Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Jeremias 2–3: “Bumalik Ka … Kay Ako Maloloy-on man, Nagaingon ang Ginoo”

“Jeremias 2–3: ‘Bumalik Ka … Kay Ako Maloloy-on man, Nagaingon ang Ginoo,’” Manwal sa Magtutudlo sa Seminary sa Daang Tugon (2026)

“Jeremias 2–3: ‘Bumalik Ka … Kay Ako Maloloy-on man, Nagaingon ang Ginoo,’” Manwal sa Magtutudlo sa Seminary sa Daang Tugon

Jeremias 1–3; 7; 16–18; 20: Leksiyon 131

Jeremias 2–3

“Bumalik Ka … Kay Ako Maloloy-on man, Nagaingon ang Ginoo”

Susama sa karon, ang kalibotanong mga impluwensiya sa panahon ni Jeremias kusganon. Daghan sa katawhan sa Ginoo ang wala na mituo sa Iyang mga pagtulun-an ug sa umaabot mabuntog na sa ilang mga kaaway. Bisan pa sa ilang kadaotan, si Jeremias gipadala aron sa pagtudlo nga ang Dios midapit gihapon nila nga modangop Kaniya ug mamaayo. Kini nga leksiyon makatabang sa mga estudyante nga madugangan ang ilang tinguha nga mobalik ngadto sa Manluluwas alang sa kaluoy ug pagkaayo.

Pagpangandam sa estudyante: Dapita ang mga estudyante sa pagpangita sa kasulatan nga nagtudlo mahitungod sa mga panalangin sa paghinulsol. Pwede sila nga mangandam sa pagpakigbahin nganong kadto nga mga panalangin makahuluganon ngadto kanila.

Posibleng mga Kalihokan sa Pagkat-on

Mga atabay nga walay tubig

Aron matabangan ang mga estudyante nga makasabot sa kahimtang sa mga tawo sa panahon ni Jeremias, ipasabot nga ang Ginoo kanunay nga nagtabang kanato nga makita ang espirituhanong mga kamatuoran pinaagi sa pagtandi niini ngadto sa mga butang nga pamilyar nato.

Ikonsiderar ang pagdala sa klase og usa ka pitsel sa tubig, usa ka planggana o dako nga panaksan, ug usa ka tasa nga dunay pipila ka gagmay nga buslot sa ilawom.

Iisa ang pitsel sa tubig samtang basahon sa mga estudyante ang mosunod nga bersikulo.

Basaha ang Jeremias 2:13, nga mangita og titulo sa Manluluwas nga ang tubig mahimong nagrepresentar. (Ang “atabay” mao ang usa ka dapit ilalom sa yuta nga gihimo aron sa pagpundo og tubig.)

Unsa ang matudlo kanato sa titulo nga “ang tuburan (o tubod) sa mga tubig nga buhi” mahitungod ni Jesukristo?

Mahimong ipakigbahin sa mga estudyante ang mga butang nga si Jesus usa ka padayon nga tinubdan sa paglimpyo ug espirituhanong pagpuno.

Dapita ang usa ka estudyante sa paggunit sa tasa ibabaw sa planggana (aron maseguro nga dili mayabo ang tubig) ug sa pagbu-bô og gamayng tubig gikan sa pitser ngadto sa tasa. Mahimong makatabang sa mga estudyante nga tan-awon pag-usab ang bersikulo 13 sa dili pa mangutana og usa o duha sa mosunod nga mga pangutana.
Unsa kaha ang girepresentar sa pagbu-bô sa tubig ngadto sa tasa gikan niini nga bersikulo?
Unsa ang matudlo kanato sa mga buslot diha sa atabay mahitungod sa espirituhanong kahimtang sa mga tawo sa panahon ni Jeremias?

Ipakigbahin ngadto sa mga estudyante nga ang mga tawo sa panahon ni Jeremias nagtinguha sa mga butang sa kalibotan, sama sa mini nga mga dios-dios kaysa sa Ginoo, alang sa katuyoan ug kalig-on sa ilang kinabuhi.

Pamalandongi sa makadiyot kon unsa ka tinuod ang imong pagdangop ngadto ni Jesukristo alang sa katuyoan ug kalig-on sa imong kinabuhi. Sa imong pagtuon karon, magmahimong sensitibo sa mga impresyon o mga pagbati gikan sa Espiritu Santo mahitungod sa pagdangop ngadto sa Manluluwas kaysa ubang mga tinubdan alang sa mga panalangin ug pagkaayo.

Mibati nga layo sa Langitnong Amahan ug ni Jesukristo

Aron tabangan ang mga estudyante nga makonektar sa mosunod nga senaryo, ikonsiderar ang pagpakita og hulagway sa usa ka batan-on sama sa usa nga gipakita. Dapita ang mga estudyante sa paghunahuna og ngalan ug pipila ka detalye mahitungod niya.

Hunahunaa nga dunay usa ka batan-ong lalaki sa inyong klase sa seminary nga mibati nga ang iyang kinabuhi sama sa guba nga atabay tungod sa dili maayo nga mga pagpili nga iyang nahimo sa miagi. Mibati siya nga layo sa Langitnong Amahan ug ni Jesukristo ug dili malaomon nga mas moarang-arang ang mga butang.

Basaha ang Jeremias 3:12–15, 22, nga mangita og mga deskripsiyon ni Jesukristo nga kining batan-on makabenepisyo gikan sa pagsabot. (Makatabang tingali nga masayod nga ang “maluibon” niini nga mga bersikulo nagpasabot sa walay pagtuo o walay tumong.)

Ikonsiderar ang pagsulat sa mosunod nga dili kompleto nga pamahayag diha sa pisara. Dapita ang mga estudyante sa pagpakigbahin og mga paagi aron makompleto ang pamahayag gamit ang mga pulong o mga hugpong sa mga pulong gikan sa mga bersikulo.

Alang niadtong kinsa naghinulsol ug midangop ngadto sa Ginoo, Siya …”

Ang mga tubag tingali maglakip sa “pagkamaluloy-on,” “dili magtipig og kaligutgot,” (bersikulo 12), “dad-on ko kamo ngadto sa Zion,” (bersikulo 14), “hatagan ko kamo og mga pangulo (mga lider) nga masinugtanon kanako ug magdumala sila kaninyo uban sa kahibalo ug kaalam,” (bersikulo 15), “pagaayohon ko ang inyong mga kasaypanan,” (bersikulo 22), ug uban pa.

Makatabang tingali ang paggahin og pipila ka oras sa paghisgot sa bisan unsang mga hugpong sa mga pulong gikan niini nga mga bersikulo nga adunay mga pangutana ang mga estudyante. Dapita ang mga estudyante sa pagrekord diha sa ilang mga journal sa pagtuon og usa o duha ka hugpong sa mga pulong nga sa ilang hunahuna makatabang sa batan-ong lalaki diha sa senaryo aron masabtan ang mahitungod ni Jesukristo. Makabaton og kahigayonan ang mga estudyante sa pagpakigbahin sa unsay ilang pilion unya.

Ang kaluoy sa Langitnong Amahan ug ni Jesukristo

Aron matabangan ang mga estudyante nga madugangan ang ilang pagsalig sa tinguha sa Ginoo sa pagpanalangin ug pag-ayo niadtong kinsa modangop ngadto Kaniya, mahimo nimong ipakigbahin ang mosunod nga pamahayag.

Si Elder Dieter F. Uchtdorf sa Korum sa Napulog Duha ka Apostoles nagtudlo sa mosunod mahitungod sa tinguha sa Langitnong Amahan ug ni Jesukristo sa pag-ayo niadtong kinsa naghinulsol:

Kinsa sa atoa ang wala mibiya gikan sa dalan sa pagkabalaan, nasayop sa paghunahuna nga makakaplag kita og dugang nga kalipay sa pagsunod sa atong nakasentro sa kaugalingon nga paagi?

Kinsa kanato ang wala mobati nga napaubos, nagmasulub-on, ug nagkinahanglan kaayo og kapasayloan ug kaluoy?

Tingali ang uban naghunahuna gani, “Posible pa ba gayod nga mobalik? Ako ba nganlan sa kahangtoran, isalikway, ug likayan sa akong kanhi nga mga higala? Dili ba mas maayo nga magpabilin lang nga nahisalaag? Unsay reaksiyon sa Dios kon maningkamot ko nga mobalik?”…

Ang atong Langitnong Amahan modagan paingon kanato, Iyang kasingkasing naghingapin sa gugma ug kapuangod. …

Ako mosaksi nga sa higayon nga kamo modesisyon nga mobalik ug maglakaw diha sa pamaagi sa atong Manluluwas ug Manunubos, ang Iyang gahom mosulod sa inyong kinabuhi ug mousab niini. (“Ang Nahisalaag ug ang Dalan Nga Makapabalik Kanato sa Dios,” Liahona, Nob. 2023, 88)

Isulat sa inyong journal ang mga panabot nga inyong naangkon gikan niini nga pamahayag nga makapanalangin sa batan-ong lalaki diha sa senaryo. Kamo adunay kahigayonan sa pagpakigbahin niini unya.

Panapos

Ang mosunod nga kalihokan mahimong usa ka maayong oportunidad sa mga estudyante nga mobati nga ang Espiritu Santo nagpamatuod sa unsay ilang giistorya ug unsay ilang nadungog gikan sa laing mga estudyante.

Ikonsiderar ang pagpakita sa mosunod nga mga instruksiyon. (Ang unang punto sa ubos naghatag sa mga estudyante og kahigayonan sa pagpakigbahin sa unsay ilang gibuhat alang sa ilang pagpangandam isip estudyante sa dili pa ang klase.)

Pangandam sa pagpakigbahin sa unsay imong isulti sa batan-ong lalaki diha sa senaryo pinaagi sa pagrebyo sa imong gisulat sa inyong journal. Ikonsiderar usab ang pag-apil sa mosunod:

Usa ka butang gikan sa laing kasulatan o istorya sa kasulatan nga nagpakita sa mga panalangin sa paghinulsol (Mahimo ninyong pangitaon ang paghinulsol sa Giya ngadto sa mga Kasulatan.)

Ang imong mga pagbati mahitungod sa gugma ug tinguha sa Manluluwas sa pagtabang sa tanan nga modangop ngadto Kaniya

Human sa igong panahon sa pagpangandam sa mga estudyante, dapita sila sa pagpakigbahin sa ilang mga hunahuna kauban ang kapares o gagmay nga grupo.

Sa higayon nga ang mga estudyante adunay kahigayonan sa pagpakigbahin, tingali mahimo kang motapos sa leksiyon pinaagi sa pagdapit sa pipila ka boluntaryo sa pagpakigbahin sa ilang mga tubag sa mosunod nga pangutana.

Unsay inyong nakat-onan o gibati karon nga nakaimpluwensiya sa inyong tinguha nga modangop sa Manluluwas alang sa Iyang kaluoy ug pagkaayo?

Dugang nga mga Kapanguhaan

Unsa nga mga panalangin ang moabut tungod sa pagdangop ngadto ni Jesukristo?

Si Elder Neil L. Andersen sa Korum sa Napulog Duha ka Apostoles mitudlo:

13:26

Pinaagi sa pagpunting sa atong atensiyon ngadto kang Jesukristo, ang tanang ubang butang nga nagpalibot kanato—samtang ania pa—makita pinaagi sa atong gugma alang Kaniya. Ang dili kaayo mahinungdanong makalipat nga mga butang mag-anam og kawala, ug atong mapalayo kanang mga butang nga dili angay sa Iyang kahayag ug kinaiya. Samtang magpadayon kamong mabinantayon sa paghupot niini nga panumdoman ni Jesukristo, mosalig Kaninya, ug mosunod sa Iyang mga sugo, mosaad ko kaninyo dili lamang sa langitnong giya apan sa langitnong gahom—gahom nga magdala og kusog sa inyong mga pakigsaad, kalinaw sa inyong mga kalisod, ug kamaya sa inyong mga panalangin. (“Ang Akong Hunahuna Mihupot Niini nga Panumdoman mahitungod ni Jesukristo,” Liahona, Mayo 2023, 93)

Unsa kaha kon morag nahisalaag ka pag-ayo?

Si Elder Dieter F. Uchtdorf sa Korum sa Napulog Duha ka Apostoles mipakigbahin:

14:31

Bisan unsa pay nahitabo sa inyong kinabuhi, ako mosubli ug mopahayag sa mga pulong sa akong minahal nga higala ug isig ka Apostol nga si Elder Jeffrey R. Holland: “Imposible nga ang mahangtorong kahayag sa [maulaon nga sakripisyo] ni Kristo dili moabot [kanimo].”

Bisan tingali ang mga pagpili mipalayo gayod kanimo gikan sa Manluluwas ug sa Iyang Simbahan, ang Gamhanan nga Tig-ayo nagbarog diha sa dalan nga makapabalik kanato sa Dios, nag-abiabi kanimo. Ug kita isip mga miyembro sa Simbahan ni Jesukristo nagtinguha sa pagsunod sa Iyang ehemplo ug mohangop kanimo isip atong mga igsoon, isip atong mga higala. Kami nagmaya ug nagsaulog uban kanimo. (“Ang Nahisalaag ug ang Dalan Nga Makapabalik Kanato sa Dios,” Liahona, Nob. 2023, 88)

Si Presidente Jeffrey R. Holland sa Korum sa Napulog Duha ka Apostoles mipahayag:

Ang tanan diha sa ebanghelyo nagtudlo kanato nga pwede kitang mausab kon kinahanglan nato, nga kita matabangan kon tinuod nga gusto kita niini, nga kita mahimong mamaayo, bisan unsa pa ang mga problema sa nangagi. (“He Hath Filled the Hungry with Good Things,” Ensign, Nob. 1997, 66)

Dugang nga mga Kalihokan sa Pagkat-on

“Mga butang nga walay kapuslanan” (Jeremias 2:8, 11)

Agig sumpay sa pagtuon sa Jeremias 2:13, mahimo nimong ipaila sa mga estudyante ug markahan ang hugpong sa mga pulong nga “mga butang nga walay kapuslanan” ug “niadtong walay kapuslanan” sa Jeremias 2:8, 11. Mahimo nimong dapiton ang mga estudyante sa pagbasa sa mosunod nga pamahayag gikan ni Presidente Nelson, nga mangita kon sa unsang paagi may kalabotan kini sa mga pagtulun-an ni Jeremias:

18:43

[A]nia ang dakong kamatuoran: samtang ang kalibotan moinsister nga ang gahom, kabtangan, kainila, ug kagana sa unod makahatag og kalipay, kini dili mohatag og kalipay! Kini dili makahatag og kalipay! Kini walay ikahatag gawas sa haw-ang nga puli alang sa “bulahan ug sa malipayon nga kahimtang” niadtong [kinsa] “naghupot sa mga sugo sa Dios.”

Ang kamatuoran mao nga mas labaw nga makakapoy ang pagpangita og kalipay diin kamo dili gayod makakita niini! Hinoon, kon kamo makigtambayayong ni Kristo ug sa pagbuhat sa espirituhanong buhat nga gikinahanglan sa pagbuntog sa kalibotan, Siya, ug Siya lamang, ang adunay gahom sa pagtabang ninyo sa pagbuntog sa mga tentasyon niini nga kalibotan. (“Buntoga ang Kalibotan ug Pangita og Kapahulayan,” Liahona, Nob. 2022, 96–97)

Unsa ang mga ehemplo sa mga butang nga gipangita sa mga tawo nga kalipay diin dili kini makit-an? Sa unsang paagi kaha kana sama sa usa ka guba nga atabay?
Sa unsang paagi kamo o ang uban nga inyong kaila makakaplag og hingpit nga kalipay sa pagsunod sa Manluluwas?

Dangop sa Ginoo

Usahay, ang mga kasulatan mogamit og mga hugpong sa mga pulong nga atong gituohan nga masabtan sa mga estudyante, apan wala sila makasabot. Tingali mahimong makatabang ang pagseguro nga masabtan sa mga estudyante kon unsaon nila nga “makabalik” ngadto ni Jesukristo (tan-awa sa Jeremias 3:12, 22). Usa ka paagi nga imo kining mabuhat mao ang pagdapit kanila sa pagpangita og usa ka kasulatan nga nagtudlo mahitungod sa pagdangop ngadto sa Ginoo. Pipila sa mga ehemplo naglakip sa 2 Nephi 31:20; Enos 1:2–4; Moroni 7:16; ug Doktrina ug mga Pakigsaad 11:12.

Mahimo dayong dapiton ang mga estudyante sa pagpakigbahin sa unsay ilang nakit-an ug sa unsang paagi makatabang kini sa usa ka tawo nga modangop o mobalik ngadto sa Ginoo.

Ang ehemplo sa kaluoy ug gugma sa Ginoo

Isip alternatibo sa mga panig-ingnan nga bidyo diha sa leksiyon, mahimo nimong ipakita ang “Wheelz: Overcoming is Possible.” Dapita ang mga estudyante nga pangitaon kon sa unsang paagi kini nga istorya nahimong panag-ingnan sa unsay gitudlo sa Ginoo sa Jeremias 3:12–15, 22.

7:13