Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Номлолд үйлчлэхийг сонгох: Номлогчийн үйлчлэлийн адислал

“Номлолд үйлчлэхийг сонгох: Номлогчийн үйлчлэлийн адислал,” Хуучин Гэрээний семинарын багшийн гарын авлага (2026)

“Номлолд үйлчлэхийг сонгох: Номлогчийн үйлчлэлийн адислал,” Хуучин Гэрээний семинарын багшийн гарын авлага

Номлолд бэлтгэх: 198-р хичээл

Номлолд үйлчлэхийг сонгох

Номлогчийн үйлчлэлийн адислал

Их Эзэний төлөө номлолд үйлчлэх нь гайхамшигтай боломж юм. Тэнгэрлэг Эцэг номлогчдыг орон нутагтаа болон дэлхий даяарх хүмүүст үйлчилж, заах үед адисалдаг. Гэхдээ номлолд үйлчлэхээр шийдэх нь хэцүү байж болно. Энэ хичээл нь Их Эзэнд Түүний номлогчоор үйлчлэх хүсэлтэй болоход суралцагчдад тусална.

Суралцагчийн бэлтгэл: Номлолд үйлчилсэн таньдаг хэн нэгнээсээ Их Эзэн үйлчлэлийнх нь ачаар түүнд ямар адислал өгсөн тухай асуухыг суралцагчдад санал болго. Тэд үүнийг биечлэн, утсаар эсвэл мессеж эсвэл э-мэйлээр асууж болно. Тэднээс суралцсан зүйлээ хуваалцах бэлтгэлтэй ирэхийг хүсээрэй.

Боломжит суралцах үйл ажиллагаа

Бүрэн цагийн номлолд үйлчлэх

Их Эзэнд Түүний бүрэн цагийн номлогчдын хувиар үйлчлэх тухай бодоход нь суралцагчдад туслах замаар хичээлийг эхлүүлээрэй. “Үйлчлэхээр дуудагдлаа” (Дуулал, д. 249) дууллыг дуулж, таньдаг хүн нь хаана номлолд үйлчилсэн эсвэл үйлчилж байгаа талаар хуваалцахыг суралцагчдаас хүс. Эсвэл та хичээл эхлэхээс өмнө цөөн суралцагчаас номлолд гарч, Их Эзэнд үйлчилж байгаа таньдаг хүнийхээ зургийг авчрахыг хүсэж болно.

Их Эзэн номлогчоор үйлчлэх залуу эрэгтэйчүүд, эмэгтэйчүүдийн үүрэг хариуцлагын талаар юу гэж заасан бэ?

Суралцагчдыг хариулж байх хооронд дараах зүйлийг ойлгож байгаа эсэхийг нь бататга.

Ерөнхийлөгч Рассэлл М.Нэлсон ийн заасан.

Их Эзэн зохистой, боломжтой залуу эрэгтэй бүрийг номлолд бэлдэж, үйлчлээсэй хэмээн хүссэн. … Номлолд үйлчлэх боломжтой залуу эгч та нарын хувьд номлол мөн адил хүчирхэг боловч үйлчлэх эсэхээ сонгож болох боломж юм. (“Амар амгалангийн сайн мэдээг номлох нь,” Лиахона, 2022 оны 5-р сар, 6)

Үүнд сургаал номлох болон үйлчлэлийн номлолууд багтдаг.

Та дараах асуултуудыг самбар дээр бичээд, хэд хэдэн суралцагчаас энэ хоёр асуултын талаар санал бодлоо хуваалцахыг хүсээрэй.

Хэн нэгэн ямар шалтгаанаар номлолд үйлчлэхийг хүсэж болох вэ?
Номлолд үйлчлэхийг сонгох нь хэцүү байж болох ямар шалтгаанууд байж болох вэ?

Хэрэв тустай гэж үзвэл, өөр олон хүнд асуудал тулгарч байсныг тайлбарла. Жишээлбэл: Арван хоёр төлөөлөгчийн чуулгын ерөнхийлөгч М.Рассэлл Баллардыг (128–2023) номлолд үйлчлэхээр шийдэх үед түүний эцэг эх Сүмд идэвхтэй байгаагүй (“Номлолын үйлчлэл миний амьдралыг үүрд адисалсан,” Лиахона, 2022 оны 5-р сар, 8). Арван хоёр төлөөлөгчийн чуулгын ерөнхийлөгч Жэффри Р.Холланд “[өөрийнх нь] гэр бүлд номлогчийн уламжлал байгаагүй” тухай хуваалцсан байдаг (“My Mission Influence” [3:31] видеог ChurchofJesusChrist.org дээрээс цагийн код 2:01-ээс 2:16 хүртэл үзнэ үү). Ахлагч Квинтин Л.Күкийн аав сүмд идэвхгүй байсан ба ахыгаа номлолд явахын оронд анагаахын сургуульд сурсан нь дээр гэж дэмждэг байжээ (“Бурханы таалалд хөрвөгдөх нь,” Ensign, 2002 оны 5-р сар, 54-ийг үзнэ үү).

Бүрэн цагийн номлолд үйлчлэх талаар ямар бодолтой явдгаа болон яагаад гэдгээ судлах тэмдэглэлдээ бичих цаг гарга.

Энэ хичээлийг судлахдаа Их Эзэний удирдамжийг эрэлхийлж, бүрэн цагийн номлолд үйлчлэх эсэх болон санаа зовоосон асуудлууддаа хэрхэн хариулах талаар шийдвэр гаргахдаа тусламж аваарай.

Бид Их Эзэнд дуулгавартай байвал

Дэд хууль 28:1–6, 9-ийг уншаад, хэрэв бид Их Эзэний биднээс хүссэн зүйлийг хийвэл Тэр Мосегоор дамжуулан юу амласныг олж мэд.

Олж мэдсэн зүйлээ хуваалцахад суралцагчдыг урь. Эдгээр шүлэгт Их Эзэний амласан янз бүрийн адислалын жишээнээс хуваалцахыг суралцагчдаас хүсэх талаар бодож үз. “Биеэс чинь төрөх үр хүүхэд” (Дэд хууль 28:4) гэж үр удмыг хэлж байгааг мэдэх нь тустай байж мэднэ.

Биднийг Их Эзэний хүссэн зүйлийг хийсэн үед Түүний бидэнд амласан олон өөр адислалын талаар мэдэх нь яагаад тустай вэ?
Эдгээр шүлэг дэх Их Эзэний амлалтууд Түүний номлогчдын хувьд Түүнд дуулгавартай үйлчлэхтэй хэрхэн хамааралтай гэж та бодож байна?

Ерөнхийлөгч Рассэлл М.Нэлсон ийн заасан.

Хайрт залуу найзууд минь, та нарын хүн нэг бүр Их Эзэнд амин чухал билээ. Тэрээр Израилыг цуглуулахад туслуулахаар та нарыг өнөөг хүртэл нөөцлөн хадгалсан. Сургаал заах номлол, үйлчлэлийн номлолын аль нь ч бай та нарын номлолд үйлчлэх шийдвэр та нарыг болон бусад олон хүнийг адислах болно. (“Амар амгалангийн сайн мэдээг номлох нь,” Лиахона, 2022 оны 5-р сар, 6)

Самбар дээр ингэж бич. Биднийг номлолд үйлчлэхийг сонгоход Их Эзэн биднийг болон бусад олон хүнийг адислах болно.

Бурханы санал болгодог зарим адислалыг ойлгох нь номлолд үйлчлэх шийдвэр гаргахад маань тусалж чадна.

“Бурханы номлогчдодоо өгдөг адислалууд” тараах материал дээрх судрууд болон мэдэгдлүүдийн заримыг эсвэл бүгдийг унш эсвэл нэмэлт судар юм уу мэдэгдлүүдийг олоорой. Та өөрт утга учиртай санагдсан адислалуудаа тэмдэглэж эсвэл дугуйлж болно. Их Эзэн эдгээр адислалыг номлолын үйлчлэлийн үеэр болон дараа өгдөг.

Номлолд Их Эзэнд үйлчлэх эсэхээ шийдэж байгаа хэн нэгэнтэй хуваалцах ямар нэг зүйл бэлдээрэй. Дараах зүйлүүдээс ядаж хоёрыг нь багтаа. Үүнд:

Биднийг бүрэн цагийн номлолд үйлчлэх үед Бурханы өгдөг нэг эсвэл хоёр адислал, тэдгээрийн талаар мэдэрсэн зүйлсийн тухай;
Номлолын үйлчлэлээрээ дамжуулан таны тодорхойлсон Бурханы адислалуудаас аль нэгийг нь хүлээн авсан таньдаг хэн нэгний жишээ;
Бүрэн цагийн номлогчийн хувьд таны сурсан зүйл Их Эзэнд үйлчлэх хүсэлд тань хэрхэн нөлөөлдөг талаар;
Бүрэн цагийн номлолд үйлчлэхийг сонгоход нь хэн нэгэнд тус болох, таны Тэнгэрлэг Эцэг, Есүс Христ хоёрын талаар суралцсан ямар зүйлс байдаг талаар.

Суралцагчдыг бэлтгэсний дараа, захиасаа хоёр хэсэг болгон хуваахыг хамтрал бүрээс хүс. Тэдний хэн нь аль хэсгийг хуваалцахыг өөрсдөөр нь шийдүүл. (Жишээлбэл: Нэг нь адислал болон энэ талаарх мэдрэмжээ хуваалцаж, нөгөө нь Тэнгэрлэг Эцэг, Есүс Христ хоёрт анхаарлаа хандуулахад нь хэрхэн тусалж болох тухай жишээг хуваалцаж болно.) Самбарын өмнө хэд хэдэн хамтралыг гаргах нь илүү үр дүнтэй юү эсвэл жижиг бүлгүүдэд хуваагдаж нэг нэгэндээ танилцуулах нь илүү үр дүнтэй юү гэдгийг бодож үзээрэй. Хэрэв тэд жижиг бүлгүүдэд хуваагдсан бол дараа нь хэн нэгнээс сонссон юм уу өөрсдийнхөө тухай хуваалцсан зүйл нь тэдэнд ямар ач холбогдолтой байсныг асууж болох юм.

Таны шийдвэр

Нүдээ аньж, Тэнгэрлэг Эцэгийн тухай хэдэн хормын турш бод. Та нарыг хайрлах Түүний хайрыг сана. Залуу эмэгтэйчүүд ээ, та нарыг номлолд үйлчлэх талаарх Түүний хүслийг мэдэхээр эрэлхийлэх үед Түүнд ямар мэдрэмж төрөхийг төсөөлөн бодоорой. Залуу эрэгтэйчүүд ээ, Тэнгэрлэг Эцэг та нарыг үр бүтээлтэй номлогч болохоор бэлтгэхийн тулд эсвэл үйлчлэх талаар санаа зовоосон асуудлуудаа шийдвэрлэхийн тулд юу хийгээсэй гэж хүсэж буй талаар бодож үзээрэй.

Их Эзэнд бүрэн цагийн номлогчоор үйлчлэх тухай бодох үедээ сурсан зүйлээ эсвэл Түүний таныг энэ хичээлээс санахыг хүсэж болох зүйлийг судлах тэмдэглэлдээ бичиж байхдаа Тэнгэрлэг Эцэгийн тусламжийг эрэлхийлээрэй.

Цөөн суралцагчаар энэ хичээл дээр сурсан, мэдэрсэн зүйлсийг нь хуваалцуул. Мөн өөрийн бодол санаа, гэрчлэлийг нэм.

Нэмэлт эх сурвалж

Их Эзэн залуу эрэгтэйчүүд, эмэгтэйчүүдэд номлогчоор үйлчлэх үүрэг хариуцлагынх нь талаар юу заасан бэ?

Ерөнхийлөгч Рассэлл М.Нэлсон номлогчоор үйлчлэх Их Эзэний дуудлагыг дахин баталсан юм.

5:34

Өнөөдөр Их Эзэн зохистой, боломжтой залуу эрэгтэй бүрийг номлолд бэлтгэж, үйлчлээсэй хэмээн хүссэн гэдгийг би шийдвэр төгс батлан хэлье. Хожмын үеийн гэгээнтэн залуу эрэгтэйчүүдийн хувьд номлогчийн үйлчлэл бол санваарын үүрэг хариуцлага юм. Залуу эрэгтэйчүүд та нарыг Израилын амласан цугларалт тохиож байгаа энэ цаг үед ирүүлэхээр нөөцлөн үлдээсэн. Та нар номлолд үйлчилснээрээ урьд өмнө болж байгаагүй энэ чухал үйл явдалд нэн чухал үүрэг гүйцэтгэнэ!

Номлолд үйлчлэх боломжтой залуу эгч та нарын хувьд номлол мөн адил хүчирхэг боловч үйлчлэх эсэхээ сонгож болох боломж юм. Бид номлогч эгч нартаа хайртай, тэднийг чин сэтгэлээсээ угтан авдаг. Энэ ажилд та нарын оруулдаг хувь нэмэр үнэхээр агуу! Их Эзэн таныг номлолд үйлчлээсэй хэмээн хүсэж буй эсэхийг мэдэхийн тулд залбираарай. Тэгвэл Ариун Сүнс таны зүрх сэтгэл, оюунд хариулах болно. (“Амар амгалангийн сайн мэдээг номлох нь,” Лиахона, 2022 оны 5-р сар, 6)

Үйлчлэлийн номлол гэж юу вэ?

Бие бялдар, оюун ухаан, сэтгэл санааны болон бусад шалтгаанаар сургаал номлох номлолд үйлчлэх боломжгүй, зохистой залуу эрэгтэйчүүд, эмэгтэйчүүдийг үйлчлэлийн номлолд дуудаж болно. Үйлчлэлийн номлогчид энэрлийн байгууллага, Сүмийн үйл ажиллагаа, гадасны хариуцуулан өгсөн боломжууд зэрэг олон үүрэг даалгаврыг гүйцэтгэн Их Эзэнд үйлчилж болно. Нэг жишээг харахын тулд “Service Missions: Elder Quade’s Story” (5:19) видеог ChurchofJesusChrist.org вэбсайтаас үзэхийг бод.

5:19

Дэлгэрэнгүй мэдээлэл авах бол ChurchofJesusChrist.org/service-missionary эсвэл Gospel Library апп-аас хайх боломжтой.

Нэмэлт суралцах үйл ажиллагаа

Номлолд үйлчлэх шалтгаан

Суралцагчдыг “Номлогчдодоо өгдөг Бурханы адислалууд” тараах материал дээр ажиллаж дууссаны дараа дараах видеонуудаас аль нэгийг үзүүлж болно. Хэн нэгний номлолд үйлчлэхийг сонгох шалтгааныг олж мэдэхийг суралцагчдад санал болго.

“Value of a Full-Time Mission” (5:22)

5:23

Үйлчлэх эсэхээ шийдэж буй өсвөр үеийнхний жишээ

Номлолд үйлчлэх эсэхээ болон хүлээн авсан адислалуудынхаа тухай гэрчилж буй өсвөр үеийнхний жишээг хуваалцах нь тустай байж мэднэ. Ахлагч Ганеш Вардханапугийн “The Decision to Serve a Mission”-ыг үзнэ үү (Liahona, 2020 оны 3-р сар, зөвхөн дижитал хувилбараар).

Зөвлөгөө өгөх

Заримдаа Сүмийн сэтгүүлүүд дээр асуулт тавигдаж, дэлхий даяарх янз бүрийн өсвөр үеийнхэн тус болох хариултуудаа бичдэг. Би номлолд үйлчлэх эсэхээ хэрхэн шийдэх вэ? гэсэн асуулт ирсэн гэж ангийнхнаар төсөөлүүл. Тэдэнд судар эсвэл бошиглогч эсвэл Сүмийн удирдагчийн хэлсэн үгийг багтаасан хариултыг бичих хугацаа гаргаж өг. Дараа нь “How do I decide whether to serve a mission?” дэх хариултуудыг уншихад тэднийг урь (New Era, 2019 оны 12-р сар, 44–45).

Хэрэв суралцагчид үйлчлэх хүсэлтэй ч чадахгүй байх гэж санаа зовдог бол

Хэрэв суралцагчид ийм нөхцөлд байвал тэдэнд Maтай 28:19–20; 1 Нифай 3:7; Moзая 4:27-г уншуулаад, тэдэнд тусалж болох төрөл бүрийн зарчмуудыг хайлгуулахыг бод. Түүнчлэн тэднийг санаа зовоосон аливаа зүйлээ эцэг эх, санваарын удирдагчид, эрүүл мэндийн мэргэжилтнүүдтэй хуваалцах хэрэгтэй талаар мөн юу хийж болох талаар тэд зөвлөгөө өгч чадна гэдгийг тайлбарлаж өг.

Аврагчид ойртох нь сайн мэдээг хуваалцах бидний хүсэлд хэрхэн нөлөөлдөг вэ?

Хэрэв тустай гэж үзвэл, суралцагчдад Миний сайн мэдээг номло гарын авлагын гурав дахь хуудасны дээд хэсэгт буй “Бие дааж эсвэл хамтрагчтайгаа судлах” гэсэн хэсгийг гүйцээж бичихийг санал болго. Тэд Аврагчид илүү ойртсоноор сайн мэдээг хуваалцах, бүрэн цагийн номлолд үйлчлэх хүсэл эрмэлзэлд нь хэрхэн нөлөөлөхийг тунгаан бодох боломжтой.