Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Ang Kaimportante sa Pagkamasulundon sa Pagdala sa Uban ngadto ni Kristo: Pagkamasulundon sa Misyonaryo nga Buhat

“Ang Kaimportante sa Pagkamasulundon sa Pagdala sa Uban ngadto ni Kristo: Pagkamasulundon sa Misyonaryo nga Buhat,” Manwal sa Magtutudlo sa Seminary sa Daang Tugon (2026)

“Ang Kaimportante sa Pagkamasulundon sa Pagdala sa Uban ngadto ni Kristo: Pagkamasulundon sa Misyonaryo nga Buhat,” Manwal sa Magtutudlo sa Seminary sa Daang Tugon

Misyonaryo nga Pagpangandam: Leksiyon 200

Ang Kaimportante sa Pagkamasulondon sa Pagdala sa Uban ngadto ni Jesukristo

Pagkamasulundon sa Misyonaryo nga Buhat

Sister missionaries teaching family outside in Bolivia

Ang pagpili nga masulundon tungod kay gimahal nato ang Langitnong Amahan ug si Jesukristo maoy importanteng bahin sa atong mortal nga panaw (tan-awa ang Juan 14:15). Ang atong personal nga pagkamasulondon labing importante kon kita nagrepresentar sa Manluluwas nga si Jesukristo isip mga miyembro sa Iyang Simbahan ug isip mga full-time nga mga misyonaryo. Kini nga leksyon makatabang sa mga estudyante nga mailhan ang kaimportante sa pagkamasulundon sa pagbuhat sa buluhaton sa Manluluwas isip mga misyonaryo.

Pagpangandam sa estudyante: Dapita ang mga estudyante nga rebyohon ang pipila sa mga sumbanan para sa misyonaryo nga pagserbisyo nga naa sa Seksiyon 3 sa “Mga Sumbanan sa Misyonaryo alang sa mga Disipulo ni Jesukristo” sa Librarya sa Ebanghelyo. Ingon nga alternatibo, pwedeng istoryahon sa mga estudyante ang usa ka tawo nga nagserbisyo sa usa ka misyon ug pangutan-on kon unsang mga sumbanan sa misyon ang ilang nahinumdoman.

Posibleng mga Kalihokan sa Pagkat-on

Mga sumbanan sa misyonaryo

Ikonsiderar ang pagsugod sa leksiyon pinaagi sa pagpakitag hulagway sa usa ka misyonaryo ug ang kapanguhaan Mga Sumbanan sa Misyonaryo alang sa mga Disipulo ni Jesukristo gikan sa ChurchofJesusChrist.org. Pwede nimong ipasabot sa mga estudyante nga ang mga misyonaryo gilaoman nga mosunod sa piho nga mga sumbanan samtang sila nagrepresentar sa Manluluwas.

Unsa ang pipila sa mga sumbanan nga gilaoman nga sundon sa mga misyonaryo?

Kon gikinahanglan, pwede nimong ipakigbahin ang pipila sa mga sumbanan sa misyonaryo nga gilista sa ubos, gikan sa imong kaugalingong kasinatian, o sa uban nga naa sa Seksiyon 3 o Seksiyon 7 sa Mga Sumbanan sa Misyonaryo alang sa mga Disipulo ni Jesukristo gikan sa ChurchofJesusChrist.org. Pwede nimong ipasabot nga ang mga misyonaryo gilaoman usab nga mosunod sa tambag sa ilang mga lider sa misyon samtang sila ang nagdumala sa buluhaton sa Ginoo diha sa pagkamatarong.

Pipila sa mga sumbanan sa misyonaryo:

Magmabination, positibo, ug madasigon.
Magkuyog permi sa imong kompanyon.
Likayi ang mga sitwasyon nga posibleng delikado sa pisikal ug espirituwal. Ayaw paggamit og mga power tool, pag-operate og dagkong makina, o mosakay sa mga tractor, mga trailer, o mga truck bed.
Likayi ang mga TV, mga pelikula, mga video game, ug dili awtorisadong mga bidyo.
Kutob ra paglamano ang imong pisikal nga paggunit niadtong dili nimo parehas og sekso.

Ngano kahang lisod tingaling tumanon ang pipila niini nga mga sumbanan para sa usa ka misyonaryo? Nganong importante nga sundon kini sa mga misyonaryo?

Pwede nimong dapiton ang pipila ka estudyante nga ipakigbahin ang usa ka ehemplo sa misyonaryo nga ilang kaila, mga sumbanan nga gisugo sila sa pagtuman, ug kon sa unsang paagi gipanalanginan sila sa Manluluwas tungod sa ilang paningkamot.

Personal nga pagkamatarong ug pagkamasulundon

Pwede nimong ipakigbahin ang mosunod nga pahayag gikan kang Elder Soares aron tabangan ang mga estudyante nga ilhon ang kamatuoran bahin sa koneksiyon sa pagkamasulundon ug misyonaryong buhat.

Samtang namulong ngadto sa mga misyonaryo, si Elder Ulisses Soares sa Kurom sa Napulog Duha ka Apostoles mitudlo:

Ang personal nga pagkamatarong maoy usa sa labing importanteng kwalipikasyon aron mahimong representante sa Manluluwas diha sa kalibotan. Maghimo pod nato kining kwalipikado aron makauban nato ang Espiritu sa Ginoo. …

Kon pilion natong dili magmasulundon, dili nato marepresentahan ang Manluluwas sa hustong paagi, dili pod kita ubanan sa Espiritu sa Ginoo. … Aron mahimong positibong impluwensiya sa kinabuhi sa mga indibiduwal nga imong gitudloan, kinahanglang anaa nimo ang Espiritu sa Ginoo. …

Kon motuman ka uban ang andam nga kasingkasing, imong gipakita sa Ginoo nga andam kang mosunod Niya,sa imong gugma alang Kaniya ug sa atong Langitnong Amahan. Mas modako ang imong espirituwal nga pag-uswag. Mas mailhan nimo ang Manluluwas, ug makapausab kini sa imong panglangtaw sa imong misyon ug sa imong kinabuhi. (Scott Tayler, “Obedience Is Critical for Missionaries to Fulfill Their Responsibilities, Elder Soares Teaches,”newsroom.ChurchofJesusChrist.org, Mar. 29, 2021)

Unsay atong makat-onan gikan kang Elder Soares bahin sa kaimportante sa pagkamasulundon?

Pwedeng gamiton sa mga estudyante ang kaugalingon nilang mga pulong sa pag-ila sa kamatuoran nga sama sa ang personal nga pagkamatarong ug pagkamasulundon maghimo natong kwalipikado nga representante sa Manluuwas ug makauban nato ang Espiritu.

Makatabang tingali ang pagpasabot nga ang pagkamasulundon naglakip sa pagtuman sa atong pakigsaad sa Langitnong Amahan ug kang Jesukristo. Ang pagkamasulundon maoy importanteng bahin sa personal nga pagkamatarong ug usa ka ekspresyon sa gugma ngadto sa Langitnong Amahan ug ni Jesukristo (tan-awa ang Juan 14:15).
Unsang mga panalangin nga inyong nakita nga gihatag sa Langitnong Amahan ug ni Jesukristo sa usa ka tawo tungod sa pagpaningkamot nga tumanon Sila?
Sa unsang paagi ninyo nakita kini nga mga panalangin diha sa kinabuhi nimo o niadtong imong nailhan?

Paggahin og panahon nga mainampoong ikonsiderar ang inyong kasamtangang mga paningkamot nga mahimong masulundon sa Langitnong Amahan ug kang Jesukristo. Dapita ang Espiritu Santo nga tabangan kang mailhan ang mga butang diin miuswag na ka o tingali nagkinahanglang ipahiangay aron mas mapakita nimo Kanila ang imong gugma ug madala ang uban ngadto Kanila.

Matinud-anon nga pagkamasulundon diha sa misyonaryo nga buhat

Aron tabangan ang mga estudyante nga makita kon sa unsang paagi ang pagkamasulundon makatabang nato sa pagdala sa uban ngadto ni Kristo, ikonsiderar ang paghisgot sa asoy sa impluwensiya ni Daniel kang Hari Dario gikan sa Daniel 6. Natun-an na tingali sa mga estudyante kini nga asoy diha sa Leksiyon 145: “Daniel 6.” Pwede nimong i-summarize sa daklit ang istorya gamit ang mosunod nga parapo.

Bisan og naulipon sa Babilonia ug Persia, matinud-anong nagserbisyo sa Ginoo si Daniel. Gusto ni Hari Dario si Daniel “labaw sa tanan nga mga presidente ug mga prinsipe” sa iyang gingharian “kay ang labing maayong espiritu diha [kang Daniel],” (Daniel 6:3). Tungod sa paningkamot aron daoton si Daniel sa panglantaw ni Hari Dario, ang ubang mga presidente nagplano nga papilion si Daniel sa iyang pagkamaunongon tali ni Hari Dario batok sa pagkamaunongon sa Dios. Ilang gipugos si Dario nga magpakanaog og mando nga idili ang pag-ampo ngadto sa Dios o sa bisan kinsang tawo gawas lamang kang Dario, ug silotan og kamatayon diha sa langob sa mga leyon ang mosupak (tan-awa ang Daniel 6:4–9). Bisan makuyaw, gipakita ni Daniel nga andam siyang magmasulundon pinaagi sa padayong pag-ampo ngadto sa Dios. Dihang gisumbong ang mga pag-ampo ni Daniel, nagduhaduha si Dario nga motugot nga itambog siya sa langob sa mga leyon.

Basaha ang Daniel 6:18–28, nga pangitaon ang epekto ngadto ni Hari Dario sa pagkamasulundon ni Daniel sa Ginoo.

Unsay imong nadiskobrehan?
Sa unsang paagi ang atong mga paningkamot nga tumanon ang Ginoo anaay positibong epekto ngadto sa panglantaw sa uban sa Langitnong Amahan ug kang Jesukristo?

Ipakigbahin ang imong nakat-onan

Paghimo og latid nga pwedeng gamiton sa paghatag og tulo hangtod sa lima ka minuto nga pakigpulong bahin sa kaimportante sa pagkamasulundon sa dihang ipakigbahin ang ebanghelyo ni Jesukristo ngadto sa uban.

Iapil sa imong latid ang dili moubos sa tulo sa mosunod.

Usa ka kasulatan bahin sa pagkamasulundon ug kon unsaon kini paggamit aron ipakigbahin ang ebanghelyo ni Jesukristo.
Usa ka ehemplo gikan sa kinabuhi o pagtulun-an ni Jesukristo nga makatabang sa usa ka tawo nga naningkamot nga mahimong masulundon.
Modernong ehemplo sa kaimportante sa pagkamasulundon ug kon sa unsang paagi panalanginan sa Langitnong Amahan ug ni Jesukristo ang atong mga paningkamot.
Usa ka mubong kinutlo gikan sa lider sa Simbahan nga naghatag og gibug-aton sa pagpaningkamot nga mahimong masulundon ug ang mga panalangin sa paghimo sa ingon.
Ang inyong personal nga mga pagbati kon nganong importante ang pagkamasulundon kon kita morepresentar sa Manluluwas isip miyembro sa Iyang Simbahan ug isip Iyang mga misyonaryo.

Pwede nimong ihatag sa mga estudyante og ikaduhang handout niini nga leksiyon aron maorganisar ang latid para sa ilang pakigpulong. Pwede nilang iapil ang ulohan diha sa unang kahon, yanong pasiuna sa ilang pakigpulong diha sa ikaduha, ang tulo ka butang nga sila nakahukom nga iapil gikan sa listahan sa ibabaw diha sa sunod nga tulo ka kahon, ug ang ilang pamatuod diha sa kataposang kahon.

Human mahimo sa mga estudyante ang ilang latid, pwede silang makigtinabangay sa ilang pares para praktison o palamboon ang ilang pakigpulong. Pwede nimong dapiton ang mga estudyante nga andam ipakigbahin ang ilang pakigpulong ngadto sa klase. Dili tingali komportable ang pipila ka estudyante nga makigbahin og kusog. Pwede nimo silang awhagon nga dad-on sa balay ang ilang latid ug tudloan ang usa ka sakop sa pamilya o usa ka higala.

Ikonsiderar ang pagpakigpahin sa imong pamatuod sa kaimportante sa personal nga pagkamatarong samtang mahimo kitang mga representante sa Manluluwas ug sa Iyang ebanghelyo ngadto sa uban.

Dugang nga mga Kapanguhaan

Sa unsang paagi ang pagmentinar sa atong mga sumbanan nagpakita sa atong gugma sa Ginoo?

Si Elder Gary E. Stevenson sa Korum sa Napulog Duha ka Apostoles mitudlo:

Ang paghigugma sa Ginoo sa kasagaran masukod sa inadlaw-adlaw nga ginagmayng buhat, mga lakang padulong sa dalan sa pakigsaad: para sa mga batan-on, paggamit sa social media sa pagsuporta kay sa mosaway; pagbiya sa party, sa sine, o kalihokan diin mahagit ang mga sumbanan; pagpakita og balaang pagtahod alang sa mga butang nga sagrado. (“Pagsumpay sa Duha ka Dagkong Sugo,” Liahona, Mayo 2024, 105)

Nganong importante ang pagkat-on sa pagkamasulundon samtang nangandam kita sa pagpakigbahin sa ebanghelyo ngadto sa uban?

Samtang namulong ngadto sa bag-ong mga misyonaryo, si Elder David A. Bednar sa Korum sa Napulog Duha ka Apostoles mipahinumdom nila:

Ang pagkamasinupakon maoy pagrebelde batok sa Dios ug sa Iyang mga katuyoan ug mohimo kanato nga mopalayo gikan sa impluwensiya sa Espiritu Santo. … Dili kita biyaan sa Espiritu Santo; hinoon, pinaagi sa pagkamasinupakon atong gitangtang ang atong kaugalingon gikan sa impluwensiya sa Espiritu Santo. (Scott Tayler, “7 Lessons Elder Bednar Has Learned About Obedience Over Past 50 Years,”newsroom.ChurchofJesusChrist.org, Hunyo 27, 2022)

Si Elder Larry S. Kacher sa Seventy mitudlo:

10:20

[S]amtang kita mopadayon ngadto sa tinuod nga hugot nga pagtuo diha ni Jesukristo ang atong panghunahuna magsugod sa pagka-usab. Kita makaamgo nga ang pagkamasulundon ug hugot nga pagtuo diha sa Manluluwas makapasarang nato sa pagbaton sa Iyang Espiritu kanunay nga mag-uban nato. Ang pagkamasulundon dili na makahasol, apan mahimo na nga usa ka tumong. Makaamgo kita nga ang pagkamasulundon ngadto sa mga sugo sa Dios makapahimo kanato nga masaligan Kaniya. Uban niining Iyang pagsalig moabot ang palambo sa kahayag. Kini nga kahayag mogiya sa atong panaw sa kinabuhi ug motugot kanato nga mas klaro nga makita ang dalan nga angay natong subayon. (“Hagdanan sa Hugot nga Pagtuo,” Liahona, Mayo 2022, 25) (time code 4:05 hangtod 4:39)

Dugang nga mga Kalihokan sa Pagkat-on

Ang mga panalangin sa masulundong misyonaryo nga pagserbisyo

Makatabang tingali para sa mga estudyante nga gamiton ang mga senaryo aron tabangan sila sa pag-ila kon sa unsang paagi ang atong mga matarong nga mga pagpili makaapektar sa atong abilidad sa pagpakigbahin sa ebanghelyo sa Manluluwas ngadto sa uban. Ikonsiderar ang paghatag sa mosunod nga senaryo o butang nga parehas.

Ingon nga mga misyonaryo, sila Sister Kelly ug Sister Shepherd nahibalo nga ang curfew sa ilang misyon 9:00 p.m., pero gusto nilang makig-uban sa usa ka pamilya nga ilang gitudloan hangtod 9:30.
Gikapoy na pag-ayo si Elder Pratt nga momata sa normal nga oras sa misyonaryo nga 6:30 a.m. Para niya mas lagsik siya sa tibuok adlaw kon mas taas ang iyang tulog.
Ang mga balaod sa misyon miingon nga dili pwedeng moadto sa baybayon ang mga misyonaryo. Bisan pa, giimbitar sa mga miyembro sa lokal nga branch sila Elder Miller ug Elder Smith aron mailaila ang pipila sa ilang mga silingan nga nangutana bahin sa Simbahan ug moadto sa party sa baybayon.

Pwede nimong parespareson ang mga estudyante aron hisgotan ang senaryo nga ilang napili. Pwedeng gamiton sa mga estudyante ang kutay sa mensahe sa text aron makahimog panag-istorya. Pwedeng handurawon sa mga etudyante ang tawo sa senaryo nga nangayo sa ilang tambag. Pwede silang maghimo og panag-istorya, nga ipakigbahin ang ilang nakat-onan bahin sa pagkamasulundon ug sa misyonaryo nga buhat.

Maayo o dili kaayo maayo

Human marebyo ang pipila sa mga sumbanan sa misyon, makabenepisyo tingali ang mga estudyante nga hisgotan kon unsay ipasabot sa pagkamasulundon sa misyon. Aron mahimo kini, pwede nimong ipasalida ang “Kaluwasan sa Adlaw sa Pagpangandam,” gikan sa time code 1:58 hangtod 6:15. Pwede nimong ihunong kadiyot human mapakita ang matag misyonaryo nga buhat ug dapiton ang mga estudyante nga tubagon ang pagdapit sa tigdumala nga ilhon kon maayo o dili kaayo maayo ang mga kalihokan.

16:41

Ang pagkamasulundon nagpasabot nga ilhon nato ang mga sayop, maghinulsol, ug maningkamot pag-usab

Kon naglisod ang mga estudyante nga mobati nga masaligon nga sila mahimong masulondon, o nabalaka sila nga wala pa sila mapasaylo sa ilang mga sayop sa una, pwede nimong ipakigbahin sa ang bidyo nga “Nabag-o Pinaagi sa Gugma ni Jesukristo” (2:26). Pwede nimong ipasabot nga kon kinasingkasing kitang maningkamot nga himoon ang atong labing maayo, bisan og makahimo kita og sayop, kita mapasaylo pinaagi sa Pag-ula sa Manluluwas. Ikonsiderar ang pagdapit sa mga estudyante sa pagsulat og mubong entry sa journal nga nagpahayag sa ilang kaandam nga padayong maningkamot nga magmasulundon, lakip ang sugo nga maghinulsol kon sila makahimo og sayop.

2:27