Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Abraham 2:9–11: Ang Ating mga Responsibilidad sa Tipang Abraham

“Abraham 2:9–11: Ang Ating mga Responsibilidad sa Tipang Abraham,” Manwal ng Titser ng Seminary para sa Lumang Tipan (2026)

“Abraham 2:9–11: Ang Ating mga Responsibilidad sa Tipang Abraham,” Manwal ng Titser ng Seminary para sa Lumang Tipan

Genesis 12–17; Abraham 1–2: Lesson 24

Abraham 2:9–11

Ang Ating mga Responsibilidad sa Tipang Abraham

A young man in a black shirt standing and showing an open Book of Mormon to another young man standing beside him.

Nakipagtipan ang Panginoon kay Abraham at sa kanyang mga inapo. Bilang binhi ni Abraham, may responsibilidad tayo sa tipan na dalhin ang mga pagpapala ng ebanghelyo ng Tagapagligtas sa lahat ng pamilya sa mundo. Ang lesson na ito ay tutulong sa mga estudyante na kumilos ayon sa mga responsibilidad na ibinigay sa kanila ng Panginoon bilang binhi ni Abraham.

Paghahanda ng estudyante: Anyayahan ang mga estudyante na pag-isipan ang mga sumusunod na tanong at talakayin ang mga ito sa isang kapamilya: “Bakit mahalaga sa iyo ang ebanghelyo ni Jesucristo? Sa iyong palagay, bakit ito kailangan ng lahat ng tao?”

Mga Posibleng Aktibidad sa Pag-aaral

Ang binhi ni Abraham

Maaari mong simulan ang klase sa pagbibigay sa mga estudyante ng 30 segundo upang maglista hangga’t kaya nila ng mga salitang makapaglalarawan sa kanilang sarili. Pagkatapos, sabihin sa mga estudyante na bilugan ang tatlong salita na pinakamainam na naglalarawan sa kanila. Maaaring ibahagi ng ilang estudyante ang kanilang mga sagot sa klase.

Sa anong mga paraan naiimpluwensyahan ang inyong pag-uugali ng mga bagay na ito na tumutukoy sa inyo?

Itinuro ni Elder David A. Bednar ng Korum ng Labindalawang Apostol ang sumusunod tungkol sa ating identidad:

17:8

Maaaring nasisiyahan kayo sa musika, palakasan, o mahilig magmekaniko, at balang-araw maaaring makapagtrabaho kayo sa isang negosyo o magamit ang inyong propesyon o sa sining. Kahit gaano pa kahalaga ang gayong mga gawain o trabaho, hindi nito inilalarawan kung sino tayo. Una sa lahat, tayo’y mga espirituwal na nilalang. Tayo’y mga anak na lalaki [at anak na babae] ng Diyos at binhi ni Abraham. (“Pagiging Misyonero,” Liahona, Nob. 2005, 47)

Ano ang pinakanapansin ninyo mula sa itinuro ni Elder Bednar tungkol sa ating pinakamahahalagang identidad?

Kung pinag-aralan ng mga estudyante ang Lesson 23: “Genesis 12; 17,” anyayahan sila na ibuod sa isang kaklase ang naaalala nila tungkol sa tipang Abraham. Tulungan ang mga estudyante na maunawaan na bilang binhi, o inapo, ni Abraham, hindi lamang tayo pinangakuan ng mahahalagang pagpapala, kundi nakikipagtipan din tayo na gagampanan natin ang mahahalagang responsibilidad. Sabihin sa kanila na kumpletuhin ang sumusunod na self-assessment.

Piliin kung alin sa mga sumusunod na pahayag ang totoo para sa iyo:

Nauunawaan ko ang aking mga responsibilidad bilang binhi ni Abraham.
Sinisikap kong gampanan ang aking mga responsibilidad bilang binhi ni Abraham.
Nakadarama ako ng malaking kagalakan sa pagtupad sa aking mga responsibilidad bilang binhi ni Abraham.
Hindi ko nauunawaan kung ano ang mga responsibilidad ko bilang binhi ni Abraham.
Mayroon akong mga tanong tungkol sa mga responsibilidad ko bilang binhi ni Abraham.

Sabihin sa mga estudyante na isulat ang anumang tanong na maaaring mayroon sila o impresyon na nadama nila nang pag-isipan nila ang mga pahayag na ito. Anyayahan sila na humingi ng paghahayag mula sa kanilang Ama sa Langit sa pamamagitan ng Espiritu Santo upang malaman kung paano nila higit na magagampanan ang kanilang mga responsibilidad bilang binhi ni Abraham.

Ang Abraham 2:9–11 ay isang doctrinal mastery passage. Maaari mong anyayahan ang mga estudyante na markahan ang mga doctrinal mastery passage sa natatanging paraan para madali nilang mahanap ang mga ito.

Basahin ang Abraham 2:8–11, at alamin ang ating mga responsibilidad bilang binhi ni Abraham.

Ano ang inaasahan sa atin ng Tagapagligtas?

Maaari mo ring sabihin sa mga estudyante na magtanong ng anuman tungkol sa mga talata. Habang tinatalakay ninyo ang mga responsibilidad sa tipang Abraham, tulungan ang mga estudyante na matukoy ang katotohanang tulad ng: Bilang binhi ni Abraham, binigyan tayo ng Tagapagligtas ng responsibilidad na pagpalain ang lahat ng pamilya sa mundo sa pamamagitan ng mga pagpapala ng Kanyang ebanghelyo.

Maaaring makinabang ang mga estudyante sa kaalaman na magagampanan nila ang kanilang responsibilidad sa tipan sa pamamagitan ng pagtulong na tipunin ang Israel.
Ano ang ilang paraan na magagawa natin upang mapagpala ang lahat ng pamilya sa mundo sa pamamagitan ng ebanghelyo ng Tagapagligtas?

Basahin ang 1 Nephi 15:18, at alamin kung kailan matutupad ang tipang Abraham.

Pinatotohanan ni Pangulong Russell M. Nelson:

Responsibilidad nating tumulong upang matupad ang tipang Abraham. Atin ang binhing inorden na noon pa at inihanda upang pagpalain ang lahat ng mga tao sa mundo. Kaya nga kabilang sa tungkulin ng priesthood ang gawaing misyonero. Pagkaraan ng 4,000 taon ng paghihintay at paghahanda, ito ang takdang araw kung kailan ang ebanghelyo ay dadalhin sa mga tao sa mundo. Ito ang panahon ng ipinangakong pagtitipon ng Israel. At kabahagi tayo! Hindi ba’t kapana-panabik [ito]? (“Mga Tipan,” Liahona, Nob. 2011, 88)

Sa tuwing gumagawa tayo ng kahit ano na makatutulong sa kahit sino—sa magkabilang panig ng tabing—para gawin at tuparin ang kanilang mga tipan sa Diyos, tumutulong tayo na tipunin ang Israel. (“Hayaang Manaig ang Diyos,” Liahona, Nob. 2020, 92–93)

Ano ang nadarama ninyo tungkol sa ebanghelyo ni Jesucristo?
Sa inyong palagay, bakit ito kailangan ng lahat ng tao?
Ano ang mga naging karanasan ninyo (o ng mga taong kilala ninyo) sa pagtitipon ng Israel?

Pagtupad sa ating mga responsibilidad

Ano ang ginawa mo o anong mga plano ang ginawa mo upang mapagpala ang iba sa pamamagitan ng ebanghelyo ng Tagapagligtas?
Ano ang iyong nadama na dapat mong gawin sa mga darating na araw at linggo upang:
- Tulungan ang iba na gumawa o tumupad ng mga tipan?
- Ibahagi ang ebanghelyo ng Tagapagligtas?
- Tulungan ang mga tao sa kabilang panig ng tabing?

Maaari mong patotohanan ang ating mahalagang responsibilidad, bilang binhi ni Abraham, na ibahagi ang mga pagpapala ng ebanghelyo ng Tagapagligtas sa lahat ng tao.

Isaulo

Maaari mong tulungan ang mga estudyante na isaulo ang doctrinal mastery reference at mahalagang parirala ng banal na kasulatan sa lesson na ito at balikan ang mga ito sa mga susunod na lesson. Ang mahalagang parirala ng banal na kasulatan para sa Abraham 2:9–11 ay “Ipinangako ng Panginoon kay Abraham na ang kanyang binhi ay ‘dadalhin ang pangangaral na ito at Pagkasaserdote sa lahat ng bansa.’” Ang mga ideya para sa mga aktibidad sa pagsasaulo ay nasa mga materyal sa appendix sa ilalim ng “Mga Aktibidad sa Pagrerebyu ng Doctrinal Mastery.”

Karagdagang Resources

Ano ang aking pinakamahahalagang identidad?

Itinuro ni Pangulong Russell M. Nelson:

Ngayon, kayo naman ang tatanungin namin. Sino kayo?

Una sa lahat, kayo ay anak ng Diyos.

Pangalawa, bilang miyembro ng Simbahan, kayo ay anak ng tipan. At pangatlo, kayo ay disipulo ni Jesucristo. (“Mga Pagpiling May Epekto sa Kawalang-Hanggan” [pandaigdigang debosyonal para sa mga young adult, Mayo 15, 2022], Gospel Library)

Ano ang responsibilidad ko bilang binhi ni Abraham?

Itinuro ni Elder David A. Bednar ng Korum ng Labindalawang Apostol:

Tunay na malaki ang responsibilidad na nakaatang sa binhi ni Abraham sa mga huling araw na ito. …

… Tayo’y inordena noon pa sa buhay bago ang buhay sa lupa at isinilang sa mortalidad para tuparin ang tipan at pangako ng Diyos na ginawa kay Abraham. Narito tayo ngayon sa lupa para gampanang mabuti ang ating tungkulin sa priesthood at ipangaral ang ebanghelyo. Iyan tayo, at iyan ang dahilan kung bakit narito tayo. (“Pagiging Misyonero,” Liahona, Nob. 2005, 47)

Ipinahayag ni Pangulong Russell M. Nelson:

61:35

Gusto naming malaman ninyo na ang pagtitipon ng Israel ay nangangahulugan na ibahagi ang ebanghelyo ni Jesucristo sa mga anak ng Diyos sa magkabilang panig ng tabing na hindi pa nakagagawa ng mga importanteng tipan sa Diyos o natatanggap ang mahahalagang ordenansa.

Bawat anak ng ating Ama sa Langit ay nararapat na magkaroon ng pagkakataon na piliing sundin si Jesucristo, na tanggapin ang Kanyang ebanghelyo kasama ang lahat ng biyaya nito—oo, lahat ng mga biyayang ipinangako ng Diyos sa angkan ni Abraham, Isaac, at Jacob, na kinikilala ring Israel. (“Pag-asa ng Israel,” [pandaigdigang debosyonal para sa mga kabataan, Hunyo 3, 2018], Russell M. Nelson at Wendy W. Nelson, Gospel Library)

Itinuro ni Pangulong Camille N. Johnson, Relief Society General President:

10:19

Ang pagpapala ng tipan natin ay maging katuwang ni Jesucristo sa pagbibigay ng ginhawa, kapwa temporal at espirituwal, sa lahat ng anak ng Diyos. Sa pamamagitan natin nakapagbibigay Siya ng kaginhawahan.

At tulad ng mga kaibigan ng lalaking lumpo, ating “tulungan ang mahihina, itaas ang mga kamay na nakababa, at palakasin ang tuhod na mahihina” [Doktrina at mga Tipan 81:5]. Ating “dalhin … ang mga pasanin ng isa’t isa, at sa gayon ay matutupad … ang kautusan ni Cristo” [Galacia 6:2]. Sa paggawa natin nito, nakikilala natin Siya, nagiging katulad tayo Niya, at nakatatagpo ng kaginhawahan sa Kanya. (“Si Jesucristo ay Kaginhawahan,” Liahona, Mayo 2023, 83)

Mga Karagdagang Aktibidad sa Pag-aaral

Mga karagdagang paraan upang magampanan ang ating mga responsibilidad

Maaari mong isama ang mga opsiyon na ito bilang karagdagang mga istasyon ng pag-aaral para sa aktibidad sa lesson.

Ibahagi ang Aklat ni Mormon. Ang Aklat ni Mormon ay kasangkapan ng Diyos upang tipunin ang Israel. Isipin ang isang tao na mababahagian ninyo ng Aklat ni Mormon. Maaari ninyo siyang anyayahang i-download ang Book of Mormon app. Isulat o ibahagi ang inyong patotoo tungkol sa Tagapagligtas at sa Aklat ni Mormon at pumili ng isang passage na maibabahagi ninyo. Magplano kung kailan ninyo ibabahagi ang Aklat ni Mormon sa taong ito o magpadala sa kanya ng mensahe ngayon.

Sumali sa kabataang batalyon ng Panginoon. Pumili ng isa o mahigit pa sa mga sumusunod na paanyaya ni Pangulong Russell M. Nelson. Ibinigay Niya ang mga paanyayang ito upang tulungan ang mga kabataan na maghandang makibahagi sa pagtitipon ng Israel:

Mag-ayuno nang pitong araw mula sa social media.
Magsakripisyo ng oras linggu-linggo para sa Panginoon sa loob ng tatlong linggo.
Suriin nang husto ang buhay upang matiyak na nasa landas ka ng tipan.
Ipagdasal araw-araw na matanggap ng lahat ng anak ng Diyos ang mga pagpapala ng ebanghelyo ni Jesucristo.
Mamukod-tangi at maging kakaiba. Pag-aralan at ibahagi ang buklet na Para sa Lakas ng mga Kabataan. (Hinango mula sa Russell M. Nelson at Wendy W. Nelson, “Pag-asa ng Israel” [pandaigdigang debosyonal para sa mga kabataan, Hunyo 3, 2018], Gospel Library)

Makakakita ka ng iba pang detalye na maibabahagi sa mga estudyante tungkol sa bawat paanyaya sa mensahe na “Pag-asa ng Israel” nina Pangulong Nelson at Sister Wendy W. Nelson sa debosyonal para sa mga kabataan.

Mga Video

Maaari mong gamitin ang mga sumusunod na video upang matulungan ang mga estudyante na makita ang mga paraan kung paano nila matutulungan ang lahat ng pamilya sa mundo na mapagpala ng ebanghelyo ng Tagapagligtas.

Ang video na “Inviting Others to ‘Come and Stay’” (1:39) ay nagpapakita ng mga paraan kung paano matutulungan ng mga estudyante ang iba na madamang malugod silang tinatanggap sa simbahan.

1:45

Ang mga video na “Inviting All to Come unto Christ: Sharing the Gospel” (4:30) at “Inviting Others to ‘Come and See’” (1:17) ay nagpapakita ng mga paraan kung paano maaanyayahan ng mga estudyante ang iba na makibahagi sa mga aktibidad ng Simbahan.

4:30

1:23

Ang video na “All the Families of the Earth” (2:55) ay makatutulong para mahikayat ang mga estudyante na makibahagi sa gawain sa templo at family history.

2:50