Seminary
Pagpili sa Pagserbisyo og Misyon: Ang mga Panalangin sa Misyonaryo nga Pagserbisyo

“Pagpili sa Pagserbisyo og Misyon: Ang mga Panalangin sa Misyonaryo nga Pagserbisyo,” Manwal sa Magtutudlo sa Seminary sa Daang Tugon (2026)

“Pagpili sa Pagserbisyo og Misyon: Ang mga Panalangin sa Misyonaryo nga Pagserbisyo,” Manwal sa Magtutudlo sa Seminary sa Daang Tugon

Pagpangandam sa Misyonaryo: Leksiyon 198

Pagpili sa Pagserbisyo og Misyon

Ang mga Panalangin sa Misyonaryo nga Pagserbisyo

digital-lamang

Ang pagserbisyo og misyon para sa Ginoo mao ang usa ka talagsaon nga kahigayonan. Panalanginan sa Langitnong Amahan ang mga misyonaryo samtang sila nagserbisyo ug nagtudlo sa mga tawo diha sa ilang mga komunidad ug sa tibuok kalibotan. Bisan paman, lisod tingaling magdesisyon nga magserbisyo sa usa ka misyon. Kini nga leksiyon makatabang sa mga estudyante nga mobati og tinguha sa pagserbisyo sa Ginoo ingon nga Iyang mga misyonaryo.

Pagpangandam sa estudyante: Dapita ang mga estudyante nga panguntan-on ang ilang kaila nga miserbisyo og usa ka misyon kon unsang mga panalangin ang ilang nakita nga gihatag sa Ginoo tungod sa ilang pagserbisyo. Pwede nila kining himoon sa personal, sa telepono, og sa text o email. Hangyoa sila nga mosulod sa klase nga andam ipakigbahin ang ilang nakat-onan.

Posibleng mga Kalihokan sa Pagkat-on

Pagserbisyo sa full-time nga misyon

Ikonsiderar ang pagsugod sa klase sa paagi nga makatabang sa mga estudyante nga maghunahuna bahin sa pagserbisyo sa Ginoo ingon nga Iyang full-time nga mga misyonaryo. Pwede ninyong kantahon ang “Gitawag sa Pagserbisyo” (Mga Himno, num. 153) ug hangyoa ang mga estudyante nga ipakigbahin kon kinsay ilang kaila nga miserbisyo o nagserbisyo karon sa usa ka misyon ug kon asa. O pwede nimong hangyoon ang pipila ka estudyante nga magdalag hulagway sa usa ka tawo nga ilang kaila nga nagserbisyo sa Ginoo diha sa usa ka misyon.

  • Unsay gitudlo sa Ginoo bahin sa responsibilidad sa batan-ong mga lalaki ug batan-ong mga babaye nga magserbisyo ingon nga mga misyonaryo?

Samtang motubag ang mga estudyante, seguroa nga nasabtan nila ang mosunod.

Si Presidente Russell M. Nelson mitudlo:

Official portrait of President Russell M. Nelson taken January 2018

Ang Ginoo miawhag sa matag takos, makahimo nga batan-ong lalaki sa pagpangandam ug pagserbisyo sa misyon. … Alang kaninyo batan-on ug makahimo nga mga sister, ang usa ka misyon gamhanan usab, apan opsiyonal, nga oportunidad. (“Pagsangyaw sa Ebanghelyo sa Kalinaw,” Liahona, Mayo 2022, 6-7)

Apil niini ang mga misyon sa pagsangyaw ug mga pangserbisyo nga misyon.

Pwede nimong isulat diha sa pisara ang mosunod nga mga pangutana ug hangyoon ang daghang estudyante nga ipakigbahin ang ilang mga hunahuna sa bisan hain niini:

  • Unsay pipila ka rason kon nganong gustong moserbisyo og usa ka misyon ang usa ka tawo?

  • Unsay pipila ka rason kon nganong lisod ang pagpili nga moserbisyo og usa ka misyon?

Kon makatabang, ipasabot nga daghan usab ang nag-atubang og kabalaka. Pananglitan, dihang si Presidente M. Russell Ballard (128–2023) sa Kurom sa Napulong Duha ka Apostoles nakahukom nga moserbisyo og usa ka misyon, ang iyang mga ginikanan dili aktibo sa Simbahan (tan-awa ang “Misyonaryo nga Pagserbisyo Mipanalangin sa Akong Kinabuhi sa Kahangtoran,” Liahona, Mayo 2022, 8). Gipakigbahin ni Presidente Jeffrey R. Holland sa Kurom sa Napulog Duha ka Apostoles nga “walay tradisyon sa pagkamisyonaryo sa [iyang] pamilya” (tan-awa ang “My Mission Influence” [3:31] gikan sa time code 2:01 hangtod 2:16 nga anaa sa ChurchofJesusChrist.org). Ang amahan ni Elder Quentin L. Cook dili aktibo sa Simbahan ug giawhag ang iyang igsuong lalaki nga moeskwela sa medikal imbes moadto sa usa ka misyon (tan-awa ang “Pagkakabig ngadto sa Kabubut-on sa Dios,” Liahona, Mayo 2022, 54).

Paggahin og panahon sa pagsulat diha sa inyong journal sa pagtuon kon unsay inyong gibati bahin sa pagserbisyo og full-time nga misyon ug kon ngano.

Samtang tun-an ninyo kini nga leksiyon, tinguhaa ang giya gikan sa Ginoo nga motabang ninyo sa pagdesisyon kon moserbisyo ba kamo og full-time nga misyon ug kon unsaon pagtubag sa imong mga kabalaka.

Dihang atong sundon ang Ginoo

Basaha ang Deuteronomio 28:1–6, 9, nga pangitaon kon unsay gisaad sa Ginoo pinagi kang Moises kon atong buhaton ang Iyang gisugo kanato.

Dapita ang mga estudyante sa pagpakigbahin sa unsay ilang nakaplagan. Ikonsiderar ang paghangyo sa mga estudyante nga ipakigbahin ang mga ehemplo sa lainlaing klase sa mga panalangin nga gisaad sa Ginoo nga anaa niini nga mga bersikulo. Makatabang tingali ang pagkahibalo nga apil sa mga panalangin ang “daghang mga anak” (Deuteronomio 28:4).

  • Nganong makatabang ang pagkahibalo sa daghang lainlaing panalangin ang gisaad sa Ginoo kanato kon atong himoon ang Iyang gisugo?

  • Sa imong hunahuna, sa unsang paagi ang mga saad sa Ginoo niini nga mga bersikulo magamit sa atong pagkamasulundon sa pagserbisyo Kaniya ingon nga Iyang mga misyonaryo?

Si Presidente Russell M. Nelson mitudlo:

Official portrait of President Russell M. Nelson taken January 2018

Minahal nga batan-ong mga higala, ang matag usa kaninyo importante ngadto sa Ginoo. Siya migahin kaninyo hangtod niining higayona aron sa pagtabang sa pagpundok sa Israel. Ang inyong desisyon sa pagserbisyo og misyon, pangsangyaw man o pangserbisyo nga misyon, makapanalangin kaninyo ug sa daghan pang uban. (“Pagsangyaw sa Ebanghelyo sa Kalinaw,” Liahona, Mayo 2022, 6-7)

Ikonsiderar ang pagsulat diha sa pisara: Panalanginan kita sa Ginooug ang daghang uban dihang modesisyon kitang moserbisyo og usa ka misyon.

Ang pagsabot sa pipila sa mga panalangin nga gitanyag sa Dios makatabang sa atong desisyon nga moserbisyo og usa ka misyon.

Para sa sunod nga kalihokan, dapita ang mga estudyante nga ihanduraw nga sila mga full-time nga misyonaryo. Ikonsiderar ang pagparespares sa mga estudyante o paggrupo nila og tinagtulo nga mga Elder ug mga Sister. Pwedeng ipakigbahin sa mga estudyante sa usag usa kon unsay ilang ngalan unya diha sa usa ka misyon: Elder (apelyido) o Sister (apelyido). Pwede nimong ipasabot nga diha sa full-time nga misyon, dungan nga magtuon kada buntag ang managkompanyon nga misyonaryo.

icon sa seminary Pwedeng tun-an sa mga estudyante ang unod sa handout nga “Mga Panalangin nga Ihatag sa Dios sa Iyang mga Misyonaryo” para sa ilang pagtuon uban sa ilang kompanyon.

Basaha ang pipila o ang tanang kasulatan ug pahayag diha sa handout nga “Mga Panalangin nga Ihatag sa Dios sa Iyang mga Misyonaryo,” o pangitag dugang nga mga kasulatan o mga pahayag. Ikonsiderar ang pagmarka o paglingin sa mga panalangin nga makahuloganon para ninyo. Timan-i nga ihatag sa Ginoo kini nga mga panalangin atol ug human sa misyonaryo nga pagserbisyo.

digital-lamang

Para sa dugang nga mga panalangin sa pagserbisyo sa Ginoo ingon nga misyonaryo, ikonsiderar ang pagpasalida sa bidyo ni Presidente Jeffrey R. Holland ug Elder Quentin L. Cook sa Kurom sa Napulog Duha nga naghisgot sa usa sa mosunod nga mga panalangin:

Kini nga mga bidyo anaa tanan sa ChurchofJesusChrist.org.

Pwede usab idugang sa mga estudyante ang bisan unsang panalangin nga ilang nabantayan gikan sa pagpakigbahin sa ebanghelyo karon ug pamalandongan kon sa unsang paagi kini may kalabotan sa pagserbisyo og misyon sa umaabot.

Kon mahuman na og tuon ang mga estudyante, dapita ang managkompanyon nga himoon ang mosunod:

Pangandam og usa ka butang nga pwede nimong ipakigbahin ngadto sa usa ka tawo nga modesisyon kon moserbisyo ba siya sa Ginoo diha sa usa ka misyon. Apila ang dili moubos sa duha sa mosunod:

  • Usa o duha ka panalangin nga inyong nakat-onan nga ihatag sa Ginoo samtang moserbisyo kita og full-time nga misyon ug kon unsay inyong gibati bahin niini.

  • Usa ka ehemplo sa usa ka tawo nga imong kaila nga nakadawat og usa sa mga panalangin nga imong nailhan pinaagi sa ilang misyonaryo nga pagserbisyo.

  • Kon sa unsang paagi ang inyong nakat-onan makaapektar sa inyong tinguha sa pagserbisyo sa Ginoo ingon nga full-time nga misyonaryo.

  • Unsay inyong nakat-onan bahin sa Langitnong Amahan ug kang Jesukristo nga makatabang sa usa ka tawo nga modesisyon sa pagserbisyo og full-time nga misyon.

Human makapangandam ang mga estudyante, dapita ang matag kompanyon nga bahinon ang ilang mensahe sa duha. Sila ang mohukom kon asa nga bahin ang gusto nilang ipakigbahin. (Pananglitan, pwedeng ipakigbahin sa usa ang panalangin ug ang iyang gibati bahin niini, dayon pwedeng ipakigbahin sa lain ang ehemplo ug kon sa unsang paagi makatabang ang pagpunting ngadto sa Langitnong Amahan ug ni Jesukristo.) Ikonsiderar kon mas epektibo ba nga daghang managkompanyon ang mopresentar sa atubangan sa klase, o kon mas maayong ipresentar nila kini sa usag usa diha sa gagmayng mga grupo. Kon diha sa gagmayng mga grupo sila magpresentar, pwede kang mangutana pagkahuman kon unsay makahuloganon para nila nga ilang nadungog gikan sa usa ka tawo o sa ilang gipresentar mismo.

Imong desisyon

Paggahin og panahon sa pagpiyong sa inyong mata ug hunahunaa ang bahin sa Langitnong Amahan. Hinumdomi ang Iyang gugma para ninyo. Young women, ihanduraw kon unsay Iyang bation samtang nagtinguha kamo nga mahibalo sa Iyang kabubut-on bahin sa pagserbisyo og misyon. Young men, hunahunaa kon unsay ipahimo sa Langitnong Amahan kaninyo karon aron maandam kamo nga mahimong epektibong misyonaryo o aron matubag ang bisan unsa nga imong gikabalak-an bahin sa pagserbisyo.

Tinguhaa ang tabang sa Langitnong Amahan samtang inyong isulat sa inyong journal sa pagtuon ang inyong nakat-onan o kon unsay gusto Niya nga inyong hinumdoman gikan niini nga leksiyon samtang inyong pamalandongan ang pagserbisyo sa Ginoo isip full-time nga misyonaryo.

Ikonsiderar ang pagdapit sa pipila ka estudyante nga ipakigbahin ang ilang nakat-onan o gibati niini nga leksiyon. Idugang usab ang imong mga hunahuna ug pamatuod.