Pagpangandam sa Misyonaryo: Kinatibuk-ang Pagpasabot

Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

“Pagpangandam sa Misyonaryo: Kinatibuk-ang Pagpasabot,” Manwal sa Magtutudlo sa Seminary sa Daang Tugon (2026)

“Pagpangandam sa Misyonaryo: Kinatibuk-ang Pagpasabot,” Manwal sa Magtutudlo sa Seminary sa Daang Tugon

Pagpangandam sa Misyonaryo

Kinatibuk-ang Pagpasabot

Makaapil kita sa pagpundok sa Israel pinaagi sa paghigugma sa uban, pagpakigbahin sa mensahe ni Jesukristo, ug pagdapit sa mga tawo nga modangop sa Manluluwas. Ang Dios nagpanalangin sa mga misyonaryo samtang makugihon silang nagserbisyo ug nagtudlo sa mga tawo diha sa ilang mga komunidad ug sa tibuok kalibotan.

Sugyot sa gipaspason: Adunay daghang maayo nga opsyon nga ikonsiderar alang sa gipaspason niini nga mga leksiyon. Pananglitan:

Itudlo ang pipila o tanan niini nga mga leksiyon ngadto sa kataposan sa tuig sa pag-eskwela dihang giandam na sa mas magulang nga mga estudyante ang ilang mga papeles sa misyon aron isumite.
Itudlo ang pipila niini nga mga leksiyon samtang tun-an ang mga bahin sa Daang Tugon nga gihisgotan niini nga mga leksiyon. Ang pipila sa mga sugyot anaa tupad sa pihong mga leksiyon sa ubos.

Pangandam sa pagtudlo

Ang mosunod nga impormasyon mohatag nimog pipila ka ideya kon unsa ang imong kinahanglan nga andamon alang sa matag leksiyon.

Atong Responsibilidad sa Pakigsaad nga Ipakigbahin ang Ebanghelyo

Sugyot sa gipaspason: Pwede nimong ikonsiderar ang pagtudlo niini nga leksiyon sa halos samang higayon sa Leksiyon 121: “Isaias 49.” Ang Isaias 49 naglangkob sa mga panagna sa binhi ni Abraham nga nagtabang sa Ginoo nga matuman ang Iyang pakigsaad sa pagpundok sa Israel sa kataposang mga adlaw (tan-awa ang 1 Nephi 22:7–9).

Katuyoan sa leksiyon: Aron tabangan ang mga estudyante nga mapalawom ang ilang pagsabot bahin sa ilang responsibilidad sa pakigsaad nga ipakigbahin ang ebanghelyo ni Jesukristo ngadto sa uban.

Pagpangandam sa estudyante: Dapita ang mga estudyante nga mogahin og pipila ka minuto sa ilang personal nga pagtuon sa kasulatan nga pangitaon ang mga panalangin ug responsibilidad sa pakigsaad ni Abraham. Pwede nilang tun-an ang tudling sa doktrinal nga kahanas nga Abraham 2:9–11 o pangitaon ang “pakigsaad ni Abraham” diha sa Librarya sa Ebanghelyo. Panahon sa leksiyon, pwede nimo silang dapiton nga ipakigbahin ang mga butang nga ilang nakat-onan o ang ilang mga pangutana.
Mga aytem nga andamon: Upat ka sobre, nga ang kada usa naay label nga numero: 1, 2, 3, o 4; iprinta ang likod ug likod nga handout nga nag-ulohang “Ang mga banay sa yuta”; guntinga sa tulbok-tulbok nga linya, aron mahimo kining likod ug likod nga puzzle; gamita ang mga numero diha sa mga ulohan sa likod sa kada piraso, ibutang kini sa sobre nga anaay parehas nga numero.
Sulod nga ipakita: Mga instruksiyon nga tun-an sa mga grupo ang mga kasulatan ug mga pahayag sa likod sa mga piraso sa puzzle nga anaa sa ilang sobre
Bidyo: President Russell M. Nelson Introduces Preach My Gospel, Second Edition gikan sa time code 0:00 hangtod 0:55

Pagpakigbahin sa Ebanghelyo sa Natural nga mga Paagi

Sugyot sa gipaspason: Usa ka bahin niini nga leksiyon nagtudlo nga makatabang ang Ginoo sa mga estudyante sa ilang mga paningkamot nga ipakigbahin ang ebanghelyo sama sa Iyang gisaad nga tabangan si Jeremias. Pwede nimong ikonsiderar nga itudlo kini nga leksiyon sa panahon nga imong itudlo ang Leksiyon 130: “Jeremias 1.”

Katuyoan sa leksiyon: Aron tabangan ang mga estudyante sa pagpraktis sa pagpakigbahin sa ebanghelyo ni Jesukristo ngadto sa uban sa natural nga paagi.

Pagpangandam sa estudyante: Dapita ang mga estudyante nga mainampoong pamalandongan ang mga sitwasyon diin ilang mapakigbahin ang usa ka butang bahin sa Simbahan o sa ebanghelyo ingon nga bahin sa ilang normal nga pagpakig-istorya. Pwede usab nga hunahunaon sa mga estudyante kon unsaon kini paghimo sa pihong paagi ug mangita og mga kahigayonan sa paghimo niini.
Bidyo: “Yano nga mga Paagi sa Paghigugma, Pagpakigbahin, ug Pagdapit,” (2:50)
Sulod nga ipakita: Mga opsiyon para iisa sa mga estudyante ang gidaghanon sa ilang tudlo nga labing naghulagway sa ilang gibati bahin sa unsay gipakigbahin; usa ka salamin, pahayag gikan kang Elder Quentin L. Cook; mga instruksiyon para sa mga estudyante nga magpraktis sa ilang kahanas sa “kalidad sama sa salamin diha sa panag-istoryahanay”

Pagpili sa Pagserbisyo og Misyon

Katuyoan sa leksiyon: Aron tabangan ang mga estudyante nga mobati og tinguha sa pagserbisyo sa Ginoo ingon nga Iyang mga misyonaryo.

Pagpangandam sa estudyante: Dapita ang mga estudyante nga panguntan-on ang ilang kaila nga miserbisyo og usa ka misyon kon unsang mga panalangin ang ilang nakita nga gihatag sa Ginoo tungod sa ilang pagserbisyo. Pwede nila kining himoon sa personal, sa telepono, og sa text o email. Hangyoa sila nga mosulod sa klase nga andam ipakigbahin ang ilang nakat-onan.
Handout: “Mga Panalangin nga Ihatag sa Ginoo sa Iyang mga Misyonaryo”
Mga bidyo: “The Book of Mormon” (2:10); “Missions and Eternal Companions” (1:07); “Missions and Careers” (1:37); “Education” (1:44) (Pwede tingali usa o duha lang ang imong ipasalida nga gibati nimong labing makapainteres ang imong mga estudyante.)

Ang Tahas sa Espiritu Santo diha sa Misyonaryo nga Buhat

Katuyoan sa leksiyon: Aron tabangan ang mga estudyante nga suhiron ang mga paagi nga ang Espiritu makatabang kanila sa pagpakigbahin sa ebanghelyo ni Jesukristo ngadto sa uban.

Pagpangandam sa estudyante: Dapita ang mga estudyante nga pangutan-on ang nakabalik na nga misyonaryo nga ipakigbahin ang usa ka kasinatian dihang gitabangan sila sa Espiritu Santo sa ilang misyonaryo nga buluhaton. O pwedeng mamalandong ang mga estudyante sa ilang mga kasinatian dihang gitabangan sila sa Espiritu Santo sa pagpakigbahin sa ebanghelyo ngadto sa uban.
Mga aytem nga andamon: Usa ka buluhaton nga makompleto lang sa mga estudyante kon naay usa piho nga aytem, sama sa pagtangtang og screw gikan sa usa ka piraso nga kahoy gamit ang screwdriver
Sulod nga ipakita: Diha sa pirasara, isulat ang Ang Espiritu Santo makahimo sa … uban ang mosunod nga mga tudling: Moises 6:32, 34; 2 Nephi 33:1; Alma 17:3; 3 Nephi 28:11; Doktrina ug mga Pakigsaad 31:11
Bidyo: “Tuguti ang Balaang Espiritu nga mao ang Mogiya,” gikan sa time code 4:43 hangtod 5:59

Ang Kaimportante sa Pagkamasulondon sa Pagdala sa Uban ngadto ni Jesukristo

Sugyot sa gipaspason: Gigamit niini nga leksiyon ang asoy ni Daniel ingon nga ehemplo kon sa unsang paagi ang pagkamasulondon makatabang aron madala nato ang uban ngadto ni Kristo. Pwede nimong ikonsiderar nga itudlo kini nga leksiyon sa panaghon nga imong itudlo ang Leksiyon 145: “Daniel 6.”

Katuyoan sa leksiyon: Aron tabangan ang mga estudyante nga mailhan ang kaimportante sa pagkamasulundon sa pagbuhat sa buluhaton sa Manluluwas isip mga misyonaryo.

Pagpangandam sa estudyante: Dapita ang mga estudyante nga rebyohon ang pipila sa mga sumbanan para sa misyonaryo nga pagserbisyo nga naa sa Seksiyon 3 sa “Mga Sumbanan sa Misyonaryo alang sa mga Disipulo ni Jesukristo” sa Librarya sa Ebanghelyo. Ingon nga alternatibo, pwedeng istoryahon sa mga estudyante ang usa ka tawo nga nagserbisyo sa usa ka misyon ug pangutan-on kon unsang mga sumbanan sa misyon ang ilang nahinumdoman.
Sulod nga ipakita: Usa ka litrato sa misyonaryo; Mga Sumbanan sa Misyonaryo alang sa mga Disipulo ni Jesukristo; mga instruksiyon sa latid sa tulo ngadto sa lima ka minuto nga pakigpulong diha sa seksiyon nga nag-ulohan og “Ipakigbahin unsa ang imong nakat-onan”
Handout: “Ang Kaimportante sa Pagkamasulundon dihang Ipakigbahin ang Ebanghelyo ni Jesukristo” ug ang handout nga “Maghimo og Latid sa Leksiyon”