Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Абрахам 2:9–11: Абрахамын гэрээн дэх бидний үүрэг хариуцлага

“Абрахам 2:9–11: Абрахамын гэрээн дэх бидний үүрэг хариуцлага,” Хуучин Гэрээний семинарын багшийн гарын авлага (2026)

“Абрахам 2:9–11: Абрахамын гэрээн дэх бидний үүрэг хариуцлага,” Хуучин Гэрээний семинарын багшийн гарын авлага

Эхлэл 12–17; Абрахам 1–2: 24-р хичээл

Абрахам 2:9–11

Абрахамын гэрээн дэх бидний үүрэг хариуцлага

A young man in a black shirt standing and showing an open Book of Mormon to another young man standing beside him.

Их Эзэн Абрахамтай болон түүний үр удамтай гэрээ байгуулсан. Абрахамын үр удам бид дэлхийн бүх гэр бүлд Аврагчийн сайн мэдээний адислалуудыг авчрах гэрээний үүрэг хариуцлага хүлээдэг. Энэ хичээл Абрахамын үр удмын хувьд Их Эзэний өгсөн үүрэг хариуцлагыг гүйцэтгэхэд суралцагчдад тусална.

Суралцагчийн бэлтгэл: Дараах асуултуудын талаар бодож, гэр бүлийн гишүүнтэйгээ ярилцахад суралцагчдыг урь. Үүнд: Есүс Христийн сайн мэдээ яагаад танд хамаатай вэ? Яагаад сайн мэдээ бүх хүнд хэрэгтэй гэж та бодож байна вэ?

Боломжит суралцах үйл ажиллагаа

Абрахамын үр удам

Та 30 секундэд багтаан өөрсдийгөө аль болох олон үгээр тодорхойлон жагсаахыг суралцагчдаас хүссэнээр хичээлээ эхлүүлж болно. Дараа нь өөрсдийгөө хамгийн сайн дүрсэлсэн гурван үгийг дугуйлахыг суралцагчдаас хүс. Цөөн суралцагч тодорхойлсон үгсээ ангийнхандаа хуваалцаж болно.

Эдгээр тодорхойлогч нь таны зан төлөвт ямар байдлаар нөлөөлдөг вэ?

Арван хоёр төлөөлөгчийн чуулгын ахлагч Дэвид А.Бэднар бидний мөн чанарын талаар дараах зүйлийг заажээ.

17:8

Та нар хөгжим, хөнгөн атлетик эсвэл механикт дуртай байж болох бөгөөд хэзээ нэгэн цагт та худалдаа эсвэл бүр урлагийн мэргэжлээр ч ажиллах боломжтой. Эдгээр үйл ажиллагаа, ажил мэргэжил хэчнээн чухал байлаа ч бидний хэн болохыг тодорхойлдоггүй. Юуны түрүүнд бид сүнслэг бодгалиуд билээ. Бид бол Абрахамын үр удам бөгөөд Бурханы хүү [болон охид] билээ. (“Becoming a Missionary,” Liahona Nov. 2005, 47)

Ахлагч Бэднарын бидний хамгийн чухал мөн чанаруудын талаар заасан зүйлсээс танд юу нь онцгой байсан бэ?

Хэрэв суралцагчид 23-р хичээл: “Эхлэл 12; 17”-г судалсан бол Абрахамын гэрээний талаар юу санаж байгаагаа ангиараа нэгтгэн дүгнэхэд суралцагчдыг урь. Бид Абрахамын үр удам буюу хойч үеийнх нь хувьд, чухал адислалуудыг хүртэх амлалтыг Бурханаас хүлээн авсан төдийгүй чухал үүрэг хариуцлагыг ч биелүүлэхээр гэрээ байгуулсан гэдгийг ойлгоход суралцагчдад тусал. Өөрийгөө үнэлэх дараах дасгалыг гүйцэтгэхэд суралцагчдыг урь.

Дараах мэдэгдлүүдээс аль нь таны хувьд үнэн болохыг сонгоно уу.

Би Абрахамын үр удмын хувьд үүрэг хариуцлагаа ойлгодог.
Би Абрахамын үр удмын хувьд үүрэг хариуцлагаа биелүүлэхийг зорьдог.
Би Абрахамын үр удмын хувьд үүрэг хариуцлагаа биелүүлэхдээ агуу баяр баясгаланг олсон.
Би Абрахамын үр удмын хувьд өөрийн хүлээсэн үүрэг хариуцлагыг юу болохыг ойлгодоггүй.
Би Абрахамын үр удмын хувьд ямар үүрэг хариуцлага хүлээж буй талаар надад асууж тодруулах зүйлс байна.

Эдгээр мэдэгдлийг эргэцүүлэн бодох үед төрсөн асуулт эсвэл сэтгэгдлээ бичиж авахад суралцагчдыг урь. Абрахамын үр удмын хувьд үүрэг хариуцлагаа хэрхэн илүү сайн биелүүлж болохыг олж мэдэхийн тулд Ариун Сүнсээр дамжуулан Тэнгэр дэх Эцэгээсээ илчлэлт эрэлхийлэхэд суралцагчдыг урь.

Абрахам 2:9–11 нь төгс эзэмших сургаалын судрын хэсэг юм. Төгс эзэмших сургаалын хэсгүүдийг хялбархан олж болохын тулд өөр өвөрмөц аргаар тэмдэглэхийг суралцагчдаас хүс.

Абрахам 2:8–11-ийг уншиж, Абрахамын үр удмын хувьд бидний хүлээсэн үүрэг хариуцлагыг олж мэд.

Аврагч биднээс юу хүлээдэг вэ?

Та уг шүлгийн талаар асуулт тавихад суралцагчдыг урьж болно. Та Абрахамын гэрээний үүрэг хариуцлагын талаар ярилцахдаа, Абрахамын үр удмын хувьд, Аврагч дэлхийн бүх гэр бүлийг Өөрийн сайн мэдээний адислалаар адислах үүргийг бидэнд өгсөн гэсэнтэй төстэй үнэнийг олж тогтооход нь суралцагчдад тусал.

Израилыг цуглуулахад тус болсноор гэрээний үүргээ биелүүлэх боломжтой болно гэдгийг мэдэх нь суралцагчдад тустай байж болно.
Дэлхийн бүх гэр бүлийг Аврагчийн сайн мэдээгээр адислах ямар арга замууд бидэнд байна вэ?

1 Нифай 15:18-ыг уншиж, Абрахамын гэрээ хэзээ биелэхийг олж мэд.

Ерөнхийлөгч Рассэлл М.Нэлсон ийн гэрчилсэн.

Абрахамын гэрээг биелүүлэхэд туслах нь бидний үүрэг бол, дэлхийн бүх хүмүүсийг адислахын тулд урьдаас томилогдон, бэлтгэгдсэн үр биднийх юм. Тийм ч болохоор санваарын үүрэг даалгаварт номлолын ажил ордог. 4000 жилийн хүлээлт, бэлтгэлийн дараа дэлхий дээрх ахан дүүсдээ сургаалыг хүргэж өгөхөөр сонгогдсон өдрүүд ирээд байна. Энэ нь Израилыг цуглуулна хэмээн амласан өдрүүд. Бид бүхэн харин үүнд оролцож чадах нь ээ! Сэтгэл хөдөлгөм байгаа биз? (“Гэрээнүүд,” 2011 оны 10-р сарын Ерөнхий чуулган, 103–104)

Бид ямар ч үед хөшигний аль аль талд байгаа хэнд ч болов Бурхантай гэрээ байгуулж, түүнийгээ сахихад нь туслахдаа Израилыг цуглуулахад тусалж байдаг. (“Бурхан ялах болтугай,” 2020 оны 10-р сарын Ерөнхий чуулган, 102)

Та Есүс Христийн сайн мэдээний талаар ямар бодолтой байдаг вэ?
Та үүнийг яагаад бүх хүнд хэрэгтэй гэж бодож байна вэ?
Танд (эсвэл таны таньдаг хүмүүст) Израилыг цуглуулж байсан ямар туршлага байдаг вэ?

Үүрэг хариуцлагаа биелүүлэх

Та Аврагчийн сайн мэдээгээр бусдыг адислахын тулд юу хийсэн эсвэл үүнд зориулан ямар төлөвлөгөө гаргасан бэ?
Ирэх өдрүүдэд эсвэл долоо хоногуудад танд юу хийх хүсэл төрж байна вэ?
- Бусдад гэрээ байгуулж, гэрээгээ сахихад нь туслах уу?
- Аврагчийн сайн мэдээг хуваалцах уу?
- Хөшигний нөгөө талд байгаа хүмүүст туслах уу?

Абрахамын үр удмын хувиар Аврагчийн сайн мэдээний адислалуудыг бүх хүнтэй хуваалцах чухал үүрэг хариуцлагыг гэрчлэх талаар бодож үзээрэй.

Цээжил

Та энэ хичээлийн турш төгс эзэмших сургаалын эшлэл, судрын түлхүүр үг хэллэгийг цээжлэхэд нь суралцагчдад тусалж, дараа дараагийн хичээлүүд дээр давтаж болно. Абрахам 2:9–11 дэх судрын түлхүүр үг хэллэг бол “Их Эзэн Абрахамд түүний үр удам ‘энэ тохинуулал хийгээд санваарыг бүх үндэстнүүдэд гэрчлэх болно’ гэдгийг амласан” гэдэг нь юм. “Төгс эзэмших сургаалыг давтах үйл ажиллагаа” хэсгийн хавсралтуудад цээжлэх үйл ажиллагаанд зориулсан санаанууд бий.

Нэмэлт эх сурвалж

Миний үндсэн мөн чанарууд юу вэ?

Ерөнхийлөгч Рассэлл М.Нэлсон ийн заасан.

Одоо энд цугласан та бүхнээс асуумаар байна. Та хэн бэ?

Юуны түрүүнд та бол Бурханы хүүхэд.

Хоёрдугаарт, Сүмийн гишүүний хувьд та бол гэрээний хүүхэд. Гуравдугаарт, та бол Есүс Христийн шавь юм. (“Мөнхийн ач холбогдолтой сонголтууд” [Залуучуудад зориулсан дэлхий даяарх онцгой цугларалт, 2022 оны 5-р сарын 15], Gospel Library)

Абрахамын үр удмын хувьд миний үүрэг хариуцлага юу вэ?

Арван хоёр төлөөлөгчийн чуулгын ахлагч Дэвид А.Бэднар ийн заасан.

Эдгээр хожмын өдрүүдэд Абрахамын үр удамд үнэхээр агуу үүрэг хариуцлага оногдсон. …

… Абрахамтай байгуулсан Бурханы гэрээ, амлалтыг биелүүлэхийн тулд бид мөнх бус байдлын өмнөх оршихуйд урьдчилан томилогдож, мөнх бус амьдралд төрсөн билээ. Бид энэ дэлхий дээр энэ цаг үeд санваараа эрхэмлэн биелүүлж, сайн мэдээг номлохын тулд оршин байгаа билээ. Бид ийм л хүмүүс, ийм л учраас бид энд байгаа. (“Becoming a Missionary,” Liahona, Nov. 2005, 47)

Ерөнхийлөгч Рассэлл М.Нэлсон ийн тунхаглажээ.

61:35

Израилын цугларалт гэдэг нь Бурхантай нэн чухал гэрээнүүдийг байгуулж ёслолуудыг хүлээн аваагүй, хөшигний хоёр талд байгаа Бурханы хүүхэд бүрд Есүс Христийн сайн мэдээг санал болгох гэсэн утгатайг та нарыг мэдээсэй гэж бид та бүхнээс хүсэж байна.

Тэнгэрлэг Эцэгийн маань хүүхэд бүр Есүс Христийг дагах, Түүний сургаалыг хүлээн зөвшөөрөх, та бүхний мэддэгээр Израилын угсаа болох Абрахам, Исаак, Иаковын угсааныханд Бурханы амласан тэр бүх адислалынх нь хамт хүлээн авахаа сонгох боломжтой. (“Израилын найдвар,” [Залуучуудад зориулсан дэлхий даяарх онцгой цугларалт, 2018 оны 6-р сарын 3], Рассэлл М.Нэлсон ба Вэнди В.Нэлсон, Gospel Library)

Халамжийн нийгэмлэгийн ерөнхий ерөнхийлөгч Камилл Н.Жонсон ийн заасан.

10:18

Есүс Христтэй хамтран Бурханы бүх хүүхдэд материаллаг болон сүнслэг тайтгарлыг өгөх нь бидний гэрээний адислал юм. Түүнээс ирдэг тайтгарлын дамжуулагчид нь бид юм.

Саа өвчтэй эрийн нөхөдтэй адил бид “сул доройчуудад тусалж, доош унжсан гарнуудыг өргөж, мөн сул дорой өвдөгнүүдийг хүчирхэг болгодог” [Сургаал ба Гэрээ 81:5]. Бид “нэг нэгнийхээ ачаанаас үүрэлц[эж], тийнхүү Христийн хуулийг хэрэгжүүлэгтүн” [Галат 6:2]. Ингэснээр бид Түүнийг танин мэдэж, Түүн шиг болж, Түүний тайтгарлыг олдог. (“Есүс Христ бол тайтгарал,” Лиахона, 2023 оны 5-р сар, 83)

Нэмэлт суралцах үйл ажиллагаа

Үүрэг хариуцлагаа биелүүлэх нэмэлт арга зам

Та эдгээр сонголтыг хичээл дээрх үйл ажиллагаанд нэмэлт суралцах өртөө болгон оруулах боломжтой.

Мормоны Номыг хуваалц. Мормоны Ном бол Израилыг цуглуулах Бурханы зэмсэг юм. Мормоны Номыг хуваалцаж болох хэн нэгний тухай бод. Та Мормоны Номын аппликэйшныг татаж авахад тэднийг урьж болно. Аврагчийн тухай болон Мормоны Номын талаарх гэрчлэлээ бичих эсвэл хуваалцах мөн бусадтай хуваалцаж болох судрын хэсгийг сонго. Та тухайн хүнтэй Мормоны Номыг хэдийд хуваалцахаа эсвэл зурвас илгээхээ төлөвлө.

Их Эзэний өсвөр үеийнхний батальонд нэгд. Ерөнхийлөгч Рассэлл М.Нэлсоны дараах урилгуудаас нэг эсвэл хэд хэдийг сонго. Тэрээр өсвөр үеийнхнийг Израилын цугларалтад оролцоход нь бэлтгэхэд туслахаар эдгээр урилгыг өгсөн.

Сошиал медиагаас хол байх долоо хоногийн мацаг барь.
Их Эзэнд зориулан гурван долоо хоногийн туршид долоо хоног бүр цаг заваа золиосол.
Гэрээний зам дээр байгаа эсэхээ баталгаажуулахын тулд амьдралдаа нарийн үнэлгээ хий.
Бурханы бүх хүүхэд Есүс Христийн сайн мэдээний адислалаас хүртээсэй хэмээн өдөр бүр залбир.
Онцгой нэгэн байж, бусдаас ялгар. Өсвөр үеийнхний бат бөх байдлын төлөө товхимлыг судалж, хуваалц. (Рассэлл М.Нэлсон, Вэнди В.Нэлсон хоёрын “Израилын найдвар”-аас эш татав [Залуучуудад зориулсан дэлхий даяарх онцгой цугларалт, 2018 оны 6-р сарын 3], Gospel Library)

Та ерөнхийлөгч Нэлсон, Вэнди В.Нэлсон эгч хоёрын “Израилын найдвар” нэртэй залуучуудад зориулсан дэлхий даяарх онцгой цугларалтаас урилга нэг бүрийн талаар суралцагчидтай хуваалцаж болох илүү дэлгэрэнгүй мэдээллийг олж авч болно.