Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Абрахам 3: Мөнх бус байдлын өмнөх амьдрал

“Абрахам 3: Мөнх бус байдлын өмнөх амьдрал,” Хуучин Гэрээний семинарын багшийн гарын авлага (2026)

“Абрахам 3: Мөнх бус байдлын өмнөх амьдрал,” Хуучин Гэрээний семинарын багшийн гарын авлага

3-р хичээл: Мосе 1; Абрахам 3

Абрахам 3

Мөнх бус байдлын өмнөх амьдрал

Үзэгдэлд Иехова Өөрийн ажил, бүтээлүүдийг Абрахамд харуулав. Түүнчлэн Тэрээр Абрахамд мөнх бус байдлын өмнөх оршихуйг болон мөнх бус амьдралд удирдагчаар сонгогдсон нэр төртэй хийгээд агуу сүнснүүдийг харуулсан. Энэ хичээл суралцагчдад Тэнгэрлэг Эцэгийн төлөвлөгөөн дэх мөнх бус байдлын өмнөх амьдралын талаар мэдэж авах нь амьдралд нь ямар ач тустайг ойлгоход тусална.

Суралцагчийн бэлтгэл: Суралцагчдаас найзаасаа эсвэл гэр бүлийн гишүүнээс мөнх бус байдлын өмнөх амьдралын тухай юу мэдэх, мөнх бус байдлын өмнөх амьдралын талаар мэдэж байх нь тэдэнд хэрхэн тусалж болох талаар асуухыг хүс.

Боломжит суралцах үйл ажиллагаа

Та хэдэн настай вэ?

Ангийнхандаа насаа хэлэхийг хэдэн суралцагчаас хүс.

Тэдний хэлсэн нас нь тэд амьдралдаа бие махбодтой байсан хугацаа нь гэдгийг онцол. Бидний сүнс бие махбодоос маань хавьгүй урт хугацаанд оршин байгаа билээ. Бид төрөхөөсөө өмнө Тэнгэрлэг Эцэгтэй мөн Аврагч Есүс Христтэй хамт амьдарч байсан. Бид үүнийг мөнх бус байдлын өмнөх амьдрал гэж нэрлэдэг.

Судлах тэмдэглэл дээрээ дараах асуултуудад хариулж бичихийг суралцагчдаас хүс.

Мөнх бус байдлын өмнөх амьдралын талаар таны мэдэх зарим зүйл юу вэ?
Мөнх бус байдлын өмнөх амьдралын тухай мэдлэг танд одоо хэрхэн тусалж болох вэ?

Суралцагчдыг хичээлийн явцад хариултууд дээрээ нэмж бичээд байхыг урамшуулан дэмж. Мөнх бус байдлын өмнөх амьдралын тухай мэдлэг өөрсдөд хэрхэн тусалж болохыг мэдэж болохын тулд тэднийг Ариун Сүнсээр дамжуулан Тэнгэрлэг Эцэгээс тусламж эрэлхийлэхийг урамшуулан дэмж.

Бид Абрахамаас юу сурч мэддэг вэ?

Абрахамын ном хаанаас ирснийг ойлгоход нь суралцагчдад туслахын тулд та тэднээс энэ талаар мэддэг зүйлсээ хуваалцахыг хүс эсвэл дараах хэсгийг өөрийн үгээр тайлбарла.

Абрахам өөрт тохиолдсон туршлагыг цэдэглэсэн нь бидэнд мөнх бус байдлын өмнөх амьдралын талаар илүү ойлгоход тусалдаг. Абрахам Есүс Христийг төрөхөөс 2000 орчим жилийн өмнө төрсөн. Тэрээр амьдралынхаа тухай зарим мэдээлэл, Бурханаас хүлээн авсан үзэгдэл зэргийн талаар цэдэглэсэн бөгөөд эдгээрийг Абрахамын номоос олж болно. Энэхүү цэдэг нь Сүмийн гишүүдийн худалдаж авсан, Египетээс олдсон папирусын хуйлмал бичвэрээс үүдэлтэй. Энэхүү цэдэг бошиглогч Иосеф Смитэд Бурханы хүч, бэлгээр илчлэгдсэн.

Их Эзэний Абрахамд юу заасныг олж мэдэхийн тулд Абрахам 3:11–12, 21-ийг уншина уу.

Эдгээр шүлгээс юу нь танд онцгой санагдсан бэ?
Та Их Эзэний талаар ямар үнэнийг мэдэж авсан бэ?

Хуваалцах үедээ судрын аль хэсгээс эсвэл шүлгээс эдгээр ойлголтыг авсныг нь суралцагчдаас асуу. Ингэснээр бусад суралцагч хүсвэл тэдгээрийг тэмдэглэж авах боломжтой болно.
Есүс Христийн тухай эдгээр үнэнийг ойлгох нь танд одоо хэрхэн нөлөөлж болох вэ?
Та Аврагчийн тухай эдгээр үнэнийг амьдралдаа хэрхэн харж эсвэл мэдэрсэн бэ?

Бидний мөнх бус байдлын өмнөх амьдрал

Абрахам мөнх бус байдлын өмнөх оршихуй дахь Есүс Христийн агуу байдлын талаар олж мэдсэнийхээ дараа бидний мөнх бус байдлын өмнөх оршихуйн тухай олж мэдсэн. Их Эзэний Абрахамд харуулсан зүйлийн талаар уншихынхаа өмнө, хэрэв та мөнх бус байдлын өмнөх амьдралд өөрийгөө Тэнгэрлэг Эцэг, Есүс Христ хоёртой хамт байгааг харах боломжтой байсан бол ямар байхыг төсөөл. Энэ нь танд хэрхэн нөлөөлөх талаар тунгаан бод.

Өөрсдийгөө мөнх бус байдлын өмнөх оршихуйд Тэнгэрлэг Эцэг, Есүс Христ хоёртой байгааг харах нь ямар үр нөлөөтэй болохыг төсөөлөх хангалттай хугацааг суралцагчдад гаргаж өг.

Aбрахам 3:22–23 бол төгс эзэмших сургаалын нэг юм. Суралцагчдыг төгс эзэмших сургаалын судрын хэсгийг амархан олохын тулд онцгойлон тэмдэглэхэд урьж болно.

Абрахам 3:22–23-ыг уншаад, Абрахам мөнх бус амьдралын өмнөх оршихуйн талаарх үзэгдлээсээ юу сурч мэдсэнийг олж мэд. Эдгээр шүлэг дээрх “оюун билгүүд” нь мөнх бус байдлын өмнөх сүнснүүдийг хэлж байгаа гэдгийг мэдэх нь тустай байж болох юм.

Энэ үйл явдлын ачаар Абрахам ямар үнэнийг сурч мэдсэн эсвэл илүү сайн ойлгосон гэж та бодож байна вэ?

Суралцагчдын хуваалцсан үнэнүүдийг самбарт бич. Хэрэв суралцагчид олж хэлэхгүй бол дараахыг нэмж бичээрэй: Бурхан Өөрийн нэр төртэй хийгээд агуу сүнсэн хүүхдүүдийг төрөхөөс нь өмнө удирдагч болгохоор сонгосон. Үүнийг ихэвчлэн урьдчилсан томилолт гэж нэрлэдэг.
“Нэр төртэй хийгээд агуу” гэсэн үгийн дэлхийн тодорхойлолт Их Эзэнийхээс юугаараа ялгаатай байна гэж та бодож байна вэ?

Бид нэр төртэй хийгээд агуу суутнуудын нэг мөн үү?

Ерөнхийлөгч Рассэлл М.Нэлсон Абрахам 3 дээр заадаг үнэн танд хамаарч болох нэгэн арга замыг дэлхий даяарх онцгой цугларалт дээр ийн ярьсан.

Тэнгэрлэг Эцэг маань Өөрийн хамгийн нэр төртэй суутнуудаас олныг буюу хамгийн шилдэг багаа энэхүү сүүлчийн үед зориулан бэлтгэсэн. Тэдгээр нэр төртэй суутан, шилдэг тоглогч, баатрууд бол та нар! … Та Их Эзэний энэ дэлхий рүү илгээсэн хамгийн шилдэг хүмүүсийн нэг хэсэг юм. Та урьд өмнөх бүх үеийнхнээс илүү дэлхийд нөлөөлөхүйц ухаалаг, илүү мэргэн байх чадвартай. (“Израилын итгэл найдвар” [Өсвөр үеийнхэнд зориулсан дэлхий даяарх онцгой цугларалт, 2018 оны 6-р сарын 3], 8, 16).

Суралцагчдыг судар дээрээ ерөнхийлөгч Нэлсоны заасан зүйлийг санахад туслахаар тэмдэглэхийг уриалж болно. 22-р шүлгийн дараа тэд “тэдний нэг нь би” гэж бичиж эсвэл 23-р шүлэг дээр Абрахамын нэрийн дээр өөрийн нэрийг бичиж эсвэл Gospel Library дээр Абрахам 3:22–23-ыг ерөнхийлөгч Нэлсоны хэлсэн дээрх үгтэй холбож болно.

Хэрэв шаардлагатай бол суралцагчдад мөнх бус байдлын өмнөх амьдралын талаар суралцах цаг гарга. Тэд “Мөнх бус байдлын өмнөх амьдрал” сэдвийг Судруудын удирдамж-аас эсвэл Topical Guide-аас судалж болно. Эсвэл суралцагчид Иеремиа 1:4–5; Алма 13:3–4; Сургаал ба Гэрээ 138:55–56 гэх зэрэг мөнх бус байдлын өмнөх амьдралын талаарх шүлгүүдийг холбон, судрын хэлхээ үүсгэн бичиж болно. Суралцагчдыг олж мэдсэн зүйлээ болон энэ нь яагаад өөрсдөд нь утга учиртай байгаа тухай хуваалцахыг хүс.

Дараахыг жижиг бүлгүүдэд хуваарилагдан гүйцэтгээд, заримынх нь бодлыг ангийнханд хуваалцуул.

Абрахам 3:22–23 өөрт нь ямар хамааралтай болохыг мэдэхгүй хэн нэгэн ангид чинь байна гэж төсөөл.

Дараах зүйлсийг бэлтгэ:

Абрахам 3:22–23 ба ерөнхийлөгч Нэлсоны заасан зүйлсийн хураангуй.
Та эсвэл бусад өсвөр насны хүүхэд бусдад хэрхэн сайнаар нөлөөлж эсвэл тэднийг Есүс Христэд ойртуулан авчирч болох санаанууд.
Мөнх бус байдлын өмнөх амьдралын тухай ойлголт амьдралд тань хэрхэн тус болж болох тухай таны бодол.

Цээжил

Та энэ хичээлийн турш төгс эзэмших сургаалын эшлэл, судрын түлхүүр үг хэллэгийг цээжлэхэд нь суралцагчдад тусалж, дараа дараагийн хичээлүүд дээр давтаж болно. “Сүнсний хувьд бид ‘дэлхий байхаас өмнө зохион байгуулагдсан’” гэдэг нь судрын түлхүүр үг юм. “Төгс эзэмших сургаалыг давтах үйл ажиллагаа” хэсгийн хавсралт материалуудад цээжлэх үйл ажиллагаанд зориулсан санаанууд бий.

Нэмэлт эх сурвалж

Би Абрахамын номын талаар хаанаас илүү ихийг сурч мэдэж болох вэ?

Абрахамын номын талаар илүү ихийг сурч мэдэж болох сайн эх сурвалжууд бол:

Агуу Үнэт Сувдын институтийн суралцагчийн гарын авлага дээрх “Абрахамын ном” бүлэг
Сүмийн түүхийн сэдэв, “Абрахамын номын орчуулга”
Сайн мэдээний сэдвүүдийн эсээ, “Translation and Historicity of the Book of Abraham”

Абрахам 3:19, 21. Мөнх бус байдлын өмнөх амьдрал дахь Аврагчийн агуу байдлын талаар бид өөр юуг мэдэх вэ?

Арван хоёр төлөөлөгчийн чуулгын ахлагч Нийл А.Максвэлл (1926–2004) ийн заасан.

[Есүс Христийн] талаар Тэр бол “тэд бүгдээс илүү өндөр оюуны хөгжилтэй” хэмээн хэлсэн. (Абрахам 3:19.) … Мөн Их Эзэний мэдэх зүйлс нь мөнх бус бодгалиудын бүх мэдлэгийг нийлүүлснээс бага зэрэг их биш, тоймгүй их байдаг нь завшаантай хэрэг билээ. (All These Things Shall Give Thee Experience [1979], 22)

Бидний Тэнгэрлэг Гэтэлгэгч оюуны хөгжил, гүйцэтгэлийн хувьд хувь хүний болон амьдарч байсан, амьдарч байгаа, ирээдүйд амьдрах бүх хүний чадавх, ололт амжилтуудыг нийлүүлснээс бүр хол давуу байсан! (“O, Divine Redeemer,” Ensign, Nov. 1981, 8)

Нэмэлт суралцах үйл ажиллагаа

Оддыг ашиглан, Аврагчийн агуу байдлыг заах нь

Абрахам 3-т Их Эзэн Абрахамд цаг хугацаа, Өөрийн бүтээлүүдийн захирах эмх цэгцийн мөнхийн шинж чанарыг заахын тулд төрөл бүрийн гараг, оддыг ашигласан. Тэнгэрлэг Эцэгийн хэлснээр Колоб гэгдэх нэгэн од Есүс Христийн бас нэгэн бэлгэ тэмдэг болдог.

Абрахам 3:2–3-ыг уншаад, Их Эзэний Колобыг тайлбарлахдаа ашигласан үг, хэллэгүүдийг олж мэдэхийг суралцагчдаас асууж болно.

Есүс Христийг дүрсэлсэн байж болох Колобын талаарх Их Эзэний дүрслэлээс та юу анзаарсан бэ?

Их Эзэний зарлигласан юуг ч бид хийж сурч болно

Дараах хүмүүсийн хандлагыг уншиж, хүмүүс яагаад ингэж бодож, мэдэрч болохыг хуваалцахыг суралцагчдаас хүс.

1-р хүн: Би яагаад энд байгаагаа сайн мэдэхгүй байна. Үүнд илүү чухал зорилго байгаа эсэхийг би үнэхээр мэдэхгүй байна.

2-р хүн: Би зугаатай сайхан байхын тулд амьд байгаа. Би амьдралаас авч болох ихэнх зүйлийг өөртөө тааламжтай өнгөрөөдөг.

Абрахамд харуулсан мөнх бус амьдралын өмнөх оршихуй дахь эрхэмсэг, агуу сүнснүүдийн талаарх тэрхүү үзэгдэлдээ Их Эзэн энэ амьдралын зорилгын нэгийг илчилсэн. Их Эзэн юу хэлснийг олж мэдэхийн тулд Абрахам 3:24–26-г унш. “Анхны байдал” гэсэн хэллэг нь мөнх бус амьдралын өмнөх оршихуйг, харин “хоёр дахь байдал” нь мөнх бус амьдралыг хэлдэг.

Суралцагчдыг сурч мэдсэн зүйлээ хуваалцах үед амьдралын шалгуур бол Бурханы зарлигласан юуг ч болов хийх нь үү гэдгийг тодорхойлох явдал юм гэдгийг тодорхой гаргаж ирэхэд анхаар.

Арван хоёр төлөөлөгчийн чуулгын ахлагч Дэйл Г.Рэнландын хэлсэн дараах мэдэгдэл тустай байж болох юм.

Бурханы төлөвлөгөө нь судруудад зарлиг хэмээн нэрлэсэн, бидэнд шаардлагатай зааварчилгааг хамруулсан байдаг. Эдгээр зарлиг тушаал биднийг зөвхөн дуулгавартай байхад сургах зориулалттай, дээрээс гаргасан дүрэм журмын тохиолдлын эсвэл сонирхолтой цуглуулга байдаггүй. Тэдгээр нь бидний бурханлаг байдлаа хөгжүүлэх, Тэнгэрлэг Эцэгтээ эргэн очих, урт удаан үргэлжлэх аз жаргал, баяр баясгаланг хүлээн авахтай холбогдсон байдаг. (“Өнөөдөр өөрсдөдөө сонго,” 2018 оны 10-р сарын Ерөнхий чуулган, 107)

Суралцагчдаар Бурханы зарлигуудыг ямагт дагахыг хичээдэг хүмүүсийн үлгэр жишээг, мөн тэднээс юу сурч мэддэгийг хуваалцуулж болно. Хэрэв суралцагчид Аврагчийн талаар хэлэхгүй байвал Түүний дуулгавартай байдлаас юу сурч мэдэж авсныг нь асуу.

Суралцагчид Бурханы зарлигуудыг дуулгавартай дагахын тулд хийх нэг зүйлээ бичиж тэмдэглэж болно.