Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Эхлэл 12; 17: Абрахамын гэрээ

“Эхлэл 12; 17: Абрахамын гэрээ,” Хуучин Гэрээний семинарын багшийн гарын авлага (2026)

“Эхлэл 12; 17: Абрахамын гэрээ,” Хуучин Гэрээний семинарын багшийн гарын авлага

Эхлэл 12–17; Абрахам 1–2: 23-р хичээл

Эхлэл 12; 17

Абрахамын Гэрээ

The Old Testament prophet Abraham kneeling in prayer on the plains of Mamre. Abraham's wife, Sarah, is standing in the doorway of a tent in the background. Sarah is watching Abraham. There is desert scenery in the background.

Их Эзэн, Абрахам хоёр өнөө цагт Абрахамын гэрээ гэж нэрлэгдэх болсон гэрээг байгуулав. Бид өнөөдөр Бурхантай гэрээ байгуулж, гэрээгээ сахин биелүүлснээр Абрахамын хүлээн авсантай адил адислалуудыг Бурханаас хүлээн авах болно. Энэ хичээл Абрахамын гэрээг болон энэ нь суралцагчдын амьдралд хэрхэн холбогдож байгааг тайлбарлахад тэдэнд тусална.

Суралцагчийн бэлтгэл: Gospel Library эсвэл Судруудын удирдамж дээрээс “Абрахамын гэрээ”-г хайж, үүнээс сурч мэдсэн зүйлээ хуваалцах бэлтгэлтэй ирэхэд суралцагчдыг урь.

Боломжит суралцах үйл ажиллагаа

Абрахамын гэрээ

Ариун ёслолын цуглаан дээр Абрахамын гэрээний талаар үг хэлэх даалгавар хүлээн авсан гэж төсөөлөхөд суралцагчдыг урь. Үүнд хэр бэлтгэлтэй байгаагаа үнэлэхэд нь суралцагчдад туслахын тулд судлах тэмдэглэлдээ дараах асуултыг бичиж, хариулахад урь.

Абрахамын гэрээ гэж юу вэ?
Абрахамын гэрээг би хэрхэн хүлээн авах боломжтой вэ?
Яагаад Абрахамын гэрээ надад хамаатай вэ?

Абрахамын гэрээний талаар сайн мэдэхгүй байх нь зүгээр гэдгийг суралцагчдад ойлгуул. Хичээлийн үеэр хариултуудаа нэмж хэлэх боломжтой гэж суралцагчдад хэл. Сурч байгаа зүйлсийнхээ үнэн зөв байдлын талаар Ариун Сүнснээс баталгаа эрэлхийлэхэд суралцагчдыг урамшуулан дэмж.

Тайлбар: Энэ хичээл Абрахамын гэрээний адислалууд юу болох, тэдгээр нь бидэнд яагаад хамаатай талаар голлон авч үзнэ. 24-р хичээл: “Абрахам 2:9–11” нь Абрахамын гэрээгээр бидний хүлээсэн үүрэг хариуцлагыг голлон авч үзнэ.

Абрахамын гэрээ гэж юу вэ?

Абрахам “эцгүүдийн адислалуудыг” хүсэж, “зөв шударга ёсыг дагагч” (Абрахам 1:2) болохыг хүсэж байсныг санаарай. Их Эзэн Абрахамд Өөрийн нэр, санваарыг өгнө гэж амласан (Абрахам 1:18-ыг үзнэ үү).

Самбар дээр дараах хүснэгтийг зурах талаар бодож үз. Эхний багана дахь шүлгүүдийг судалж, харгалзах шүлэг тус бүрийн хажууд адислалуудыг самбар дээр жагсаахад суралцагчдыг урь. Суралцагчид хоёр дахь баганын шүлгийг хичээлийн сүүл хэсэгт судална.

Абрахамд амласан Их Эзэний адислал

Их Эзэний надад амласан адислал

Эхлэл 12:2; 17:1–2, 4–6

Эхлэл 12:3; 17:7

Эхлэл 12:7; 17:8

Абрахам 2:11

Сургаал ба Гэрээ 132:19-–22, 30–31

Абрахам 2:9–11

Сургаал ба Гэрээ 88:18–20

Сургаал ба Гэрээ 84:33–38

Эхлэл 12:2–3, 7; 17:1–8; Абрахам 2:11-ийг тус тус уншиж, Абрахамд өгсөн Бурханы адислалуудыг олж мэд.

Суралцагчдыг судруудыг уншиж байх үеэр өрөөг тойрон алхаарай. Зарим суралцагч багшийг ойрхон байхад асуулт тавих хандлагатай байдаг тул тэднийг уншиж байх үеэр багш анги дундуур явж байх нь танаас тусламж хүсэхэд суралцагчдад илүү хялбар байдаг. Суралцагчдыг судалж дуусмагц, олж мэдсэн зүйлсээ хуваалцахад тэднийг урь.

Та нар юу олж мэдсэн бэ?
Эдгээр амлалтаас та нар Бурханы талаар юу ойлгож авсан бэ?

Суралцагчдын олж мэдсэн байж болох адислалуудын жагсаалтыг доор харуулав.

Эхлэл 12:2; 17:1–2, 4–6: Олон үндэстний эцэг; асар ихээр үржсэн; маш их үр өгөөжтэй (еврей хэлээр Абрам гэдэг нь “өргөмжлөгдсөн эцэг” харин Абрахам гэдэг нь “Олон хүний эцэг” гэсэн үг юм.)
Эхлэл 12:3; 17:7: Дэлхийн бүх гэр бүл түүний үр удмаар адислагдсан; Абрахамын үр удмаар дамжин үргэлжлэх Бурханы гэрээ
Эхлэл 12:7; 17:8: Канаан нутаг
Абрахам 2:11: Санваар

Мөн суралцагчид “чамаас хаад гарах болно” (Эхлэл 17:6) гэсэн хэллэг юу гэсэн утгатайг тодорхойлж болно. Энэ хэллэг нь Израилын болон Иудагийн аль алиныг захирах хаадыг хэлдэг. Гэхдээ хамгийн чухал нь энэ хэллэг нь Есүс Христийг хэлж байгаа болно (Матай 1:1; Илчлэл 19:16-г үзнэ үү).

Бурханы Абрахамтай байгуулсан гэрээг Абрахамын гэрээ гэж нэрлэх болсныг та онцлон тэмдэглэж болно. Бурхан хамгийн агуу адислалуудаа хүүхдүүддээ хэрхэн өгдгийг тайлбарла. Бурхан Абрахамтай байгуулсан гэрээгээ түүний амьд ахуйд олон удаа дахин баталсан (Эхлэл 13:14–17; 15:5, 18; 22:15–18; Абрахам 2:8–12; 3:14-ийг үзнэ үү).

Абрахамын гэрээг би хэрхэн хүлээн авах боломжтой вэ?

Абрахамын гэрээ амьдралтай нь хэрхэн уялдаж буйг суралцагчдад ойлгуулахын тулд ерөнхийлөгч Нэлсоны дараах мэдэгдлийг хуваалц (Мөн Галат 3:27–29; Абрахам 2:10-ыг үзнэ үү).

Ерөнхийлөгч Рассэлл М.Нэлсон Бурханы Абрахамд амласан эдгээр адислалыг бидний хүн нэг бүр хэрхэн хүлээн авч болохыг бас заасан.

Сайн мэдээг хүлээн авч, баптисм хүртсэнээр бид өөрсөд дээрээ Есүс Христийн ариун нэрийг авдаг. Баптисм бол Абрахам, Исаак, Иаков болон тэдний үр удамд Их Эзэний эрт дээр үеэс өгсөн бүх амлалтын хамтран залгамжлагчид болоход чиглүүлдэг хаалга юм.

“Шинэ бөгөөд мөнхийн гэрээ” (Сургаал ба Гэрээ 132:6) болон Абрахамын гэрээ нь угтаа нэг бөгөөд Бурханы мөнх бус эрэгтэй, эмэгтэй хүмүүстэй өөр өөр цаг үед байгуулсан гэрээг хоёр янзаар нэрлэж буй нэршил юм. …

… Бид бүгд Адам шиг баптисмаар дамжуулан өөр өөрсдийн гэрээний зам дээр гарцгаадаг. Дараа нь бид ариун сүмд гэрээний замд улам гүн ордог. Абрахамын гэрээний адислалуудыг ариун сүмд хүртдэг. Эдгээр адислал нь биднийг амилуулагдах үед “хаан ширээнүүд, хаант улсууд, вант улсууд, мөн хүчнүүд, эзэгнэлүүдийг өөрсдийн өргөмжлөл хийгээд бүх зүйл дэх алдар суугийн тулд өвлөх’ [Сургаал ба Гэрээ 132:19]” боломжтой болгоно. (“Үүрдийн гэрээ,” Лиахона, 2022 оны 10-р сар, 4, 6)

Абрахамын адислалуудын талаар ерөнхийлөгч Нэлсоноос суралцаж болох зүйлсийн талаар та хэрхэн дүгнэж байна вэ?

Дараахтай ижил үнэнийг олж тогтооход нь суралцагчдад тусал. Бид Бурхантай гэрээ байгуулж, сахиснаар Абрахамд өгсөн адислалуудын өв залгамжлагчид болдог.

Яагаад Абрахамын гэрээ надад хамаатай вэ?

Хоёр дахь баганад байгаа эшлэлүүдийг судалж, Абрахамд амласан адислалууд нь мөн тэдэнд хэрхэн амлагдсан талаар судлах тэмдэглэлдээ жагсаан бичихэд суралцагчдыг урь. Эдгээр шүлэг нь хоёр хоёроороо эсвэл жижиг бүлгээр суралцахад суралцагчдад хамгийн тохиромжтой байж болно.

Суралцагчид дараах адислалуудаас заримыг олж мэдэх боломжтой. Үүнд:

Сургаал ба Гэрээ 132:19–22, 30–31: Мөнхийн гэр бүлүүд (“үр удмын үргэлжлэл” ба “амьдралын үргэлжлэл”)
Абрахам 2:9–11: Дэлхийн бүх гэр бүлтэй хуваалцсан сайн мэдээ; аврал ба өргөмжлөл
Сургаал ба Гэрээ 88:18–20 (“энэ” гэдэг нь дэлхийг хэлж байгаа): Селестиел хаант улс дахь өв залгамжлал (Еврей 11:8, 13-16-г үзнэ үү)
Сургаал ба Гэрээ 84:33–38: Эцэгт байгаа бүхнийг багтаасан санваарын адислалууд

Бурханы амласан эдгээр адислал танд ямар ач холбогдолтой вэ?
Эдгээр адислал таны тухай Бурханы бодол мэдрэмжийн талаар танд юуг ойлгуулж байна вэ?

Абрахамын гэрээг Тэнгэрлэг Эцэгийн төлөвлөгөөний агуулгад оруулахдаа та жагсаасан адислалуудыг хүлээн авах боломжийг бидэнд юу олгож байгаа талаар суралцагчдаас асууж болно. Та энэ талаар эргэцүүлэн бодохыг эсвэл бодол санаагаа хуваалцахыг суралцагчдаас хүсэж болно. Та мөн ерөнхийлөгч Нэлсоны энэхүү мэдэгдлийг хуваалцаж болно.

Ерөнхийлөгч Рассэлл М.Нэлсон Абрахамын гэрээний адислалуудыг хүлээн авах боломжийг бидэнд юу олгодог талаар онцолжээ.

Аврагчийн цагаатгагч золиос нь Эцэгийн хүүхдүүддээ өгсөн амлалтуудыг гүйцэлдэх боломжоор хангасан. … Бидний Аврагч, Их Эзэн Есүс Христийн Цагаатгалын ачаар Абрахамын гэрээ биелэх боломжтой болсон. Есүс Христ Абрахамын гэрээний төвд оршдог. (“Үүрдийн гэрээ,” Лиахона, 2022 оны 10-р сар, 7).

Абрахамын гэрээг тайлбарла

Хичээлийн эхэнд өгч байсан дараах асуултуудад өгсөн хариултууд дээрээ нэмэхэд суралцагчдыг урь. Үүнд:

Абрахамын гэрээ гэж юу вэ?
Абрахамын гэрээг би хэрхэн хүлээн авах боломжтой вэ?
Яагаад Абрахамын гэрээ надад хамаатай вэ?

Суралцагчдын ойлголтыг бататгахдаа, тэднийг хос болж хуваагдан Абрахамын гэрээг нэг нэгэндээ тайлбарлаж өгөхөд урь. Хариултууд нь товч боловч бүрэн байж чадаж байгаа эсэхийг олж мэдэхэд суралцагчдыг урамшуул. Энэхүү гэрээг аль болох цөөн үгээр тайлбарлах нь үүнийг илүү тодорхой ойлгоход суралцагчдад тусална.

Абрахамын гэрээгээр дамжуулан Бурханы бидэнд өгдөг адислал, амлалтуудыг гэрчил.

Нэмэлт эх сурвалж

Абрахамын гэрээний амлалтууд юу вэ?

Ерөнхийлөгч Рассэлл М.Нэлсон ийн хэлсэн.

14:20

Абрахамтай эхэлж хийсэн дараа нь Исаак, Иаковтай дахин баталсан Бурханы гэрээ онцгой ач холбогдолтой. Үүнд дараах хэд хэдэн амлалтууд орсон байдаг:

Есүс Христ нь Абрахамын удмаас төрөх болно.

Абрахамын үр удам нь тоолж баршгүй их болж, мөнхөд өсөн, мөн санваарын эрхийг атгана.

Абрахам нь олон үндэстний эцэг болно.

Түүний үр удам амлагдсан газар нутгийг өвлөж авна.

Бүх үндэстнүүд түүний үр удмаар адислагдах болно.

Гэрээ нь мөнхийнх байх болно- мянган үе удам дамжсан ч хэвээр хүчинтэй байх болно.

(“Гэрээнүүд,” 2011 оны 10-р сарын Ерөнхий чуулган, 103)

Бид Абрахамын байгуулсантай адил гэрээг Бурхантай байгуулах боломжтой юу?

Ерөнхийлөгч Рассэлл М.Нэлсон ийн заасан.

Адам ба Ева, Ноа ба түүний эхнэр, Абрахам ба Сара, Лихай ба Сариа болон бусад бүх Есүс Христийн үнэнч шавь нар энэ дэлхийн үүслээс эхлэн ижил гэрээг Бурхантай байгуулсан. Их Эзэний сэргээгдсэн Сүмийн гишүүдийн хувьд өнөөдөр баптисм дээр болон ариун сүмд хүлээн авдаг ижил ёслолуудыг тэд хүлээн авсан. (“Ирээд, Намайг дага,” 2019 оны 4-р сарын Ерөнхий чуулган, 109)

Миний патриархын адислал дахь удам угсааны тунхаглал Абрахамын гэрээтэй хэрхэн уялдаж байдаг вэ?

Арван хоёр төлөөлөгчийн чуулгын ахлагч Дэвид А.Бэднар ийн заажээ.

Удам угсаагаар ч бай, үрчилж авсан ч бай [бид] Абрахамд өгсөн Бурханы амлалтын хууль ёсны өв залгамжлагчид юм. Бид Абрахамын үр удам. Бидний патриархын адислалыг хүлээн авдаг гол шалтгаануудын нэг бол бид Абрахамын хойч үеийнхний хувьд өөрсдийгөө хэн бэ гэдгийг илүү сайн ойлгож, бидэнд буй үүрэг хариуцлагаа таньж мэдэхэд туслах явдал юм. (“Becoming a Missionary,” Liahona, Nov. 2005, 47).

Далын ахлагч Казүхико Ямашита ийн заасан.

Та удмын овгийн тунхаглалаа хүлээн авахдаа Израилын угсаанд харьяалагддаг мөн Абрахамын үр удам гэдгээ мэдэх болно. Үүний ач холбогдлыг ойлгохын тулд Их Эзэн Абрахамаар дамжуулж Израилын угсаанд өгсөн амлалтууд дээр анхаарлаа төвлөрүүл. (“Патриархын адислалаа хэзээ авах вэ,” Лиахона, 2023 оны 5-р сар, 89)

Нэмэлт суралцах үйл ажиллагаа

Эхлэл 17:8. “Би тэдний Бурхан нь болно”

Бурхантай байгуулсан гэрээний харилцаагаа илүү сайн ойлгоход нь суралцагчдад туслахын тулд та Эхлэл 17:7–8 дээрх дахин давтагдаж буй ойлголтуудыг онцолж болно. Их Эзэн “чиний Бурхан байх болно” (7-р шүлэг) гэж амласан ба “Би тэдний Бурхан нь болно” (8-р шүлэг) гэж өгүүлдэг. Абрахам 1:18 болон Дуулал 48:14-ийг судар дээрээ холбогдох эшлэл болгох юм уу Gospel Library аппликэйшн дээрээ холбоход суралцагчдыг урь. Суралцагчдыг гурван багц шүлгийг уншиж байх үед Их Эзэн бидний Бурхан байх нь ямар утгатай болохыг ойлгоход туслах үг, хэллэгийг хайж олоход тэднийг урамшуул. Дараахтай төстэй асуултуудыг тавь.

Таны хувьд “чиний Бурхан байх болно” гэсэн Түүний үг ямар утгатай вэ?
Бид амьдралдаа өөр ямар зүйлсийг эн тэргүүнд тавихад уруу татагдаж болох вэ?
Та Их Эзэнийг яагаад өөрийн Бурханаар сонгосон бэ?

Энэ жил Хуучин Гэрээг судлах явцдаа Их Эзэнийг өөрийн Бурханаар сонгох эсвэл эс сонгох нь ямар үр дагавартай байж болохыг олж мэдэхэд суралцагчдыг урь.