espirituwal na identidad at pamana. Tayo’y inordena noon pa sa buhay bago ang buhay sa lupa at isinilang sa mortalidad para tuparin ang tipan at pangako ng Diyos na ginawa kay Abraham. Narito tayo ngayon sa lupa para gampanang mabuti ang ating tungkulin sa priesthood at ipangaral ang ebanghelyo. Iyan tayo, at iyan ang dahilan kung bakit narito tayo—ngayon at sa tuwina. (“Pagiging Misyonero,” Liahona, Nob. 2005, 47)

Paano ninyo ibubuod ang pahayag na ito?

Maaaring sabihin ng mga estudyante ang tulad ng, bilang binhi ni Abraham, may responsibilidad tayo sa tipan na ibahagi ang ebanghelyo ni Jesucristo sa buong mundo. Maaari mong gamitin ang mga salita ng mga estudyante para isulat ang katotohanang ito sa pisara.

Upang mas maunawaan ang kahalagahan ng responsibilidad na ito, maaaring ipabasa sa mga estudyante ang unang tatlong talata sa pahina 1 ng Mangaral ng Aking Ebanghelyo sa ilalim ng heading na “Ang Iyong Tungkulin na Ituro ang Ipinanumbalik na Ebanghelyo ni Jesucristo.”

Bakit maaaring nasasabik ang ilang tao tungkol sa responsibilidad na ito? Bakit maaaring mag-atubili ang ilan?
Sa inyong palagay, paano mapagpapala ng ebanghelyo ni Jesucristo ang mga taong tulad ng mga inilarawan ninyo sa inyong mga piraso ng puzzle?

Upang matulungan ang mga estudyante na makita ang kahalagahan ng pagbabahagi ng ebanghelyo, maaari mong itanong kung ano ang naaalala nila tungkol sa tipang Abraham o ipaliwanag ang sumusunod (para sa higit pang detalye, tingnan sa “Lesson 23: ‘Genesis 12; 17’” at ’“Lesson 24: ‘Abraham 2:9–11’”):

Bilang bahagi ng tipang Abraham, ipinangako sa atin ng Diyos ang mga pagpapala ng Kanyang priesthood, mga walang-hanggang pamilya, at mana sa kahariang selestiyal. Ito ang mga pagpapalang ninanais Niya para sa lahat ng Kanyang anak, at mayroon tayong pribilehiyo at responsibilidad na ibahagi ang mga ito sa mundo.

Paano tayo mahihikayat ng pag-alaala sa mga pagpapalang ito na ibahagi ang ebanghelyo ni Jesucristo sa iba?

Pagnilayan ang inyong personal na nadarama tungkol sa pagbabahagi ng ebanghelyo sa iba. Patuloy na maghanap ng mga kabatirang makatutulong sa inyo na mas maunawaan ang mga pagpapala at pribilehiyo ng sagradong responsibilidad na ito.

Pagtupad sa ating responsibilidad sa tipan

Ang Isaias 49 ay naglalaman ng mga propesiya tungkol sa pagtitipon ng Israel sa mga huling araw, kabilang ang pangangaral ng ebanghelyo. Ipinaliwanag ng propetang si Nephi ng Aklat ni Mormon na ang mga propesiyang ito ay isang paalala na tutuparin ng Diyos ang Kanyang tipan na pagpapalain ang mga mag-anak o pamilya sa mundo sa pamamagitan ng binhi ni Abraham (tingnan sa 1 Nephi 22:7–9). Paalala: Ang lingkod na binanggit sa Isaias 49:3 at 5 ay maaaring naglalarawan sa mga indibiduwal na inilalapit ang mga tao kay Cristo, kabilang ang mga miyembro ng sambahayan ni Israel, mga propeta, at ang mismong Tagapagligtas.

Ipakita ang mga sumusunod na tagubilin. Maaari itong kumpletuhin ng mga estudyante kasama ang kanilang grupo.

Alamin ang tungkol sa mga propesiya ni Isaias sa pamamagitan ng pagbabasa ng mga banal na kasulatan at pahayag sa likod ng mga piraso ng puzzle ninyo. Talakayin at maghandang ibahagi sa klase ang sumusunod:

Mga bagay na natutuhan ninyo tungkol sa ating responsibilidad sa tipan na ibahagi ang ebanghelyo.
Mga paraan na masusuportahan tayo ng Ama sa Langit at ni Jesucristo habang ginagampanan natin ang responsibilidad na ito.
Mga halimbawa kung paano ito magagamit ng mga missionary at ng iba pang miyembro ng Simbahan ng Panginoon.

Pangwakas

Kumpletuhin ang isa o mahigit pa sa mga sumusunod na pahayag sa inyong study journal ayon sa kaugnayan nito sa ating responsibilidad sa tipan na ibahagi ang ebanghelyo:

Natutuhan ko ngayon na ang mga tao sa buong mundo ay …

Natutuhan ko ngayon na ako ay …

Natutuhan ko ngayon na ang Tagapagligtas ay …

Ipabahagi sa ilang nagboluntaryo ang isinulat nila. Tapusin ang klase sa pamamagitan ng pagbabahagi ng iyong nadarama tungkol sa ating responsibilidad sa tipan na ibahagi ang ebanghelyo ni Jesucristo sa iba. Ipaalala sa mga estudyante na ito ay gawain ng Tagapagligtas, at sila ay tutulungan Niya sa kanilang mga pagsisikap.

Karagdagang Resources

Bakit may responsibilidad ako na ibahagi ang ebanghelyo ni Jesucristo?

Itinuro ni Pangulong Russell M. Nelson:

5:34

Bawat taong nakipagtipan sa Diyos ay nangakong pangangalagaan ang iba at paglilingkuran ang mga nangangailangan. Maipapakita natin ang pananampalataya sa Diyos at lagi tayong magiging handang sumagot sa mga nagtatanong tungkol sa “pag-asang nasa [atin]” (1 Pedro 3:15). Bawat isa sa atin ay may papel na gagampanan sa pagtipon ng Israel. (“Pangangaral ng Ebanghelyo ng Kapayapaan,” Liahona, Mayo 2022, 6) (time code na 2:26 hanggang 2:50)

Paano pinagpapala ng Tagapagligtas ang iba sa pamamagitan ko?

Ipinaliwanag ni Pangulong Camille N. Johnson, Relief Society General President:

10:19

Ang pagpapala ng tipan natin ay maging katuwang ni Jesucristo sa pagbibigay ng ginhawa, kapwa temporal at espirituwal, sa lahat ng anak ng Diyos. Sa pamamagitan natin nakapagbibigay Siya ng kaginhawahan.

At tulad ng mga kaibigan ng lalaking lumpo, ating “tulungan ang mahihina, itaas ang mga kamay na nakababa, at palakasin ang tuhod na mahihina” (Doktrina at mga Tipan 81:5). Ating “dalhin … ang mga pasanin ng isa’t isa, at sa gayon ay matutupad … ang kautusan ni Cristo” (Galacia 6:2). Sa paggawa natin nito, nakikilala natin Siya, nagiging katulad tayo Niya, at nakatatagpo ng kaginhawahan sa Kanya. (“Si Jesucristo ay Kaginhawahan,” Liahona, Mayo 2023, 83) (time code na 8:16 hanggang 8:50)

Paano kung gusto kong ibahagi ang ebanghelyo ni Jesucristo ngunit hindi ako sigurado kung paano ito gawin?

Para sa mga ideya tungkol sa pagbabahagi ng ebanghelyo, tingnan sa “Mga Paraan sa Pagbabahagi ng Ebanghelyo” sa Gospel Library.

Paano kung kinakabahan ako sa pagbabahagi ng ebanghelyo?

Ang Mangaral ng Aking Ebanghelyo ay nagbigay ng sumusunod na payo:

Kung minsan ay maaaring kabahan ka o madama mong hindi mo ito kayang gawin. Marahil ay nag-aalala ka na hindi sapat ang iyong kaalaman o na wala kang sapat na karanasan.

Tinawag ka ng iyong Ama sa Langit, na lubusang nakakakilala sa iyo, dahil sa maihahandog mo bilang tapat na tagasunod ni Jesucristo. Hindi ka Niya pababayaan. Magtiwala na pahuhusayin ng Espiritu ang iyong mga kakayahan at ituturo ang katotohanan sa mga handang makinig dito. (Mangaral ng Aking Ebanghelyo: Gabay sa Pagbabahagi ng Ebanghelyo ni Jesucristo [2023], 207)

Mga Karagdagang Aktibidad sa Pag-aaral

Mga pagpapala ng tipang Abraham

Upang matulungan ang mga estudyante na mas maunawaan ang mga pagpapala ng tipang Abraham, rebyuhin ang bahaging “Bakit mahalaga sa akin ang tipang Abraham?” sa “Lesson 23: ‘Genesis 12; 17’.” Pagkatapos ay sabihin sa mga estudyante na talakayin kung bakit maaaring gustuhin nila na ibahagi ang mga ipinangakong pagpapalang ito sa mga anak ng Diyos sa buong mundo.

Karagdagang opsiyon sa pag-aaral

Kung sa palagay mo ay kapaki-pakinabang na gumawa ng panlimang grupo, maaari mong ibigay sa panlimang grupo ang sumusunod na pag-aaralang materyal. Maaari kang gumawa ng hiwalay na tatlong pirasong puzzle sa pamamagitan ng paglalagay ng mga reference na ito sa likod ng larawan ng isang missionary o ng ibang naangkop na larawan.

Pakainin ang mga nagugutom sa espirituwal

Isaias 49:10

Juan 6:35; 3 Nephi 20:7–8

Ipinahayag ni Pangulong Jeffrey R. Holland ng Korum ng Labindalawang Apostol:

Nang may iisang tinig at pagkakaisa, pinapatotohanan namin na ang ebanghelyo ni Jesucristo ang tanging paraan upang matugunan ang nakatinding espirituwal na pagkagutom at mapawi ang napakatinding espirituwal na pagkauhaw. (“He Hath Filled the Hungry with Good Things,” Liahona, Nob. 1997, 65)

Mangaral ng Aking Ebanghelyo

Magagamit ng lahat ng miyembro ng Simbahan ang Mangaral ng Aking Ebanghelyo upang matulungan silang “tuparin ang kanilang responsibilidad sa tipan na ibahagi ang ebanghelyo sa pamamagitan ng pagsasabuhay sa mga alituntunin ng pagmamahal, pagbabahagi, at pag-anyaya” (Mangaral ng Aking Ebanghelyo, ix).

Sa halip na anyayahan ang mga estudyante na pag-aralan ang mga passage at pahayag sa likod ng kanilang mga piraso ng puzzle, maaari mong anyayahan ang bawat grupo na pag-aralan ang mga bahagi ng Mangaral ng Aking Ebanghelyo. Halimbawa, maaari nilang pag-aralan ang “Suportahan ang mga Miyembro sa Kanilang mga Pagsisikap na Ibahagi ang Ebanghelyo” o “Mga Pangakong Pagpapala para sa Pagbabahagi ng Ebanghelyo” sa kabanata 9. Anyayahan ang bawat grupo na maghandang magbahagi ng kanilang natutuhan na makatutulong sa atin na matupad ang ating responsibilidad sa tipan na ibahagi ang ebanghelyo ni Jesucristo sa iba.