Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Сайн мэдээг хуваалцах бидний гэрээт үүрэг хариуцлага: “Үр удмаар чинь газар дэлхийн бүх [гэр бүл] ерөөгдөх болно”

“Сайн мэдээг хуваалцах бидний гэрээт үүрэг хариуцлага: ‘Үр удмаар чинь газар дэлхийн бүх [гэр бүл] ерөөгдөх болно,’” Хуучин Гэрээний семинарын багшийн гарын авлага (2026)

“Сайн мэдээг хуваалцах бидний гэрээт үүрэг хариуцлага: ‘Үр удмаар чинь газар дэлхийн бүх [гэр бүл] ерөөгдөх болно,’” Хуучин Гэрээний семинарын багшийн гарын авлага

196-р хичээл: Номлогчийн бэлтгэл

Сайн мэдээг хуваалцах бидний гэрээт үүрэг хариуцлага

“Үр удмаар чинь газар дэлхийн бүх [гэр бүл] ерөөгдөх болно”

Missionaries teaching about the Temple to a new member outside the Seoul Korea Temple.

Биднийг Аврагчийг дагаж, гэрээний замаар явахаар сонгоход Тэр бидэнд Абрахамд амласны адил адислалуудыг амладаг. Эдгээр адислалд санваарын хүч, мөнхийн гэр бүл, селестиел хаант улс дахь өв багтдаг. Энэхүү гэрээний хүрээнд бид Аврагчийн сайн мэдээг дэлхий даяар түгээж, хүн бүрд эдгээр гайхамшигт адислалыг хүртэх боломжийг олгох ариун үүрэгтэй. Энэ хичээл нь Есүс Христийн сайн мэдээг бусадтай хуваалцах гэрээт үүрэг хариуцлагын талаарх ойлголтоо гүнзгийрүүлэхэд суралцагчдад тусална.

Суралцагчийн бэлтгэл: Суралцагчдад судраас бие даан суралцахад хэдэн минут зарцуулж Абрахамын гэрээний адислал, үүрэг хариуцлагуудыг олж мэдэхийг санал болго. Тэд төгс эзэмших сургаалын хэсэг болох Абрахам 2:9–11-ийг судалж эсвэл Gospel Library дээрх “Абрахамын гэрээ”-г хайж үзэж болно. Хичээлийн явцад та тэднээр сурсан зүйлс эсвэл асуултуудыг нь хуваалцуулж болно.

Боломжит суралцах үйл ажиллагаа

Дэлхийн гэр бүлүүд

Бүлгээрээ хэсгүүд дээрх хүний зургуудаас нэгийг сонгон, тухайн хүний тухай товч тайлбар бэлд. Үүнд:

Нэр
Хаанаас ирсэн бэ?
Гэр бүлийн дэлгэрэнгүй мэдээлэл
Амьдралд нь сайн явж байгаа зүйлс
Тулгарч буй саад бэрхшээл

Бүлэг бүрээс сонгосон хүнийхээ талаар бэлдсэн тайлбараа ангийнхантайгаа хуваалцахыг хүс. Хуваалцсаных нь дараа бүлэг бүрийн дүрсэлсний адил дэлхий даяар байгаа хүмүүсийг адислахын тулд Их Эзэн биднээс юу хийхийг хүсдэгийг хичээлийн явцад олж мэдэхэд тэднийг уриал. Эвлүүлдэг тоглоомыг хичээлийн төгсгөлд хамтдаа гүйцээж эвлүүлнэ гэдгийг суралцагчдад тайлбарла.

Суралцагчдаас дараах судрын хэсгийг бүлгээрээ судлахыг хүс.

Абрахам 2:9–11-ийг уншаад, Их Эзэн дэлхийн улс үндэстэн, гэр бүлүүдийг адислахын тулд юу хийнэ гэж Абрахамд хэлснийг олж мэд. Жич: Эдгээр шүлэгт Абрахамын гэрээний хэсэг багтсан болно.

Абрахамын үр удам гэж хэн бэ? (10–11-р шүлгийг үзнэ үү.)
Их Эзэн Абрахамын үр удмаар дамжуулан дэлхийн гэр бүлүүдийг ямар ямар арга замаар адисалж чадах вэ?

Суралцагчдын хариултыг бататгах юм уу дээр нь нэмэх зорилгоор дараах мэдэгдлийг хуваалцаж болно.

Арван хоёр төлөөлөгчийн чуулгын ахлагч Дэвид А.Бэднар Абрахамын үр удмын талаар ийн заасан.

Бид Абрахамын үр удам …

Номлогчийн ажил бол бидний сүнслэг мөн чанар, өвийн илэрхийлэл юм. Бурханы Абрахамтай байгуулсан гэрээг, мөн амлалтыг биелүүлэхийн тулд бид өмнөх амьдралдаа урьдчилан томилогдож, мөнх бус амьдралд төрсөн билээ. Бид энэ дэлхий дээр энэ цаг үeд санваарыг дээдлэн, сайн мэдээг номлохын тулд оршин байгаа билээ. Бид ийм л хүмүүс бөгөөд ийм учраас өнөөдөр мөн үргэлж энд байна. (“Becoming a Missionary,” Liahona, Nov. 2005, 47)

Та нар энэ мэдэгдлийг хэрхэн нэгтгэн дүгнэх вэ?

Суралцагчид Абрахамын үр удмын хувьд бид Есүс Христийн сайн мэдээг дэлхий даяар хуваалцах гэрээт үүрэг хариуцлагатай гэж хэлж болох юм. Суралцагчдын хэлсэн үгийг ашиглан энэ үнэнийг самбарт бич.

Энэхүү үүрэг хариуцлагын ач холбогдлыг илүү сайн ойлгохын тулд суралцагчдыг Миний сайн мэдээг номло гарын авлагын 1-р хуудсан дээрх “Есүс Христийн сэргээгдсэн сайн мэдээг заах үүрэг” гарчгийн доорх эхний гурван догол мөр-ийг уншихыг хүсэж болно.

Зарим хүн яагаад энэ хариуцлагыг баярлан хүлээж авдаг вэ? Зарим нь яагаад үүнийг эргэлзэн хүлээж авдаг вэ?
Та нарын эвлүүлдэг зураг дээрээ дүрсэлсэн хүмүүсийн адил хүмүүсийг Есүс Христийн сайн мэдээ хэрхэн адисална гэж бодож байна вэ?

Та сайн мэдээг хуваалцахын ач холбогдлыг олж харахад нь суралцагчдад туслахын тулд тэднээс Абрахамын гэрээний талаар юу санаж байгааг нь асууж эсвэл дараахыг тайлбарлаж болно (дэлгэрэнгүйг “23-р хичээл: ‘Эхлэл 12; 17’”, “24-р хичээл: ‘Абрахам 2:9–11’”-ээс үзнэ үү).

Абрахамын гэрээний хүрээнд Бурхан бидэнд Өөрийн санваар, мөнхийн гэр бүл, Тэнгэрийн хаант улсад өв залгамжлах адислалуудыг амласан. Эдгээр адислалыг Тэрээр Өөрийн бүх хүүхдэд өгөхийг хүсдэг бөгөөд тэдгээрийг дэлхий даяар хуваалцах онцгой боломж, үүрэг хариуцлага бидэнд бий.

Эдгээр адислалаа санах нь хэрхэн биднийг Есүс Христийн сайн мэдээг бусадтай хуваалцахад урамшуулан зоригжуулж болох вэ?

Есүс Христийн сайн мэдээг бусадтай хуваалцах талаарх өөрийн мэдрэмж, бодлыг тунгаан бод. Энэхүү ариун үүрэг хариуцлагын адислал, онцгой боломжийг илүү гүн гүнзгий ойлгоход тань туслах санаануудыг үргэлжлүүлэн эрэлхийл.

Гэрээт үүргээ биелүүлэх

Исаиа 49 нь эцсийн өдрүүд дэх Израилын цугларалт, сайн мэдээг номлох зэрэг бошиглолуудыг агуулдаг. Мормоны Номын бошиглогч Нифай эдгээр бошиглол нь Бурхан Абрахамын үр удмаар дамжуулан дэлхийн гэр бүлүүдийг адислах гэрээгээ сахина гэдгийн сануулга юм хэмээн тайлбарлажээ (1 Нифай 22:7–9-ийг үзнэ үү). Жич: Исаиа 49:3 ба 5-д дурдсан зарц гэдэг үг нь хүмүүсийг Христ рүү хөтөлдөг хувь хүмүүсийг, түүний дотор Израилын угсааны гишүүд, бошиглогчид, мөн Аврагчийг Өөрийг нь төлөөлж болно.

Дараах зааврыг үзүүл. Суралцагчид үүнийг бүлгээрээ хийж болно.

Эвлүүлдэг хэсгүүдийн ар талд буй судар, мэдэгдлүүдийг уншсанаар Исаиагийн бошиглолын талаар суралц. Дараах сэдвүүдийг ангийнхантайгаа ярилцаж, хуваалцахаар бэлд.

Сайн мэдээг хуваалцах бидний гэрээт үүрэг хариуцлагын тухай таны мэдэж авсан зүйлс
Энэхүү үүрэг хариуцлагаа биелүүлэхэд Тэнгэрлэг Эцэг, Есүс Христ хоёрын бидэнд дэмжлэг үзүүлж болох арга зам
Үүнийг номлогчид, мөн Их Эзэний Сүмийн бусад гишүүн хэрхэн хэрэгжүүлж болох жишээ гэх мэт.

Дүгнэлт

Сайн мэдээг хуваалцах бидний гэрээт үүрэг хариуцлагатай холбоотой дараах мэдэгдлүүдээс нэг юмуу хэд хэдийг судлах тэмдэглэлдээ гүйцээж бич.

Өнөөдөр би дэлхий даяарх хүмүүс … гэдгийг олж мэдсэн

Өнөөдөр би өөрийгөө … гэдгийг олж мэдсэн

Өнөөдөр би Аврагч … гэдгийг олж мэдсэн

Бичсэн зүйлээ сайн дураараа хуваалцахыг суралцагчдаас хүс. Есүс Христийн сайн мэдээг бусадтай хуваалцах гэрээт үүрэг хариуцлагын талаарх бодол санаагаа хуваалцан, хичээлээ дуусга. Энэ бол Аврагчийн ажил бөгөөд Тэрээр гаргаж буй хичээл зүтгэлд нь тусална гэдгийг суралцагчдад сануул.

Нэмэлт эх сурвалж

Би яагаад Есүс Христийн сайн мэдээг хуваалцах үүрэгтэй вэ?

Ерөнхийлөгч Рассэлл М.Нэлсон ийн заасан.

5:34

Бурхантай гэрээ байгуулсан хүн бүр бусдыг халамжилж, тусламж хэрэгтэй хүмүүст үйлчлэх амлалт өгдөг. Бид Бурханд итгэх итгэлээ харуулж, “найдварын [маань]” (1 Петр 3:15) талаар асуух хүн бүрд хариулахад ямагт бэлэн байж чадна. Бидний хүн нэг бүрд Израилыг цуглуулах ажилд гүйцэтгэх үүрэг бий. (“Амар амгалангийн сайн мэдээг номлох нь” Лиахона, 2022 оны 5-р сар, 6) (цагийн код 2:26-аас 2:50 хүртэл)

Аврагч хэрхэн надаар дамжуулан бусдыг адисалдаг вэ?

Халамжийн нийгэмлэгийн ерөнхий ерөнхийлөгч Камилл Н.Жонсон ийн заасан.

10:18

Есүс Христтэй хамтран Бурханы бүх хүүхдэд материаллаг ба сүнслэг тайтгарлыг өгөх нь бидний гэрээний адислал юм. Түүнээс ирдэг тайтгарлын дамжуулагчид нь бид юм.

Саа өвчтэй эрийн нөхөдтэй адил бид “сул доройчуудад тусалж, доош унжсан гарнуудыг өргөж, мөн сул дорой өвдөгнүүдийг хүчирхэг болгодог” (Сургаал ба Гэрээнүүд 81:5). Бид “нэг нэгнийхээ ачаанаас үүрэлц. Тийнхүү Христийн хуулийг хэрэгжүүлэгтүн” (Галат 6:2). Ингэснээр бид Түүнийг танин мэдэж, Түүн шиг болж, Түүний тайтгарлыг олдог. (“Есүс Христ бол тайтгарал,” Лиахона, 2023 оны 5-р сар, 83) (цагийн код 8:16-аас 8:50 хүртэл)

Би Есүс Христийн сайн мэдээг хуваалцахыг хүсдэг ч хэрхэн хуваалцахаа мэдэхгүй байвал яах вэ?

Сайн мэдээг хуваалцах санаануудыг Gospel Library дахь “Ways to Share the Gospel”-аас үзнэ үү.

Хэрвээ би сайн мэдээг хуваалцахдаа сандарч тэвдвэл яах вэ?

Миний сайн мэдээг номло товхимолд дараах зөвлөгөөг өгсөн байдаг.

Заримдаа та сандарч, зааж чадахгүй гэж бодож ч мэднэ. Та өөрийгөө хангалттай сайн мэдэхгүй мөн туршлага нимгэн хэмээн голж байж магад.

Тэнгэрлэг Эцэг хэн гэдгийг тань төгс мэддэг бөгөөд Есүс Христийн үнэнч дагалдагчийн хувьд таныг бусдад юу өгч чадахыг мэдэж байгаа учраас дуудсан. Тэр таныг орхихгүй. Сүнс таны чадварыг өсгөн нэмэгдүүлж, хүлээн авахад бэлэн хүмүүст үнэнийг заах болно. (Миний сайн мэдээг номло: Есүс Христийн сайн мэдээг хуваалцах удирдамж (2023), 181)

Нэмэлт суралцах үйл ажиллагаа

Абрахамын гэрээний адислалууд

Суралцагчдад Абрахамын гэрээний адислалуудыг илүү сайн ойлгоход нь туслахын тулд “23-р хичээл: ‘Эхлэл 12; 17’”-ийн “Абрахамын гэрээ надад яагаад чухал вэ?” гэсэн хэсгийг хамтдаа унш. Дараа нь суралцагчдаас эдгээр амласан адислалыг яагаад дэлхий даяарх Бурханы хүүхдүүдтэй хуваалцахыг хүсэж байгаагаа ярилцахыг хүс.

Судлах нэмэлт хувилбар

Хэрэв тав дахь бүлэг байх нь тустай гэж үзвэл тав дахь бүлэгт дараах судлах материалыг өгч болно. Та дараах судрын эшлэлүүдийг номлогчийн эсвэл өөрт тохирох зургийн ард бичээд, гурван хэсгээс бүрдсэн өөр эвлүүлдэг зураг хийж болно.

Сүнслэг байдлын хувьд өлссөнийг хооллох

Исаиа 49:10

Иохан 6:35; 3 Нифай 20:7–8

Арван хоёр төлөөлөгчийн чуулгын ерөнхийлөгч Жэффри Р.Холланд ийн тунхагласан.

Бид нэг сэтгэл, нэг дуу хоолойгоор Есүс Христийн сайн мэдээ нь туйлын сүнслэг өлсгөлөнг хангаж, сүнсний цангааг тайлах цорын ганц арга зам гэдгийг гэрчилж байна. (“He Hath Filled the Hungry with Good Things,” Liahona, Nov. 1997, 65)

Миний сайн мэдээг номло

Сүмийн бүх гишүүн “хайрлах, хуваалцах, урих зарчмуудаар амьдарснаар сайн мэдээг хуваалцах гэрээт үүргээ биелүүлэхэд” нь туслахын тулд Миний сайн мэдээг номло товхимлыг ашиглаж болно (Миний сайн мэдээг номло, ix).

Та эвлүүлдэг зураг дээрх хэсгүүдийн ар талд байгаа судрын хэсэг, мэдэгдлүүдийг судлахад урихын оронд бүлэг бүрийг Миний сайн мэдээг номло товхимлоос авсан хэсгүүдийг судлахыг суралцагчдаас хүсэж болно. Жишээлбэл: Тэд 9-р бүлэг дэх “Сайн мэдээг хуваалцах гишүүдийн хүчин чармайлтыг дэмж” эсвэл “Сайн мэдээг хуваалцсанаар ирэх адислалуудыг амла” хэсгүүдийг судалж болно. Бүлэг бүрийг Есүс Христийн сайн мэдээг бусадтай хуваалцах гэрээт үүргээ биелүүлэхэд нь туслах талаар сурч мэдсэн зүйлээ хуваалцахаар бэлтгэхийг уриал.