Jeremias 1

Aron matabangan ang mga estudyante sa pagkat-on nga ang Langitnong Amahan nakaila nila ug nga Siya adunay balaanong katuyoan alang kanila, dapita sila sa paghunahuna sa mosunod nga sitwasyon. (Mahimo nimong ipahiangay ang sitwasyon aron mas mohaom sa imong mga estudyante. Pananglitan, pwedeng usa ka magtutudlo nga mohagit kanila sa pagkuha og piho nga grado sa usa ka lisod nga klase.)

Ipakita ang mosunod nga pagsukod sa kaugalingon aron tabangan ang mga estudyante nga makapamalandong kon unsa ka hingpit nga nakaila ang Langitnong Amahan ug si Jesukristo kanila ug sa ilang balaanong katuyoan. (Hinumdomi: Ang mga estudyante mahimong dapiton nga motan-aw og balik niini nga pagsukod sa kaugalingon diha sa Leksiyon 148: “Sukda ang Imong Nakat-onan 9.”)

Dapita ang mga estudyante sa paghatag og pagtagad sa mga panghunahuna ug mga pagbati gikan sa Espiritu Santo samtang magkat-on pa sila mahitungod sa ilang balaanong katuyoan.

Aron tabangan ang mga estudyante nga maka-relate kang Jeremias, mahimo kang mangutana nila kon unsay ilang bation kon ang Ginoo mohangyo nila sa pagbuhat og usa ka butang nga lisod, sama sa pagpamulong diha sa simbahan, pagtudlo og leksiyon, pagserbisyo og usa ka mission, ug uban pa.

Tingali ingon usab niana ang gibati ni Jeremias dihang gitawag siya sa Ginoo sa pagserbisyo isip usa ka propeta sa gingharian sa Juda. Ang mga estudyante mahimong interesado nga makahibalo nga si Jeremias nanagna sa Jerusalem sa samang panahon ni Lehi (tan-awa sa 1 Nephi 7:14).

Samtang nagpakigbahin ang mga estudyante, tabangi sila nga sa wala pa kita matawo, ang Ginoo nakaila na kanato ug mihatag kanato og piho nga mga responsibilidad nga buhaton sa mortalidad.

Ikonsiderar ang pagdapit sa mga estudyante sa pagpangutana og bisan unsa nga ilang pangutana kabahin niini nga kamatuoran. Kon mangutana sila og mga pangutana nga dili pa klarong gitubag sa Ginoo, pasalamati sila sa ilang mahunahunaong mga pangutana, apan pagmatngon nga dili mangagpas sa mga tubag.

Ang mga pamahayag nga anaa sa Dugang nga mga Kapanguhaan mahimong makatabang sa pagtubag sa mga pangutana sa mga estudyante.

Alang sa mga ehemplo sa uban nga gitawag aron mohimo og piho nga mga responsibilidad sa mortalidad, mahimong basahon sa mga estudyante ang usa o dugang pa sa mosunod: Lucas 1:13–17, 1 Nephi 11:14–20, Mosiah 3:5–10, Doktrina ug mga Pakigsaad 138:53–56.

Base sa mga pangutana ug mga panginahanglan sa mga estudyante, pagpili og usa o dugang pa sa mosunod nga tulo ka seksiyon sa leksiyon nga gibati nimo nga labing makatabang kanila.

Alang sa mosunod nga pagtuon sa mga kasulatan, pwede nimong dapiton ang katunga sa klase nga markahan ang tambag nga gihatag sa Ginoo ug ang laing katunga sa pagmarka sa mga saad nga gihimo sa Ginoo. Dayon, papangitaa ang mga estudyante og kapares nga nagmarka og laing butang nga ipakigbahin.

Dayon, hisgoti ang pangutana sa ubos isip usa ka klase.

Aron matabangan ang mga estudyante nga mobati og tinguha aron makat-on ug motuman sa ilang balaanong katuyoan, pwede ninyong tan-awon ang “Ang Pinili nga Henerasyon,” nga anaa sa ChurchofJesusChrist.org, gikan sa time code 5:43 hangtod 7:14. Nagpakita kini kon sa unsang paagi napanalanginan ang usa ka batan-ong lalaki pinaagi sa pagkahibalo sa iyang balaanong katuyoan.

11:24

Dapita ang mga estudyante nga maghunahuna diha sa gagmayng mga grupo sa daghang lainlaing mga tubag sa mosunod nga pangutana kutob sa ilang mahimo sulod sa duha ka minuto. Dayon, dapita sila sa paghimo og lista diha sa pisara sa mga ideya nga ilang nahimo.

Mahimong mopakigbahin ang mga estudyante sa mga tubag sama sa pagbasa sa patriyarkal nga mga panalangin, pag-ampo, personal nga pagpadayag, pakigtambag sa mga minahal, ug motuman sa mga calling.

Ikonsiderar ang pagpakita sa mosunod nga pamahayag. Dapita ang matag grupo sa pagpili og usa sa upat ka sugyot ni Elder Pingree ug hisgoti kon sa unsang paagi nga ang pagsunod niana nga sugyot makatabang sa usa ka ten-edyer nga makasabot sa balaanong mga responsibilidad nga gihatag kanila sa Langitnong Amahan.

Aron matabangan ang mga estudyante sa pagpakigbahin sa unsay ilang nakat-onan ug gibati karon, dapita sila sa paghimo sa mosunod. Awhaga ang mga estudyante sa pagsunod sa bisan unsang mga pag-aghat nga ilang nadawat gikan sa Espiritu Santo samtang buhaton nila kini.

Pwede nimong tabangan ang mga estudyante sa pagsag-ulo sa pakisayran sa doktrinal nga kahanas ug sa mahinungdanong hugpong sa mga pulong sa kasulatan atol niini nga leksiyon ug dayon pagrebyo niini sa umaabot nga mga leksiyon. Ang mahinungdanong hugpong sa mga pulong sa kasulatan sa Jeremias 1:4–5 mao ang, “Sa wala pa ikaw buhata nako diha sa tiyan … gitudlo ko ikaw nga manalagna alang sa mga nasod.” Ang mga ideya alang sa mga kalihokan sa pagsag-ulo anaa sa mga materyal sa apendiks ubos sa “Mga Kalihokan sa Pagrebyo sa Doktrinal nga Kahanas.”