Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Pagpakigbahin sa Ebanghelyo sa Natural nga mga Paagi: Pagpakigbahin sa Ebanghelyo Mahimong Kabahin sa Inadlawng Pagpakabuhi

“Pagpakigbahin sa Ebanghelyo sa Natural nga mga Paagi: Pagpakigbahin sa Ebanghelyo Mahimong Kabahin sa Inadlawng Pagpakabuhi,” Manwal sa Magtutudlo sa Seminary sa Daang Tugon (2026)

“Pagpakigbahin sa Ebanghelyo sa Natural nga mga Paagi: Pagpakigbahin sa Ebanghelyo Mahimong Kabahin sa Inadlawng Pagpakabuhi,” Manwal sa Magtutudlo sa Seminary sa Daang Tugon

Pagpangandam sa Misyonaryo: Leksiyon 197

Pagpakigbahin sa Ebanghelyo sa Natural nga mga Paagi

Pagpakigbahin sa Ebanghelyo Mahimong Kabahin sa Inadlawng Pagpakabuhi

A young woman sits at a table and talks with a young man, who is holding a Book of Mormon open.

Ingon nga mga miyembro sa Simbahan sa Manluluwas, panalangin ug responsibilidad nato nga tabangan “ang tanan nga mga banay sa yuta pagapanalanginan, gani uban sa mga panalangin sa Ebanghelyo” (Abraham 2:11). Usahay, lisod tingali makakitag mga paagi nga ipaila ngadto sa uban ang ebanghelyo sa Manluluwas. Kini nga leksiyon makatabang sa mga estudyante sa pagpraktis sa pagpakigbahin sa ebanghelyo ni Jesukristo ngadto sa uban sa natural nga paagi.

Pagpangandam sa estudyante: Dapita ang mga estudyante nga mainampoong pamalandongan ang mga sitwasyon diin ilang mapakigbahin ang usa ka butang bahin sa Simbahan o sa ebanghelyo ingon nga bahin sa ilang normal nga pagpakig-istorya. Pwede usab nga hunahunaon sa mga estudyante kon unsaon kini paghimo sa pihong paagi ug mangita og mga kahigayonan sa paghimo niini.

Posibleng mga Kalihokan sa Pagkat-on

Pagpakigbahin sa imong giganahan

Ikonsiderar ang pagsugod sa leksiyon pinaagi sa pagdapit og duha o tulo ka estudyante nga ihulagway ang ilang paboritong bakasyon, pagkaon, o uban pa nga dili kaayo personal. Pwede pod nilang ipakigbahin kon nganong ilang irekomenda sa uban nga sulayan kini.

Ipakita ang mosunod nga opsiyon human mopakigbahin ang matag estudyante. Hangyoa ang klase nga iisa ang gidaghanon sa mga tudlo nga magpakita kon unsay ilang gibati bahin sa gipakigbahin.

Mas interesado na ko karon nga sulayan ang ilang gipakigbahin.
Medyo mas interesado na ko karon nga sulayan kini.
Wala mausab ang akong interes.

Pwede nimong ipasabot nga sayon tingali ang pagpakigbahin sa mga butang nga ganahan ta, bisan kon modesisyon ang uban nga dili sulayan ang atong gipakigbahin.

Sa imong hunahuna, sa unsang paagi kini nga kalihokan pwedeng magamit sa pagpakigbahin sa atong mga gituohan bahin sa Manluluwas ug sa Iyang Simbahan ngadto sa uban?
Gikan sa mahangtorong panglantaw, unsa ang pipila sa labing kaimportanteng mga pagtuo ang imong ipakigbahin ngadto sa imong mga higala ug pamilya? Ngano man?

Nganong mopakigbahin kita

Aron tabangan ang mga estudyante nga mailhan ang pipila sa mga panalangin gikan ni Jesukristo ug sa Iyang ebanghelyo nga gusto tingali natong ipakigbahin, ikonsiderar ang pagdapit sa gagmayng grupo nga tun-an ang mosunod nga mga tudling. Pwedeng tun-an sa kada estudyante sa grupo ang lainlaing bersikulo ug dayon ireport sa grupo unsa ang ilang nakaplagan.

Tun-i ang mosunod nga mga tudling, nga pangitaon kon nganong gusto nimong mailhan sa imong mga minahal ang kinabuhi sa Manluluwas.

Isaias 1:18

Isaias 25:4, 8–9

Isaias 40:28–31

Isaias 43:25

Isaias 54:10

Hain niini nga mga kamatuoran ang naghinamhinam kaayo ka nga ipakigbahin sa imong mga minahal sa kinabuhi? Ngano man?

Pagbuntog sa pagduhaduha

Pahibaloa ang mag estudyante nga natural ra nga makulbaan usahay dihang mopakigbahin sa ebanghelyo. Bisan ang maayo kaayong propeta sama kang Enoch (tan-awa ang Moises 6:27, 31) ug Jeremias kinahanglang buntogon ang pagduhaduha.

Basaha ang Jeremias 1:6, nga pangitaon kon unsay gibati ni Jeremias dihang gitawag siya aron tudloan ang mga tawo.

Ngano kaha nga ang mga tawo karon kinsa gusto kaayo nga modangop ngadto ni Jesukristo ang ilang mga minahal sa kinabuhi magduhaduha gihapon sa pagpakigbahin sa ebanghelyo ngadto kanila?

Basaha ang Jeremias 1:7–9, nga pangitaon ang tambag ug mga saad sa Manluluwas ngadto ni Jeremias.

Sa inyong hunahuna sa unsang paagi magamit nato ang mga pulong sa Manluluwas ngadto kang Jeremiah samtang atong ipakigbahin ang Iyang ebanghelyo?

Si Elder Dieter F. Uchtdorf sa Korum sa Napulog Duha ka Apostoles mihatag sa mosunod nga tambag nga makatabang usab nato sa pagbuntog sa pagduhaduha nga ipakigbahin ang ebanghelyo:

Bisan asa ka sa kalibotan, adunay daghang kahigayonan sa pagpakigbahin sa maayong balita sa ebanghelyo ni Jesukristo ngadto sa mga tawo nga imong mahimamat, ikauban sa pag-eskwela, ikauban sa pagpuyo, o katrabaho, o ikauban sa paglingawlingaw. …

Ang akong gihangyo mao nga kanunay mong mangita og mga kahigayonan sa paghisgot bahin sa inyong pagtuo sa natural ug normal nga pakig-istorya sa mga tawo—sa personal ingon man sa online. …

Sa bisan unsang paagi nga natural o normal para nimo, ipaambit sa mga tawo ngano nga si Jesukristo ug ang Iyang Simbahan importante para nimo. (“Misyonaryo nga Buhat: Pagpakigbahin sa Unsay Anaa sa Inyong Kasingkasing,” Liahona, Mayo 2019, 15, 17)

Unsaon nimo pag-summarize ang mga saad sa Ginoo ngadto ni Jeremias ug ang mga pagtulun-an ni Elder Uchtdorf ngadto sa usa ka simpleng pahayag sa kamatuoran?

Gamit ang mga pulong sa estudyante, pwede nimong isulat diha sa pisara ang kamatuoran nga sama sa mosunod: Makatabang nato ang Manluluwas nga ipakigbahin ang Iyang ebanghelyo sa natural ug normal nga mga paagi.

Ikonsiderar ang pagdapit sa mga estudyante nga hisgotan ang mosunod diha sa gagmayng mga grupo, dayon hangyoa ang pipila ka boluntaryo nga ipakigbahin ang ilang mga tubag ngadto sa klase.
Unsay kalainan sa pagpakigbahin sa ebanghelyo nga mobati og “natural ug normal” o sa pagbati og kabakikaw?
Naa ba kay mahunahunaan nga natural kaayong makig-istorya bahin sa ebanghelyo? Kon naa, giunsa nila ni paghimo?

Ang “kalidad sama sa salamin diha sa panag-istoryahanay”

Kini nga seksiyon sa leksiyon makatabang sa mga estudyante nga praktison ang usa ka paagi diin natural nga mahisgotan si Jesukristo ug ang Iyang ebanghelyo diha sa mga panag-istoryahay. Pwede nimong praktison ang lainlaing kahanas uban sa imong mga estudyante nga mas makatabang tingali kanila. Ikonsiderar ang paggunit og salamin ug pagpakita sa mosunod nga mga pamahayag.

Si Elder Quentin L. Cook sa Kurom sa Napulog Duha ka Apostoles mipasabot sa usa ka paagi diin makahimo ka og panag-istorya bahin sa mga hilisgotan sa ebanghelyo.

Nakaila ko og usa ka tawo nga migradwar sa BYU nga may talagsaong ehemplo. Siya mipasabut nga adunay kalidad sama sa salamin diha sa panag-istoryahanay. Kon kita maghisgut kabahin sa panahon, ang mga tawo motubag pinaagi sa paghisgut kabahin sa panahon. Kon kita maghisgut kabahin sa mga sport, sila motubag pinaagi sa paghisgut kabahin sa mga sport. Kini nga higala miingon nga siya nangutana sa mga tawo nga iyang nahimamat kabahin sa ilang eskwelahan ug maminaw pag-ayo. Human nila og tubag pinaagi sa pagpangutana kaniya kabahin sa iyang eskwelahan, siya mosulti kanila kabahin sa BYU ug dayon mopakigbahin sa iyang pagpamatuod sa ebanghelyo. Dayon, sa positibo nga paagi, siya motanyag kanila nga mas magkat-on pa gikan sa mga misyonaryo. Nagmalampuson kaayo siya sa pagpakigbahin sa ebanghelyo. (“How to Be a Member Missionary,” New Era, Peb. 2015, 48)

Unsaon nimo pagpasabot gamit ang “kalidad sama sa salamin diha sa panag-istoryahanay” aron mahisgotan ang ebanghelyo ngadto sa uban?

Hatagi og kahulogan

Aron tabangan ang mga estudyante nga mangandam sa pagpraktis niini nga kahanas, ipakigbahin ang mosunod ngadto kanila:

Ang pagsulti mahitungod sa bahin sa atong kinabuhi mahimong mobati nga mas natural kon mangutana una ni bisan kinsa mahitunogd sa samang butang sa ilang kinabuhi. Sa pagbuhat niini, pwede kang:

Mopili og usa ka butang nga bag-ohay lang nimong gibuhat o hapit nang buhaton aron moapil sa Simbahan ni Jesukristo o sa Iyang ebanghelyo.
Maghunahuna og pwedeng ipangutana ngadto sa usa ka tawo nga makapahimong mas natural para nimo ang ipakigbahin ang napili nimo bahin sa Simbahan sa Manluluwas o sa ebanghelyo.
Mangutana, maminaw pag-ayo sa ilang tubag, dayon ipakigbahin ang imong napili.

Pwede nimong hisgotan ang kaimportante sa kinasingkasing nga pagpaminaw sa dili pa kita moistorya bahin sa atong kaugalingon (tan-awa ang Isangyaw ang Akong Ebanghelyo: Usa ka Giya sa Pagpakigbahin sa Ebanghelyo ni Jesukristo, 221).

Modelo

Himoa ang “kalidad sama sa salamin diha sa panag-istoryahanay” pinaagi sa pagpangutana sa usa ka estudyante kung unsa ang ilang gibuhat sa niaging hinapos sa semana. Human sa kinasingkasing nga maminaw sa ilang tubag, sultihi sila bahin sa imong hinapos sa semana ug seguroa nga hisgotan nimo ang usa ka positibong butang bahin sa imong kasinatian sa simbahan.

Pwede pod nimong ipakigbahin ang mga ehemplo nga sama sa mosunod:

Pangutana, “Kumusta ang inyong buntag?” (Paminawa ang ilang tubag.) Dayon ipakigbahin ang sama sa, “Nindot kaayo akong kasinatian karong buntag sa pagtuon sa seminary …”

Pangutana, “Aduna ba kamoy giplanong himoon nga makalingaw karong semahana?” (Paminawa ang ilang tubag.) Dayon ipakigbahin ang sama sa, “Moadto mi sa akong pamilya sa templo karong Miyerkules sa gabii aron …”

Praktis

Dapita ang estudyante nga praktison kini nga kahanas. Depende sa nahibilin nga oras, pwedeng praktison sa mga estudyante ang kahanas uban sa daghang kapares, nga ipakigbahin ang lainlaing mga aspeto sa ebanghelyo sa ilang kinabuhi matag higayon. Awhaga sila nga mangitag higayon nga mag-istorya bahin sa Langitnong Amahan, ni Jesukristo, ug sa mga panalangin sa ebanghelyo. Makatabang tingali ang pagpakita sa mosunod nga mga lakang.

Pangandam sa pagpakigbahin sa ebanghelyo sa Manluluwas

Ikonsiderar ang pagpahinumdom sa mga estudyante nga ang kalamposan sa pagpakigbahin sa ebanghelyo wala magdepende kon dawaton ba sa uban ang mensahe sa Manluluwas. Ang kamatuoran nga kita naningkamot sa pagpakigbahin sa kahayag sa Manluluwas sa kanunay mao ang kalamposan.

Sa pagtapos sa klase, pwede nimong ipakita ang mosunod nga prompt ug dapiton ang mga estudyante nga irekord ang ilang mga hunahuna diha sa ilang journal sa pagtuon.

Basaha pag-usab ang Jeremias 1:7–9 ug pamalandongi kon sa unsang paagi ka tabangan sa Ginoo sa pagpakigbahin sa Iyang ebanghelyo. Dayon paggahin og pipila ka minuto nga hunahunaon ang mga situwasyon nga maanaa tingali ka karong semanaha diin mahisgotan nimo ang ebanghelyo ngadto sa uban. Mainampoong hangyoa ang Langitnong Amahan para sa Iyang tabang aron ilhon ang mga paagi diin natural nimong ikapakigbahin ang mensahe sa Manluluwas. Hinumdomi nga sama sa pagtabang sa Ginoo ngadto ni Jeremias, tabangan usab kamo Niya sa inyong mga paningkamot.

Dugang nga mga Kapanguhaan

Naa bay “hustong” paagi sa pagpakigbahin sa ebanghelyo ngadto sa usa ka tawo?

Si Elder Dale G. Renlund sa Korum sa Napulog Duha ka Apostoles mitudlo:

Ang pagpaambit sa gasa sa ebanghelyo mahimong mahisama sa pagkaon diha sa usa ka restawran. Usa ka dakong menu sa mga paagi nga magamit sa pagpaambit sa ebanghelyo o sa pagdapit sa uban sa pagbuhat og butang nga sa kataposan makapalig-on sa hugot nga pagtuo diha ni Jesukristo.

Walay usa nga kinahanglan mobuhat sa tanang butang.

Ang tanan kinsa andam makahimo og usa ka butang.

Walay usa nga kinahanglang mobuhat sa tanang butang nga sila dili mopili.

… Makapili kamo sa pagdapit sa uban sa pagkat-on mahitungod sa ebanghelyo ni Jesukristo sa mga paagi nga komportable ug natural lang kaninyo, gamit ang inyong kaugalingong mga talento ug mga abilidad. Sa kadugayan mahimong makita ninyo nga ang mga butang nga komportable mapalapdan. (“Pagpaambit sa Gasa sa Pasko,” Alang sa Kalig-on sa mga Kabatan-onan, Dis. 2021, 8)

Si Presidente Henry B. Eyring sa Unang Kapangulohan mitudlo:

Mainampingon ug mainampoon nakong gitun-an ang pipila kinsa talagsaon kamatinud-anon ug epektibong mga saksi sa Manluluwas ug sa Iyang Simbahan. …

Walay usa ra ka sumbanan sa unsay ilang gihimo. Walay usa ra ka teknik. Ang pipila kanunay magdala og Basahon ni Mormon aron ipanghatag. Ang uban magtakda og petsa aron mangita og usa ka tawo para tudloan sa mga misyonaryo. Nakita pod sa uban nga magamit ang mga pangutana aron mahibaloan ang tinuod nga mga pagbati bahin sa kon unsay labing importante sa kinabuhi sa usa ka tawo. Ang kada usa nag-ampo aron mahibalo sila og unsay himoon. Morag lainlain ang tubag sa matag usa nila, nga gipahaom ngadto kanila ug sa mga tawo nga ilang nakaila. (“A Child and a Disciple,” Ensign o Liahona, Mayo 2003, 30)

Unsa na man lang kon dili maayo og tubag ang uban sa akong mga paningkamot nga ipaambit ang ebanghelyo?

Si Elder Thierry K. Mutombo sa Seventy mitudlo:

Samtang imong ipakigbahin ang maayong balita, ang ebanghelyo ni Jesukristo, buhata kini uban sa gugma ug pailub. Kinahanglang dili kita manginlabot sa uban tungod lang kay nagdahom nga sa dili madugay magsul-ob sila og puti nga sinina aron mabunyagan. Ang uban kinsa moduol ug motan-aw, tingali dili gayud mopasakop sa Simbahan, ang uban mopasakop sa dugay pa nga panahon. Ila kanang pagpili. Apan dili kana makapausab sa atong gugma alang kanila. … Ang importante nga dili kamo moundang; padayon lang sa pagpaningkamot hangtod mainsakto kini. Ako mosaad kaninyo nga mahimo kamong mas malipayon ug mas masadyaon tungod sa inyong kada adlaw nga tinguha nga ipakigbahin ang inyong nahibaloan nga tinuod ngadto sa uban. (“Share the Gospel,” Liahona, Peb. 2022, digital lamang)

Dugang nga mga Kalihokan sa Pagkat-on

Alternatibo nga pagsugod sa leksiyon

Ikonsiderar ang pagpasalida sa bidyo nga “Good Things to Share” (2:21). Niini nga video, gitudlo ni Elder Bednar nga ang pagpakigbahin sa makahuloganon ug makatabang nga mga butang ngadto sa uban dili talagsaon.

2:21

Pwede nimong ilista diha sa pisara ang tubag sa mga estudyante sa mosunod nga pangutana:

Base sa mahangtorong panglantaw, unsa ang pipila sa labing importanteng butang nga ipakigbahin?

Mga paagi sa pagpakigbahin sa ebanghelyo sa natural ug normal nga mga paagi

Aron hatagan og ideya ang nga estudyante kon unsaon nila pagpakigbahin sa ebanghelyo sa natural ug normal nga mga paagi, ikonsiderar ang pagdapit nila nga maghunahuna sa pipila sa mosunod nga paagi:

Pangitag usa ka tudling sa kasulatan nga gusto nimong ipakigbahin sa uban. Ilista ang duha hangtod sa tulo ka paagi nga ilang mapakigbahin ang maong bersikulo ngadto sa uban.
Ilista ang lainlaing kahimtang nga naa ka karong semanaha sama sa trabaho, praktis sa team, o miting sa club. Paghunahuna og mga paagi diin mapaambit sa usa ka tawo ang ebanghelyo sa natural ug normal nga mga paagi sa kada kahimtang.
Hisgoti ang lainlaing paagi nga mapaambit ang ebanghelyo sa online. Paghimo og meme o post sa social media nga konektado sa ebanghelyo. Kon nahiangay, paggahin og pipila ka minuto para i-post ang mensahe karon.

Pwede usab nimong dapiton ang mga estudyante nga pangitaon ang seksiyong “Pagpakigbahin sa Ebanghelyo” sa Librarya sa Ebanghelyo para sa dugang ideya.

Pwede nimong ipasalida ang bidyo nga “I’ll Go Where You Want Me to Go” (5:45), nga nagpakita sa usa ka pamilya nga nagpaambit sa mensahe sa Manluluwas isip bahin sa ilang normal nga adlaw.

5:45

Pagpraktis sa pagpaambit sa ebanghelyo

Niay pipila ka ubang ideya nga pwedeng idrama-drama nga mahimong gamiton aron tabangan ang mga estudyante nga magpraktis sa pagpaambit sa ebanghelyo.

Ipakigbahin ang kinabag-ohang social media campaign sa Simbahan ngadto sa usa ka higala.
Hisgoti ang imong gihimo sa bag-ohay lang nga kalihokan sa kabatan-onan sa ward. Dayon pangutan-a sila kon gusto ba silang moapil sa sunod nga kalihokan.
Dapita ang usa ka tawo nga ipakigbahin ang kahulogan sa ilang apelyido. Hisgoti kon asa gikan ang apelyido sa imong pamilya ug ipakita ang imong family tree gamit ang family history app.
Handurawa nga gihangyo ka magpakigpulong sa simbahan. Dapita ang usa ka hiagala nga motambong ug maminaw sa imong pakigpulong.
Pangutan-a ang usa ka higala kon unsay ilang plano para sa summer. Dayon ipakigbahin kon nganong naghinamhinam ka para sa FSY nga komperensiya o kamping sa Simbahan nga imong tambongan.