Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Ang Tahas sa Espiritu Santo diha sa Misyonaryo nga Buhat: “Bukha ang Imong Baba, ug Kini Mapuno”

“Ang Tahas sa Espiritu Santo diha sa Misyonaryo nga Buhat: ‘Bukha ang Imong Baba, ug Kini Mapuno,’” Manwal sa Magtutudlo sa Seminary sa Daang Tugon (2026)

“Ang Tahas sa Espiritu Santo diha sa Misyonaryo nga Buhat: ‘Bukha ang Imong Baba, ug Kini Mapuno,’” Manwal sa Magtutudlo sa Seminary sa Daang Tugon

Pagpangandam sa Misyonaryo: Leksiyon 199

Ang Tahas sa Espiritu Santo diha sa Misyonaryo nga Buhat

“Bukha ang Imong Baba, ug Kini Mapuno”

Bisag gisugo kita sa Langitnong Amahan nga ipakigbahin ang ebanghelyo ni Jesukristo ngadto sa uban, wala Siya magdahom nga himoon nato kini nga mag-inusara. Samtang makakat-on kita sa pag-ila ug pagsunod sa Espiritu, giyahan kita Niya sa atong misyonaryo nga mga pagpaningkamot. Kini nga leksiyon makatabang sa mga estudyante nga pangitaon ang mga paagi diin makatabang nila ang Espiritu sa pagpakigbahin sa ebanghelyo ni Jesukristo ngadto sa uban.

Pagpangandam sa estudyante: Dapita ang mga estudyante nga pangutan-on ang nakabalik na nga misyonaryo nga ipakigbahin ang usa ka kasinatian dihang gitabangan sila sa Espiritu Santo sa ilang misyonaryo nga buluhaton. O pwedeng mamalandong ang mga estudyante sa ilang mga kasinatian dihang gitabangan sila sa Espiritu Santo sa pagpakigbahin sa ebanghelyo ngadto sa uban.

Posibleng mga Kalihokan sa Pagkat-on

Importante ang Espiritu Santo

Ikonsiderar ang pagsugod sa klase pinaagi sa paghatag sa andam nga mga estudyante og buluhaton nga dili makompleto kon wala ang usa ka partikular nga aytem. Pananglitan, pwede kang magbutang og screw diha sa usa ka pirasong kahoy ug hangyoon ang estudyante nga tangtangon kini pero dili nimo siya hatagag himan aron makuha ni. Dayon, dihang dili makompleto sa estudyante ang buluhaton, hatagi sila sa gikinahanglan nga aytem, sama sa screwdriver.

Unsa ang pipila sa mga buluhaton nga dili mahimo kon wala ang usa ka piho nga aytem?

Agi og dugang sa mosunod nga pamahayag gikan ni Propeta Joseph Smith, pwede nimong ikonsiderar nga dapiton ang mga estudyante sa pagbasa sa Doktrina ug mga Pakigsaad 42:14, nga pangitaon ang susamang panginahanglan.

Basaha kini nga pamahayag gikan kang Propetang Joseph Smith (1805–44), nga pangitaon ang usa ka butang nga atong gikinahanglan aron epektibong mapakigbahin ang ebanghelyo ni Jesukristo.

Ang tanan mosangyaw sa Ebanghelyo, pinaagi sa gahom ug impluwensya sa Espiritu Santo; ug walay tawo nga makasangyaw sa Ebanghelyo kon wala ang Espiritu Santo. (Mga Pagtulun-an sa mga Presidente sa Simbahan: Joseph Smith, 402)

Sa imong hunahuna, nganong dili nato masangyaw ang ebanghelyo ni Jesukristo kon wala ang Espiritu Santo?

Sa inyong journal sa pagtuon, ilista ang kutob sa inyong mahunahunaan nga mga paagi diin makatabang nato ang Espiritu Santo sa pagsangyaw sa ebanghelyo.

Pasaligi ang mga estudyante nga OK ra kon dili kaayo daghan ang mahunahunaan nilang paagi. Hangyoa sila nga dugangan ang ilang listahan samtang magtuon niini nga leksiyon. Awhaga usab silang tinguhaon ang inspirasyon sa kon sa unsang paagi makatabang sa ilang kinabuhi ang Espiritu Santo karon ug sa umaabot.

Ang mga tahas sa Espiritu Santo

Tabangan kita sa Ginoo nga ipakigbahin ang Iyang ebanghelyo ngadto sa uban pinaagi sa pagpadala ngari kanato sa Espiritu Santo (tan-awa ang Doktrina ug mga Pakigsaad 79:1–2). Gitudloan kita sa mga kasulatan kon sa unsang paagi makatabang nato ang Espiritu Santo diha sa atong misyonaryo nga mga pagpanigkamot.

Sa dili pa magsugod ang klase, isulat diha sa pisara ang mosunod nga mga instruksiyon. Ikonsiderar ang pagsangon sa mga magkapares ang pagbasa sa lainlaing bersikulo.

Pwede nimong ipasabot sa mga estudyante nga usahay tawgon sa kasulatan ang Espiritu Santo og lainlaing ngalan. “Ang ubang ngalan nga itawag usahay ngadto sa Espiritu Santo mao ang Balaang Esipritu, Espiritu sa Dios, Espiritu sa Ginoo, Tighupay, ug Espiritu” (tan-awa ang Bible Dictionary, “Holy Ghost”).

Makatabang usab tingali ang pagpasabot nga ang “ilang” diha sa Alma 17:3 nagtumong sa mga anak ni Mosiah, ug ang “kanako” diha sa 3 Nephi 28:11 nagtumong kang Jesukristo.

Gamita ang mosunod nga mga kasulatan aron kompletohon ang pamahayag: Ang Espiritu Santo makahimo sa …

Moises 6:32, 34
2 Nephi 33:1
Alma 17:3
3 Nephi 28:11
Doktrina ug mga Pakigsaad 31:11
Pwede nimong dapiton ang mga estudyante nga isulat sa pisara kon giunsa nila pagkompleto ang pamahayag. Ila tingaling ihulagway ang mga tahas sa Espiritu Santo sama sa mosunod: Ang Espiritu Santo makahimo sa …
- Pagtabang nato kon unsay isulti (Moises 6:32, 34).
- Pagdala sa mensahe sa Ginoo ngadto sa mga kasingkasing sa uban (2 Nephi 33:1).
- Pagtabang nato nga magtudlo gamit ang gahom ug awtoridad sa Ginoo (Alma 17:3).
- Pagpamatuod sa Langitnong Amahan ug kang Jesukristo (3 Nephi 28:11).
- Pagtabang nato nga kon unsay himoon ug kon asa moadto (Doktrina ug mga Pakigsaad 31:11).
Human makasulat sa pisara ang mga estudyante, pwede nimo silang dapiton nga ipakigbahin ang dugang nga mga tahas sa Espiritu Santo samtang ipakigbahin nato ang ebanghelyo.

Pwede kang mangutana og parehas sa mosunod aron tabangan ang mga estudyante nga masabtan nga kinahanglan ang espirituwal nga buhat aron takos nga mahimong kompanyon sa Espiritu Santo.
Unsa nga aksiyon ang atong mahimo aron madawat ang pagkahimong kompanyon sa Espiritu Santo?

Pwedeng ipakigbahin sa mga estudyante ang mga butang nga sama sa kinasingkasing nga pag-ampo, makanunayon nga pagtuon sa kasulatan, pagtuman sa mga pakigsaad, ug pagtuman sa mga sugo sa Dios (tan-awa ang Isangyaw ang Akong Ebanghelyo: Usa ka Giya sa Pagpakigbahin sa Ebanghelyo ni Jesukristo [2023], 101).

Ang mosunod nga kasinatian gikan kang Elder Rasband makatabang sa mga etudyante nga makita kon sa unsang paagi kini nga mga tahas sa Espiritu Santo makatabang nato sa pagpakigbahin sa ebanghelyo sa Manluluwas. Imbes basahon ang istorya, pwede nimong ipasalida ang clip gikan sa “Tuguti ang Balaang Espiritu nga mao ang Mogiya,” gikan sa time code 4:43 hangtod 5:59, nga hunongon kini og kadiyot og kaduha o katulo kahigayon aron hisgotan kon asa nakita sa mga estudyante ang impluwensiya sa Espiritu Santo.

Basaha ang mosunod nga asoy gikan kang Elder Ronald A. Rasband sa Kurom sa Napulog Duha ka Apostoles, nga pangitaon kon asa nimo nakita ang impluwensiya sa Espiritu Santo sa kasinatian ni Elder Rasband sa pagpakigbahin sa ebanghelyo ni Jesukristo.

15:43

Usa ka init nga buntag sa Hulyo ang akong kompanyon ug ako naaghat nga mangita sa usa ka referral gikan sa Temple Square. Nanuktok kami sa pultahan sa balay ni Elwood Schaffer. Si Mrs. Schaffer matinahorong mibalibad kanamo.

Sa dayon niyang sira sa pultahan, mibati ko pagbuhat og butang nga wala pa gayod nako mabuhat sa una ug wala pa gayod mahimo sukad! Gibangil nako ang akong tiil sa pultahan ug nangutana, “Duna pa kahay lain nga tingali interesado sa among mensahe?” Ang iyang 16 anyos nga anak nga babaye, nga si Marti, dunay interes, ug kinasingkasing nga nag-ampo alang sa giya sa miagi lang gayod nga adlaw. Nakighimamat si Marti namo, ug sa wala madugay, ang iyang inahan miapil sa mga diskusyon. Silang duha nagpasakop sa Simbahan.

Agig resulta sa bunyag ni Marti, 136 ka tawo, lakip na ang kadaghanan sa kaugalingon niyang pamilya, ang nabunyagan ug mihimo og mga pakigsaad sa ebanghelyo. Mapasalamaton kaayo ko nga naminaw ko sa Espiritu ug mibangil sa akong tiil diha sa pultahan nianang init nga adlaw sa Hulyo. (“Tuguti ang Balaang Espiritu nga mao ang Mogiya,” Liahona, Mayo 2017, 94)

Sa unsang paagi nimo nakita ang impluwensiya sa Espiritu Santo diha sa kasinatian ni Elder Rasband?

Sa dili pa isukna ang mosunod nga mga pangutana, ikonsiderar ang pag-ingon og sama sa “Human nako ipangutana ang mosunod, hatagan ko kamo og 30 segundos aron mamalandong sa dili pa ninyo tubagon.” Isukna ang unang pangutana ug tan-awa ang relo o pag-ihap sa hilom sa dili pa magdapit og mga komento. Human makigbahin ang mga estudyante, usba ang parehas nga proseso para sa ikaduhang pangutana. Ang tuyong paghatag og panahon sa mga estudyante nga pamalandongan ang mga pangutana sa dili pa modapit og mga komento makadapit sa Espiritu Santo, nga maghatag og dugang kahigayonan sa mas daghang estudyante nga hunahunaon ang ilang tubag, ug sagad moresulta sa pagkadungog sa mga estudyante nga tingali dili kanunay nga mopakigbahin.
Kanus-a nga ikaw o ang imong kaila gitabangan sa Ginoo nga pagpakigbahin sa ebanghelyo ni Jesukristo sa tabang sa Espiritu Santo?
Kanus-a nimo gibati ang impluwensiya sa Espiritu Santo dihang naay mipakigbahin sa ebanghelyo diha nimo?

Pagtinguha sa Espiritu Santo samtang atong ipakigbahin ang ebanghelyo ni Jesukristo

Unsay pipila sa mga kahigayonan diin tingali ipakigbahin nimo ang ebanghelyo ni Jeskristo ngadto sa uban?

Ipakigbahin tingali sa mga estudyante ang mga butang nga sama sa dihang kwestiyonon sa usa ka higala ang ilang relihiyosong pagtuo, dihang ilang hupayon ang usa ka sakop sa pamilya, dihang magtudlo og leksiyon sa simbahan, dihang mag-post sa social media, ug uban pa. Samtang motubag ang mga estudyante, pwede nimong isulat sa pisara ang ilang mga tubag.

Ikonsiderar ang pagbahinbahin sa klase ngadto sa gagmayng mga grupo ug dapita sila nga kompletohon ang mosunod nga kalihokan. Pwedeng ipakigbahin sa mga estudyante ang usa ka kasulatan, sama nianang naa sa sinugdanan sa leksiyon, nga makatabang nila sa paghinumdom kon sa unsang paagi makatabang nila ang Espiritu Santo niini nga mga situwasyon.

Pagpili og duha ka sitwasyon diin tingali mapakigbahin kamo sa ebanghelyo ni Jesukristo ngadto sa uban. Hisgoti ang mosunod nga mga pangutana alang sa matag sitwasyon:

Sa unsang paagi nimo tinguhaon ug sundon ang impluwensiya sa Espiritu Santo niini nga situwasyon?
Sa unsang paagi tingali kamo tabangan sa Ginoo sa pagpakigbahin ang ebanghelyo ni Jesukristo niini nga situwasyon pinaagi sa Espiritu Santo?

Dapita ang mga sakop sa matag grupo nga ipakigbahin ang usa ka butang gikan sa ilang panaghisgot ingon nga grupo. Pwede nimong pangutan-on ang mga estudyante kon unsay nakatabang nila sa pagkat-on kon sa unsang paagi nakig-istorya nila ang Espiritu Santo. Ikonsiderar ang pagpakigbahin sa imong pamatuod sa kaimportante sa Espiritu Santo samtang atong ipakigbahin ang ebanghelyo ni Jesukristo.

Pwede nimong ipasabot sa imong mga estudyante nga ang Isangyaw ang Akong Ebanghelyo: Usa ka Giya sa Pagpakigbahin sa Ebanghelyo ni Jesukristo nagtudlo nga ang pagkat-on sa pag-ila sa impluwensiya sa Espiritu Santo mao ang “usa kini ka anam-anam nga proseso nga nagkinahanglan og makugihon, mapailobon nga paningkamot” (121). Awhaga sila nga magpailob samtang naningkamot kada adlaw sa pag-ila ug pagsalig sa Espiritu Santo. Sa ilang pagbuhat niini, mahimo silang lig-on nga misyonaryo diha sa kamot sa Ginoo.

Dugang nga mga Kapanguhaan

Sa unsang mga paagi diin makatabang nako ang Espiritu Santo samtang nagserbisyo sa Ginoo diha sa Iyang Simbahan?

Si Elder Quentin L. Cook sa Korum sa Napulog Duha ka Apostoles mitudlo:

Ang Espiritu Santo mohatag usab og pagpadayag diha sa atong mga calling ug mga buluhaton. Sa akong kasinatian, ang mahinungdanong espirituhanong giya kasagarang moabut kon maningkamot kita sa pagpanalangin sa uban diha sa pagtuman sa atong mga responsibilidad. …

Akong isiguro kaninyo nga ang mapadayagong giya mahimong madawat sa matag usa kanato samtang mapaubsanon kitang maghago diha sa ubasan sa Ginoo. (“Ang Panalangin sa Nagpadayon nga Pagpadayag ngadto sa mga Propeta ug sa Personal nga Pagpadayag aron sa Paggiya sa Atong Kinabuhi,” Liahona, Mayo 2020, 99)

Si Presidente Russell M. Nelson miingon:

Usa sa mga butang nga gibalik-balik sa Espiritu og sil-sil sa akong hunahuna sukad sa akong bag-o nga tawag isip Presidente sa Simbahan mao ang pagkaandam sa Ginoo nga mopadayag sa Iyang hunahuna ug kabubut-on. Ang pribilehiyo sa pagdawat og pagpadayag usa sa labing mahinungdanon nga mga gasa sa Dios ngadto sa Iyang mga anak. …

Hunahunaa ang ka milagro niana! Bisan unsa ang atong calling sa Simbahan, maka-ampo kita sa atong Langitnong Amahan ug makadawat og giya ug direksyon, mapahimangnuan mahitungod sa mga kakuyaw ug sa mga makabalda, ug makabuhat og mga butang nga dili gayud nato mahimo kon kita lang. Kon kita tinuoray nga modawat sa Espiritu Santo ug magkat-on sa pag-ila ug pagsabut sa Iyang mga pag-aghat, magiyahan kita sa mga sitwasyon nga dagko ug gagmay. (“Pagpadayag alang sa Simbahan, Pagpadayag alang sa Atong mga Kinabuhi,” Liahona, Mayo 2018, 95)

Unsaon nako pagkat-on kon sa unsang paagi ang Espiritu nakig-istorya kanako?

Ang Isangyaw ang Akong Ebanghelyo: Usa ka Giya sa Pagpakigbahin sa Ebanghelyo ni Jesukristo miingon:

Samtang ikaw magtinguha ug mosunod sa giya sa Espiritu Santo, ang imong abilidad sa pag-ila ug pagsabot sa Iyang mga pag-aghat molambo sa paglabay sa panahon (tan-awa sa 2 Nephi 28:30). Sa pipila ka paagi, ang pagkahimong mas mahaom ngadto sa pinulongan sa Espiritu sama sa pagkat-on og laing pinulongan. Usa kini ka anam-anam nga proseso nga nagkinahanglan og makugihon, mapailobon nga paningkamot. (Isangyaw ang Akong Ebanghelyo: Usa ka Giya sa Pagpakigbahin sa Ebanghelyo ni Jesukristo [2023], 121)

Asa ko makakat-on og dugang bahin sa Espiritu Santo ug sa Iyang tahas sa misyonaryo nga buhat?

Tan-awa ang “Kapitulo 4: Magtinguha ug Mosalig sa Espiritu” sa Isangyaw ang Akong Ebanghelyo: Usa ka Giya sa Pagpakigbahin sa Ebanghelyo ni Jesukristo.

Dugang nga mga Kalihokan sa Pagkat-on

Alternatibong pagsugod

Imbes gamiton ang leksiyon nga gigamitan og butang sa sinugdanan sa leksiyon, pwede nimong ipakita ang pamahayag gikan kang Propeta Joseph Smith pero pulihi og blangko ang duha ka paghisgot sa “Espiritu Santo”. Dapita ang mga estudyante nga ipakigbahin ang posibleng mga pulong nga pwedeng gamiton puli sa mga blangko. Pwede nilang ipasabot kon nganong para nila makatabang ang ilang mga tubag dihang magsangyaw sa ebanghelyo ni Jesukristo. Human makapakigbahin ang daghang estudyante, pwede nimong isulat ang “Espiritu Santo” diha sa mga blangko.

Gipalapad nga pagtuon bahin sa mga tahas sa Espiritu Santo

Base sa panginahanglan sa imong mga estudyante, pwede nimong gamiton ang bisan hain sa mosunod nga mga kasulatan ingon nga kapuli o dugang diha sa seksiyon nga nag-ulohang “Ang mga tahas sa Espiritu Santo.”

Paghatag nato og instruksiyon (Nehemias 9:20).
Paghupay nato, pagtudlo sa kamatuoran, ug pagtabang nato nga mahinumdom niadtong mga kamatuoran(Juan 14:26).
Paggiya nato sa kamatuoran (Juan 16:13).
Pagtabang nato nga mabati ang gugma sa Dios (Mga Taga-Roma 5:5).
Pagpamatuod sa unsa ang atong gipamatuod sa uban (Doktrina ug mga Pakigsaad 100:5–8).

Tabangi ang mga estudyante nga masabtan kon unsaon nga mabati ug mailhan ang Espiritu

Pwede kang mogahin og panahon sa pagtabang sa mga estudyante nga makaplagan ang lainlaing paagi diin nakig-istorya sa kada usa nato ang Espiritu. Timan-i: Pwede nimong irebyo ang Leksiyon 70: “1 Samuel 3,” nga nagpunting sa pagtabang sa mga estudyante nga mailhan ang tingog sa Ginoo. Ania ang duha ka opsiyon nga makatabang sa mga estudyante:

Ikaw o ang imong mga estudyante pwedeng mopilig usa o duha ka video gikan sa the koleksiyon sa bidyo nga “Hear Him,” diin gipakigbahin sa mga lider sa Simbahan ang mga kasinatian kon sa unsang paagi nila nadungog ang tingog sa Ginoo.
Pwedeng kompletohon sa mga estudyante ang kalihokan sa personal nga pagtuon nga anaa sa “Kapitulo 4: Magtinguha ug Mosalig sa Espiritu” sa Isangyaw ang Akong Ebanghelyo: Usa ka Giya sa Pagpakigbahin sa Ebanghelyo ni Jesukristo. Timan-i nga ang handout sa Leksiyon 70: “1 Samuel 3”” ang gipayano nga bersiyon niini nga kalihokan sa personal nga pagtuon sa Isangyaw ang Akong Ebanghelyo.