Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Abraham 1: “Naghahangad … na Maging Isang … Tagasunod ng Kabutihan”

“Abraham 1: ‘Naghahangad … na Maging Isang … Tagasunod ng Kabutihan,’” Manwal ng Titser ng Seminary para sa Lumang Tipan (2026)

“Abraham 1: ‘Naghahangad … na Maging Isang … Tagasunod ng Kabutihan,’” Manwal ng Titser ng Seminary para sa Lumang Tipan

Genesis 12–17; Abraham 1–2: Lesson 22

Abraham 1

“Naghahangad … na Maging Isang … Tagasunod ng Kabutihan”

The painting portrays Abram kneeling, his head bowed. Melchizedek lays his hands on his head blessing him. His eyes are shut and his face looks up. An attendant holds bread and wine.

Si Abraham ay lumaking napaliligiran ng kasamaan at pagsamba sa mga diyus-diyusan. Sa kabila ng mga sitwasyong ito, hinangad ni Abraham na sundin si Jesucristo, na kilala sa premortal na buhay at kilala ni Abraham bilang si Jehova. Habang nagsisikap si Abraham para sa kanyang mabubuting hangarin, pinagpala siya ng Panginoon na matamo ang mga ito. Ang lesson na ito ay makatutulong sa mga estudyante na makadama ng pag-asa na matutulungan sila ng Ama sa Langit na matamo ang mga pagpapalang nais Niyang matanggap nila.

Paghahanda ng estudyante: Sabihin sa mga estudyante na ilista ang pinakagusto nila sa buhay at isipin kung ano ang nadarama ng Ama sa Langit tungkol sa pinakagusto nila.

Mga Posibleng Aktibidad sa Pag-aaral

Ano ang ninanais mo?

Simulan ang lesson sa pamamagitan ng pagtulong sa mga estudyante na mag-isip ng mga sitwasyon kung saan maaaring nahihirapan silang maniwala na matutulungan sila ng Panginoon na matamo ang isang mabuting pagpapala na ninanais nila. Para magawa ito, maaari mong ibahagi ang mga sumusunod na hindi kumpletong sitwasyon at sabihin sa mga estudyante na tukuyin ang isang balakid na maaaring kaharapin ng indibiduwal.

May matinding hangarin si Samantha na sundin si Jesucristo sa pamamagitan ng pangangaral ng Kanyang ebanghelyo sa ibang tao. Gayunpaman, tila mahirap ito ngayon dahil …

May matinding hangarin si Yuchen na sundin si Jesucristo sa pamamagitan ng pagbabayad ng kanyang ikapu. Gayunpaman, tila mahirap ito ngayon dahil …

May matinding hangarin si Carlos na sundin si Jesucristo sa pamamagitan ng pagpapabinyag. Gayunpaman, tila mahirap ito ngayon dahil …

Sabihin sa mga estudyante na isipin ang sarili nilang kalagayan at ang mga balakid na maaari nilang kaharapin sa pagsunod kay Jesucristo. Sabihin sa mga estudyante na kumpletuhin ang mga sumusunod na hakbang sa kanilang study journal.

Sa iyong study journal:

Isulat ang ilan sa mga pagpapalang pinakahinahangad mo sa buhay.
Ilista ang anumang balakid na nakikita mo sa pagtatamo ng mga pagpapalang ito.

Habang inaaral ng mga estudyante ang Abraham 1, sabihin sa kanila na hingin ang tulong ng Ama sa Langit sa pamamagitan ng Espiritu Santo. Matutulungan sila ng Espiritu Santo na makadama ng pag-asa na maaari nilang sundin si Jesucristo at matamo ang Kanyang mga pagpapala anuman ang mga balakid na maaaring maranasan nila.

Mga sitwasyon ni Abraham

Sa Lesson 3: Abraham 3, natutuhan ng mga estudyante ang mga pinagmulan ng aklat ni Abraham. Kung hindi mo ito ipinaliwanag sa Lesson 3, maaari mo na itong gawin ngayon. Kung may mga tanong ang mga estudyante tungkol sa mga pinagmulan ng aklat ni Abraham, maaari mong ipanood ang video na “The Book of Abraham | Now You Know” mula sa time code na 0:00 hanggang 2:43. Matatagpuan ang video na ito sa ChurchofJesusChrist.org.

Maaaring makatulong na magpagawa sa mga estudyante ng chart na may dalawang column. Maaari nilang lagyan ang unang column ng pamagat na “Mga pagpapalang hinangad ni Abraham” at ang pangalawa naman ay “Mga balakid na kinaharap ni Abraham.” Makatutulong ito na maisaayos ang natututuhan ng mga estudyante mula sa Abraham 1:1–7.

Mga pagpapalang hinangad ni Abraham	Mga balakid na kinaharap ni Abraham
Mga pagpapalang hinangad ni Abraham	Mga balakid na kinaharap ni Abraham

Basahin ang Abraham 1:1–7, at alamin ang mga pagpapalang hinangad ni Abraham at ang mga balakid na kinaharap niya upang matanggap ang mga pagpapalang iyon.

Ano ang pinakanapansin ninyo sa mga pagpapalang hinangad ni Abraham?
Bakit maaaring hinahangad rin ninyo ang mga pagpapalang ito?
Paano kaya nakatulong kay Abraham sa mahihirap na sitwasyong kinaharap niya ang hangarin niyang sundin si Jesucristo?

Tinulungan ni Jehova si Abraham na madaig ang mga balakid nito

Basahin ang Abraham 1:15–20, at alamin kung paano tinulungan ni Jehova si Abraham na madaig ang mga balakid na kinaharap niya.

Ano sa palagay ninyo ang natutuhan ni Abraham tungkol kay Jehova mula sa karanasang ito?
Paano tayo matutulungan ng Ama sa Langit na madaig ang mga balakid sa pagtanggap ng mabubuting pagpapala na hinahangad natin?

Ipaliwanag sa mga estudyante na matapos mailigtas si Abraham, nagpunta siya kalaunan sa Canaan. Pinarangalan ng Panginoon si Abraham dahil kumilos ito ayon sa kanyang mga hangarin sa pamamagitan ng pagbibigay sa kanya ng priesthood at ng iba pang mahahalagang pagpapala. Ipinangako ng Diyos kay Abraham ang mga pagpapalang ito bilang bahagi ng tinatawag nating tipang Abraham. Matututuhan ng mga estudyante ang iba pang detalye tungkol sa tipang ito sa mga lesson sa hinaharap.

Kalaunan sa buhay ni Abraham, dinalaw siya ng Panginoon at nangako na tutuparin Niya ang lahat ng mabubuting hangarin ni Abraham (tingnan sa Abraham 2:9–11). Basahin ang Abraham 2:12–13, at alamin ang sinabi ni Abraham pagkatapos ng karanasang ito.

Anong mga alituntunin ang matututuhan natin mula sa karanasan ni Abraham?

Maaaring matukoy ng mga estudyante ang iba’t ibang alituntunin na kinabibilangan ng: Kung hahangarin nating sundin si Jesucristo, ipagkakaloob sa atin ng Diyos ang mabubuting pagpapala na hinahangad natin.

Basahin ang sumusunod na pahayag ni Pangulong Jeffrey R. Holland ng Korum ng Labindalawang Apostol, o panoorin ang video na “Ganap na Kaliwanagan ng Pag-asa” mula sa time code na 11:09 hanggang 11:38. Matatagpuan ang video sa ChurchofJesusChrist.org.

17:45

Bakit hindi tayo dapat umasa na ang mabubuting hangarin at naisin na katulad ng kay Cristo ay sasagutin din nang kamangha-mangha at mahimala ng Diyos ng lahat ng pag-asa? Kailangan nating lahat na maniwala na ang ninanais natin sa kabutihan ay magiging atin pa rin balang-araw, sa anuman, o sa paano mang paraan. (“Ganap na Kaliwanagan ng Pag-asa,” Liahona, Mayo 2020, 83)

Sabihin sa mga estudyante na talakayin ang mga sumusunod na tanong nang magkakapartner o sa maliliit na grupo, o ipasulat sa mga estudyante ang kanilang mga sagot sa kanilang study journal. Pagkalipas ng sapat na oras, maaaring magbahagi sa klase ang mga handang estudyante ng isa o dalawa sa mga sagot nila.

Paano nagbibigay sa iyo ng pag-asa ang mga sinabi ni Pangulong Holland at ang karanasan ni Abraham na matutulungan ka ng Panginoon na madaig ang mga balakid sa pagsunod kay Jesucristo?
Kailan tumulong ang Ama sa Langit sa iyo o sa isang kakilala mo na madaig ang mga balakid sa pagsunod kay Jesucristo?

Maaari mong ibahagi ang iyong karanasan kung kailan ka tinulungan ng Ama sa Langit na madaig ang isang balakid sa pagtanggap ng mabuting pagpapala.

Sabihin sa mga estudyante na isulat ang natutuhan nila ngayon sa kanilang study journal.

Maaari mong anyayahan ang mga handang estudyante na ibahagi ang isinulat nila. Tapusin ang klase sa pagbabahagi ng iyong patotoo tungkol sa mga katotohanang ito.

Karagdagang Resources

Saan ko malalaman ang iba pa tungkol sa aklat ni Abraham?

Ang Simbahan ay naglathala ng ilang resources tungkol sa aklat ni Abraham, tulad ng:

Ang kabanatang “The Book of Abraham” sa The Pearl of Great Price Student Manual (2017).
Ang Paksa sa Kasaysayan ng Simbahan na “Pagsasalin ng Aklat ni Abraham.”
Ang sanaysay na “Translation and Historicity of the Book of Abraham” sa Gospel Topics.

Noong Hulyo 5, 1835, isinulat ni Joseph Smith ang tungkol sa paglabas ng aklat ni Abraham at ang kahalagahan ng mga tala na ito ng mga sinaunang Egipto:

Ako, kasama sina W[illiam] W. Phelps at [Oliver] Cowdery bilang mga tagasulat, ay sinimulan ang pagsasalin ng ilan sa mga titik o mga hiroglipiko, at sa aming lubos na kagalakan ay natagpuan na ang isa sa mga rolyo ay naglalaman ng mga isinulat ni Abraham … Tunay ngang masasabi natin na sinisimulan na ng Panginoon na ihayag ang kasaganaan ng kapayapaan at katotohanan. (Joseph Smith, sa History, 1838–1856 [Manuscript History of the Church], volume B-1, 596, josephsmithpapers.org; iniayon sa pamantayan ang pagbabantas)

Sa pag-aaral natin ng aklat ni Abraham, mahalagang pansinin ang sumusunod, na matatagpuan sa Mga Paksa sa Kasaysayan ng Simbahan na “Pagsasalin ng Aklat ni Abraham”:

Ang katayuan ng aklat bilang banal na kasulatan ay nakasalalay sa mga walang-hanggang katotohanan na itinuturo nito at sa mabisang diwa na hatid nito. Sa huli ang katotohanan ng aklat ni Abraham ay matatagpuan sa pamamagitan ng masusing pag-aaral ng mga turo nito na may kasamang taimtim na panalangin at pagpapatibay ng Espiritu. (Mga Paksa sa Kasaysayan ng Simbahan, “Pagsasalin ng Aklat ni Abraham,” Gospel Library)

Paano nakakaimpluwensya ang mga hangarin ko sa aking buhay?

Itinuro ni Pangulong Dallin H. Oaks ng Unang Panguluhan:

Mga hangarin ang nagdidikta ng ating mga prayoridad, mga prayoridad ang humuhubog sa ating mga pasiya, at mga pasiya ang batayan ng ating mga kilos. Ang mga hangarin na sinisikap nating kamtin ang batayan ng ating pagbabago, ating tagumpay, at ating kahihinatnan. …

… Kapag nagkaroon tayo ng pangitain ng maaari nating kahihinatnan, nag-iibayo ang ating hangarin at lakas na kumilos. (“Hangarin,” Liahona, Mayo 2011, 42, 44)

Paano kung tila hindi naipagkakaloob ang ating mabubuting hangarin?

Itinuro ni Elder Neil L. Andersen ng Korum ng Labindalawang Apostol:

14:51

Bilang tagapaglingkod ng Panginoon, ipinapangako ko sa inyo na kung kayo ay matapat kay Jesucristo at sa inyong mga tipan, matatanggap ninyo ang kapalit na mga pagpapala sa buhay na ito at ang inyong mga matuwid na hangarin sa walang hanggang linya ng oras ng Panginoon. Maaaring magkaroon ng kaligayahan sa paglalakbay sa mortalidad kahit na hindi matupad ang lahat ng ating matuwid na inaasahan. (“Ang Personal na Paglalakbay ng Isang Anak ng Diyos,” Liahona, Mayo 2021, 47)

Paano tayo nagkakaroon ng mabubuting hangarin?

Itinuro ni Elder David A. Bednar ng Korum ng Labindalawang Apostol:

15:42

Nakikilala natin ang Tagapagligtas kapag ginagawa natin ang lahat ng ating makakaya para pumunta kung saan Niya nais tayong pumunta, kapag nagsisikap tayong sabihin ang nais Niyang sabihin natin, at kapag tayo ay nagiging tulad ng nais Niyang kahinatnan natin. Kapag mapagpakumbaba nating kinikilala na lubos tayong umaasa sa Kanya, dinaragdagan Niya ang ating kakayahan na makapaglingkod nang mas mahusay. Unti-unti, ang ating mga hangarin ay nagiging mas katulad ng Kanyang mga hangarin, at ang mga layunin Niya ay nagiging mga layunin natin, at “hindi [tayo] hihiling nang salungat sa [Kanyang] kalooban.” (“Kung Ako’y Nangakilala Ninyo,” Liahona, Nob. 2016, 104)

Mga Karagdagang Aktibidad sa Pag-aaral

Abraham 1:11. Ang halimbawa ng mabubuting dalaga

Ang mga halimbawa ng tatlong mabuting dalaga ay magagamit upang tulungan ang mga estudyante na maunawaan na kung minsan ay hindi naipagkakaloob sa atin ang ating mabubuting hangarin sa mga paraang inaasahan natin.

Basahin ang Abraham 1:11 at ihambing ang pagkakaligtas ni Abraham sa kuwento tungkol sa tatlong dalagang ito.

Maaari ka ring sumangguni sa pahayag ni Elder Andersen sa Karagdagang Resources tungkol sa mga hindi natupad na mabuting hangarin.

Sabihin sa mga estudyante na kunwari ay nagpadala sa kanila ng text message ang isang kaibigan. Nalulungkot ang kaibigang ito dahil hindi pa siya binibiyayaan ng Diyos ng lakas na labanan ang isang partikular na tukso (o isa pang mabuting hangarin na ninanais niya). Anyayahan ang mga estudyante na pag-isipan kung ano ang maaaring isagot nila sa kanilang kaibigan. Maaaring makatulong ang mga sumusunod na tanong:

Sa inyong palagay, bakit naipagkakaloob sa ilang tao ang kanilang mabubuting hangarin samantalang sa iba ay tila hindi?
Paano natin mapalalakas ang ating pananampalataya kay Jesucristo kahit marami sa mabubuting hangarin natin ay tila hindi natutupad?

Iba pang halimbawa ng pagkakaroon ng mabubuting hangarin

Upang mapalalim ang pag-unawa ng mga estudyante sa pagkakaroon ng mabubuting hangarin, maaari nilang ikumpara si Abraham sa iba pang mga indibiduwal sa mga banal na kasulatan.

Sabihin sa mga estudyante na pumili ng isa sa mga sumusunod na indibiduwal o iba pang taong pipiliin nila. Sabihin sa kanila na alamin kung ano ang hangarin ng tao at kung ano ang itinuturo ng salaysay tungkol sa pagtamo ng ating mga hangarin.

Nephi: 1 Nephi 10:17; 11:1
Enos: Enos 1:2–8
Alma at Amulek: Alma 14:9–13
Hyrum Smith: Doktrina at mga Tipan 11:8, 15–17, 21–22

Pag-aayon sa kalooban ng Panginoon

Maaaring makinabang ang mga estudyante sa karagdagang talakayan tungkol sa mabubuting hangarin na kung minsan ay hindi nasasagot sa paraang gusto o inaasahan natin. Kung gayon, maaari mong ipanood ang video na “Ask in Faith” mula sa time code na 10:47 hanggang 13:03.

15:9

Maaari mong itanong ang mga sumusunod:

Ano ang natutuhan ninyo tungkol sa pag-aayon ng ating mabubuting hangarin sa kalooban ng Panginoon?
Ano ang maipapayo ninyo sa isang tao na nakadarama na hindi tinutugon ng Panginoon ang kanyang mabuting hangarin?

Ang kahalagahan ng mga banal na kasulatan

Upang matulungan ang mga estudyante na makita ang kahalagahan ng mga banal na kasulatan sa ating buhay, maaari mong itanong ang mga sumusunod:

Ano ang ibig sabihin ng ingatan ang isang bagay?
Paano ninyo iingatan ang isang larawan o liham mula sa isang mahal sa buhay?

Sabihin sa mga estudyante na basahin ang Abraham 1:28, at alamin ang natanggap ni Abraham. Matapos maibahagi ng mga estudyante ang nalaman nila, ipabasa sa kanila ang talata 31, at itanong ang sumusunod:

Ano ang napangalagan sa mga talaang iningatan ni Abraham?
Paano tayo makikinabang dahil alam natin ang mga katotohanang ito?

Tulungan ang mga estudyante na maunawaan na tinawag ng Panginoon ang mga propeta upang ingatan ang mga banal na kasulatan dahil sa Kanyang pagmamahal sa atin. Anyayahan ang mga estudyante na ibahagi ang mahahalagang katotohanan mula sa mga banal na kasulatan na ipinagpapasalamat nila dahil iningatan ang mga ito.