Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Мосе 1:12–26: “Эндээс зайл чи, Сатан”

“Мосе 1:12–26: ‘Эндээс зайл чи, Сатан,’” Хуучин Гэрээний семинарын багшийн гарын авлага (2026)

“Мосе 1:12–26: ‘Эндээс зайл чи, Сатан,’” Хуучин Гэрээний семинарын багшийн гарын авлага

5-р хичээл: Мосе 1; Абрахам 3

Мосе 1:12–26

“Эндээс зайл чи, Сатан”

Бид бүгд Сатаны уруу таталтыг мэдэрч байсан. Гэлээ ч Мосегийн адил бид өөрсдийгөө жинхэнээсээ хэн гэдгээ санавал амьдралдаа Сатаныг болон түүний уруу таталтыг давах хүчийг Бурханаас авч чадна. Энэ хичээлийн зорилго бол хувийн уруу таталтаа даван туулахын тулд Бурханаас хүч чадал авахад суралцагчдад туслах юм.

Суралцагчийн бэлтгэл: Суралцагчдыг өөрсдөд нь тулгардаг нэг уруу таталтын талаар тунгаан бодож, үүнийг хэрхэн даван гарахыг ангид ирж сурахад бэлдэж ирэхийг урь.

Боломжит суралцах үйл ажиллагаа

Уруу таталттай тулгарах

Уруу таталтыг даван туулах талаар сурч мэдэхэд суралцагчдыг бэлдэхдээ дараах мэдэгдэл, асуултуудыг хуваалцаж болно.

Арван хоёр төлөөлөгчийн чуулгын ерөнхийлөгч Жэффри Р.Холланд ийн заасан.

Сатан та нарыг устгахыг эрэлхийлж, та нар улам залуу, бүр улам залуугаасаа түүний эсрэг тэмцэх хэрэгтэй болж байгаа учраас би та нартай ийн ярьж байна. (“Бид бүгд дуудагдсан,” 2011 оны 10-р сарын Ерөнхий чуулган, 54)

Ерөнхийлөгч Холландын энэхүү эшлэлийг та нар юу гэж бодож байна вэ?
Хожмын үеийн гэгээнтэн өсвөр үеийнхэнд ямар ямар уруу таталт тулгардаг вэ?

Суралцагчдын дурдсан уруу таталтуудыг самбар дээр бичих нь тустай байж болох юм. Та хичээлийн дундуур суралцагчдаас эдгээрийг эргэцүүлэхийг хүсэх болно.

Дараах асуултуудын хариултыг судлах тэмдэглэл дээрээ бичихийг суралцагчдаас хүсэж болно.

Танд тулгарч байсан эсвэл одоо ч байдаг уруу таталтын талаар тунгаан бод. Дараахыг бодож үзнэ үү:

Энэ уруу таталтыг эсэргүүцэхэд юу танд хэцүү байдаг вэ?
Та үүнийг эсэргүүцэхэд туслах тусламж, хүч чадлыг эрэлхийлж юу хийдэг вэ?
Та өөрийгөө уруу таталтыг хэр сайн даван туулдаг гэж боддог вэ?

Мосе 1:1–26-г өнөөдөр судлахдаа уруу таталттай учрах үед тань хүчирхэгжүүлэх үнэнийг тодорхойлохын тулд Ариун Сүнсний удирдамжийг эрэлхийл.

Мосе Сатанд уруу татагдсан нь

Суралцагчдыг өмнөх хичээлээс санаж байгаа зүйлсээ хуваалцахыг хүс эсвэл Мосе 1:1–26-г гүйлгэн уншаад, сурч мэдэж авсан зүйлсээ эргэцүүлэн ярьж болно. Хэрэв шаардлагатай бол Мосе “Бурханыг нүүр нүүрээрээ харж, мөн тэрээр түүнтэй ярилц[сан]” (Мосе 1:2)-ыг мөн Бурхан Мосед тэрээр Түүний хүү гэдгийг гурвантаа заасан (4, 6, мөн 7-р шүлэг-ийг үзнэ үү) гэдгийг сануулаарай.

Мосе хэдийгээр хүчирхэг бошиглогч байсан ч асар их уруу таталттай учирсан. Мосег Бурхантай уулзсаны дараахан “Сатан түүнийг сорихоор ирж” (Мосе 1:12) маш хэцүү зүйл тохиожээ. Мосе мэддэг байсан, мөн хийсэн зүйлсийнхээ ачаар ялах боломжтой байсан. Мосе 1:12–22-ыг уншаад, Мосед Сатаны уруу таталтыг эсэргүүцэхэд юу тусалсныг олж мэд. Олж мэдсэн зүйлээ тэмдэглэж ав.

Та “I Am a Son of God” видеог цагийн код 2:50-аас 6:30 хүртэл эсвэл өмнөх хичээл дээр энэ видеоны эхний хэсгийг үзүүлээгүй бол бүгдийг нь үзүүлж болно. Видеог үзсэний дараа та суралцагчдаар шүлгүүдийг уншуулж, Мосед Сатаны уруу таталтыг ялан дийлэхэд юу тусалсныг олохыг хүсэж болно. Дараа нь суралцагчид дараах асуултыг хоёр хоёроороо эсвэл жижиг бүлгээр ярилцаж болно.

6:31

Уруу таталтыг ялан дийлэхэд бидэнд туслах юуг та Мосед тохиолдсон явдлаас сурч авсан бэ?

Дараах гүйцэд бус зарчмыг самбарт бичиж болно. Жишээлбэл: Бид … -аар уруу таталтыг ялан дийлэхэд Бурханы тусламжийг авч чадна. Суралцагчдыг самбарын өмнө урьж уг зарчмыг өөрсдийн үгээр гүйцээхийг хүс. Хэрэв суралцагчдад тусламж хэрэгтэй бол дараахтай төстэй асуултуудыг тавьж тэднийг чиглүүлж өгч болох юм. Үүнд:

12-р шүлэг дээр Сатан Мосег юу гэж дуудсан бэ? 13-р шүлэг дээр Мосе юу гэж хариулсан бэ?
Мосе Бурхантай уулзсан сүнслэг туршлагаасаа юуг санасан нь түүнийг уруу таталтад ороход нь тусалсан бэ?

Суралцагчид уг зарчмыг хэд хэдэн янзаар гүйцээж болох ба зарим гаргалгааг доор дурдав. Үүнд:

… бид Бурханы хүүхдүүд гэдгээ санаснаар

… өмнөх сүнслэг туршлагаа санаснаар

… Бурханаас хүч чадал гуйснаар

Хэд хэдэн зарчмыг тодорхойлсны дараа, олж мэдсэн үнэний талаарх ойлголтоо гүнзгийрүүлэхэд суралцагчдад туслахын тулд дараах эшлэл мөн асуултуудыг ашиглаж болно.

Ерөнхийлөгч Рассэлл М.Нэлсон бид Бурханы хүүхдүүд гэдгээ санахаас ирдэг хүчний талаар ийн хуваалцсан.

Хайрт найзууд минь, та нар бол Бурханы хүүхэд гэдэг нь чухамхүү үнэн зүйл юм шүү. Та нар “Би Бурханы хүүхэд” дууллын үгийг сурч мэдсэн үеэсээ л энэ үнэнийг дуулсаар ирсэн. Харин энэ мөнхийн үнэн та нарын зүрх сэтгэлд сийлэгдсэн үү? Уруу таталтыг даван туулахад энэ үнэн та нарт тусалсан уу? (“Мөнхийн ач холбогдолтой сонголтууд” [залуучуудад зориулсан дэлхий даяарх онцгой цугларалт, 2022 оны 5-р сарын 15])

Би Бурханы хүүхэд хэмээх үнэнийг зүрх сэтгэлдээ бичнэ гэдэг нь юу гэсэн үг вэ?
Бид уруу таталттай тулгарах үедээ Бурханы хүүхэд гэдгээ санах нь биднийг хэрхэн хүчирхэгжүүлдэг вэ?
Уруу таталтыг даван гарахад маань Бурханы тусламж бидэнд яагаад хэрэгтэй гэж та бодож байна вэ?

Хэн нэгнийг уруу таталтад ороход нь Бурхан хүчирхэгжүүлсэн жишээг хуваалцахыг суралцагчдаас хүс. Эдгээр жишээг судруудаас, мөн тэдний ойрын хүмүүсийн эсвэл өөрсдийн амьдралаас эш татаж болно. Уруу таталтууд хувийн шинжтэй байдаг тул суралцагчдад тодорхой нэг уруу таталтыг хуваалцахгүй байхыг сануулаарай.

Хувийн уруу таталтыг ялан дийлэх

Өнөөдрийн ярилцсан зарчмуудын дагуу хэрхэн амьдрахыг суралцагчдад ойлгуулахын тулд хичээлийн эхэнд самбар дээр бичсэн уруу таталтуудаас нэг юм уу хоёрыг сонгохыг хүс. Суралцагчдыг ангиараа эсвэл жижиг бүлгүүдэд хуваарилагдан, уруу таталтад орсон хүн үүнийг даван гарахын тулд эдгээр зарчмыг хэрхэн амьдралд ойр байдлаар ашиглаж болохыг ярилцахыг хүс.

Суралцагчдыг гаргасан санаагаа самбар дээр бичихийг урьж эсвэл дараах санаануудын заримыг үзүүлж болно.

Мосе 1:12–26-аас олж мэдсэн зүйлээ хэрэгжүүлэх санаанууд:

Их Эзэний хайрыг мэдэрч, Бурханы хүүхэд гэдгээ мэдэрч байсан үеийнхээ тухай тэмдэглэл дээрээ бич. Уруу таталтад орсон үедээ үүнийг гаргаж уншиж болно.
Сүнслэгээр өдөөгдсөн судар, мөн дууллуудыг эсвэл ариун ёслолын залбирлыг цээжилж, уруу татагдах үедээ давтан хэл. (Аврагч энэ аргыг Матай 4:1–11 дээр ашигласан.)
Уруу таталтыг давах хүч чадлыг өдөр бүр Их Эзэнээс гуйн залбир. Тэнгэрлэг Эцэгтээ орой болгон талархаж, аливаа дутагдлаа дурдаж, өршөөл гуйн, үргэлжлүүлэн хичээсээр байхаа амлан тайлагна (3 Нифай 18:15, 18).
Өмнөх сүнслэг туршлагаа санаж, тэмдэглэл дээрээ бич. Уруу таталт ирэх үед үүнийгээ гаргаж унш.
Эцэг эхтэйгээ эсвэл итгэж найддаг насанд хүрсэн хүнтэй эдгээр зарчим тэдэнд хэрхэн тусалсан, үүнийг хэрхэн хэрэгжүүлэхийг тэднээс асуун ярилц.

Өөрсдөд нь тулгарах уруу таталтыг даван туулах төлөвлөгөө гаргахыг суралцагчдад уриал. Та үүнийг дараах зааврыг өгснөөр хийж болно. Тухайлбал:

Хичээлийн эхэнд бодсон уруу таталтыг эсвэл танд тулгардаг өөр нэг уруу таталтыг сана.

Та амьдралдаа мэдэрсэн Их Эзэний хүч чадлын тухай, мөн таны суралцагчдад уруу таталтаа даван гарахад туслах гэсэн Түүний хүслийн талаар гэрчлэлээ хуваалц. Тэдэнд итгэдгээ илэрхийлэхийн зэрэгцээ Бурханы тусламжтайгаар уруу таталтуудаа даван гарах чадвар өөрсдөд нь бий гэдгийг хэл.

“Энэ уруу таталтыг даван гарахад өөрийгөө бэлдэхийн тулд би … болно” өгүүлбэрийг судлах тэмдэглэл дээрээ гүйцээж бичихдээ Тэнгэрлэг Эцэгийн удирдамжийг эрэлхийл.

Нэмэлт эх сурвалж

Бурханы хүүхдийн хувьд намайг гэх Түүний хайрыг санах нь уруу татагдсан үед маань хэрхэн туслах вэ?

Арван хоёр төлөөлөгчийн чуулгын ерөнхийлөгч М.Рассэлл Баллард (1928–2023) ийн хэлсэн.

Нэгдүгээрт, Тэнгэрлэг Эцэг тань та нарыг хайрладгийг, хоёрдугаарт, чиний Аврагч Их Эзэн Есүс Христ таныг хайрладгийг санаарай. Эдгээр үнэнийг оюундаа сийлж, зүрх сэтгэлийнхээ гүнд шигтгэ. Эдгээр нь та нарт хэрхэн биеэ авч явах, бусдад хэрхэн хандахыг заах луужин болох бөгөөд уруу таталтыг ялан дийлж, Сүмийн гэрээний зам дээр үлдэх хүчийг өгөх болно. (“Children of Heavenly Father” [Brigham Young University devotional, Mar. 3, 2020])

Өмнөх сүнслэг туршлагаа санах нь уруу таталтыг ялан дийлэхэд бидэнд хэрхэн туслах вэ?

Арван хоёр төлөөлөгчийн чуулгын ерөнхийлөгч Жэффри Р.Холланд ийн сургасан.

Айдаст автаж, эргэлзээнд идүүлж эсвэл хүнд хүчир цаг үетэй тулгарахдаа олж авсан итгэлээ бүү алд. … Ийм зүйл тохиолдон асуудал үүсэж яаж шийдвэрлэгдэх нь тодорхой бус байх үед олж авсан итгэлээсээ зууран, илүү их мэдлэг иртэл тэвчээртэй байцгаа. … Итгэл тань хэр бат бөх эсвэл мэдлэг тань хэр гүнзгий байна вэ гэдэг тань тийм чухал биш бөгөөд харин танд байгаа итгэл, олж авсан үнэнээ хэрхэн ашиглаж байгаа тань л чухал юм. (“Эзэн минь, би итгэж байна,” 2013 оны 4-р сарын Ерөнхий чуулган, 109)

Уруу таталт яагаад ихэвчлэн намайг сүнслэг байдлаар өсөж хөгжихийг хичээх үед эсвэл сүнслэг туршлага тохиосны дараа ирдэг вэ?

Бошиглогч Иосеф Смит (1805–1844) ийн заасан.

Хүн Их Эзэнд ойртох тусам Түүний зорилгыг гүйцэлдэхэд саад болох гэсэн дайсны хүч төдий чинээ нэмэгддэг (Orson F. Whitney, Life of Heber C. Kimball [Salt Lake City: Bookcraft, 1967], 132)

Ерөнхийлөгч Жэффри Р.Холланд ийн тайлбарласан.

Чухал шийдвэр гаргасны дараа мөн илчлэл, үнэмшил нь бидэнд хэзээ ч алга болохгүй мэт санагдах тэрхүү амар амгалан, баталгааг өгсний дараа ихэвчлэн ирдэг эсэргүүцлийн талаар би өнөөдөр та нарын хүн нэг бүрд урмын үгс хэлмээр байна. …

Бид мөнхийн ач холбогдол, үүрдийн үр дагавартай ийм мөчийг тулалдахгүйгээр олж авна гэж бодож болохгүй боловч энэ тулаан нь сайн байх болно. Бид үүнд ялах болно. Гэхдээ тулаан бол тулаан л байдаг. (“Cast Not Away Therefore Your Confidence” [Brigham Young University devotional, Mar. 1999], 2–3)

Бид Сатаны хүчийг хэрхэн сөрөн зогсох вэ?

Арван хоёр төлөөлөгчийн чуулгын ахлагч Улиссэс Соарэс уруу таталтыг ялан дийлэх талаар дараахыг хуваалцсан.

14:47

Уруу таталтын эсрэг тэмцэх нь насан туршдаа хичээнгүй, итгэлтэй байхыг шаардана. Гэхдээ хувийн хичээл зүтгэлд маань Их Эзэн туслахад бэлэн байдаг бөгөөд хэрэв бид эцсээ хүртэл тэвчиж чадах юм бол гайхамшигт адислалуудыг өгөхөөр амласан гэдгийг мэдээрэй. (“Бодол санаа болгондоо Христийг эрэлхийл,” 2020 оны 10-р сарын Ерөнхий чуулган, 90)

Нэмэлт суралцах үйл ажиллагаа

Уруу таталтыг даван туулсан бодит жишээнүүд

Уруу таталтад автсан эсвэл донтолтын асуудалтай байж болох суралцагчдад туслахын тулд Их Эзэний хүч чадлыг хүлээн авч уруу таталт, порнографын донтолтыг даван гарсан хүний тухай “Let God Guide You: From Weakness to Strength” (6:07) видеог үзүүлж болно. Энэ видео нь уруу таталтад автсан суралцагчдад илүү тустай байж болох юм. Видеог үзүүлсний дараа суралцагчдаас уруу таталтыг ялан дийлэх талаар, үүнийг ялан дийлэх бидний чадварт Бурхан хэрхэн оролцдог тухай ямар ойлголт авсныг асуу. Видеог хичээлийн “Хувийн уруу таталтыг ялан дийлэх нь” хэсэг рүү орохын өмнө үзүүлж болно.

6:7

Мосе 1 Эхлэл номд биш Агуу Үнэт Сувдад байгаа учир

Хэрэв та Мосе 1 яагаад Эхлэл номд байдаггүй талаар ярилцах нь суралцагчдад хэрэгтэй байх гэж бодвол тэднээр Мосе 1:23-ыг уншуулж, яагаад одоо байдаггүй шалтгааныг олохыг хүс. Дараах асуултуудыг тавь.

Сатан яагаад энэ түүхийг “хүмүүний үрсийн дунд” (Мосе 1:23) байлгахыг хүсээгүй байж болох вэ?
Их Эзэн Иосеф Смитээр дамжуулан энэхүү бүлгийг эргэн авчирсанд баярлах ямар ямар шалтгаан танд байна вэ?

Мосед тохиолдсон явдлыг Иосеф Смитэд тохиолдсон зүйлтэй харьцуулах

Суралцагчдад Сатаны уруу таталтыг хэрхэн тэвчихийг, ингэснээр ирэх адислалыг илүү сайн ойлгуулахын тулд Мосе, Иосеф Смит хоёрт тохиолдсон явдлуудыг харьцуулахыг хүс.

Судлах тэмдэглэл дээрээ суралцагчид хоёр савхан хүн зураад, нэгийг нь Мосе, нөгөөг нь Иосеф Смит гэж нэрлэн бичиж болно. Тэгээд тэд Мосе 1:12–22-ыг Иосеф Смит—Түүх 1:13–16-тай харьцуулж, Сатантай нүүр тулсан үйл явдлуудын аль алиных нь гол үйл явдлуудыг, мөн түүнийг ялахын тулд Мосе, Иосеф Смит хоёр юу хийснийг тодорхойлж болно. Тэд эдгээр зүйлийг зургуудын доор жагсаан бичиж болно.

Хэрэв суралцагчдад тусламж хэрэгтэй бол дараах шиг асуултуудыг харуулж болно.

Бошиглогч Сатантай нүүр тулахаасаа өмнө ямар сүнслэг туршлага олж авсан бэ?
Бошиглогч эцэст нь Сатаныг хэрхэн ялан дийлсэн бэ?
Бошиглогч Сатаныг ялан дийлсний үр дүнд юу болсон бэ (Мосе 1:24-25; Иосеф Смит—Түүх 1:17-г үзнэ үү)?

Бодол санаа болгондоо Христийг эрэлхийлбэл уруу таталт замхардаг

Уруу таталтын дундуур Христэд төвлөрөхийн чухлыг суралцагчдад ойлгуулахын тулд Мосе Сатантай учирсан үедээ Есүс Христ дээр төвлөрч байсныг тэдэнд харуул (Мосе 1:13, 16–18-ыг үзнэ үү). “Temptation Fades as We Seek Christ in Every Thought” (2:57) видеог үзүүлээд, уруу таталтыг ялан дийлэх талаар нэмж авсан ойлголтоо хуваалцахыг суралцагчдаас хүс.

2:58