Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Абрахам 1: “Зөв шударга ёсыг агуугаар дагагч … байхыг хүсэх”

“Абрахам 1: ‘Зөв шударга ёсыг агуугаар дагагч … байхыг хүсэх’” Хуучин Гэрээний семинарын багшийн гарын авлага (2026)

“Абрахам 1: ‘Зөв шударга ёсыг агуугаар дагагч … байхыг хүсэх’” Хуучин Гэрээний семинарын багшийн гарын авлага

Эхлэл 12–17; Абрахам 1–2: 22-р хичээл

Абрахам 1

“Зөв шударга ёсыг агуугаар дагагч … байхыг хүсэх”

The painting portrays Abram kneeling, his head bowed. Melchizedek lays his hands on his head blessing him. His eyes are shut and his face looks up. An attendant holds bread and wine.

Абрахам ёс бус байдал дунд мөн шүтээн шүтэн бишрэгчдийн дунд өссөн. Эдгээр нөхцөл байдлыг үл харгалзан Абрахам өөрт нь мөнх бус байдлын өмнөх амьдралд Иехова гэдэг нэрээр танигдсан Есүс Христийг дагахыг хүсжээ. Абрахам зөв шударга хүслийг эрэлхийлж байсан учраас Их Эзэн түүнд үүнийгээ олж авахаар адисалсан. Энэ хичээл Тэнгэрлэг Эцэг Өөрийнх нь хүлээн аваасай гэж хүсэж буй адислалуудыг олж авахад нь суралцагчдад тусалж чадна гэсэн итгэл найдварыг мэдрэхэд тэдэнд тусална.

Суралцагчийн бэлтгэл: Амьдралаас хамгийн их хүсдэг зүйлсийнхээ жагсаалтыг гаргаж, энэ талаар Тэнгэрлэг Эцэг юу гэж бодож байгаа тухай бодоход суралцагчдыг урь.

Боломжит суралцах үйл ажиллагаа

Та юу хүсэж байна вэ?

Их Эзэн хүссэн зөв шударга адислалаа олж авахад нь тэдэнд тусална гэж итгэхэд саад учруулж болох нөхцөл байдлуудын талаар бодож үзэхэд суралцагчдад туслах байдлаар хичээлээ эхэл. Үүний тулд та дараах дутуу мэдээлэл бүхий жишээнүүдийг хуваалцаж, тухайн хүнд тулгарч буй саад бэрхшээлийг олж тогтооход суралцагчдыг урьж болно.

Саманта бусад хүнд Бурханы сайн мэдээг номлох замаар Есүс Христийг дагахыг маш их хүсдэг. Гэвч … учраас яг одоо үүнийг хийх нь түүнд хүнд хэцүү юм шиг санагдах болсон.

Юмчин аравны нэгээ төлж, Есүс Христийг дагахыг маш их хүсдэг. Гэвч … учраас яг одоо үүнийг хийх нь түүнд хүнд хэцүү юм шиг санагдах болсон.

Карлос баптисм хүртсэнээр Есүс Христийг дагахыг маш их хүсдэг. Гэвч … учраас яг одоо үүнийг хийх нь түүнд хүнд хэцүү юм шиг санагдах болсон.

Өөрсдийн нөхцөл байдал болон Есүс Христийг дагахад тулгарч болох саад бэрхшээлүүдийн талаар эргэцүүлэн бодоход суралцагчдыг урь. Судлах тэмдэглэлдээ дараах алхмуудыг гүйцэтгэхийг тэднээс хүс.

Судлах тэмдэглэл дээрээ:

Амьдралдаа хүлээн авахыг хамгийн их хүсэж байгаа адислалуудынхаа заримыг тэмдэглэ.
Эдгээр адислалыг олж авахад ямар саад бэрхшээл тулгарч байгааг жагсаан бич.

Суралцагчдыг Абрахам 1-ийг судалж байхад, Ариун Сүнсээр дамжуулан Тэнгэрлэг Эцэгийн тусламжийг эрэлхийлэхэд тэднийг урь. Ариун Сүнс тулгарч буй саад бэрхшээлээс үл хамааран Есүс Христийг дагаж, Түүний адислалуудыг хүртэж чадна гэсэн итгэл найдварыг мэдрэхэд тэдэнд тусалж чадна.

Абрахамын нөхцөл байдал

Абрахамын хүссэн адислал	Абрахамд тулгарсан саад бэрхшээл
Абрахамын хүссэн адислал	Абрахамд тулгарсан саад бэрхшээл

Абрахам 1:1–7-г уншиж, Абрахам ямар адислал авахыг хүсэж байсан, тэдгээр адислалыг хүлээн авахад түүнд ямар саад бэрхшээл тулгарч байсныг олж мэд.

Танд Абрахамын хүссэн адислалуудаас юу нь онцгой санагдсан бэ?
Ямар учраас эдгээр адислалыг та ч бас хүсэж байна вэ?
Абрахам Есүс Христийг дагах хүсэлтэй байсан нь түүнийг хүнд хэцүү нөхцөл байдлыг даван туулахад хэрхэн тусалсан байж болох вэ?

Иехова Абрахамд саад бэрхшээлийг даван туулахад тусалсан

Абрахам 1:15–20-ийг уншиж, Иехова Абрахамд тулгарсан саад бэрхшээлээ даван туулахад нь хэрхэн тусалсныг олж мэд.

Энэ туршлагаас Абрахам Иеховагийн талаар юуг ойлгож авсан гэж та бодож байна вэ?
Хүссэн зөв шударга адислалуудаа хүлээн авахад тулгарах саад бэрхшээлийг даван туулахад Тэнгэрлэг Эцэг бидэнд хэрхэн туслах вэ?

Абрахам чөлөөлөгдсөнийхөө дараа хожим нь Канаан руу явсан гэдгийг суралцагчдад тайлбарла. Их Эзэн хүслийнхээ дагуу үйлдсэнд нь Абрахамыг хүндэтгэж, санваар, бусад чухал адислалаар адисалжээ. Бидний Абрахамын гэрээ гэж нэрлэж буй гэрээний нэг хэсэг болгож эдгээр адислалыг Бурхан Абрахамд амласан. Суралцагчид энэхүү гэрээний талаар дараагийн хичээлүүд дээр илүү дэлгэрэнгүй судлах болно.

Абрахамын амьдралын хожуу үед Их Эзэн түүн дээр ирж, Абрахамын бүх зөв шударга хүслийг биелүүлэх болно гэж амласан (Абрахам 2:9–11-ийг үзнэ үү). Абрахам 2:12–13-ыг уншиж, энэхүү үйл явдлын дараа Абрахам юу гэж хэлснийг олж мэд.

Бид Абрахамын туршлагаас ямар ямар зарчим сурч болох вэ?

Суралцагчид төрөл бүрийн зарчмуудыг тодорхойлж болно. Тухайлбал: Хэрэв бид Есүс Христийг дагахыг эрэлхийлбэл, Бурхан бидний хүсдэг зөв шударга адислалуудыг өгөх болно.

Арван хоёр төлөөлөгчийн чуулгын ерөнхийлөгч Жэффри Р.Холландын дараах мэдэгдлийг унших юм уу “Найдварын төгс гэрэл” видеог цагийн код 11:09-өөс 11:38 хүртэл үзнэ үү. Уг видео ChurchofJesusChrist.org дээр байгаа.

17:45

Яагаад зөв шударга хүсэл, Христтэй адил болох тэмүүлэл маань гайхалтай, ер бусын байдлаар бүх найдварын Бурханаар хариулагдаж чадна хэмээн бид найдаж болохгүй гэж? Бидний зөв шударга хүсэл хэзээ нэгэн цагт, ямар нэг арга замаар, яаж ийж байгаад биелэх болно гэдэгт бид бүгдээрээ итгэх хэрэгтэй. (“Найдварын төгс гэрэл,” 2020 оны 4-р сарын Ерөнхий чуулган, 101)

Дараах асуултыг хоёр хоёроороо эсвэл жижиг бүлгээрээ ярилцахад суралцагчдыг урь эсвэл хариултуудаа судлах тэмдэглэлдээ бичихийг тэднээс хүс. Хангалттай хугацаа олгосны дараа, хуваалцах хүсэлтэй суралцагчид хариултуудынхаа аль нэгийг эсвэл хоёуланг ангийнд хуваалцаж болно.

Ерөнхийлөгч Холландын хэлсэн үг болон Абрахамын туршлага танд Есүс Христийг дагахад тулгарч буй саад бэрхшээлийг даван туулахад Их Эзэн тусалж чадна гэсэн итгэл найдварыг хэрхэн төрүүлж байна вэ?
Тэнгэрлэг Эцэг танд эсвэл таны таньдаг хэн нэгэнд Есүс Христийг дагахад тулгарч буй саад бэрхшээлийг нь даван туулахад хэзээ тусалсан бэ?

Тэнгэрлэг Эцэг танд зөв шударга адислалыг хүлээн авахад тулгарах саад бэрхшээлийг даван туулахад хэрхэн тусалсан туршлагаасаа хуваалцах талаар бодож үзээрэй.

Өнөөдөр олж мэдсэн зүйлсээ судлах тэмдэглэлдээ бичихэд суралцагчдыг урь.

Хуваалцах хүсэлтэй суралцагчдыг бичсэн зүйлээсээ хуваалцахад урих талаар бодож үз. Эдгээр үнэний тухай гэрчлэлээ хуваалцсанаар хичээлээ дуусга.

Нэмэлт эх сурвалж

Би Абрахамын номын талаар хаанаас илүү ихийг олж мэдэж болох вэ?

1835 оны 7-р сарын 5-нд Иосеф Смит Абрахамын ном гарч ирэх тухай болон эдгээр эртний Египетийн бичээсний ач холбогдлын талаар ийн бичжээ.

Би В[иллиам] В. Фелпс, О[ливер] Каудери хоёртой хамт бичээч байхдаа зарим дүрс үсэг болон нууцлаг тэмдэгтийг орчуулж эхэлсэн бөгөөд биднийг ихээхэн баярлуулсан нэгэн зүйл бол нэг хуйлмалд Абрахамын бичээснүүдийг агуулсан байсныг бид олж мэдсэн явдал юм. … Их Эзэн амар амгалан болон үнэнийг элбэг дэлбэгээр илчилж эхэлж байна гэж бид үнэхээр хэлж чадна. (Joseph Smith, History, 1838–1856 [Manuscript History of the Church], volume B-1, 596, josephsmithpapers.org; цэг таслалыг стандартчилсан)

Абрахамын номыг судлахад Сүмийн түүхийн сэдвийн “Book of Abraham Translation” дээрх дараах мэдээллийг анхаарах нь чухал.

Сударт тооцогдох энэхүү номын хүндтэй байдал нь мөнхийн үнэнүүдийг зааж, хүчирхэг сүнсийг дамжуулдагт оршдог. Абрахамын номд гарах үнэнийг чин сэтгэлийн залбирал, Сүнсний баталгааны хамт сайтар судалсны эцэст олж мэдэж болно. (Сүмийн түүхийн сэдвүүд, “Book of Abraham Translation,” Gospel Library)

Миний хүслүүд амьдралд минь хэрхэн нөлөөлдөг вэ?

Тэргүүн зөвлөлийн ерөнхийлөгч Даллин Х.Өүкс ийн заасан.

Хүсэл нь бидний эн тэргүүнд эрхэмлэх зүйлсийг, эн тэргүүнд эрхэмлэдэг зүйлс нь бидний сонголтыг тодорхойлдог бол сонголтууд нь бидний үйлдлийг төлөвшүүлдэг. Үйлдэл болгосон хүсэл маань бидний хэрхэн өөрчлөгдөж, юунд хүрэх, тэрчлэн ямар хүмүүс болохыг тодорхойлдог. …

… Биднийг хэн болж чадахаа төсөөлдөг болох үед бидний үйлдэх хүсэл, хүч чадал асар ихээр нэмэгддэг. (“Desire,” Liahona, May 2011, 42, 44)

Бидний зөв шударга хүсэл биелэхгүй мэт санагдах үед бид яах вэ?

Арван хоёр төлөөлөгчийн чуулгын ахлагч Нийл Л.Андэрсэн ийн заасан.

14:51

Их Эзэний үйлчлэгчийн хувьд хэлэхэд, хэрэв та нар Есүс Христэд болон гэрээнүүддээ үнэнч байх юм бол энэ амьдралын адислалууд танд нөхөн олгогдож, мөнх амьдралд зөв шударга хүсэл тань Их Эзэний тааллын дагуу гүйцэлдэх болно гэдгийг би амлаж байна. Мөнх бус амьдралынхаа аяллын үеэр зөв шударга итгэл найдвар маань бүгд биелэхгүй байсан ч бид аз жаргалтай байх боломжтой. (“Бурханы хүүхдийн хувийн аялал,” 2021 оны 4-р сарын Ерөнхий чуулган, 47)

Бид зөв шударга хүслийг хэрхэн хөгжүүлдэг вэ?

Арван хоёр төлөөлөгчийн чуулгын ахлагч Дэвид А.Бэднар ийн заасан.

15:42

Бид Аврагчийн хаа дуудсан газар руу явж, Түүний хэл гэснийг хэлж, Түүний хүссэн хүн болохоор хамгийн сайнаараа хичээх үедээ Түүнийг таньж мэддэг. Бид Түүнд бүрэн тулгуурладгаа хүлээцтэй хүлээн зөвшөөрөх үед Тэрээр урьд урьдынхаас илүү үр дүнтэй үйлчлэх чадварыг маань нэмэгдүүлдэг. Яваандаа бидний хүсэл эрмэлзэл Түүний хүсэлтэй илүү бүрэн дүүрэн нийцдэг бөгөөд Түүний зорилго бидний зорилго болж, “Түүний тааллын эсрэг зүйлийг бид эс гуйх” болно. (“Хэрэв та нар Намайг мэдсэн бол,” 2016 оны 10-р сарын Ерөнхий чуулган, 99)

Нэмэлт суралцах үйл ажиллагаа

Абрахам 1:11. Зөв зохистой залуу эмэгтэйчүүдийн жишээ

Бид заримдаа зөв шударга хүслээ хүссэн байдлаараа хүлээж авдаггүйг суралцагчдад ойлгуулахын тулд зөв шударга гурван онгон охины жишээг ашиглаж болно.

Абрахам 1:11-ийг уншиж, Абрахамын чөлөөлөлтийг эдгээр гурван залуу эмэгтэйн түүхтэй харьцуул.

Түүнчлэн та нэмэлт эх сурвалжаас ахлагч Андэрсэны мэдэгдэл дэх биелэгдээгүй зөв шударга хүслийн талаар үзэж болно.

Нэг найз нь тэдэнд зурвас илгээсэн талаар төсөөлөхөд суралцагчдыг урь. Найз чинь Бурхан тэднийг ямар нэгэн тодорхой уруу таталтыг (эсвэл тэдний эрэлхийлж байсан ямар нэгэн өөр зөв шударга хүслээр адислаагүй гэж) эсэргүүцэх хүч чадлаар адислахгүй байгаад бухимджээ. Найздаа хэрхэн хариу бичих талаар бодоход суралцагчдыг урь. Дараах асуултууд тустай байж болно. Үүнд:

Ямар учраас зарим хүний зөв шударга хүсэл биелж байхад заримынх нь биелдэггүй гэж та бодож байна вэ?
Бидний зөв шударга хүсэл биелэхгүй мэт санагдаж байсан ч бид Есүс Христэд итгэх итгэлээ хэрхэн хадгалж үлдэх ёстой вэ?

Зөв шударга хүслийг эрэлхийлэх бусад жишээ

Зөв шударга хүсэлтэй болох талаарх суралцагчдын ойлголтыг гүнзгийрүүлэхийн тулд Абрахамыг судар дээр гарсан бусад хүнтэй харьцуулахыг тэднээс хүсэж болно.

Дараах хүмүүсээс аль нэгийг эсвэл өөр нэгэн хүнийг сонгоход суралцагчдыг урь. Тухайн хүний хүсэл юу байсныг мөн тухайн түүхэд хүслээ хэрхэн биелүүлэх талаар бидэнд юу зааж байгааг олж мэдэхийг суралцагчдаас хүс.

Нифай: 1 Нифай 10:17; 11:1
Инос: Инос 1:2–8
Алма, Амюлек хоёр: Алма 14:9–13
Хайрум Смит: Сургаал ба Гэрээ 11:8, 15–17, 21–22

Их Эзэний хүсэлтэй нийцүүлэх

Зөв шударга хүслүүд заримдаа бидний хүсэн хүлээж байсан арга замаар хариулагдахгүй талаар суралцагчидтай дэлгэрүүлэн ярилцах нь тэдэнд цаашид тустай байж болно.

15:9

Дараах асуултуудыг тавих талаар бодож үзээрэй.

Зөв шударга хүслээ Их Эзэний хүсэлтэй нийцүүлэх талаар та юу мэдэж авсан бэ?
Их Эзэн өөрийг нь зөв шударга хүслээр адислахгүй байна гэж бодож буй хүнд та ямар зөвлөгөө өгөх вэ?

Судруудын ач холбогдол

Судруудын бидний амьдралд үзүүлэх ач холбогдлыг ойлгоход нь суралцагчдад туслахын тулд дараах асуултыг тавих талаар бодож үзээрэй.

Ямар нэгэн зүйлийг хадгална гэж юу гэсэн үг вэ?
Та хайртай хүнийхээ гэрэл зургийг эсвэл захиаг хэрхэн хадгалах вэ?

Абрахам 1:28-ыг уншиж, Абрахам юу хүлээн авсныг олж мэдэхэд суралцагчдыг урь. Олж мэдсэн зүйлсээ хэлсний дараа 31-р шүлэг-ийг уншихад суралцагчдыг уриад, дараах асуултыг тавь.

Абрахамын тэмдэглэлд юу хадгалагдаж үлдсэн бэ?
Эдгээр үнэнийг мэдэх нь бидэнд ямар ач тустай вэ?

Их Эзэн биднийг хайрладаг учраас судруудыг хадгалж үлдэхийн тулд бошиглогчдыг дуудсан гэдгийг ойлгоход нь суралцагчдад тусал. Судруудаас хадгалагдан үлдсэнд нь талархаж буй чухал үнэнүүдийг хуваалцахад суралцагчдыг урь.